Flukonazol

So‘rilishi Ichga qabul qilingandan so‘ng flukonazol yaxshi so‘riladi, uning biokiraolishligi – 90%. Och qoringa 150 mg ichga qabul qilingandan so‘ng maksimal konsentratsiya (Сmax) 2,5-3,5 mg/kg dozada vena ichiga yuborilgandagi qon plazmasidagi miqdorning 90% ini tashkil qiladi. Bir vaqtda ovqat qabul qilish ichga qabul qilingan flukonazol absorbtsiyasiga ta'sir qilmaydi. Qon plazmasidagi konsentratsiya qabul qilingandan so‘ng 0,5-1,5 soatdan keyin (ТСmax) maksimumga yetadi. Qon plazmasidagi konsentratsiya dozaga to‘g‘ridan-to‘g‘ri proporsional bog‘liqlikda bo‘ladi. Muvozanatli konsentratsiyaning 90% terapiya boshlangandan so‘ng to‘rtinchi-beshinchi kunga kelib (preparat sutkada bir marta ko‘p marta qabul qilinganda) erishiladi. Birinchi kuni odatiy sutkalik dozadan 2 baravar oshadigan dozani qo‘llash ikkinchi kunga kelib qon plazmasida muvozanatli konsentratsiyaning 90% iga teng bo‘lgan flukonazol konsentratsiyasiga erishish imkonini beradi. Ko‘rinadigan taqsimlanish hajmi (Vd) organizmdagi suvning umumiy hajmiga yaqinlashadi. Qon plazmasi oqsillari bilan bog‘lanishi ? past (11-12%). Taqsimlanishi Flukonazol organizmning barcha biologik suyuqliklariga, shu jumladan orqa miya suyuqligiga yaxshi o‘tadi. So‘lak va balg‘amda flukonazol konsentratsiyalari uning qon plazmasidagi konsentratsiyasiga o‘xshash. Zamburug‘li meningit bilan og‘rigan bemorlarda orqa miya suyuqligida flukonazol miqdori uning qon plazmasidagi konsentratsiyasining 80% iga yetadi. Shox qavat, epidermis, derma va ter suyuqligida plazmadagidan oshadigan yuqori konsentratsiyalarga erishiladi. Metabolizmi Flukonazolning 5% dan kami jigardan birlamchi o‘tishda metabolizmga uchraydi. Flukonazolning yarim chiqarilish davri (Т1/2) taxminan 30 soatni tashkil qiladi. Qon plazmasidan uzoq Т1/2 flukonazolni vaginal kandidozda bir marta va boshqa ko‘rsatmalarda sutkada bir marta yoki haftada bir marta qabul qilish imkonini beradi. Chiqarilishi Flukonazol asosan buyraklar orqali chiqariladi. Yuborilgan dozaning taxminan 80% buyraklar orqali o‘zgarmagan holda chiqariladi. Flukonazol klirensi kreatinin klirensiga proporsional. Periferik qonda flukonazol metabolitlari aniqlanmagan. Bolalarda farmakokinetikasi Bolalarda quyidagi farmakokinetik parametrlar qiymatlari olingan: Yosh Doza Yarim chiqarilish davri (soat) "Konsentratsiya-vaqt" egri chizig‘i ostidagi maydon (AUC) (mkg•soat/ml) 9 oy – 13 yosh Bir marta – ichga 2 mg/kg 25,0 94,7 9 oy – 13 yosh Bir marta – ichga 8 mg/kg 19,5 362,5 O‘rtacha yosh 7 yosh Ko‘p marta – ichga 3 mg/kg 15,5 41,6 Maxsus guruh bemorlarida farmakokinetikasi Buyrak yetishmovchiligi bo‘lgan bemorlar Og‘ir buyrak yetishmovchiligi bo‘lgan bemorlarda (kalavalar filtratsiyasi tezligi Davolashni ekma yoki boshqa laboratoriya tahlillari natijalari yo‘qligida boshlash mumkin, ammo ular mavjud bo‘lganda fungitsid terapiyani tegishli ravishda to‘g‘irlash tavsiya etiladi. Flukonazol asosan buyraklar orqali chiqarilishi sababli, buyrak yetishmovchiligi bo‘lgan bemorlarda ehtiyotkorlikka rioya qilish kerak. Flukonazol bilan uzoq muddatli davolashda dozalash kreatinin klirensini hisobga olgan holda amalga oshirilishi kerak. Jigar funktsiyasi buzilgan bemorlarga flukonazol tayinlashda ehtiyotkorlikka rioya qilish kerak. Kamdan-kam hollarda flukonazolni qo‘llash jigarning toksik o‘zgarishlari, shu jumladan o‘lim holati bilan kechgan, asosan jiddiy hamrohlik qiluvchi kasalliklari bo‘lgan bemorlarda. Flukonazolni qo‘llash bilan bog‘liq gepatotoksik ta'sirlar holatida ularning preparatning umumiy sutkalik dozasiga, terapiya davomiyligiga, bemorning jinsi va yoshiga aniq bog‘liqligi qayd etilmagan. Preparatning gepatotoksik ta'siri odatda qaytuvchan bo‘lgan, uning belgilari terapiya to‘xtatilgandan so‘ng yo‘qolgan. Terapiya vaqtida jigar funktsiyalari buziladigan bemorlarni jigar shikastlanishining jiddiyroq belgilarini aniqlash maqsadida kuzatish zarur. Flukonazolni qo‘llash bilan bog‘liq bo‘lishi mumkin bo‘lgan jigar shikastlanishining klinik belgilari va simptomlari paydo bo‘lganda, preparatni bekor qilish kerak. Boshqa azollar qo‘llanilganda bo‘lgani kabi, flukonazol kamdan-kam hollarda anafilaktik reaktsiyalarni keltirib chiqarishi mumkin. Flukonazol bilan davolash vaqtida bemorlarda kamdan-kam hollarda terining eksfoliativ shikastlanishlari, masalan Stivens-Djonson sindromi va toksik epidermal nekroliz rivojlangan. OIV-infektsiyalangan bemorlar ko‘plab preparatlar qo‘llanilganda og‘ir teri reaktsiyalari rivojlanishiga ko‘proq moyil bo‘ladi. Yuzaki zamburug‘li infektsiyasi bo‘lgan bemorlarda toshma rivojlansa va u aniq flukonazol bilan bog‘liq deb baholansa, preparatni bekor qilish kerak. Invaziv/tizimli zamburug‘li infektsiyalari bo‘lgan bemorlarda toshma paydo bo‘lganda, ularni sinchkovlik bilan kuzatish va bullyoz o‘zgarishlar yoki ko‘p shaklli eritema paydo bo‘lganda flukonazolni bekor qilish kerak. Bir vaqtda flukonazol va kumarin qatori antikoagulyantlarini olayotgan bemorlarda protrombin vaqtini nazorat qilish zarur. Candida albicans dan farq qiluvchi, ko‘pincha flukonazolga nisbatan tabiiy rezistentlikka ega bo‘lgan Candida shtammlari (masalan, Candida krusei) keltirib chiqargan superinfektsiya holatlari haqida xabar berilgan. Bunday hollarda muqobil zamburug‘ga qarshi terapiya talab etilishi mumkin. Boshqa azollar kabi, flukonazol EKG da QT oralig‘ining uzayishini keltirib chiqarishi mumkin. Flukonazol qo‘llanilganda QT oralig‘ining uzayishi va qorinchalar hilpillashi yoki titrashi yurakning organik kasalliklari, elektrolit balansi buzilishlari va shunga o‘xshash buzilishlar rivojlanishiga yordam beruvchi hamrohlik qiluvchi terapiya kabi ko‘plab xavf omillari bo‘lgan og‘ir kasalliklari bor bemorlarda juda kamdan-kam hollarda qayd etilgan. Shuning uchun bunday potentsial proaritmik holatlari bo‘lgan bemorlarda flukonazolni ehtiyotkorlik bilan qo‘llash kerak. Jigar, yurak va buyrak kasalliklari bo‘lgan bemorlarga preparatni qo‘llashdan oldin shifokor bilan maslahatlashish tavsiya etiladi. Vaginal kandidoz bo‘yicha 150 mg flukonazol qo‘llanilganda bemor ayollar simptomlarning yaxshilanishi odatda 24 soatdan keyin kuzatilishini, ammo ularning to‘liq yo‘qolishi uchun ba'zan bir necha kun talab etilishini bilishlari kerak. Agar simptomlar bir necha kun davomida saqlanib qolsa, shifokorga murojaat qilish kerak. 400 mg/sut dan kam dozalarda flukonazol va terfenadinni bir vaqtda qo‘llashni sinchkov nazorat ostida o‘tkazish kerak ("Boshqa dori vositalari bilan o‘zaro ta'siri" bo‘limiga qarang). CYP2C9, CYP2C19, CYP3A4 izofermentlari tomonidan metabolizmga uchraydigan tor terapevtik profilga ega dori preparatlari bilan bir vaqtda terapiya o‘tkazilganda ehtiyotkorlikka rioya qilish tavsiya etiladi. Davolashni klinik-mikrobiologik remissiya paydo bo‘lguncha davom ettirish kerak. Davolashni muddatidan oldin to‘xtatish retsidivlarga olib keladi. Preparat tarkibiga kiruvchi azorubin bo‘yog‘i allergik reaktsiyalarni, shu jumladan bronxial astmani keltirib chiqarishi mumkin. Allergik reaktsiyalar ko‘proq atsetilsalitsil kislotasini o‘zlashtira olmaydigan bemorlarda uchraydi. Transport vositalarini va mexanizmlarni boshqarish qobiliyatiga ta'siri Flukonazolni qo‘llash tajribasi shundan dalolat beradiki, preparatni qo‘llash bilan bog‘liq transport vositalarini va mexanizmlarni boshqarish qobiliyatining buzilishi ehtimoldan yiroq. Biroq, preparatni qabul qilish vaqtida bemorda bosh aylanishi, uyquchanlik va tirishishlar yuzaga kelgan hollarda potentsial xavfli faoliyat turlari bilan shug‘ullanishdan voz kechish kerak.

Belgilari: Ko‘ngil aynishi, qusish, diareya. Og‘ir hollarda tirishishlar, gallyutsinatsiyalar, paranoid xulq-atvor kuzatilishi mumkin. Davolash: Simptomatik, me’dani yuvish. Flukonazol buyraklar orqali ekskretsiya qilinganligi sababli, majburiy diurez tavsiya etiladi. 3 soat davomidagi gemodializ plazmadagi konsentratsiyani 2 baravar kamaytiradi.

Flukonazolni 50 mg dozada bir marta yoki ko‘p marta qabul qilish fenazon bir vaqtda qabul qilinganda uning metabolizmiga ta’sir qilmaydi. Flukonazolni quyidagi preparatlar bilan bir vaqtda qo‘llash mumkin emas: Amiodaron: flukonazol va amiodaronni birga qo‘llash amiodaron metabolizmi ingibitsiya qilinishiga olib kelishi mumkin. Amiodaronni qo‘llash QT oralig‘i uzayishi bilan bog‘liq bo‘lgan. Flukonazol va amiodaronni bir vaqtda qo‘llash mumkin emas («Qo‘llash mumkin bo‘lmagan holatlar» bo‘limiga qarang). Sizaprid: flukonazol va sizaprid bir vaqtda qo‘llanilganda yurak tomonidan istalmagan reaksiyalar, shu jumladan «piruet» tipidagi qorinchalar taxisistolik aritmiyasi (torsade de pointes) bo‘lishi mumkin. Flukonazolni sutkada 1 marta 200 mg dozada va sizapridni sutkada 4 marta 20 mg dozada qo‘llash sizaprid plazma konsentratsiyasining yaqqol oshishiga va EKGda QT oralig‘i uzayishiga olib keladi. Sizaprid va flukonazolni bir vaqtda qabul qilish mumkin emas. Terfenadin: azotli zamburug‘ga qarshi vositalar va terfenadin bir vaqtda qo‘llanilganda QT oralig‘i uzayishi natijasida jiddiy aritmiyalar yuzaga kelishi mumkin. Flukonazol sutkada 200 mg dozada qabul qilinganda QT oralig‘i uzayishi aniqlanmagan, ammo flukonazol sutkada 400 mg va undan yuqori dozalarda qo‘llanilishi qon plazmasida terfenadin konsentratsiyasining sezilarli oshishini chaqiradi. Flukonazolni sutkada 400 mg va undan ortiq dozalarda terfenadin bilan bir vaqtda qabul qilish mumkin emas. Flukonazol bilan sutkada 400 mg dan kam dozalarda terfenadin bilan kombinatsiyada davolashni sinchkovlik nazorati ostida o‘tkazish kerak. Astemizol: flukonazolni astemizol yoki metabolizmi sitoxrom P450 tizimi izofermentlari orqali amalga oshiriladigan boshqa preparatlar bilan bir vaqtda qo‘llash ushbu vositalar plazma konsentratsiyalari oshishi bilan kechishi mumkin. Qon plazmasida astemizol konsentratsiyasining oshishi QT oralig‘i uzayishiga va ba’zi hollarda «piruet» tipidagi qorinchalar taxisistolik aritmiyasi (torsade de pointes) rivojlanishiga olib kelishi mumkin. Astemizol va flukonazolni bir vaqtda qo‘llash mumkin emas. Pimozid: tegishli in vitro yoki in vivo tadqiqotlar o‘tkazilmaganligiga qaramay, flukonazol va pimozidni bir vaqtda qo‘llash pimozid metabolizmi susayishiga olib kelishi mumkin. O‘z navbatida, pimozid plazma konsentratsiyasining oshishi QT oralig‘i uzayishiga va ba’zi hollarda «piruet» tipidagi qorinchalar taxisistolik aritmiyasi (torsade de pointes) rivojlanishiga olib kelishi mumkin. Pimozid va flukonazolni bir vaqtda qo‘llash mumkin emas. Xinidin: tegishli in vitro yoki in vivo tadqiqotlar o‘tkazilmaganligiga qaramay, flukonazol va xinidinni bir vaqtda qo‘llash ham xinidin metabolizmi susayishiga olib kelishi mumkin. Xinidinni qo‘llash QT oralig‘i uzayishi va ba’zi hollarda «piruet» tipidagi qorinchalar taxisistolik aritmiyasi (torsade de pointes) rivojlanishi bilan bog‘liq. Xinidin va flukonazolni bir vaqtda qo‘llash mumkin emas. Eritromitsin: flukonazol va eritromitsinni bir vaqtda qo‘llash kardiotoksiklik rivojlanish xavfining oshishiga (QT oralig‘i uzayishi, «piruet» tipidagi qorinchalar taxisistolik aritmiyasi rivojlanishi) va oqibatda to‘satdan yurak o‘limiga olib kelishi mumkin. Flukonazol va eritromitsinni bir vaqtda qo‘llash mumkin emas. Quyidagi preparatlar va flukonazol bir vaqtda qo‘llanilganda ehtiyotkorlikka rioya qilish va ehtimol dozalarni to‘g‘irlash kerak: Gidroxlorotiazid: gidroxlorotiazidni flukonazol bilan bir vaqtda ko‘p marta qo‘llash qon plazmasida flukonazol konsentratsiyasini 40% ga oshishiga olib keladi. Bunday darajadagi ifodalangan samara diuretiklarni bir vaqtda olayotgan bemorlarda flukonazolni dozalash tartibini o‘zgartirishni talab qilmaydi, ammo shifokor buni hisobga olishi kerak. Rifampitsin: flukonazol va rifampitsinni bir vaqtda qo‘llash AUC ni 25% ga va flukonazol yarim chiqarilish davri davomiyligini 20% ga pasayishiga olib keladi. Rifampitsinni bir vaqtda qabul qilayotgan bemorlarda flukonazol dozasini oshirish maqsadga muvofiqligini hisobga olish kerak. Flukonazol sitoxrom P450 ning CYP2C9 va CYP2C19 izofermentlarining kuchli ingibitori va CYP3A4 izofermentining o‘rtacha ingibitori hisoblanadi. Bundan tashqari, quyida sanab o‘tilgan samaralardan tashqari, flukonazol bilan bir vaqtda qabul qilinganda CYP2C9, CYP2C19 va CYP3A4 izofermentlari orqali metabolizmga uchraydigan boshqa dori vositalarining qon plazmasidagi konsentratsiyasi oshishi xavfi mavjud. Shu munosabat bilan sanab o‘tilgan preparatlar bir vaqtda qo‘llanilganda ehtiyotkorlikka rioya qilish kerak, bunday kombinatsiyalar zarur bo‘lganda esa bemorlar qattiq tibbiy nazorat ostida bo‘lishlari kerak. Hisobga olish kerakki, flukonazolning ingibitsiyalovchi samarasi uzoq yarim chiqarilish davri tufayli preparat bekor qilingandan so‘ng 4-5 kun davomida saqlanib qoladi. Alfentanil: klirens va taqsimlanish hajmi kamayishi, alfentanil yarim chiqarilish davri uzayishi qayd etiladi. Ehtimol, bu CYP3A4 izofermentining flukonazol tomonidan ingibitsiya qilinishi bilan bog‘liq. Alfentanil dozasini to‘g‘irlash talab qilinishi mumkin. Amitriptilin, nortriptilin: flukonazol amitriptilin va nortriptilin ta’sirini kuchaytiradi. 5-nortriptilin va/yoki S-amitriptilin konsentratsiyasini flukonazol bilan kombinatsiyalangan terapiya boshlanishida va boshlangandan bir hafta o‘tgach o‘lchash mumkin. Zarurat bo‘lganda amitriptilin/nortriptilin dozasini to‘g‘irlash kerak. Amfoteritsin V: C. albicans chaqirgan tizimli infeksiyada biroz additiv zamburug‘ga qarshi samara, Cryptococcus neoformans chaqirgan kalla ichki infeksiyasida o‘zaro ta’sir yo‘qligi va A. fumigatus chaqirgan tizimli infeksiyada antagonizm. Ushbu natijalarning klinik ahamiyati aniq emas. Antikoagulyantlar: boshqa zamburug‘ga qarshi vositalar (azol hosilalari) kabi, flukonazol varfarin bilan bir vaqtda qo‘llanilganda protrombin vaqtini oshiradi (12% ga), shu munosabat bilan qon ketishlar rivojlanishi mumkin (gematomalar, burun va oshqozon-ichak traktidan qon ketishlar, gematuriya, melena). Kumarin antikoagulyantlarini olayotgan bemorlarda terapiya davrida va bir vaqtda qo‘llanilgandan so‘ng 8 kun davomida protrombin vaqtini doimiy nazorat qilish zarur. Shuningdek varfarin dozasini to‘g‘irlash maqsadga muvofiqligini baholash kerak. Azitromitsin: ichga flukonazolni bir martalik 800 mg dozada azitromitsin bilan bir martalik 1200 mg dozada bir vaqtda qo‘llashda ikkala preparat o‘rtasida yaqqol farmakokinetik o‘zaro ta’sir aniqlanmagan. Benzodiazepinlar (qisqa ta’sirli): midazolam ichga qabul qilingandan so‘ng, flukonazol midazolam konsentratsiyasini va psixomotor samaralarni sezilarli darajada oshiradi. Benzodiazepinlar bilan yondosh terapiya zarurati bo‘lganda, flukonazol qabul qilayotgan bemorlarni benzodiazepin dozasini tegishli ravishda kamaytirish maqsadga muvofiqligini baholash maqsadida kuzatish kerak. Triazolamning bir martalik dozasi bir vaqtda qabul qilinganda, flukonazol triazolam metabolizmini susaytirishi tufayli triazolamning AUC sini taxminan 50% ga, Cmax ni — 25-50% ga va yarim chiqarilish davrini 25-50% ga oshiradi. Triazolam dozasini to‘g‘irlash kerak bo‘lishi mumkin. Karbamazepin: flukonazol karbamazepin metabolizmini susaytiradi va karbamazepinning plazma konsentratsiyasini 30% ga oshiradi. Karbamazepin toksikligi rivojlanish xavfini hisobga olish kerak. Konsentratsiya/samaraga qarab karbamazepin dozasini to‘g‘irlash zaruratini baholash kerak. Kalsiy kanallari blokatorlari: ba’zi kalsiy kanallari antagonistlari (nifedipin, isradipin, amlodipin, verapamil va felodipin) CYP3A4 izofermenti orqali metabolizmga uchraydi. Flukonazol kalsiy kanallari antagonistlarining tizimli ekspozitsiyasini oshiradi. Nojo‘ya samaralar rivojlanishini nazorat qilish tavsiya etiladi. Nevirapin: flukonazol va nevirapinni birga qabul qilish nevirapinni alohida qo‘llash bo‘yicha nazorat ma’lumotlariga nisbatan nevirapin ekspozitsiyasini taxminan 100% ga oshiradi. Dori preparatlari yondosh qo‘llanilganda nevirapin ajralishi oshishi xavfi tufayli ba’zi ehtiyotkorlik choralari va bemorlarni sinchkovlik bilan kuzatish zarur. Siklosporin: ko‘chirilgan buyragi bo‘lgan bemorlarda flukonazolni sutkada 200 mg dozada qo‘llash siklosporin konsentratsiyasining sekin oshishiga olib keladi. Biroq suyak iligi retsipientlarida flukonazol sutkada 100 mg dozada ko‘p marta qabul qilinganda siklosporin konsentratsiyasi o‘zgarishi kuzatilmagan. Flukonazol va siklosporin bir vaqtda qo‘llanilganda qon plazmasida siklosporin konsentratsiyasini nazorat qilish tavsiya etiladi. Siklofosfamid: siklofosfamid va flukonazol bir vaqtda qo‘llanilganda bilirubin va kreatinin plazma konsentratsiyalari oshishi qayd etiladi. Ushbu kombinatsiya bilirubin va kreatinin konsentratsiyalari oshishi xavfini hisobga olgan holda yo‘l qo‘yiladi. Fentanil: fentanil va flukonazolni bir vaqtda qabul qilish bilan bog‘liq bo‘lishi mumkin bo‘lgan bitta o‘lim holati haqida xabar mavjud. Buzilishlar fentanil bilan intoksikatsiya bilan bog‘liqligi taxmin qilinadi. Flukonazol fentanilning chiqarilish vaqtini sezilarli darajada uzaytirishi ko‘rsatilgan. Fentanil konsentratsiyasi oshishi nafas funksiyasi susayishiga olib kelishi mumkinligini hisobga olish kerak. Galofantrin: flukonazol CYP3A4 izofermenti ingibitsiya qilinishi munosabati bilan qon plazmasida galofantrin konsentratsiyasini oshirishi mumkin. Flukonazol bilan bir vaqtda qo‘llanilganda, boshqa azol qatori zamburug‘ga qarshi preparatlari kabi, «piruet» tipidagi qorinchalar taxisistolik aritmiyasi rivojlanishi mumkin, shuning uchun ularni birga qo‘llash tavsiya etilmaydi. GMK-KoA-reduktaza ingibitorlari: flukonazol CYP3A4 izofermenti (atorvastatin va simvastatin kabi) yoki CYP2D6 izofermenti (fluvastatin kabi) orqali metabolizmga uchraydigan GMK-KoA-reduktaza ingibitorlari bilan bir vaqtda qo‘llanilganda, miopatiya va rabdomioliz rivojlanish xavfi ortadi. Ko‘rsatilgan preparatlar bilan bir vaqtda terapiya zarurati bo‘lganda miopatiya va rabdomioliz simptomlarini aniqlash maqsadida bemorlarni kuzatish kerak. Kreatininkinaza konsentratsiyasini nazorat qilish zarur. Kreatininkinaza konsentratsiyasi sezilarli darajada oshganda yoki agar miopatiya yoki rabdomioliz rivojlanishi tashxislansa yoki shubha qilinsa, GMK-KoA-reduktaza ingibitorlari bilan terapiyani to‘xtatish kerak. Lozartan: flukonazol lozartanning angiotenzin-II reseptorlari antagonizmi bilan bog‘liq samaralarning katta qismi uchun javobgar bo‘lgan faol metabolitigacha (Ye-3174) metabolizmini susaytiradi. Arterial bosimni muntazam nazorat qilish zarur. Metadon: flukonazol metadonning plazma konsentratsiyasini oshirishi mumkin. Metadon dozasini to‘g‘irlash kerak bo‘lishi mumkin. Nosteroid yallig‘lanishga qarshi preparatlar (NYQV): Flurbiprofenning Cmax va AUC si mos ravishda 23% va 81% ga oshadi. Xuddi shunday farmakologik faol izomerning [S-(+)-ibuprofen] Cmax va AUC si flukonazol ratsemik ibuprofen (400 mg) bilan bir vaqtda qo‘llanilganda mos ravishda 15% va 82% ga oshgan. Flukonazol sutkada 200 mg dozada va selekoksib 200 mg dozada bir vaqtda qo‘llanilganda selekoksibning Cmax va AUC si mos ravishda 68% va 134% ga oshadi. Ushbu kombinatsiyada selekoksib dozasini yarmiga kamaytirish mumkin. Maqsadli tadqiqotlar yo‘qligiga qaramay, flukonazol CYP2C9 izofermenti orqali metabolizmga uchraydigan boshqa NYQV (masalan, naproksen, lornoksikam, meloksikam, diklofenak) tizimli ekspozitsiyasini oshirishi mumkin. NYQV dozasini to‘g‘irlash kerak bo‘lishi mumkin. NYQV va flukonazol bir vaqtda qo‘llanilganda bemorlar NYQV bilan bog‘liq istalmagan hodisalar va toksiklik namoyon bo‘lishini aniqlash va nazorat qilish maqsadida qattiq tibbiy nazorat ostida bo‘lishlari kerak. Peroral kontraseptivlar: kombinatsiyalangan peroral kontraseptiv flukonazol bilan 50 mg dozada bir vaqtda qo‘llanilganda gormonlar konsentratsiyasiga sezilarli ta’sir aniqlanmagan, holbuki flukonazol har kuni 200 mg dozada qabul qilinganda etinilestradiol va levonorgestrel AUC si mos ravishda 40% va 24% ga oshadi, flukonazol 300 mg dozada haftada bir marta qabul qilinganda esa etinilestradiol va noretindron AUC si mos ravishda 24% va 13% ga oshadi. Shu tariqa, flukonazolni ko‘rsatilgan dozalarda ko‘p marta qo‘llash kombinatsiyalangan peroral homiladorlikka qarshi vosita samaradorligiga ta’sir qilishi dargumon. Fenitoin: flukonazol va fenitoinni bir vaqtda qo‘llash fenitoin konsentratsiyasining klinik ahamiyatli oshishi bilan kechishi mumkin. Ikkala preparatni bir vaqtda qo‘llash zarurati bo‘lganda fenitoin konsentratsiyasini nazorat qilish va qon plazmasida terapevtik konsentratsiyani ta’minlash maqsadida uning dozasini tegishli ravishda to‘g‘irlash kerak. Ivakaftor: mukovitsidoz transmembrana o‘tkazuvchanligi regulyatori (CFTR) stimulyatori ivakaftor bilan bir vaqtda qo‘llanilganda ivakaftor ekspozitsiyasining 3 baravar va gidroksimetil-ivakaftor ekspozitsiyasining 1,9 baravar oshishi kuzatilgan. Flukonazol va eritromitsin kabi CYP3A o‘rtacha ingibitorlarini bir vaqtda qabul qilayotgan bemorlarga ivakaftor dozasini sutkada bir marta 150 mg gacha kamaytirish tavsiya etiladi. Prednizon: jigar transplantatsiyasidan keyingi bemorda uch oylik terapiya kursidan so‘ng flukonazol bekor qilinishi fonida buyrak usti bezi po‘stlog‘i o‘tkir yetishmovchiligi rivojlanishi haqida bitta xabar mavjud. Taxmin qilinishicha, flukonazol bilan terapiyani to‘xtatish CYP3A4 izofermenti faolligi oshishini chaqirgan, bu esa prednizon metabolizmi kuchayishiga olib kelgan. Prednizon va flukonazol bilan kombinatsiyalangan terapiya olayotgan bemorlar flukonazol qabul qilish bekor qilinganda buyrak usti bezi po‘stlog‘i holatini baholash maqsadida qattiq tibbiy nazorat ostida bo‘lishlari kerak. Rifabutin: flukonazol va rifabutinni bir vaqtda qo‘llash oxirgisining plazma konsentratsiyalarini 80% gacha oshishiga olib kelishi mumkin. Flukonazol va rifabutin bir vaqtda qo‘llanilganda uveit hollari ta’riflangan. Rifabutin va flukonazolni bir vaqtda olayotgan bemorlarni sinchkovlik bilan kuzatish kerak. Sakvinavir: AUC taxminan 50% ga, Cmax — 55% ga oshadi, sakvinavir klirensi CYP3A4 izofermentining jigar metabolizmi ingibitsiya qilinishi va P-glikoprotein ingibitsiya qilinishi munosabati bilan taxminan 50% ga kamayadi. Sakvinavir dozasini to‘g‘irlash kerak bo‘lishi mumkin. Sirolimus: qon plazmasida sirolimus konsentratsiyasi oshishi, taxminan, CYP3A4 izofermenti va P-glikoprotein susayishi orqali sirolimus metabolizmi ingibitsiya qilinishi bilan bog‘liq. Ushbu kombinatsiya samara/konsentratsiyaga qarab sirolimus dozasini tegishli to‘g‘irlash bilan qo‘llanilishi mumkin. Sulfonilmochil preparatlari: bir vaqtda qabul qilinganda flukonazol peroral sulfonilmochil preparatlarining (xlorpropamid, glibenklamid, glipizid va tolbutamid) yarim chiqarilish davri oshishiga olib keladi. Qandli diabeti bo‘lgan bemorlarga flukonazol va peroral sulfonilmochil preparatlarini birga qo‘llashni tayinlash mumkin, ammo bunda gipoglikemiya rivojlanish ehtimolini hisobga olish kerak. Bundan tashqari, qon plazmasida glyukoza konsentratsiyasini muntazam nazorat qilish va zarurat bo‘lganda sulfonilmochil preparatlari dozasini to‘g‘irlash zarur. Takrolimus: flukonazol va takrolimusni (ichga) bir vaqtda qo‘llash ichakda CYP3A4 izofermenti orqali sodir bo‘ladigan takrolimus metabolizmi ingibitsiya qilinishi hisobiga oxirgisining plazma konsentratsiyasini 5 baravar oshishiga olib keladi. Takrolimus vena ichiga qo‘llanilganda preparatlar farmakokinetikasining sezilarli o‘zgarishlari qayd etilmagan. Nefrotoksiklik hollari ta’riflangan. Bir vaqtda ichga takrolimus va flukonazol qabul qilayotgan bemorlarni sinchkovlik bilan kuzatish kerak. Takrolimus dozasini uning qon plazmasidagi konsentratsiyasi oshish darajasiga qarab to‘g‘irlash kerak. Teofillin: flukonazol bilan 200 mg dozada 14 kun davomida bir vaqtda qo‘llanilganda teofillin plazma klirensining o‘rtacha tezligi 18% ga pasayadi. Yuqori dozalarda teofillin qabul qilayotgan bemorlarga yoki teofillinning toksik ta’siri rivojlanish xavfi yuqori bo‘lgan bemorlarga flukonazol tayinlanganda, teofillinning dozasini oshirib yuborish simptomlari paydo bo‘lishini kuzatish va zarurat bo‘lganda terapiyani tegishli ravishda to‘g‘irlash kerak. Bori gul alkaloidlari: maqsadli tadqiqotlar yo‘qligiga qaramay, flukonazol bori gul alkaloidlarini (masalan, vinkristin va vinblastin) saqlovchi preparatlar konsentratsiyasini qon plazmasida oshirishi va shu tariqa neyrotoksiklikka olib kelishi mumkin deb taxmin qilinadi, bu ehtimol CYP3A4 susayishi bilan bog‘liq bo‘lishi mumkin. A vitamini: to‘liq transretin kislotasi va flukonazol bir vaqtda qo‘llanilganda markaziy nerv tizimi (MNT) tomonidan miya soxta o‘simtasi ko‘rinishidagi istalmagan reaksiya rivojlanishining bitta holati haqida xabar mavjud, u flukonazol bekor qilingandan so‘ng yo‘qolgan. Ushbu kombinatsiyani qo‘llash mumkin, ammo MNT tomonidan istalmagan reaksiyalar yuzaga kelishi ehtimolini yodda tutish kerak. Zidovudin: flukonazol bilan bir vaqtda qo‘llanilganda zidovudinning Cmax va AUC si mos ravishda 84% va 74% ga oshishi qayd etiladi. Ushbu samara, ehtimol, oxirgisining o‘zining asosiy metabolitigacha metabolizmi pasayishi bilan bog‘liq. OITS bilan bog‘liq kompleksi bo‘lgan OIV-infeksiyalangan bemorlarda 15 kun davomida sutkada 200 mg dozada flukonazol qo‘llanilgan terapiyadan oldin va keyin zidovudin AUC si sezilarli oshishi (20%) aniqlangan. Bunday kombinatsiyani olayotgan bemorlarni zidovudinning nojo‘ya samaralarini aniqlash maqsadida kuzatish kerak. Vorikonazol (CYP2C9, CYP2C19 va CYP3A4 izofermentlari ingibitori): vorikonazol (birinchi kunda sutkasiga ikki marta 400 mg dan, keyin 2,5 kun davomida sutkasiga ikki marta 200 mg dan) va flukonazolni (birinchi kunda 400 mg, keyin 4 kun davomida sutkasiga 200 mg) bir vaqtda qo‘llash vorikonazol konsentratsiyasi va AUC sini mos ravishda 57% va 79% ga oshishiga olib keladi. Ushbu samara har qanday preparat dozasi kamaytirilganda va/yoki qabul qilish karraligi kamaytirilganda saqlanib qolishi ko‘rsatilgan. Vorikonazol va flukonazolni bir vaqtda qo‘llash tavsiya etilmaydi. Tofatsitinib: tofatsitinib ekspozitsiyasi u bir vaqtning o‘zida CYP3A4 izofermentining o‘rtacha ingibitorlari va CYP2C19 izofermentining kuchli ingibitorlari (masalan, flukonazol) bo‘lgan preparatlar bilan birga qo‘llanilganda ortadi. Ehtimol, tofatsitinib dozasini to‘g‘irlash kerak bo‘lishi mumkin. Flukonazolning peroral shakllarini ovqat, simetidin, antatsidlar bilan bir vaqtda qabul qilinganda, shuningdek suyak iligini ko‘chirib o‘tkazishga tayyorgarlik uchun tanani yalpi nurlantirishdan keyin o‘zaro ta’sirini o‘rganish tadqiqotlari shuni ko‘rsatdiki, ushbu omillar flukonazolning so‘rilishiga klinik ahamiyatli ta’sir ko‘rsatmaydi. Sanab o‘tilgan o‘zaro ta’sirlar flukonazol ko‘p marta qo‘llanilganda aniqlangan. Flukonazol bir marta qabul qilinganda dori vositalari bilan o‘zaro ta’sirlar noma’lum. Shifokorlar boshqa dori vositalari bilan o‘zaro ta’sir maxsus o‘rganilmaganligini, ammo u bo‘lishi mumkinligini hisobga olishlari kerak.

QO‘LLASH BO‘YICHA YO‘RIQNOMA MR FLUKONAZOL

MR FLUCONASOL

 

Preparatning savdo nomi: MR Flukonazol

Ta‘sir etuvchi modda (XPN): Flukonazol

Dori shakli: Infuziya uchun eritma.

Tarkibi:

Faol modda: Flukonazol – 200 mg.

Yordamchi moddalar: natriy xloridi – 900 mg, in‘eksiya uchun suv – 100 ml gacha.

Ta‘rifi: Tiniq, rangsiz suyuqlik.

Farmakoterapevtik guruhi. Zamburug‘larga qarshi vosita.

ATX kodi: J02AC01

 

Farmakologik xususiyatlari

Zamburug‘larga qarshi preparat, triazol hosilasi. Ta‘sir mexanizmi zamburug‘ hujayrasining sitoxrom R450 ga qaram 14b-demetilaza fermentini yaqqol ingibisiya qilinishi va buni oqibatida zamburug‘ning hujayra devorini asosiy komponenti ergosterolni sintezini susayishi bilan bog‘liq. Candida spp., Microsporum spp., Trichophyton spp., Cryptococcus neoformans, Blastomyces dermatitidis, Coccidioides immitis, Histoplasma capsulatum larga nisbatan yuqori faollikka ega.

 

Farmakokinetikasi

Flukonazolning qon zardobidagi eng yuqori konsentrasiyaga vena ichiga (v/i) yuborilganidan keyin darhol erishiladi. Preparatning yarim chiqarilish davri (T_1/2) taxminan 30 soatni tashkil qiladi. Plazmadagi konsentrasiyasi yuborilgan dozasi bilan to‘g‘ri proporsional bog‘liqlikda bo‘ladi. Preparat sutkada bir marta yuborilganida davolashning 4-5 kuniga kelib muvozanat konsentrasiyaning 90% darajasiga erishiladi. Plazma oqsillari bilan bog‘lanishi 11-12%. Flukonazol barcha biologik suyuqliklarga, organizmning to‘qimalari va a‘zolariga yaxshi kiradi. Preparatning so‘lak va balg‘amdagi konsentrasiyasi uning plazmadagi darajasi bilan bir xildir.

Zamburug‘li meningiti bo‘lgan bemorlarda orqa miya suyuqligidagi flukonazolning miqdori uning plazmadagi darajasining 80% ini tashkil qiladi. Shox qavatida, epidermisda, dermada, ajralib chiquvchi ter suyuqligida preparatning konsentrasiyasi zardobdagidan oshiq bo‘lgan yuqori konsentrasiyasiga erishiladi. Flukonazol terining shox qavatida to‘planadi va uzoq muddat saqlanadi. Flukonazol asosan buyraklar orqali chiqariladi; yuborilgan dozaning taxminan 80% o‘zgarmagan ko‘rinishda siydik bilan chiqariladi. Flukonazolning klirensi kreatinin klirensiga (KK) proporsionaldir.

 

Qo‘llanilishi

Flukonazol infuziya uchun eritmasi ko‘pchilik zamburug‘li infeksiyalarni davolash uchun qo‘llaniladi:

– kriptokokkoz, shu jumladan kriptokokkli meningit;

• tizimli kandidoz, shu jumldan kandidemiya, disseminirlangan kandidoz va boshqa invaziv kandidoz infeksiyalari (qorin pardasi, ko‘z, endokard, nafas va siydik yo‘llarining infeksiyalari);
• shilliq pardalarning kandidozlari (og‘iz bo‘shlig‘i, halqum, qizilo‘ngach kandidozlari, noinvaziv bo‘lmagan bronx-o‘pka kandidozlari, kandiduriya, tish protezlarini taqib yurilishi bilan bog‘liq bo‘lgan og‘iz bo‘shlig‘ining atrofik kandidozi);

– jinsiy a‘zolarning kandidozi: qin kandidozi, o‘tkir va surunkali qaytalanuvchi balanit;

• teri mikozlari, shu jumladan, tovon, tana, chov sohaning mikozlari, kepaksimon temiratki, onixomikoz;
• chuqur endemik mikozlar;

– xavfli o‘smalari bo‘lgan bemorlarda sitostatik vositalar bilan davolashda yoki nur davosini o‘tkazishda va OITS bo‘lgan bemorlarda a‘zolarni ko‘chirib o‘tkazishda va immunitetning pasayishi bilan bog‘liq bo‘lgan boshqa holatlarda zamburug‘li infeksiyalarning oldini olishda qo‘llaniladi.

 

Qo‘llash usuli va dozalari

Flukonazol v/i, tomchilab sutkada soatiga 200 mg dan ortiq bo‘lmagan tezlikda tomchilab quyiladi.

Qin kandidozida, kandidozli balanitda sutkada 100-200 mg dan buyuriladi; ko‘pincha preparat bir marta qo‘yilganidan keyin tuzalish kuzatiladi. Shilliq pardalar kandidozining boshqa shakllarida 14-30 kun davomida sutkada bir marta 50-100 mg tavsiya qilinadi.

Tizimli kandidozda va kriptokokkli infeksiyalarda, shu jumladan meningitda, birinchi kuni 400 mg, so‘ngra infeksiyaning og‘irligiga qarab, sutkada bir marta 200-400 mg buyuriladi. Davolash davomiyligi klinik samarasiga bog‘liq; odatda kriptokokkli meningitda davolash kursi 6-8 hafta davom etadi.

Teri mikozlarida tavsiya etiladigan doza haftada bir marta 150-200 mg yoki sutkada bir marta 50 mg ni tashkil qiladi, davolash kursining davomiyligi odatda 2-4 hafta. Ammo, tovon mikozlarida 6 haftagacha davolash talab qilinishi mumkin.

Onixomikozda tavsiya etiladigan doza haftada bir marta 150-200 mg ni tashkil qiladi; davolash zararlangan tirnoqning sog‘lom tirnoq bilan to‘liq almashgunicha davom ettirilishi kerak.

Xavfli o‘smalari bo‘lgan bemorlarda zamburug‘li infeksiyalarning oldini olish – kunora 100 mg, to bemor nurlanish bilan yoki kimeviy usulda davolanishi sababli yuqori xavf guruhida bo‘lgan vaqti davomida.

Buyrak faoliyatini buzilishi bo‘lmagan keksa yoshli bemorlarda preparatning odatdagi dozalash tartibiga rioya qilish lozim.

Buyrak faoliyatini buzilishida bir marta qabul qilishda flukonazolning dozasi o‘zgarmaydi. Buyrak faoliyati buzilgan bemorlarga preparat takroran buyurilganida avval 50 mg dan 400 mg gacha bo‘lgan zarb dozasini yuborish kerak. Agarda KK 50 ml/min dan ortiqroq bo‘lsa, preparatning odatdagi dozasi qo‘llanadi (tavsiya qilingan dozaning 100%). KK minutiga 11 dan 50 ml gacha bo‘lsa, tavsiya qilingan dozaning 50% qo‘llanadi. Muntazam gemodializ qabul qiluvchi bemorlarga gemodializning har bir seansidan keyin preparatning bir dozasi qo‘llanadi. Bir yoshdan oshgan bolalarga buyrakning normal faoliyatida flukonazol har kuni sutkada 1 marta 1-3 mg/kg/sutka hisobidan (shilliq pardalar kandidozida) va 3-12 mg/kg/sutka hisobidan (tizimli kandidozlarda yoki kriptokokkozlarda) kasallikning og‘irligiga qarab yuboriladi. Buyrak faoliyati buzilgan bolalarga preparatning sutkalik dozasini (kattalardagi kabi proporsional bog‘liqlikda), buyrak yetishmovchiligining yaqqollik darajasiga mos kelishiga qarab kamaytirish lozim.

Yangi tug‘ilgan chaqaloqlarda flukonazol sekin chiqariladi. Hayotining birinchi ikki haftasida preparat o‘sha miqdorda (mg/kg), kattaroq yoshdagi bolalarga buyurilgan dozada (mg/kg da), lekin 72 soatlik interval bilan buyuriladi. 2-4 haftalik bolalarga o‘sha doza 48 soatlik interval bilan yuboriladi.

Nojo‘ya ta‘sirlari

Me‘da-ichak yullari tomonidan ko‘ngil aynishi, meteorizm qusish, qorin og‘riqlari va ich ketishi, ishtahani pasayishi, ta‘mni o‘zgarishi, qabziyat, bosh og‘rig‘i, bosh aylanishi, charchoqlik, kam hollarda – tirishish va allopesiya.

Teri reaksiyalari: juda kam xollarda, teri toshmasi, anafilaksiya va angionevrotik shish (preparatni qabul qilishni darhol to‘xtatishni talab qiluvchi), kam – hollarda ko‘pshaklli eritma (Stiven-Djonson sindromi), toksik epidermal nekroliz (Layell sindromi).

Yurak-qon tomir tizimi tomonidan Q-T intervalini davomliligini oshishi, qorinchalarni lipillashi/titrashi.

Qon yaratish a‘zolari tomonidan; kam hollarda – agranulositoz. Og‘ir zamburug‘li infeksiyalari bo‘lgan pasientlarda gematologik o‘zgarishlar (leykopeniya va trombositopeniya), jigar fermentlari faolligini oshishi va jigar faoliyati yaqqol buzilishlari aniqlanishi mumkin.

Boshqalar: kam – buyraklar faoliyatini buzilishi giperxolesterinemiya, gipertrigliseridemiya, gipokaliemiya.

 

Qo‘llash mumkin bo‘lmagan holatlar

Flukonazolga, azol birikmalariga va preparatning tarkibiga kiruvchi boshqa ingredientlarga yuqori sezuvchanlik, homiladorlik va laktasiya davri, 1 yoshgacha bo‘lgan bolalar, flukonazolni (sutkada 400 mg va undan ko‘proq dozada) sizaprid terfenadin va astemizol bilan bir vaqtda buyurish.

Ehtiyotkorlik bilan – alkogolizm, axlorgidriya, gipoxlorgidriya, jigar yetishmovchiligi, yuzaki va invaziv/tizimli zamburug‘ infeksiyalari flukonazol va terfenadinni bir vaqtda qabul qilish (sutkada 400 mg dan kamroq dozada) proaritmogen holatlar (ko‘plab xavf omillari bo‘lgan pasientlarda: yurakning organik kasalliklari, elektrolit muvozanatini buzilishi, aritmiyani chaqiruvchi dori vositalarini bir vaqtda qabul qilish). Preparatni homiladorlik vaqtida qo‘llash tavsiya qilinmaydi. Hayotga xavf tug‘diruvchi infeksiyalarda ona uchun davolashdan bo‘lgan foyda xomila uchun bo‘lgan xavfdan ustun bo‘lganda qo‘llash mumkin. Preparatni laktasiya davrida qo‘llashning zarurati bo‘lganda emizishni to‘xtatish tavsiya qilinadi.

Dorilarning o‘zaro ta‘siri

Flukonazolni (sutkada 200 mg dozada) terfenadin, sizaprid va astemizol bilan o‘zaro ta‘siri, bu preparatlarni plazmadagi konsentrasiyalarini oshishiga olib kelishi mumkin, bu o‘z navbatida QT intervalini uzayishini sababchisi bo‘lishi va yurak ritmini jiddiy buzilishlariga olib kelishi mumkin. Flukonazol jigarda R450 tizimi fermentlarini ingibirlaydi, shunday qilib terfenadin, sizaprid va astemizolni metabolizmini pasaytiradi. Flukonazol va bu preparatlarni bir vaqtda buyurish mumkin emas. Varfarin va flukonazol birga buyurilganida protrombin vaqtini uzayishi aniqlanadi. Shu sababli flukonazol va kumarin turi antikoagulyantlarni bir vaqtda olayotgan pasientlarda protrombin vaqtini nazorat qilish kerak. Flukonazol peroral qandni tushiruvchi preparatlarning (sulfonilmochevina hosilalari) T_1/2 uzaytiradi. Qandli diabeti bo‘lgan bemorlarda flukonazol va qandni tushiruvchi preparatparning shu turini bir vaqtda buyurish mumkin, ammo gipoglikemiyani rivojlanishi mumkin bulgan xavfini e‘tiborga olish kerak. Gidroxlortiazid va flukonazol bir vaqtda qayta buyurilganida plazmada flukonazolning konsentrasiyasini oshishini e‘tiborga olish kerak.

Rifampisin flukonazolning metabolizmini tezlashtiradi. Flukonazolning dozasini, ular bir vaqtda ishlatilganida muvofiq oshirish kerak.

Buyraklar ko‘chirib o‘tkazilgan pasientlarda flukonazol siklosporinning plazmadagi konsentrasiyasini oshirishi mumkin. Shu sababli, siklosporin va flukonazolni bir vaqtda olayotgan pasientlarda siklosporinning konsentrasiyasini monitoringini o‘tkazish tavsiya qilinadi.

Flukonazol teofillinning plazmadagi konsentrasiyasini oshiradi. Shu sababli teofillin va flukonazolni bir vaqtda olayotgan pasientlarda teofillinning konsentrasiyasini monitoringini o‘tkazish tavsiya qilinadi.

Flukonazol plazmada indinavir va midazolamning konsentrasiyasini oshirishi mumkin. Bu preparatlar flukonazol bilan bir vaqtda buyurilganida, ularning dozalari muvofiq kamaytirilishi kerak.

Klinik tekshirishlar zidovudinning metabolizmini sekinlashishi natijasida flukonazol bilan bir vaqtda buyurilganida, uning plazmadagi konsentrasiyasi oshishi mumkin. Bu ikkala preparatni bir vaqtda olayotgan pasientlarni kuzatish kerak, chunki bu holatda zidovudinning nojo‘ya samaralarini tez-tezligi oshishi mumkin.

Rifabutin va fenitoinning (bir vaqtda qo‘llanganida uveit hollari ta‘riflangan) klinik ahamiyatli darajada samaradorligin (birga qo‘llanganida fenitoinning plazmadagi konsentrasiyasini nazorat qilish kerak) oshiradi.

Takrolimusning konsentrasiyasini oshiradi – nefrotoksiklik xavfi.

Maxsus ko‘rsatmalar

Flukonazol asosan siydik bilan chiqarilganligi tufayli, buyraklar faoliyatining buzilishi bo‘lgan pasientlarda ehtiyotkorlikka rioya qilish lozim. Flukonazolning ko‘p martalik dozalari bilan davolanishda dozalashni KK hisobga olgan holda amalga oshirish kerak. Flukonazol jigar faoliyatining buzilishlari bo‘lgan bemorlarga buyurilganida ehtiyotkorlikka rioya qilish lozim. Davolash vaqtida jigar fermentlari darajasini muntazam monitoring qilish va mumkin bo‘lgan toksik samaralarni aniqlash maqsadida pasientlarni kuzatishni o‘tkazish kerak. Jigar fermentlarining darajasini oshishida shifokor davolashdan kutiladigan foydani va jigarning yanada og‘irroq shikastlanishini rivojlanish xavfini baholashi kerak. Flukonazolni bolalarda qo‘llashning yetarli tajribasi yo‘q. Bu guruh bemorlarda shifokor bunday davolashni zarurligi to‘g‘risidagi qarorni mustaqil qabul kilishi kerak. Avtomobilni boshqarish va boshqa mexanizmlar bilan ishlash qobiliyatga salbiy ta‘siri noma‘lum. Preparatni bolalar ololmaydigan joyda saqlash va uni yaroqlilik muddati o‘tgach ishlatmaslik lozim.

 

Dozani oshirib yuborilishi

Simptompari: ko‘ngil aynishi, qusish, ich ketishi. yanada og‘irroq holatlarda tirishishlar aniqlanishi mumkin.

Davolash: simptomatik davolash tavsiya qilinadi. Flukonazol asosan siydik bilan chiqariladi, kuchaytirilgan diurez uning chiqarilishini oshiradi. Uch soatlik gemodializ muolajasi flukonazolning plazmadagi konsetrasiyasini yarmiga kamaytiradi.

Chiqarilish shakli.

Infuziya uchun eritma 2 mg/ml. 100 ml dan polipropilen flakonlarda.

 

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin

Yaroqlilik muddati

2 yil.

 

Dorixonalardan berish tartibi

Resept bo‘yicha.