Norkolut

QO‘LLASH BO‘YICHA YO‘RIQNOMA

NORKOLUT^®

NORCOLUT^®

Preparatning savdo nomi: Norkolut^® (Norcolut^®)

Ta‘sir etuvchi modda (XPN): noretisteron (norethisterone)

Dori shakli: tabletkalar

Tarkibi:

Har bir tabletka quyidagilarni saqlaydi:

faol modda: 5 mg noretisteron

yordamchi moddalar: kartoshka kraxmali, suvsiz kolloid kremniy dioksidi, magniy stearati, jelatin, talk, makkajo‘xori kraxmali, laktoza monogidrati.

Ta‘rifi: yassi, dumaloq oq yoki deyarli oq rangli tabletkalar, bir tomonida «NORCOLUT•» gravirovkasi, boshqa tomonida – bo‘lish uchun xochsimon riskasi bo‘lgan faskali tabletkalar.

Farmakoterapevtik guruhi: progestagenlar

ATX kodi: G03D C02

Farmakologik xususiyatlari

Farmakodinamikasi

Noretisteron progestagen modda hisoblanadi. U endometriyni proliferasiya bosqichidan sekresiya bosqichiga o‘tishiga yordam beradi. Noretisteron gipofizning gonadotropinlarni sekresiyasini ingibisiya qiladi, bu o‘z navbatida follikulalarni yetilishini va ovulyasiyani boshlanishini oldini oladi.

Farmakokinetikasi

So‘rilishi

Noretisteron me‘da-ichak yo‘llaridan yaxshi so‘riladi. Jigardagi va ichak devoridagi metabolizmi oqibatida uning biokiraolishligi 50-77% ni tashkil qiladi; noretisteron jigar orqali birinchi bor o‘tishda ahamiyatli darajada metabolizmga uchraydi.

Taqsimlanishi

0,5 mg yoki 1 mg yoki 3 mg noretisteronning plazmadagi maksimal konsentrasiyasi, preparat qabul qilinganidan keyin 0,5-4 soatdan so‘ng o‘lchanganda muvofiq ravishda 2-5 ng/ml ni yoki 5-10 ng/ml ni yoki 30 ng/ml ni tashkil qilgan.

Etinilestradiol bilan birga buyurilganda, plazmada preparatning konsentrasiyasi oshishi mumkin, u ko‘p marta qabul qilinganda muvozanat holatiga erishilgunicha oshishi mumkin. Bu, asosan, noretisteronni jinsiy gormonlarni bog‘lovchi globulin (JGBG) bilan bog‘lanishi va uning metabolizmini sekinlashishi bilan bog‘liqdir.

Biotransformasiyasi

Noretisteronning eng muhim metabolitlari glyukuronid kon‘yugatlari ko‘rinishidagi 5α-digidro-noretisteron va tetragidronoretisteronning bir nechta metabolitlarini o‘z ichiga oladi. Noretisteron va uning ayrim metabolitlari 17β-gidroksil hisobiga kon‘yugasiyalangan.

Chiqarilishi

Noretisteronning zardobdagi konsentrasiyasi ikki fazada pasayishi bilan xarakterlanadi. Birinchi fazada o‘rtacha yarim chiqarilishi davri 2,5 soatni tashkil etadi. Taqsimlanishning yakuniy fazasi taxminan 8 soatlik yarim chiqarilish davri bilan xarakterlanadi. Jigarda hosil bo‘ladigan metabolitlarining 80% siydik bilan chiqariladi.

Qo‘llanilishi

Hayz oldi sindromi, mastodiniya, hayz ko‘rish siklini sekretor fazani qisqarishi bilan kechuvchi buzilishi; bachadondan disfunksional qon ketishlari; endometriyning bez-kistoz giperplaziyasi; endometriozda qo‘llaniladi.

Qo‘llash usuli va dozalari

Hayz oldi sindromi; mastodiniya; hayz siklini buzilishilarida: hayz ko‘rish siklining 16-chi kunidan 25-chi kunigacha kuniga 5-10 mg (1-2 tabletka) dan buyuriladi, estrogen bilan birga qabul qilish mumkin.

Bachadondan disfunksional qon ketishlari, endometriyning kistoz-bezli giperplaziyasida (agar qon ketishlarining funksional kelib chiqishi avvalgi 6 oy davomida o‘tkazilgan gistologik tahlil bilan tasdiqlangan bo‘lsa): kuniga 5-10 mg (1-2 tabletka) dan 6-12 kun davomida buyuriladi. Qaytalanishni oldini olish uchun: siklning 16-chi kunidan boshlab, 25-chi kunigacha kuniga 5-10 mg dan, odatda estrogen bilan birga buyuriladi.

Endometrioz; adenomiozda: siklning 5-chi kunidan boshlab, 25-chi kunigacha kuniga 5 mg dan 6 oy davomida buyuriladi yoki uzluksiz davolash sxemasida siklning 5-chi kunidan boshlab, kuniga 2,5 mg (½ tabletka) dan buyuriladi, hayz ko‘rishlar orasidagi qon ketishlarini oldini olish uchun esa dozani 4-6 oy davomida har 2-3 haftada dozani ½ tabletkaga oshirib borish kerak.

Nojo‘ya ta‘sirlari

Nojo‘ya reaksiyalar ko‘pincha Norkolut preparatini qo‘llash boshlanganidan keyin birinchi oylarda namoyon bo‘ladi va davolash davom ettirilganda yo‘qoladi. Nojo‘ya reaksiyalarni paydo bo‘lish tez-tezligi postmarketing tadqiqotlar va adabiyot manbalaridan olingan ma‘lumotlarga asoslangan.

*«Endometrioz» ko‘rsatmasi bo‘yicha qo‘llanganda.

Qo‘llash mumkin bo‘lmagan holatlar

Norkolut quyida sanab o‘tilgan holatlardan birontasi bo‘lganida qo‘llanmasligi lozim. Agar sanab o‘tilgan holatlardan birontasi Norkolutni qabul qilish davrida qayd etilgan bo‘lsa, preparatni qabul qilishni darhol to‘xtatish kerak.

1. Ta‘sir etuvchi moddaga yoki preparatning komponentlaridan birontasiga o‘ta yuqori sezuvchanlik.
2. Ma‘lum bo‘lgan yoki taxmin qilinayotgan homiladorlik.
3. Laktasiya.
4. Hozirgi vaqtdagi yoki ilgari bo‘lgan idiopatik venoz tromboemboliya (chuqur venalar trombozi, o‘pka arteriyalari tromboemboliyasi).
5. Hozirgi vaqtdagi yoki ilgari bo‘lgan arterial tromboz (masalan stenokardiya, miokard infarkti).
6. Trombozdan darak beruvchi holatlarni borligi (hozirgi vaqtda yoki ilgari) (masalan, tranzitor ishemik xuruj, stenokardiya).
7. Venoz yoki arterial trombozning yuqori xavfi.
8. O‘choqli nevrologik tanqislik bilan kechuvchi migren xurujlarini mavjudligi.
9. Qon tomir asoratlari bilan kechuvchi qandli diabet.
10. Hozirgi vaqtdagi yoki ilgari bo‘lgan jigarning og‘ir shikastlanishlari uning faoliyatini to‘liq tiklangunicha.
11. Jigarning avvalgi yoki mavjud o‘smalari (xavfsiz yoki xavfli).
12. Ilgari ma‘lum, mavjud bo‘lgan yoki gumon qilingan gormonga bog‘liq o‘smalar, shu jumladan sut bezi raki.
13. Ilgari homiladorlik vaqtidagi idiopatik sariqlik yoki terini og‘ir darajali qichishishi.
14. Bachadondan aniqlanmagan etiologiyali qon ketishlari.
15. Endometriyning davolanmagan giperplaziyasida qo‘llash mumkin emas.

Preparat bolalarda qo‘llash uchun mo‘ljallanmagan.

Ehtiyotkorlik bilan

Uzoq muddat qo‘llanganda quyidagi holatlarda yuqori ehtiyotkorlikni namoyon etish lozim: yurak-qon tomir tizimi va buyrak kasalliklari; bronxial astma; tutqanoq; trombozlarga moyillik, gepatit, jigar faoliyatini buzilishlarida ehtiyotkorlik bilan qo‘llash kerak.

Noretisteronni buyurishdan oldin o‘tkiziladigan tibbiy tekshiruvlarning majburiy hajmi arterial bosim (AB), sut bezlari, qorin bo‘shlig‘i va chanoq a‘zolarini baholashni, shuningdek bachadon bo‘ynining sitologik tekshiruvini o‘z ichiga oladi.

Noretisteron bilan davolash quyidagi holatlarda darhol to‘xtatilishi lozim.

• Migren tipidagi bosh og‘riqlarini rivojlanishi yoki g‘ayri-oddiy kuchli bosh og‘riqlarini kuchayishi.
• Sezgi tuyg‘ularini behosdan buzilishi (masalan, ko‘rish yoki eshitishni buzilishi).
• Tromboflebitning birinchi belgilari yoki tromboemboliya simptomlari, ko‘krakda og‘riq yoki siqilish hissi.
• Rejalashtirilgan jarrohlik aralashuvdan olti hafta oldin, shuningdek uzoq muddatli immobilizasiya hollarida.
• Sariqlikni paydo bo‘lishi yoki jigar faoliyatini yomonlashishi, gepatitni, terini qichishishini sariqliksiz shakli.
• Arterial bosimni sezilarli oshib ketishi.
• Homiladorlik.

Agar quyida sanab o‘tilgan xavf omillaridan birontasi bo‘lsa yoki Norkolut preparatini qo‘llash vaqtida yuz bersa, xavf/foydani shaxsiy ravishda baholash Norkolut preparati bilan davolashni boshlashdan yoki davom ettirishdan oldin o‘tkazilishi lozim.

Qon tomir buzilishlari

Epidemiologik tadqiqotlarning natijalariga qo‘ra xulosa qilish mumkinki, ovulyasiya ingibitorlarini saqlovchi oral estrogenlar/progestagenlarni qo‘llanishi tromboembolik asoratlarning sonini oshishi bilan bog‘liqdir. Shunday qilib, ayniqsa agar anamnezda tromboembolik kasalliklar bo‘lsa, ularni rivojlanishi mumkinligini nazarda tutish lozim.

Agar pasientda tromboembolik asoratlarni rivojlanishiga ishora qiluvchi simptomlar kuzatilsa, Norkolut preparatini qabul qilishni darhol to‘xtatish kerak. Norkolut preparatini qo‘llashni davom ettirishdan oldin davolash zaruratini qayta ko‘rib chiqish lozim.

Venoz tromboemboliya (VTE) ning umum qabul qilingan xavf omillari quyidagilarni o‘z ichiga oladi:

1. VTE epizodlari yoki oilaviy anamnezda VTE (aka-ukasi, opa-singilisi yoki ota-onasida nisbatan yosh vaqtida VTE).
2. Yosh.
3. Semizlik.
4. Tizimli qizil yugurik.
5. Uzoq muddatli immobilizasiya.
6. Yirik jarrohlik aralashuvi.
7. Og‘ir jarohatlar.

Ilgari VTE epizodlari bo‘lgan yoki tromboembolik asoratlari bo‘lgan pasientlarda VTE rivojlanishining yuqori xavfi bo‘ladi. Ushbu preparat bilan davolash bu xavfni oshirishi mumkin.

Tromboemboliyaga moyillikni istisno qilish uchun ilgari bo‘lgan tromboemboliya epizodlari yoki tromboemboliyaning yoki qaytalanuvchi beixtiyoriy abortning oilaviy anamnezi o‘rganib chiqilishi lozim.

Agar trombofilik omillarni sinchkov baholash bajarilmagan bo‘lsa yoki antikoagulyant bilan davolash boshlangan bo‘lsa, bu pasientlarda progestagenlarni qo‘llash mumkin emas. Antikoagulyantlarni qabul qilayotgan pasientlarda progestagen bilan davolash xavf va foydasi chamalab ko‘rilishi lozim.

VTE xavfi uzoq muddatli immobilizasiyada, og‘ir jarohatda yoki jiddiy operasiyada vaqtinchalik oshishi mumkin. Barcha bemorlarda bo‘lgani kabi katta jarrohlik aralashuvlardan keyin, VTE ni oldini olish bo‘yicha profilaktik chora-tadbirlarga alohida e‘tibor berilishi lozim. Agar rejali operasiyalarda, ayniqsa abdominal yoki oyoqlardagi ortopedik jarrohlikda, operasiyadan 4-6 hafta oldin progestagen bilan davolashni to‘xtatib turish masalasini ko‘rib chiqish lozim.

Giperlipidemiya

Gipertrigliseridemiyasi yoki oilaviy anamnezida gipertrigliseridemiyasi bo‘lgan ayollarda majmuaviy oral kontraseptivlarni (MOK) qabul qilganlarida pankreatitni rivojlanishini yuqori xavfi bo‘ladi.

Gipertrigliseridemiyasi bo‘lgan ayollar arterial shikastlanishlarni rivojlanishini yuqori xavfiga ega bo‘ladilar. Shu bilan birga, MOK qabul qilgan barcha ayollarda oddiy skrining o‘tkazishning zarurati yo‘q.

O‘smalar

Kam hollarda Norkolutning tarkibida saqlanuvchi moddalarga o‘xshash gormonal preparatlarni qabul qilayotgan shaxslarda jigarning xavfsiz, yana xam kam hollarda xavfli o‘smalari to‘g‘risida xabar berilgan.

Ayrim hollarda bu o‘smalar qorin bo‘shlig‘ida hayot uchun xavfli bo‘lgan qon ketishlariga olib kelgan. Qorinning yuqori qismida og‘riq, jigarni kattalashishiga shikoyatlar bo‘lganida yoki qorin bo‘shlig‘ida qon ketishi belgilari paydo bo‘lganida, jigar o‘smasi istisno qilinishi, preparat esa, bekor qilinishi lozim.

Boshqa ehtiyotkorliklar

Noretisteron uglevod almashinuviga ta‘sir qilishi mumkin. Qandli diabeti bilan xastalangan barcha pasientlarda davolanishdan oldin va davolanish vaqtida uglevod almashinuvi ko‘rsatkichlarini sinchkovlik bilan nazorat qilish lozim.

Ba‘zida, ayniqsa ilgari homiladorlar xloazmasi bo‘lgan ayollarda xloazma rivojlanishi mumkin. Xloazmaga moyilligi bo‘lgan ayollarda noretisteron bilan davolanish vaqtida quyosh nuri yoki ultra binafsha nurlanishning ta‘sirini minimumga yetkazish lozim.

Depressiya epizodlari bo‘lgan pasientlar sinchkov kuzatilishlari lozim. Agar depressiya og‘ir ko‘rinishda takrorlansa, Norkolut preparati bilan davolash to‘xtatilishi lozim.

Ko‘rishni o‘tkir buzilishi, ekzoftalm, diplopiya yoki migrenni rivojlanishining har qanday holatida, Norkolut preparati bilan davolashni davom ettirishdan oldin ko‘rish nervi diskining shishi yoki ko‘zning to‘r pardasini shikastlanishini istisno qilish kerak.

Progestagenlar suyuqlikni tutilishini chaqirishi mumkin. Norkolut preparatini quyidagi kasalliklari bo‘lgan bemorlarga o‘ziga xos e‘tibor berilishi lozim:

• Tutqanoq
• Migren
• Astma
• Yurak kasalliklari
• Buyrak faoliyatini buzilishi.

Noretisteronni etinilestradiolga qisman metabolizmi bilan bog‘liq qo‘shimcha choralar

Ichga qabul qilinganidan so‘ng, noretisteron qisman metabolizmga uchraydi va 1 milligramm peroral noretisteron yoki noretisteronasetatga ekvivalent bo‘lgan taxminan 4-6 mkg li yakuniy dozadagi etinilestradiolga mos keluvchi etinilestradiol hosil bo‘ladi.

Noretisteronni etinilestradiolga qisman konversiyasi tufayli, Norkolutni buyurilishi, kutilganidek, MOK ni qabul qilinganida kuzatiladigan farmakologik samaralarga olib keladi.

Shunday qilib, quyidagilarni e‘tiborga olish lozim:

Arterial va venoz tromboemboliya

Venoz tromboemboliyalar (VTE)

Epidemiologik tadqiqotlar, estrogenlar miqdori kam (< 50 mkg etinilestradiol) bo‘lgan oral kontraseptivlarni qabul qilayotgan ayollarda venoz tromboemboliya (VTE) ni rivojlanish tez-tezligi yiliga 100 000 holatga – taxminan 20-40 holatni tashkil qilishini ko‘rsatdi, lekin bu baho progestagenning miqdoriga qarab o‘zgarib turadi. Qiyoslash uchun – oral kontraseptivlarni qabul qilmayotgan ayollarda bu ko‘rsatkich yiliga 100 000 holatga 5-10 holatni tashkil qiladi. Har qanday majmuaviy oral kontraseptivlarni qo‘llanishi ularni qo‘llanmasligiga qaraganda VTE yuqori xavfiga olib keladi. Homiladorlik bilan bog‘liq bo‘lgan bu VTE ning yuz berishini kamroq xavfi, uning tez-tezligi 100 000 homiladorlikka 60 holat deb baholanadi. VTE ning eng yuqori xavfi majmuaviy oral kontraseptivlarni qo‘llanishini birinchi yili davomida yoki qo‘llashdagi minimal muddat 1 oy tanaffusdan keyin mavjud bo‘ladi.

VTE hayot uchun xavfli bo‘lishi yoki o‘lim bilan yakunlanishi (1-2 % holatlarda) mumkin.

Chuqur venalar trombozi yoki o‘pka emboliyasi ko‘rinishidagi VTE har qanday MOK ni qo‘llash vaqtida yuz berishi mumkin.

Ma‘lumki, MOK qo‘llanganida juda kam hollarda tromboz boshqa qon tomirlarda, masalan, jigar, ichak tutqichi, buyrak, bosh miya qon tomirlarida, shuningdek ko‘zning to‘r pardasi venalari va arteriyalarida yuz berishi mumkin. Bu asoratlarni rivojlanishi MOK ni qo‘llanishi bilan bog‘liqligi yuzasidan yakdil fikr yo‘q.

VTE umumiy simptomlari quyidagilarni o‘z ichiga oladi:

• Bir oyoqning boldirida quchli og‘riq, to‘piq shishi
• Behosdan boshlangan hansirash, ko‘krakda og‘riq.

Majmuaviy oral kontraseptivlarni qo‘llash shuningdek ikkilamchi arterial tromboembolik asoratlar hisoblangan insult va miokard infarkti kabi kasalliklarni yuz berish xavfini xam oshirishi mumkin.

Arterial tromboemboliyaning umumiy simptomlari quyidagilarni o‘z ichiga oladi:

• Chap qo‘lga irradiasiya qilinuvchi yoki irradiasiya qilinmaydigan ko‘krakdagi to‘satdan kuchli og‘riq;
• Hech qanday sababsiz to‘satdan yo‘tal tutishi;
• Har qanday odatiy bo‘lmagan kuchli, davomli, ayniqsa ilk bor yuz berayotgan bosh og‘rig‘i yoki holat asta-sekin yomonlashadi yoki quyidagi simptomlarning birontasi oqibatida yuz beradi:
• ko‘rishni behosdan qisman yoki to‘liq yo‘qolishi yoki jismlarni ikkita ko‘rish;
• afaziya;
• bosh aylanishi;
• fokal tutqanoq xurujlari bilan yoki ularsiz kechuvchi kollaps;
• holsizlik yoki tananing bir tomonida yoki bir qismidagi yaqqol behosdan yuz beruvchi jimirlash.

Tromboembolik asoratlarni rivojlanishining xavf omillari:

• Yosh
• Semizlik (tana vazni indeksi 30 kg/m² dan ortiq)
• Musbat oilaviy anamnez (qachonlardir aka-ukasi, opa-singlisi yoki ota-onasida nisbatan yosh vaqtida venoz yoki arterial tromboemboliyani bo‘lganligi). Agar nasliy moyillik ma‘lum bo‘lsa yoki gumon qilinsa, ayol MOK ni qo‘llash to‘g‘risida qaror qabul qilishdan oldin maslahat olish uchun mutaxassisga murojaat qilishi lozim.
• Uzoq muddatli immobilizasiya, katta jarrohlik aralashuvi, oyoqdagi har qanday operasiyalar yoki katta jarohat. Bunday vaziyatlarda MOK ni qo‘llashni to‘xtatgan ma‘qul (rejali operasiya bo‘lgan hollarda, xech bo‘lmaganda to‘rt hafta avval to‘xtatish kerak), va to‘liq tiklangandan keyin kamida ikki haftadan oldin qayta boshlamaslik kerak.
• Chekish (xavf tamaki chekkanda va yosh o‘tgani sayin, ayniqsa 35 yoshdan oshgan ayollarda oshib boradi)
• Dislipoproteinemiya
• Arterial gipertenziya
• Migren (MOK ni qabul vaqtidagi migren xurujlari tez-tezligi va og‘irlik darajasini oshishi bosh miyada qon aylanishini buzilishidan darak berishi va demak, MOK ni qabul qilishni darhol to‘xtatishga asos bo‘lishi mumkin).
• Yurak klapanlari nuqsoni
• Xilpillovchi aritmiya

Qon aylanishini buzilishini chaqiruvchi boshqa omillar

Qon aylanishini buzilishi yuz berishi mumkin bo‘lgan kasalliklar:

• Qandli diabet
• Tizimli qizil yugurik (TQYU)
• Gemolitik uremik sindrom
• Ichakning surunkali yallig‘lanish kasalliklari (Kron kasalligi/yarali kolit)
• O‘roqsimon xujayrali anemiya.

Venoz yoki arterial trombozlarga nasliy yoki orttirilgan moyilikni ko‘rsatuvchi biokimyoviy omillar:

• Faollashtirilgan S (ARS) oqsiliga rezistentlik
• Gipergomosisteinemiya
• Antitrombin-III tanqisligi
• S protein tanqisligi
• S protein tanqisligi
• Antifosfolipid antitelolar (antikardiolipin antitelolari, qizil yugurik antikoagulyanti).

Bachadon bo‘yni raki

Bachadon bo‘yni rakini rivojlanish xavfining eng muhim omili avj olmaydigan OITV infeksiyasi hisoblanadi. Ayrim epidemiologik tadqiqotlar, MOK ni uzoq muddat ishlatilishi keyinchalik yuqori xavfga olib kelishini ko‘rsatdi, biroq bu holat yuzasidan xali xam, ta‘sir qiluvchi omillar (masalan, jinsiy xulq, shu jumladan to‘siqli kontraseptivlarni qo‘llash) borligi tufayli, bir xil fikrlar yo‘q.

Sut bezi raki

54 epidemiologik tadqiqotlarning meta-taxlili, hozirgi vaqtda MOK ni qo‘llayotgan ayollarda sut bezi rakining biroz oshgan nisbiy xavfi (NX = 1,24) borligini ko‘rsatdi.

Yuqori xavf MOK ni qabul qilish to‘xtatilganidan keyin 10 yil davomida asta-sekin yo‘qolib boradi.

Sut bezi raki 40 yoshgacha bo‘lgan ayollarda kam uchraganligi tufayli, MOK ni hozirgi vaqtda va ilgari qabul qilgan ayollarda sut bezi rakining yuqori tez-tezligi umumiy populyasiyadagi sut bezi rakining xavfiga nisbatan kamdir. Bu tadqiqotlar sabab-oqibat bog‘liqligiga dalillar keltirmaydi. Sut bezi rakining yuqori xavfini kuzatilayotgan manzarasi MOK ni qo‘llayotgan ayollarda rakni erta diagnostika qilish, MOKning biologik samaralari yoki uni xam va buni xam majmuasi bilan bog‘liq bo‘lishi mumkin. Qachonlardir MOK qabul qilgan shaxslarda sut bezi raki, xech qachon MOK qabul qilmagan pasientlarga qaraganda ancha erta bosqichlarda diagnostika qilinadi.

Boshqa omillar

Arterial bosim

Garchi arterial bosimni oshishi MOK ni qabul qilayotgan ko‘pchilik ayollarda qayd etilgan bo‘lsada, klinik ahamiyatli oshishi juda kam uchraydi. Biroq, agar MOK ishlatilganda qat‘iy klinik ahamiyatli gipertenziya rivojlansa, MOK ni bekor qilish va antigipertenziv davolashni boshlash maqsadga muvofiqdir. Qaerda MOK ni qabul qilish maqsadga muvofiq deb topilsa, uni qabul qilish, agar antigipertenziv davolash AB ning maqsadli ko‘rsatkichlariga erishishga imkon bersagina qaytadan boshlanishi mumkin.

Kron kasalligi va yarali kolit MOK ni qabul qilish bilan bog‘liq bo‘lishi mumkinligi to‘g‘risida xabarlar bor.

Norkolut preparati laktoza monogidrati saqlaydi. Galaktozani nasliy o‘zlashtiraolmasligi, Lapp laktaza yetishmovchiligi yoki glyukozo-galaktoz malabsorbsiyasi bo‘lgan pasientlar bu preparatni qo‘llamasliklari lozim.

Dorilarning o‘zaro ta‘siri

Ferment induktorlari bilan ehtiyotkorlik bilan qo‘llash kerak, chunki ular Norkolut preparatining metabolizmini tezlashtirishi mumkin.

Jinsiy gormonlarning klirensini oshishiga olib keluvchi o‘zaro ta‘sirlar terapevtik samaradorlikni pasayishiga olib kelishi mumkin. Bu ko‘pchilik jigar fermentlarining induktorlariga, shu jumladan fenitoin, barbituratlar, primidon, karbamazepin, rifampisin, okskarbazepin va rifabutinga taalluqlidir. Grizeofulvin xam noretisteron bilan o‘zaro ta‘sirga kirishishi va hayz ko‘rish siklini buzilishlariga olib kelishi mumkin.

Teshik dalachoy saqlovchi o‘simlik preparatlari progestagenlarning metabolizmini kuchaytirishi mumkin. Progestagenlar xam boshqa preparatlarning, masalan metabolizmiga ta‘sir qilib, ularning, masalan, metabolizmi ingibisiya qilingan bo‘lishi mumkin bo‘lgan siklosporinning plazmadagi va to‘qimalardagi konsentrasiyalarini o‘zgartirishi mumkin.

Progestagenlarni ishlatilishi ayrim laborator testlar (masalan, jigar sinamalari, qalqonsimon bez gormonlari va koagulyasion testlar) ning natijalariga ta‘sir qilishi mumkin.

Maxsus ko‘rsatmalar

Homiladorlik va emizish vaqtida qo‘llanishi

Yirik epidemiologik tadqiqotlar homiladorlikkacha noretisteron saqlovchi oral kontraseptivlarni qo‘llagan ayollarda homilada tug‘ma nuqsonlarni rivojlanish xavfini oshishini aniqlamagan. Kechroq o‘tkazilgan tadqiqotlarda teratogan samara, ayniqsa homiladorlikning ilk muddatlarida preparatni behosdan qabul qilinganda yurak anomaliyalari va qo‘l-oyoqlarni rivojlanmay qolishi yuzasidan samaralar aniqlanmagan. Norkolutni homiladorlik testi sifatida “shiddatli” qon ketishini chaqirish uchun qo‘llash mumkin emas. Norkolutni homiladorlik vaqtida xavf tug‘diruvchi yoki oddiy abortlarni davolash uchun qo‘llash mumkin emas.

Tug‘ruqdan keyingi davrda noretisteron sut ajralish miqdorini kamaytirishi va sifatini pasaytirishi hisobiga laktasiyani buzishi mumkin.

Bolalar

Preparat bolalarda qo‘llash uchun mo‘ljallanmagan.

Transport vositalarini boshqarish va mexanizmlar bilan ishlash qobiliyatiga ta‘siri

Noretisteron avtomobilni boshqarish va mexanizmlar bilan ishlash qobiliyatiga ta‘sir qilmaydi.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Noretisteron saqlovchi oral kontraseptivlarning yuqori dozalari kichkina bolalar tomonidan ichga bir vaqtda qabul qilingandan keyin jiddiy salbiy oqibatlar qayd etilmagan. Dozani oshirib yuborilishi ayollarda ko‘ngil aynishi va shiddatli qon ketishlarini chaqirishi mumkin. Maxsus antidot mavjud emas, davolash simptomatik bo‘lishi kerak.

Chiqarilish shakli

10 tabletka PVX plyonka va alyumin folgali blisterda.

Ikki blister qo‘llash bo‘yicha yo‘riqnomasi bilan karton qutida.

Saqlash sharoiti

30°C dan yuqori bo‘lmagan haroratda saqlansin.

Yaroqlilik muddati

5 yil.

Dorixonalardan berish tartibi

Resept bo‘yicha.