Liv-52
Liv-52 chiqarilish shakllari
Liv-52 haqida qo'llanma
Qo‘llash ko‘rsatmalari
- — o'tkir va surunkali infektsion, toksik va dorili gepatitlar;
- — kattalarda jigar tsirrozi;
- — yog'li gepatoz;
- — anoreksiya;
- — jigarning toksik shikastlanishlari (antibiotiklar, silga qarshi preparatlar, isitma tushiruvchi vositalar chaqiradigan) profilaktikasi.
Qo'llanilishi mumkin bo'lmagan holatlar
- — preparat komponentlariga yuqori sezuvchanlik;
- — homiladorlik;
- — laktatsiya.
Tarkibi
- tikanli kovul ildizlari kukuni 65 mg
- oddiy sachratqi urug‘lari kukuni 65 mg
- temir oksidi (mandur basma) 33 mg
- qora ituzum kukuni 32 mg
- arjuna terminaliyasi po‘stlog‘i kukuni 32 mg
- g‘arb kassiyasi urug‘lari kukuni 16 mg
- oddiy bo‘ymodaron o‘ti kukuni 16 mg
- gall tamariksi kukuni 16 mg,
- dorivor xom ashyolar aralashmasidan olingan bug‘ ustida ishlangan ekstrakt: oq eklipta, niruri filantusi, yoyiq berxaviya, yuraksimon tinospora, ekma turp, dorivor emblika, seylon qo‘rg‘oshin o‘ti, smorodina embeliysi, xebula terminaliyasi (mirobalan daraxti), dorivor shatara.
- Yordamchi moddalar: magniy stearati, mikrokristall tsellyuloza, natriy kroskarmelloza, natriy karboksimetiltsellyuloza.
Farmakokinetikasi
Liv. 52 ning terapevtik samarasi uning tarkibiy qismlarining umumiy ta'siri bilan bog'liq, shuning uchun kinetik kuzatuvlarni o'tkazish imkoni yo'q.
Farmakologik ta'siri
Majmuaviy o'simlik preparati. Gepatoprotektiv, antitoksik, yallig'lanishga qarshi, o't haydovchi, antioksidant, antianoreksik ta'sir ko'rsatadi. Ovqat hazm qilish va ozuqani o'zlashtirish jarayonini yaxshilashga yordam beradi.
Liv. 52 ning gepatoprotektiv ta'siri uning tarkibiga kiruvchi komponentlarning antioksidant va membranani barqarorlashtiruvchi xususiyatlari bilan bog'liq. Preparat gepatotsitlarda endogen tokoferollar darajasini va sitoxrom P450 darajasini oshiradi. Liv. 52 oqsillar va fosfolipidlarni biosintezini rag'batlantiradi. Gepatotsitlarni tiklanishiga yordam beradi, degenerativ, yog'li va fibroz o'zgarishlarni kamaytiradi, hujayra ichidagi metabolizmni kuchaytiradi.
Preparat albumin/globulin nisbatini me'yorlashtirib, qon plazmasi oqsillari darajasini tartibga soladi. Plazma transaminazalari, xolesterin, triglitseridlar darajasini me'yorlashtirishni ta'minlaydi, dislipidemiya ko'rinishlarini kamaytiradi. Bilirubin va ishqoriy fosfataza ko'rsatkichlarini pasaytiradi. Jigarning glikogenni to'plash qobiliyatini oshiradi.
O'tning kolloid xususiyatlarini yaxshilaydi, o't toshlari hosil bo'lishining oldini oladi. O't pufagining qisqarish faoliyatini yaxshilaydi.
Gemopoezni rag'batlantiradi.
Jigarning alkogolli shikastlanishida preparat qon va siydikdagi etanol darajasini pasaytiradi; asetaldegiddegidrogenaza faolligini oshiradi, bu esa asetaldegid darajasini pasaytirishga yordam beradi; asetaldegidning hujayra oqsillari bilan bog'lanishining oldini oladi, uning chiqarilishini tezlashtiradi.
Asetaldegidning gepatotsitlarga shikastlovchi ta'sirini oldini olib, preparat "poxmel" sindromi rivojlanish xavfini kamaytiradi.
Nojo'ya ta'sirlar
- Bo'lishi mumkin: allergik reaktsiyalar, dispepsiya
Dozirovkasi
Profilaktika maqsadida preparat 2 tab. dan sutkasiga 2 marta tayinlanadi.
Davolash maqsadida 6 yoshdan oshgan bolalarga 1-2 tab. dan sutkasiga 2-3 marta, kattalarga - 2-3 tab. dan sutkasiga 2-3 marta tayinlanadi.
Tomchilar shaklidagi preparat davolash va profilaktika maqsadida 2 yoshdan oshgan bolalarga 10-20 tomchidan sutkasiga 2 marta, kattalarga - 80-160 tomchidan (1-2 choy qoshiq) sutkasiga 2 marta tayinlanadi.
Dori shaklining ta'rifi
- Yashil-kulrang rangli, ochroq va to'qroq rangli dog'lari bo'lgan, dumaloq, ikki tomonlama qavariq tabletkalar.
Maxsus saqlash sharoitlari
Preparatni OIT o'tkir kasalliklari bo'lgan bemorlarga ehtiyotkorlik bilan tayinlash kerak.
Dori vositalarining o'zaro ta'siri
Liv.52 preparatining dori vositalari bilan o'zaro ta'siri ta'riflanmagan.
Nojo'ya samaralari
Bo‘lishi mumkin: allergik reaksiyalar, dispepsiya.
