ZINERIT poroshok

Preparat tarkibiy qismlarining kompleks bog'lanishi faol moddalarning
teriga yaxshi kirib borishini ta'minlaydi. Rux asosan
follikulyar epiteliy bilan bog'lanadi va tizimli qon oqimiga so'rilmaydi.
Eritromitsinning oz qismi tizimli
taqsimlanishga uchraydi va keyinchalik organizmdan chiqariladi.

Zinerit - eritromitsin-rux majmuasi. Yallig‘lanishga
qarshi, mikroblarga qarshi va
komedonolitik ta’sir ko‘rsatadi.
Eritromitsin husnbuzar toshmasini chaqiruvchi mikroorganizmlar:
Propionibacterium acne va Streptococcus
epidermidis ga bakteriostatik ta’sir qiladi. Rux yog‘ bezlari sekreti ishlab chiqarilishini kamaytiradi,
burishtiruvchi ta’sir ko‘rsatadi.

Mahalliy reaksiyalar: ba'zida preparat surtilgan joyda achishish hissi,
ta'sirlanish, teri qoplamalarining qurishi yuzaga kelishi mumkin
(odatda, bu holatlar kuchsiz ifodalangan va preparatni bekor
qilishni va/yoki simptomatik terapiya o'tkazishni talab qilmaydi).

Boshqa makrolidlarga, linkomitsin, klindamitsinga kesishgan rezistentlik rivojlanishi ehtimolini hisobga olish kerak.
Ko'zga, og'iz bo'shlig'i va burun shilliq qavatiga tushishidan saqlanish kerak (ta'sirlanish yoki kuyish bo'lishi mumkin).

- eritromitsin va boshqa makrolidlarga yuqori sezuvchanlik;
- ruxga yuqori sezuvchanlik.

Hozirgi vaqtgacha Zineritning boshqa dori preparatlari bilan klinik ahamiyatli
o'zaro ta'sirlari aniqlanmagan.

Sirtga. Ilova qilingan applikator yordamida Zinerit terining zararlangan joyiga
sutkasiga 2 marta yupqa qatlam qilib surtiladi: ertalab (makiyaj
qilishdan oldin) va kechqurun (yuvingandan keyin). Preparatni tayyorlangan eritma flakonini pastga qaratib,
yengil bosish orqali surtish kerak. Eritmani surtish tezligi applikatorni teriga bosish kuchi bilan
boshqariladi. Taxminiy bir martalik doza - 0,5 ml. Qurigandan so'ng
eritma ko'rinmas holga keladi.
Kurs davomiyligi - 10-12 hafta. Ayrim hollarda 2 haftadan keyinoq klinik yaxshilanish bo'lishi mumkin.