Bronxosol

QO‘LLASH BO‘YICHA YO‘RIQNOMA

BRONXOSOL®

BRONCHOSOL

Preparatning savdo nomi: Bronxosol®

Ta‘sir etuvchi modda (XPN): Ambroksol gidroxloridi

Dori shakli: Sirop

Tarkibi:

Faol modda: Ambroksol gidroxloridi – 0,3 g.

Yordamchi moddalar: propilenglikol – 5,0 g, 96% etil spirti – 2,28 g, qand – 42,0 g, nipagin 0,12 g, nipazol – 0,04 g, aromatik ozuqa essensiyasi – 0,10 g, tozalangan suv 100 ml gacha.

Ta‘rifi: Rangsiz yoki biroz sarg‘ish rangli, tiniq, o‘ziga xos hidli suyuqlik.

Farmakoterapevtik guruhi: Balg‘am ko‘chiruvchi vosita.

ATX kodi: R05CV02

Farmakologik xususiyatlari

Yaqqol balg‘am ko‘chiruvchi ta‘sirga ega mukolitik perparat. Preparat bronxlarning shilliq qavatining seroz hujayralarini rag‘batlantirishi hisobiga balg‘amni suyultiradi. Balg‘amni seroz va shilliq komponentlari nisbatini me‘yorlashtirib, balg‘amning mukopolisaxaridlari orasidagi bog‘larni parchalaydigan fermentlarning ishlab chiqarilishini, surfaktantning hosil bo‘lishini rag‘batlantiradi. Surfaktant hosil bo‘lishini oshishi hisobiga preparat yallig‘lanishiga qarshi ta‘sir ko‘rsatadi, antioksidant xususiyatlarga ega va mahalliy immunitetni oshiradi.

Farmakokinetikasi

So‘rilishi:

Ichga qabul qilinganidan keyin ambroksol me‘da-ichak yo‘llaridan deyarli to‘liq so‘riladi. Qon plazmasida maksimal konsentrasiyaga (S_max) taxminan 0,3-0,5 soatdan keyin erishiladi. Preparatni biokirishaolishligi 70-80% ni tashkil qiladi. To‘planishi aniqlanmagan.

Taqsimlanishi:

Plazma oqsillari bilan bog‘lanishi taxminan – 90%. Ichga qabul qilinganidan keyin tez to‘qimalarga kiradi. Eng yuqori konsentrasiyasi o‘pkada aniqlanadi. Ambroksol gematoensefalik to‘siq (GET) va yo‘ldosh to‘sig‘i orqali o‘tadi va ko‘krak suti orqali chiqariladi.

Metabolizmi:

Ambroksol jigarda kon‘yugasiya yo‘li orqali farmakologik faol bo‘lmagan metabolitlarni hosil qilib metabolizmga uchraydi.

Chiqarilishi:

Plazmadagi yarim chiqarilish davri (T_1/2) – 7-12 soat. Buyraklar orqali preparatning taxminan 90% chiqariladi.

Qo‘llanilishi

Nafas yo‘llarining yopishqoq bag‘am ajralib chiqishi bilan birga kechadigan o‘tkir va surunkali (o‘tkir va surunkali bronxit, obstruktiv bronxit, sekretning ajralib chiqishi buzilgan bronxial astma, bronxoektaziya, shuningdek burun-tomoq bo‘shlig‘ining yallig‘lanishida shilliqni suyulishini yaxshilash uchun) kasalliklarni mukolitik davolashda qo‘llanadi.

 

Qo‘llash usuli va dozasi

Ichga buyuriladi. Preparatni ovqatdan keyin qabul qilish kerak. Davolash vaqtida ko‘p suyuqlik iste‘mol qilish kerak (sharbat, choy, suv), chunki u preparatning mukolitik samarasini kuchaytiradi.

Boshqa ko‘rsatmalar bo‘lmaganida quyida keltirilgan dozalash tavsiya qilinadi:

2 yoshgacha bo‘lgan bolalarga: 2,5 ml dan (1/2 choy qoshiq) kuniga 2 marta qabul qilish tavsiya qilinadi;

2 dan 5 yoshgacha: 2,5 ml dan (1/2 choy qoshiq) kuniga 3 marta;

5 dan 12 yoshgacha: 5 ml dan (1 choy qoshiq) kuniga 2-3 marta;

12 yoshdan oshgan va kattalarga: birinchi 2-3 kunlari 10 ml dan (2 choy qoshiq) kuniga 2 marta, so‘ngra xuddi shunday yoki 5 ml (1 choy qoshiq) kuniga 3 marta davom ettiriladi.

Davolash davomiyligi kasallikning og‘irligiga bog‘liq va uni davolovchi shifokor belgilaydi. Shifokorning tavsiyasisiz preparatni 4-5 kundan ortiq qabul qilish mumkin emas.

Nojo‘ya ta‘sirlari

Preparat odatda yaxshi o‘zlashtiriladi. Ba‘zida allergik reaksiyalar: teri toshmasi, eshakemi, angionevrotik shish, alohida hollarda allergik kontakt dermatit bo‘lishi mumkin. Juda kam xollarda anafilaktik turidagi (anafilaktik shok) o‘tkir og‘ir reaksiyalari, so‘lak ajralishini kuchayishi, og‘izni qurishi, siyishni qiyinlashishi haqida xabar qilingan. Uzoq vaqt davomida yuqori dozalarda qabul qilinganida qorin og‘rig‘i, jig‘ildonni qaynashi, gastralgiya, ko‘ngil aynishi, qusish, qabziyat kuzatilgan.

Qo‘llash mumkin bo‘lmagan holatlar

Ambroksolga va preparatning boshqa komponentlariga yuqori sezuvchanlik, homiladorlik (I uch oyligi), me‘da va 12-barmoq ichak yara kasalligida qo‘llash mumkin emas.

Dorilarning o‘zaro ta‘siri

Preparat va antibakterial vositalarni (amoksisillin, sifuroksim, doksisiklin, eritromisin) bir vaqtda qabul qilish antibiotiklarni o‘pka to‘qimasiga yaxshi kirishiga yordam beradi. Tug‘ruq faoliyatini tormozlovchi preparatlar bilan mutanosib.

Preparat yo‘talga qarshi preparatlar bilan majmuaviy qo‘llanganida yo‘tal refleksini bostirishi tufayli, suyultirilgan sekretni xavfli dimlanishi mumkin. Shuning uchun yo‘talga qarshi vositalarini qabul qilish faqat davolovchi shifokor ko‘rsatmasiga ko‘ra o‘tkazilishi kerak.

Maxsus ko‘rsatmalar

Siropni faqat davolovchi shifokor bilan maslahatlashgandan keyin va shifokor nazorati ostida bronxlarning motorikasi buzilgan holda va shilliq miqdori oshganida (masalan, xavfli kiprik sindromida) qabul qilish mumkin. Buyrak va jigar faoliyatining og‘ir buzilishida kichikroq konsentrasiyalarni ishlatish yoki «Bronxosol» qabullari orasidagi intervalni oshirish kerak.

Siropni emizish vaqtida yoki homiladorlikni II va III uch oyligida faqat davolovchi shifokor tavsiyasi bo‘yicha qabul qilish mumkin.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

 

 

Dozani oshirib yuborilishi

Hozirgi vaqtgacha preparat dozasini oshirib yuborishda zaharlanish holatlari kuzatilmagan. Qisqa muddatli bezovtalik va ich ketishini paydo bo‘lganligi to‘g‘risida xabarlar mavjud. Dozani kuchli oshirib yuborilganda arterial bosimni pasayishi, qusish, ko‘p so‘lak ajralishi kuzatilishi mumkin. Bunday holatlarda shifokorga murojaat qilish kerak. Me‘dani yuvish faqat yaqqol dozani oshirib yuborilganda tavsiya qilinadi.

Chiqarilish shakli Sirop 40 ml, 50 ml, 80 ml, 90 ml, 100 yoki 125 ml flakonlarda.

Saqlash sharoiti

Yorug‘likdan himoyalangan joyda, 12-15⁰S gacha bo‘lgan haroratda saqlansin.

Yaroqlilik muddati

2 yil.

 

Dorixonalardan berish tartibi

Reseptsiz.