VITAPROST tabletkalari 20mg N20

Vitaprost^® prostata beziga organotrop ta'sirga ega. Prostata bezining shishi, leykotsitar infiltratsiyasi darajasini kamaytiradi, epitelial hujayralarning sekretor funktsiyasini normallashtiradi, acinuslar sekretida letsitin donachalari sonini oshiradi, qovuq mushak tonusini rag'batlantiradi. Prostata bezida mikrosirkulyatsiyani tromb hosil bo'lishini kamaytirish, antiagregant faollik hisobiga yaxshilaydi, prostata bezida venulalar trombozi rivojlanishiga to'sqinlik qiladi.

Klinik tadqiqotlar ma'lumotlariga asoslanib, Vitaprost^® prostata bezi hajmini o'rtacha darajada kamaytirishi isbotlangan. Preparat prostata bezining xavfsiz giperplaziyasida obstruktiv va irritativ simptomatika yaqqolligini kamaytiradi, bu siydik oqimining maksimal va o'rtacha hajmli tezliklarining oshishi va qoldiq siydik hajmining kamayishida namoyon bo'ladi.

Klinik tadqiqotlar ma'lumotlari Vitaprost^® preparatini qo'llash surunkali abakterial prostatitning zo'rayishi rivojlanish ehtimolini kamaytirishini, qonning klinik va biokimyoviy tahlili, siydik umumiy tahlili ko'rsatkichlarida o'zgarishlarni keltirib chiqarmasligini isbotladi. Vitaprost^® preparatini surunkali abakterial prostatit zo'rayishini oldini olish uchun qo'llash samaradorligi shifokor-tadqiqotchilar baholariga ko'ra 97,5% ni tashkil qiladi.

Vitaprost^® prostata bezi sekreti va eyakulyat parametrlarini normallashtiradi. Prostatit keltirib chiqargan og'riq va noqulaylikni kamaytiradi, dizurik hodisalarni bartaraf etadi, kopulyativ funktsiyani yaxshilaydi.

Juda kam hollarda – allergik reaksiyalar.

Agar yuqorida ko'rsatilgan nojo'ya ta'sirlardan birortasi kuchaysa yoki Siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.

Dozani oshirib yuborish

Preparat dozasini oshirib yuborish holatlari haqida xabar berilmagan.

Surunkali prostatitni va prostata bezidagi operativ aralashuvlardan oldingi va keyingi holatlarni davolash majmuaviy bo'lishi, Vitaprost^® tabletkalarini tayinlash bilan bir qatorda boshqa guruh dori preparatlarini va nomedikamentoz davolash usullarini qo'llashni nazarda tutishi kerak.

Avtomobil va mexanizmlarni boshqarish qobiliyatiga ta'siri

Avtomobil va boshqa mexanizmlarni boshqarish qobiliyatiga ta'sir qilmaydi.

Preparat komponentlariga gipersezuvchanlik. Laktaza yetishmovchiligi, saxaraza/izomaltaza yetishmovchiligi, laktozaga toqat qilolmaslik, fruktozaga toqat qilolmaslik, glyukoza-galaktoza malabsorbsiyasi (preparat laktoza va saxaroza saqlaydi).

Agar Siz har qanday boshqa preparatlarni qabul qilayotgan bo'lsangiz, davolashni boshlashdan oldin shifokor bilan maslahatlashing.

Boshqa dori vositalari bilan o'zaro ta'sir yoki nomutanosiblik holatlari ta'riflanmagan.

Ichishga, 1 tabletkadan kuniga 2 marta.

Vitaprost^® preparati bilan davolash kursi davomiyligi prostata bezining xavfsiz giperplaziyasida – kamida 30 kun, surunkali prostatitda – kamida 10 kun.

Surunkali prostatit zo'rayishining oldini olish uchun 1 tabletkadan kuniga 2 marta kamida 30 kun davomida – yiliga 1-2 marta qo'llaniladi.