Препарат тоғай тўқимасининг регенерациясини рағбатлантиради. Глюкозамин ва хондроитин сульфати тоғайнинг парчаланиш жараёнларини олдини олишга ёрдам беради ва тўқималарнинг регенерациясини рағбатлантириб, бириктирувчи тўқима синтезида иштирок этади.
Глюкозамин
Фаол ингридиент - одам организмида бўлган аминомоносахарид глюкозамин сульфатининг тузи ва сульфатлар билан бирга синовиал суюқлигида гиалурон кислотасининг ва бўғим тоғайининг асосий субстанцияси гликозаминогликканларнинг биосинтези учун қўлланилади.
Глюкозамин сульфатининг таъсир механизми – гликозаминогликанлар ва мувофиқ бўғим протеогликанлар синтезини рағбатлантиради. Бундан ташқари, глюкозамин яллиғланишга қарши хусусиятларни намоён қилади, бўғим тоғайи деградацияси жараёнларини асосан ўзининг метаболик фаоллиги ва интерлейкин 1 (IL-1) фаоллилигини сусайтириш хусусияти ҳисобига секинлаштиради, бу бир томондан остеоартрит симптомларига таъсир қилишига олиб келади, бошқа томонидан эса бўғимларнинг структур бузилишини секинлаштиради, бу эса узоқ муддатли клиник текширувларнинг натижалари ҳақида далолат беради.
Глюкозамин сульфатининг остеоратрит симптомларига таъсири даволаш бошлагандан 2-3 ҳафтадан кейин яққоллигини кўрсатади, бу қисқа- ва ўртача муддатли клиник тадқиқотларлар маълумотларда маълум бўлган.
Бошқа томондан, глюкозамин сульфати билан даволашнинг симптоматикасига нисбатан самарадорлиги, одатдаги анальгетиклар ва ностероид яллиғланишга қарши воситалар билан солиштирганда 6 ой давомида тўхтовсиз қўллаш курсидан кейин, ёки 3 ой давомида қўллаш курсидан кейин, бекор қилингандан кейин ҳам 2 ой давомида оптимал таъсир самараси яққол давом этади.
Хар кунги 3 йил давомида тўхтовсиз даволашнинг клиник тадқиқотлар натижалари, симптомлар ва бўғимларнинг структураси шикастланишининг секинлашишини ҳисобга олиб унинг самарадорлигини ошиб боришидан далолат беради.
Хондроитин сульфати
Хондроитин сульфатини интакт шаклида ёки алоҳида компонентлари кўринишида сўрилишидан қатъий назар соғлом тоғай матрикси ҳосил бўлиши учун қўшимча субстрат бўлиб ҳизмат қилади. Гиалурон ҳосил бўлишини, протеогликан ва II тур коллаген синтезини рағбатлантиради, шунингдек гиалуронни ферментатив парчаланишидан (гиалуронидаза фаоллигини сусайтириш йўли орқали) ва эркин радикалларнинг шикастловчи таъсиридан ҳимоя қилади; синовиал суюқликнинг қовушқоқлигини бир маромда тутиб туради, тоғайнинг репарация механизмларини рағбатлантиради ва тоғайнинг парчаловчи ферментлар фаоллигини сусайтиради (эластаза, гиалуронидаза). Остеоартрозни даволашда касаллик симптомларини енгиллаштиради ва НЯҚВ га талабни камайтиради.
Хондроитин ва глюкозамин, тоғайнинг метаболизмини яхшилаш, тоғайнинг декструкциясини скинлаштириши каби яққол хондропротектив хусусиятларга эга. Кўп марталик тадқиқотлар натижалари хондроитин ва глюкозамин мажмуаси қўлланганда тезроқ ва яққол самарага эришиш ҳақида хулоса қилиш имкониятини беради.
