Fluask analoglari

Preparat odatda juda yaxshi o'zlashtiriladi.

Ba'zi hollarda quyidagi nojo'ya ta'sirlar bo'lishi mumkin:

nerv tizimi tomonidan: bosh og'rig'i, bosh aylanishi, tirishishlar, ta'm sezishning o'zgarishi, paresteziya, uyqusizlik, uyquchanlik, tremor;

ovqat hazm qilish tizimi tomonidan: qorinda og'riq, diareya, meteorizm, ko'ngil aynishi, dispepsiya, qusish, og'iz bo'shlig'i shilliq qavatining qurishi;

gepatobiliar tizim tomonidan: gepatotoksiklik, ayrim hollarda o'lim bilan yakunlanuvchi; bilirubin kontsentrasiyasining oshishi, zardob transaminazalari (alaninaminotransferaza /Alat/ va aspartataminotransferaza /ast/), ishqoriy fosfataza faolligining oshishi, jigar funktsiyaining buzilishi, gepatit, gepatosellyulyar nekroz, sariqlik, xolestaz, gepatosellyulyar shikastlanish;

teri qoplamlari tomonidan: toshma, alopesiya, terining eksfoliativ shikastlanishlari, shu jumladan Stivens-Djonson sindromi va toksik epidermal nekroliz, o'tkir tarqoq ekzematoz pustulyoz, ko'p terlash, dori ta'sirida toshma;

qon yaratish a'zolari va limfatik tizimi tomonidan: leykopeniya, shu jumladan neytropeniya, agranulositoz va trombositopeniya;

immun tizimi tomonidan: anafilaksiya (shu jumladan angionevrotik shish, yuzning shishishi, eshakemi, qichishish);

yurak qon-tomir tizimi tomonidan: EKG da QT oralig'ining uzayishi ("maxsus ko'rsatmalar" bo'limiga qaralsin).

moddalar almashinuvi tomonidan: qon plazmasida xolesterin va trigliseridlarning kontsentrasiyasining oshishi, gipokaliemiya;

tayanch-harakat apparati tomonidan: mialgiya;

boshqalar: kuchsizlik, asteniya, kuchli toliqish, isitmalash, vertigo kuzatilishi mumkin.

Ayrim bemorlarda, ayniqsa OITS yoki saraton kabi jiddiy kasalliklari mavjud bo'lganlarda flukonazol va unga o'xshash preparatlar bilan davolashda qon, buyrak va jigar ko'rsatkichlarini o'zgarishlari kuzatilgan ("maxsus ko'rsatmalar" bo'limiga qaralsin). Lekin bu o'zgarishlarning klinik ahamiyati va ularni davolash bilan bog'liqligi aniqlanmagan.

Agar sizda ushbu yo'riqnomada ta'riflanmagan har qanday boshqa nojo'ya ta'sirlar qayd etilsa, iltimos, o'zingizning shifokoringiz, farmasevtingiz yoki ishlab chiqaruvchiga xabar bering.