Lamiktal

QO‘LLASH BO‘YICHA YO‘RIQNOMA

LAMIKTAL^TM

LAMICTAL™

Preparatning savdo nomi: Lamiktal^tm

Ta‘sir etuvchi modda (XPN): lamotridjin

Dori shakli: tabletkalar.

Tarkibi:

1 tabletka quyidagilarni saqlaydi:

faol modda: lamotridjin – 25,0 mg; 50,0 mg yoki 100,0 mg

yordamchi moddalar: 24,7 mg; 49,4 mg yoki 98,8 mg laktoza monogidrati; 24,7 mg; 49,4 mg yoki 98,8 mg mikrokristall sellyuloza; 2,5 mg; 5,0 mg yoki 10,0 mg natriy kraxmal glikolati, A tipi; 2,5 mg; 5,0 mg yoki 10,0 mg povidon; 0,4 mg; 0,8 mg yoki 1,6 mg magniy stearati; 0,2 mg; 0,4 mg yoki 0,8 mg temir II oksidi Ye172.

Ta‘rifi:

Tabletkalar 50 mg: och-sariq-jigarrang, qirrali, ellipsoid bo‘rtmalari bo‘lgan, bir tomonida «GSEC7» boshqa tomonida «25» markirovkasi bo‘lgan tabletkalar.

Tabletkalar 25 mg: och-sariq-jigarrang, qirrali, ellipsoid bo‘rtmalari bo‘lgan, bir tomonida «GSEYe1» boshqa tomonida «50» markirovkasi bo‘lgan tabletkalar.

Tabletkalar 100 mg: och-sariq-jigarrang, qirrali, ellipsoid bo‘rtmalari bo‘lgan, bir tomonida «GSEYe5» boshqa tomonida «100» markirovkasi bo‘lgan tabletkalar.

Farmakoterapevtik guruhi: tutqanoqqa qarshi preparatlar.

ATX kodi: N03AX09.

Farmakologik xususiyatlari

Farmakodinamikasi

Ta‘sir mexanizmi

Farmakologik tadqiqotlarning natijalari lamotridjin potensialga bog‘liq natriy kanallarining blokatori ekanligini namoyish etdi. Neyronlar kulturasida u to‘xtovsiz takrorlanayotgan impulsasiyani potensialga bog‘liq blokadasini chaqiradi va glyutamin kislotasining (tutqanoq xurujlarini rivojlanishida asosiy rolni o‘ynovchi aminokislota) patologik ajralib chiqishini susaytiradi, shuningdek glyutamat tomonidan chaqirilgan depolyarizasiya (qutbsizlanishni) ni ingibisiya qiladi.

Farmakodinamik samaralar

Preparatning markaziy nerv tizimiga ta‘sirini baholashga yo‘naltirilgan tadqiqotlar davomida olingan natijalar, sog‘lom ko‘ngillilarga lamotridjinni 240 mg dozada va plaseboni buyurilishi orasida farqlarni namoyish qilmagan, ayni paytda 1000 mg fenitoin va 10 mg diazepam esa ko‘rish koordinasiyasi va ko‘zlarni harakatini, harakat koordinasiyasini sezilarli darajada yomonlashtiradi va ayrim pasientlarga sedativ ta‘sir ko‘rsatadi.

Boshqa tadqiqotda karbamazepin 600 mg oral dozada bir marta qo‘llaganida ko‘rish koordinasiyasini va ko‘zlarni harakatini, harakat koordinasiyasini va yurak ritmini ahamiyatli darajada yomonlashishi namoyon bo‘lgan, ayni paytda lamotridjinni 150 mg va 300 mg dozalarda qo‘llash natijalari esa, plaseboga nisbatan xech qanday farqlar namoyish etmagan.

Farmakokinetikasi

So‘rilishi

Ichga qabul qilinganidan keyin lamotridjin me‘da-ichak yo‘llari (MIY) dan tez va to‘liq so‘riladi, birinchi o‘tish jarayonida tizimoldi metabolizmiga deyarli duchor bo‘lmaydi. Plazmadagi maksimal konsentrasiyasiga S_max preparat ichga qabul qilinganidan keyin taxminan 2,5 soatdan so‘ng erishiladi. S_max ga erishish vaqti ovqat qabul qilinganidan keyin biroz oshadi, ammo so‘rilish darajasi o‘zgarmaydi. 450 mg doza (eng katta tekshirilgan doza) bir marta qabul qilinganida lamotridjinning farmakokinetikasi to‘g‘ri proporsional xarakterga ega. Muvozanat holatida maksimal konsentrasiyasining ahamiyatli individual o‘zgarishlari kuzatiladi, biroq har bir alohida pasientda o‘zgarishlari kam uchraydi.

Taqsimlanishi

Lamotridjin plazma oqsillari bilan taxminan 55% ga bog‘lanadi. Preparatni oqsil bilan bog‘idan ajralib chiqishini zaharli samarani rivojlanishiga olib kelishi mumkinligining ehtimoli kam.

Taqsimlanish xajmi 0,92-1,22 l/kg ni tashkil qiladi.

Metabolizmi

Lamotridjinning metabolizmida uridindifosfatglyukuroniltransferaza (UDG-glyukuroniltransferaza) fermenti ishtirok etadi.

Lamotridjin dozasiga qarab, katta bo‘lmagan darajada o‘zining xususiy metabolizmini oshiradi. Biroq lamotridjin, lamotridjin boshqa tutqanoqqa qarshi preparatlarning farmakokinetikasiga ta‘sir qilishi va metabolizmi sitoxrom R450 ferment tizimi ishtirokida yuz beradigan boshqa preparatlar va lamotridjin orasida o‘zaro ta‘sir bo‘lishini isbotlovchi xech qanday ma‘lumotlar yo‘q.

Chiqarilishi

Sog‘lom kattalarda lamotridjinning o‘rtacha muvozanatli klirensi o‘rtacha minutiga 39±14 ml ni tashkil qiladi. Lamotridjin glyukuronidlar hosil bo‘lishi bilan metabolizmga uchraydi, ular buyrak orqali chiqariladi. Preparatning 10% dan kamrog‘i buyrak orqali o‘zgarmagan holda chiqariladi. Faqat preparat bilan bog‘liq materialning taxminan 2% ichak orqali chiqariladi. Klirensi va yarim chiqarilish davri (T_1/2) dozaga bog‘liq emas. Sog‘lom katta odamlarda preparatning yarim chiqarilish davri o‘rtacha 24 soatdan 35 soatgachani tashkil qiladi. Jilber sindromi bo‘lgan bemorlar ishtirokidagi tadqiqotda preparatning klirensini, nazorat guruhiga nisbatan 32% ga pasayishi kuzatilgan, biroq bu umumiy populyasiya uchun normal qiymatlar chegaralaridan tashqariga chiqmagan.

Lamotridjinning yarim chiqarilish davriga bir vaqtda qabul qilinayotgan dori preparatlari katta ta‘sir ko‘rsatadi. Karbamazepin va fenitoin kabi glyukuronizasiyani rag‘batlantiruvchi preparatlar bilan bir vaqtda qabul qilinganida o‘rtacha yarim chiqarilish davri taxminan 14 soatgacha kamayadi va valproatlar bilan bir vaqtda qabul qilinganida esa o‘rtacha 70 soatgacha oshadi (Qo‘llash usuli va dozalari va Dorilarning o‘zaro ta‘siri bo‘limlariga qarang).

Maxsus pasientlar guruhi

Bolalar

Bolalarda lamotridjinning klirensi tana vazniga hisoblaganda kattalardagiga qaraganda yuqori; u besh yoshgacha bo‘lgan bolalarda eng yuqoridir. Bolalarda lamotridjinning T_1/2 ko‘rsatkichi odatda kattalarnikidan kam. Uning o‘rtacha qiymati, karbamazepin va fenitoin kabi glyukuronizasiyani rag‘batlantiruvchi preparatlar bilan bir vaqtda qabul qilinganida taxminan 7 soatga teng va valproatlar bilan birga qabul qilinganida o‘rtacha 45-50 soatgacha oshadi (Qo‘llash usuli va dozalari bo‘limiga qarang).

Keksa yoshdagi pasientlar

Bir tadqiqotda ishtirok etgan tutqanog‘i bo‘lgan yosh pasientlar va keksa yoshdagi pasientlarni o‘z ichiga olgan populyasion farmakokinetik tahlil natijalari, lamotridjinning klirensi klinik ahamiyatli ko‘rsatkichgacha o‘zgarmasligini namoyish etdi. Lamotridjinning bir martalik dozalari qabul qilingandan keyin taxminiy klirens 20 yoshli pasientlar uchun minutiga 35 ml dan 12% ga pasaygan, 70 yoshli pasientlarda minutiga 31 ml gacha pasaygan. 48 hafta davolangandan keyin pasayish yosh va keksa pasientlar guruhlari orasida minutiga 41 dan 37 ml gacha 10% ni tashkil etgan. Qo‘shimcha ravishda lamotridjinning farmakokinetikasi lamotridjinning 150 mg li bir martalik dozasini qabul qilgan keksa yoshdagi 12 nafar sog‘lom ko‘ngillilarda o‘rganilgan. Keksa yoshdagi pasientlarda klirensining o‘rtacha qiymati (minutiga
0,39 ml/kg), keksa yoshdagi pasientlar ishtirokisiz o‘tkazilgan 9 ta tadqiqot vaqtida 30 dan 450 mg gacha bo‘lgan bir martalik dozalar qabul qilingandan keyin olingan o‘rtacha klirens qiymatlari (minutiga 0,31-0,65 ml/kg) chegaralarida bo‘lgan.

Buyrak faoliyatini buzilishi bo‘lgan pasientlar

Surunkali buyrak yetishmovchiligi bo‘lgan o‘n ikki nafar ko‘ngilli va gemodializda bo‘lgan olti nafar pasient har biri 100 mg li bir martalik dozada lamotridjin qabul qilishgan. Taxminiy klirensning o‘rtacha qiymatlari sog‘lom ko‘ngillilardagi minutiga 0,58 ml/kg qiymatga nisbatan, minutiga minutiga 0,42 ml/kg ni (surunkali buyrak yetishmovchiligida), minutiga 0,33 ml/kg ni (gemodializ sessiyalari orasida) va minutiga 1,57 ml/kg ni (gemodializ vaqtida) tashkil qilgan. Qon plazmasidan yarim chiqarilish davri – T_½ sog‘lom ko‘ngillilardagi 26,2 soatga nisbatan, 42,9 soatni (surunkali buyrak yetishmovchiligida), 57,4 soatni (gemodializ sessiyalari orasida) va 13,0 soatni (gemodializ vaqtida) tashkil qilgan. O‘rtacha organizmda bo‘lgan lamotridjinning miqdorini taxminan 20% (diapazon = 5,6 dan 35,1 gacha) organizmdan 4-soatlik gemodializ sessiyasi davomida chiqarilgan. Mazkur pasientlar guruhi uchun Lamiktal™ preparatining boshlang‘ich dozasini aniqlash pasient tomonidan tutqanoqqa qarshi preparatlarni qabul qilish tartibiga asoslangan bo‘lishi lozim; samarani bir maromda saqlab turuvchi dozani pasaytirish sezilarli funksional buyrak yetishmovchiligi bo‘lgan pasientlar uchun samarali bo‘lishi mumkin.

Jigar faoliyatini buzilishi bo‘lgan pasientlar

Bir martalik dozaning farmakokinetik tadqiqoti turli darajadagi jigar yetishmovchiligi 24 nafar pasient va nazorat guruhining 12 sog‘lom pasienti ishtirokida o‘tkazildi. Lamotridjinning taxminiy klirensining o‘rtacha qiymatlari nazorat guruhining sog‘lom pasientlaridagi minutiga 0,34 ml/kg ko‘rsatkichga nisbatan jigar yetishmovchiligining A, V, yoki S (Chayld-Pyu tasnifi bo‘yicha) darajalari bo‘lgan pasientlarda muvofiq ravishda minutiga 0,31; 0,24 yoki 0,10 ml/kg ni tashkil etgan. Boshlang‘ich, oshib boruvchi va samarani bir maromda saqlab turuvchi dozalari o‘rtacha darajadagi buyrak yetishmovchiligi (Chayld-Pyu tasnifi bo‘yicha V daraja) bo‘lgan pasientlarda taxminan 50% ga va og‘ir darajali buyrak yetishmovchiligi (Chayl-Pyu tasnifi bo‘yicha S daraja) bo‘lgan pasientlarda 75% ga kamaytirilishi kerak. Dozani oshirish va samarani bir maromda saqlab turuvchi dozaga klinik javobga qarab tuzatish kiritilishi lozim.

Qo‘llanilishi

TUTQANOQ

Kattalar (12 yoshdan oshgan pasientlar)

Lamiktal™ tutqanoqni, parsial va yoyilgan xurujlarni, shu jumladan tonik-klinik tirishishlar, shuningdek Lennoks-Gasto sindromidagi xurujlarni majmuaviy davolash tarkibida va monoterapiyada davolash uchun qo‘llaniladi.

Bolalar (2 yoshdan 12 yoshgacha)

Lamiktal™ tutqanoqni, parsial va yoyilgan xurujlarni, shu jumladan tonik-klinik tirishishlar, shuningdek Lennoks-Gasto sindromidagi xurujlarni majmuaviy davolash tarkibida davolash uchun qo‘llaniladi.

Majmuaviy davolash fonida tutqanoqning nazoratiga erishilganidan so‘ng, tutqanoqqa qarshi yondosh preparatlar bekor qilinishi va Lamiktal™ ni monoterapiyada qabul qilish davom ettirilishi mumin.

Lamiktal™ tipik absanslarni monoterapiyasida qo‘llanilishi mumkin.

BIPOLYAR BUZILISHLAR

Kattalar (18 yosh va undan katta pasientlar)

Lamiktal™ bipolyar buzilishlari bo‘lgan bemorlarda kayfiyatni o‘zgarishlarini oldini olish uchun, asosan depressiya xurujlarini oldini olish uchun qo‘llaniladi.

Qo‘llash usuli va dozalarii

Lamiktal™ tabletkalarini chaynamay va sindirmay, butunligicha qabul qilish kerak.

Agar Lamiktal™ ning hisoblangan dozasi (masalan bolalarga (faqat tutqanoqda) yoki jigar faoliyatini buzilishi bo‘lgan pasientlarga buyurilganda) kichikroq dozali butun tabletkalarning miqdoriga bo‘lish mumkin bo‘lmasa, unda pasientga kichikroq dozali butun tabletkaning eng yaqin qiymatiga to‘g‘ri keladigan doza buyurilishi kerak.

Preparatni qabul qilishni qayta boshlash

Lamiktal™ preparatini qo‘llashni qayta boshlash hollarida, shifokorlar biron-bir sabablarga ko‘ra preparatni qabul qilishni to‘xtatgan bemorlarda samarani bir maromda saqlab turuvchi dozani oshirish lozimligini baholashlari lozim, chunki yuqori boshlang‘ich dozalar va tavsiya qilingan dozalarni oshirish kuchli toshmani rivojlanish xavfi bilan assosiasiyalangan bo‘ladi (Maxsus ko‘rsatmalar bo‘limiga qarang). Preparatni so‘nggi marta qabul qilingandan keyingi vaqt intervali qanchalik katta bo‘lsa, dozani samarani bir maromda saqlab turuvchi dozagacha shunchalik katta ehtiyotkorlik bilan oshirish kerak. Agar Lamiktal™ preparatini qabul qiilish to‘xtatilganidan keyin interval beshta yarim chiqarilish davrlaridan ortiq bo‘lsa (Farmakokinetikasi bo‘limiga qarang), unda Lamiktal™ ning dozasi teshishli sxemaga muvofiq samarani bir maromda saqlab turuvchi dozagacha oshirilishi kerak.

Lamiktal™ bilan davolashni, Lamiktal™ bilan oldingi davolashda toshma paydo bo‘lganligi tufayli davolashni to‘xtatgan pasientlarda, potensial foyda xavfdan aniq ustun bo‘lmagan hollardan tashqari hollarda, boshlash tavsiya etilmaydi.

TUTQANOQ

Tutqanoqni monoterapiyasida dozalash

Kattalar (12 yoshdan oshganlar) (1 jadvalga qarang)

Monoterapiyada Lamiktal™ preparatining boshlang‘ich dozasi, keyinchalik dozani keyingi 2 hafta davomida sutkada bir marta 50 mg gacha oshirilishi bilan 2 hafta davomida, sutkada bir marta 25 mg ni tashkil qiladi. So‘ngra dozani, optimal samaraga erishilmagunicha har 1-2 haftada maksimum 50-100 mg gacha oshirish lozim. Odatda optimal terapevtik samaraga erishish uchun standart tutib turuvchi doza bir yoki ikki marta qabul qilish uchun sutkada 100-200 mg ni tashkil qiladi. Ayrim pasientlarga istalgan terapevtik samaraga erishish uchun Lamiktal™ ning sutkada 500 mg gacha dozasi talab qilinadi.

Bolalar (2 yoshdan 12 yoshgacha) (2 jadvalga qarang)

Tipik absanslari bo‘lgan bemorlarni monoterapiyasida Lamiktal™ preparatining boshlang‘ich dozasi, keyinchalik dozani keyingi 2 hafta davomida sutkada bir yoki ikki marta qabul qilish uchun sutkada tana vazniga 0,6 mg/kg gacha gacha oshirilishi bilan 2 hafta davomida, sutkada bir yoki ikki marta qabul qilish uchun tana vazniga 0,3 mg/kg ni tashkil qiladi. So‘ngra dozani, optimal samaraga erishilmagunicha har 1-2 haftada ko‘pi bilan 0,6 mg/kg ga oshirish kerak. Odatda optimal terapevtik samaraga erishish uchun standart tutib turuvchi doza bir yoki ikki marta qabul qilish uchun sutkada 1 mg/kg dan 10 mg/kg gachani tashkil qiladi. Tipik absanslari bo‘lgan ayrim pasientlarga istalgan terapevtik samaraga erishish uchun yanada yuqoriroq dozalar talab qilinadi.

Toshma rivojlanishining xavfi tufayli, preparatning boshlang‘ich dozasini va dozani titrlashning tavsiya qilingan tartibini oshirmaslik kerak (Maxsus ko‘rsatmalar bo‘limiga qarang).

Tutqanoqni majmuaviy davolashda dozalash

Kattalar (12 yoshdan oshganlar) (1 jadvalga qarang)

Valproat kislotasining preparatini boshqa tutqanoqqa qarshi preparatlar (TQP) bilan birga qo‘shib yoki ularsiz qabul qilayotgan pasientlarda, Lamiktal™ preparatining boshlang‘ich dozasi birinchi 2 hafta davomida kunora 25 mg ni tashkil qiladi; keyinchalik keyingi 2 hafta davomida doza 25 mg dan sutkada bir marta qabul qilinadi. So‘ngra dozani har 1-2 haftada sutkada maksimal 25-50 mg ga, optimal terapevtik samaraga erishilgunicha oshirish kerak. Odatda optimal terapevtik samaraga erishish uchun samarani tutib turuvchi doza, bir yoki ikki marta qabul qilish uchun sutkada 100-200 mg ni tashkil qiladi.

Tutqanoqqa qarshi preparatlar bilan yondosh davolash va lamotrijinning glyukuronizasiyasini induksiya qiluvchi boshqa preparatlarni (Dorilarning o‘zaro ta‘siri bo‘limiga qarang), boshqa tutqanoqqa qarshi preparatlar (valproatdan tashqari) bilan birga yoki ularsiz qabul qilayotgan pasientlarda, Lamiktal™ preparatining boshlang‘ich dozasi 2 hafta davomida sutkada bir marta 50 mg ni tashkil qiladi, keyinchalik keyingi 2 hafta davomida sutkada ikki marta qabul qilish bilan sutkada
100 mg ni tashkil qiladi.

So‘ngra doza har 1-2 haftada optimal terapevtik samaraga erishilgunicha ko‘pi bilan
100 mg ga oshiriladi. Odatda samarani bir maromda saqlab turuvchi doza ikki marta qabul qilish uchun sutkada 200 mg dan 400 mg gachani tashkil qiladi. Ayrim pasientlarga terapevtik samaraga erishish uchun sutkada 700 mg doza talab qilinishi mumkin.

Lamotrijinning glyukuronizasiyasini sezilarli ingibisiya qilmaydigan va induksiya qilmaydigan preparatlarni qabul qilayotgan bemorlarda (Dorilarning o‘zaro ta‘siri bo‘limiga qarang), Lamiktal™ preparatining boshlang‘ich dozasi 2 hafta davomida sutkada bir marta 25 mg ni tashkil qiladi, keyinchalik keyingi 2 hafta davomida sutkada ikki marta qabul qilish bilan sutkada 50 mg ni tashkil qiladi. So‘ngra doza har 1-2 haftada optimal terapevtik samaraga erishilgunicha ko‘pi bilan 50-100 mg ga oshiriladi. Odatda samarani bir maromda saqlab turuvchi doza ikki marta qabul qilish uchun sutkada 100 mg dan 200 mg gachani tashkil qiladi.

1 jadval. TUTQANOQNI davolashda 12 yoshdan oshgan kattalarga Lamiktal™ preparatining tavsiya qilinadigan dozalash tartibi

Toshmani rivojlanish xavfi tufayli preparatning boshlang‘ich dozasini va oshirishni tavsiya etilgan dozalar tartibini oshirmaslik kerak (“Maxsus ko‘rsatmalar” bo‘limiga qarang).

2 yoshdan 12 yoshgacha bo‘lgan bolalar (2 jadvalga qarang).

Valproat kislotasining preparatini boshqa tutqanoqqa qarshi preparatlari bilan birga qo‘shib yoki ularsiz qo‘llanganda, Lamiktal™ preparatining boshlang‘ich dozasi 2 hafta davomida sutkada tana vazniga 0,15 mg/kg ni tashkil qiladi; keyinchalik – keyingi ikki hafta davomida 0,3 mg/kg dan sutkada bir marta buyuriladi. So‘ngra dozani optimal terapevtik samaraga erishilgunicha har 1-2 haftada sutkada 0,3 mg/kg ga oshirish kerak. Bunda odatdagi samarani bir maromda saqlab turuvchi doza sutkada 1-5 mg/kg ni tashkil qiladi, 1-2 qabulda. Maksimal sutkalik doza – sutkada 200 mg ni tashkil qiladi.

Tutqanoqqa qarshi preparatlarni yoki lamotridjinning glyukuronizasiyasini induksiya qiluvchi boshqa preparatlarni (Dorilarning o‘zaro ta‘siri bo‘limiga qarang), boshqa tutqanoqqa qarshi preparatlar bilan birga yoki ularsiz (valproat kislotasi preparatlaridan tashqari) qabul qilayotgan bolalarda, Lamiktal™ preparatining boshlang‘ich dozasi birinchi ikki hafta davomida sutkada bir marta tana vazniga sutkada 0,6 mg/kg ni tashkil qiladi, keyinchalik – navbatdagi 2 hafta davomida sutkada 1,2 mg/kg ikki marta qabul qilishga buyuriladi. So‘ngra doza har 1-2 haftada optimal terapevtik samaraga erishilgunicha sutkada 1,2 mg/kg ga oshiriladi. Optimal terapevtik samaraga erishiladigan odatdagi samarani bir maromda saqlab turuvchi doza ikki marta qabul qilishga sutkada 5-15 mg/kg ni tashkil qiladi. Maksimal sutkalik doza sutkada 400 mg ni tashkil etadi.

Lamotrijinning glyukuronizasiyasini sezilarli ingibisiya qilmaydigan va induksiya qilmaydigan preparatlarni qabul qilayotgan bemorlarda (Dorilarning o‘zaro ta‘siri bo‘limiga qarang), Lamiktal™ preparatining boshlang‘ich dozasi birinchi 2 hafta davomida sutkada bir marta tana vazniga sutkada 0,3 mg/kg ni tashkil qiladi, keyinchalik – navbatdagi 2 hafta davomida sutkada 0,6 mg/kg ikki marta qabul qilishga buyuriladi. So‘ngra doza har 1-2 haftada optimal terapevtik samaraga erishilgunicha sutkada 0,6 mg/kg ga oshiriladi. Optimal terapevtik samaraga erishiladigan odatdagi samarani bir maromda saqlab turuvchi doza bir yoki ikki marta qabul qilishga sutkada 1-10 mg/kg ni tashkil qiladi. Maksimal doza sutkada 200 mg ni tashkil etadi.

Ikki yoshdan olti yoshgacha bo‘lgan pasientlarda tavsiya qilingan diapazonning yuqori chegarasi darajasidagi samarani bir maromda saqlab turuvchi doza talab etilishi ehtimoldan holi emas.

2 Jadval. 2 yoshdan 12 yoshgacha bo‘lgan bolalarda TUTQANOQNI davolashda Lamiktal™ preparatining tavsiya etilgan dozalash tartibi (umumiy sutkalik doza tana vazniga mg/kg da)

Toshmani rivojlanish xavfi tufayli preparatning boshlang‘ich dozasini va tavsiya qilingan dozalash tartibini oshirish mumkin emas (Maxsus ko‘rsatmalar bo‘limiga qarang).

Terapevtik dozaga rioya qilinayotganiga ishonch hosil qilish uchun bolaning tana vaznini nazorat qilish va u o‘zgarganida preparatning dozasiga tuzatish kiritish kerak.

Tutqanoqni monoterapiya va majmuaviy davolash

2 yoshdan kichik bolalar

Lamiktal™ preparatini 2 yoshdan kichik bolalarda monoterapiya sifatida yoki 1 oylikdan kichik bolalarda qo‘shimcha davolash vositasi sifatida qo‘llash o‘rganilmagan. 1 oylikdan 2 yoshgacha bo‘lgan bolalarda parsial xurujlarni majmuaviy davolash sifatida Lamiktal™ preparatining xavfsizligi va samaradorligi aniqlanmagan (Klinik tadqiqotlar bo‘limiga qarang). Shuning uchun Lamiktal™ preparatini 2 yoshgacha bo‘lgan bolalarda qo‘llash tavsiya etilmaydi.

Tutqanoqni davolashda Lamiktal™ preparatini dozalash bo‘yicha umumiy tavsiyalar

Lamiktal™ preparati bilan monoterapiyaga o‘tish uchun yondosh tutqanoqqa qarshi preparatlarni bekor qilinganda yoki Lamiktal™ preparatini qabul qilish fonida boshqa tutqanoqqa qarshi preparatlarni yoki dori preparatlarini buyurishda, bu lamotridjinning farmakokinetikasiga ta‘sir ko‘rsatishi mumkinligini e‘tiborga olish lozim (Dorilarning o‘zaro ta‘siri bo‘limiga qarang).

BIPOLYAR BUZILISHLAR

Kattalar (18 yosh va undan katta pasientlar)

Toshmani rivojlanish xavfi tufayli preparatning boshlang‘ich dozasini va tavsiya qilingan dozalar tartibini oshirmaslik kerak (Maxsus ko‘rsatmalar bo‘limiga qarang).

Lamiktal™ preparatini depressiv epizodlarni rivojlanish xavfiga duchor bo‘lgan bipolyar buzilishlari bo‘lgan pasientlarda qo‘llash tavsiya etiladi.

Lamiktal™ preparatining dozasini 6 hafta davomida samarani bir maromda saqlab turuvchi barqarorlashtiruvchi dozagacha oshirishni o‘z ichiga oluvchi dozalashning o‘tuvchi tartibiga amal qilish kerak (3 jadval), shundan so‘ng, ko‘rsatmalar bo‘lganida boshqa psixotrop va/yoki tutqanoqqa qarshi preparatlarni bekor qilish mumkin (4 jadval). Maniakal epizodlarni oldini olish uchun qo‘shimcha davolashni qo‘llashni ko‘rib chiqish kerak, chunki maniakal holatlarni davolash uchun Lamiktal™ preparatining  samaradorligi ishonchli darajada aniqlanmagan.

3 Jadval. BIPOLYAR BUZILISHLARDA kattalar (18 yosh va undan katta) uchun samarani bir maromda saqlab turuvchi sutkalik barqarorlashtiruvchi dozaga erishish uchun Lamiktal™ preparatining dozalarini oshirishning tavsiya qilingan tartibi

Buyurish tartibi	1-2 hafta	3-4 hafta	5 hafta	Maqsadli barqarorlashti-ruvchi doza (6 hafta)**
a) Lamitridjinning glyukuronizasiyasini ingibitorlari (masalan, valroat kislotasi preparat-lari) bilan majmuaviy davolash	12,5 mg (25 mg kunora)	25 mg sutkada 1 marta	50 mg (sutkada 1 marta 1 yoki 2 marta qabul qilish uchun)	100 mg (sutkada 1 marta 1 yoki 2 marta qabul qilish uchun), maksimal sutkalik doza 200 mg
b) Valproat kislota- Lamiktal o'xshash dorilari Konvuleks Trileptal Neyrontin Tebantin Topamaks Keppra Lirika Pg Logufen Lanistor Lamonil Yodomig Lamiktal barcha rasmlari Lamiktal savollari Savollar bormi? Ushbu dori vositasi qanday kasallikni davolash uchun ishlatiladi? Antiepileptik vositalari Lamiktal dori vositasi O'zbekiston dori vositalari reestrida ro'yxatdan o'tganmi? Ha, preparat O'zbekiston dori vositalari reestrida ro'yxatdan o'tgan. Bepanten dori vositasi ishlab chiqaruvchisi kim va u qaysi davlatda ishlab chiqarilgan? Lamiktal dori vositasi Glakso Smit Klyayn Farmasyutikalz S.A. tomonidan Polsha mamlakatida ishlab chiqarilgan. Lamiktal fikr-mulohazalari Reyting 4.0, 4 ta sharh asosida Fikr qoldirish Сум 05.12.2020 20:07 1 Доброго дня! Это очень аллергичный препарат. Такой, что пришлось отменять за один раз. Вся спина покрылась не просто крапивницей, мелкой красной сыпью, а огромными зудящими пятнами. Уши чесались так, что думала оторву их. А когда все это полезло на лицо, и противоаллергенные не справились, по скорой легла под капельницу с Преднизолоном, чтобы снять этот приступ. вот так вот оказалось, что Ламиктал противосудорожные, но приводящие к таким аллергическим реакциям. Честно, было очень страшно. Так что, может быть он кому-то и помогает, но это точно не я. Будеим разговаривать с эпилептологом про другое лечение, а к Ламикталу больше не притронусь. Ипак 21.07.2021 12:32 5 Моя дочь мучается судорогами, у нас совсем непростая ЭЭГ и куча проблем. Но мы двигаемся маленькими шажками к здоровой жизни. Эти противосудорожные таблетки эти хочу похвалить, они назначаются нам в комплексе с Эпиксом и Сабрилом. В первое время дочку подташнивало и рвало, но потом, когда организм привык, все прошло. Таблетки небольшие, но самый главный плюс, что их можно растворять в воде (легко, толочь не нужно) и получать водичку со смородиновым запахом, дочь пьет без капризов. Я просто делю их на два половинки. Дешевле покупать 50 мг и делить на нужные 25 мг. Цена у них в общем-то приемлемая, тем более за такую эффективность. Боялись, что будет побочка, со стороны ЦНС, но в целом мы обошлись без нее. Принимать препарат лучше после рецепта и под наблюдением врача, чтобы избежать побочки. Здоровья Вам и Вашим детям! Мухаббат 31.01.2021 19:52 5 Всем здравствуйте. Принимаю Ламиктал в поддерживающей дозе 50 мг, так как давно уже болею эпилепсией. Терапевтическое лечение подбиралось довольно долго, но это того стоило. Приступов не было 6 лет. Действующее вещество у препарата ламотриджин. Его нужно аккуратно и под присмотром врача сочетать с другими средствами, которые вам могут быть прописаны. Потому что с некоторыми из них вы быстро словите судороги и прочие неприятности. Так что сначала вам необходимо посетить врача (лекарство, кстати, рецептурное). Я немного боялся принимать Ламиктал, так как в инструкции заявлено очень много побочных эффектов. Но у меня всего-то была тошнота и болела голова. Так что могу сказать, что мне эти таблетки подошли, но только после длительной и очень подробной консультации у врача. Жуматой 21.08.2020 11:49 5 Эти таблетки помогают купировать приступы эпилепсии. Но у них есть ряд недостатков: цена, нельзя людям с непереносимостью лактозы, аллергичен и в монотерапии не очень эффективен. Лактозу мы переносим, цена не такая страшная (лекарство определенная категория граждан получает бесплатно), плюс комплексная терапия с Депакином Хроно. Начали с маленькой дозы и повышали ее каждые 2 недели под присмотром врача. Получилось без последствий и побочных эффектов. То, чего мы больше всего боялись - аллергия, была. Но это всего-то небольшая крапивница на спинке.Но мы сняли это антигистаминами. После первой итерации уже вся сыпь прошла и больше не возвращалась Так что за таблетки могу сказать - хорошие. Но сначала нужно к врачу сходить и все уточнить-расписать. Не болейте и берегите себя и детей! Alifbo bo'yicha dori vositalar ro'yxati ABDEFGHIJKLMNOPQRSTUVXYZChSh0-9 Bosh sahifaDorilar SavatMenu Biz portalimiz ishini takomillashtirish maqsadida cookie-fayllardan foydalanamiz. Ishni davom ettirar ekansiz, ulardan foydalanishga rozilik bildirgan bo‘lasiz. Batafsil Ок