Romisin

Ichga qabul qilingandan so'ng azitromitsin me'da-ichak yo'llaridan tez so'riladi (bu uning kislotali muhitga chidamliligi va lipofilligi bilan bog'liq). 500 mg ichga qabul qilinganidan keyin azitromitsinning qon zardobidagi maksimal kontsentratsiyasiga 2,5-3 soatdan keyin erishiladi va u 0,4 mg/l ni tashkil qiladi. Biokirishaolishligi 37% ni tashkil qiladi.
Nafas yo'llariga, urogenital yo'llarining a'zolari va to'qimalariga (xususan prostata beziga), teri va yumshoq to'qimalarga yaxshi kiradi. To'qimalardagi yuqori kontsentratsiyasi qon zardobidagidan 10-50 marta yuqori. Uzoq muddatli yarim chiqarilish davri azitromitsinni qon plazmasining oqsillari bilan past darajada bog'lanishi, shuningdek uni eukariot xujayralariga kirish xususiyati va rN past bo'lgan lizosomalarni o'rab turgan muhitda yig'ilishi bilan bog'liq. Bu o'z navbatida, katta taxminiy taqsimlanish hajmini (31.1 l/kg) va yuqori plazma klirensini belgilaydi.
Fagotsitlar azitromitsinni infektsiya joylashgan joyga yetkazishi isbotlangan bo'lib, u joyda u ajralib chiqadi.
Azitromitsinni xujayralarga kirib borishi va uning yallig'lanish o'chog'ida tashiladigan fagotsitlarda to'planishi, in vivo preparatning mikroblarga qarshi faolligini oshirish imkonini beradi.
Azitromitsinning asosan lizosomalarda to'planish xususiyati xujayra ichki qo'zg'atuvchilarining eliminatsiyasi uchun muhimdir. Azitromitsinning infektsiya o'chog'idagi kontsentratsiyasi sog'lom to'qimalardagiga nisbatan (o'rtacha 24-34% ga) ishonchli darajada yuqori va yallig'lanish shishining darajasi bilan to'g'ri keladi. Fagotsitlardagi yuqori kontsentratsiyasiga qaramasdan, azitromitsin ularning faoliyatiga sezilarli ta'sir ko'rsatmaydi. Azitromitsin yallig'lanish o'chog'ida, oxirgi doza qabul qilinganidan keyin 5-7 kun davomida bakteritsid kontsentratsiyalarda saqlanadi, bu qisqa davolash kurslarini (3 kunlik va 5 kunlik) ishlab chiqish imkoniyatini beradi.
Jigarda faol bo'lmagan metabolitlarni hosil qilib demetillanadi. Preparatning eliminatsiyasi 2 bosqichda o'tadi: qabul qilgandan so'ng 8 va 24 soat chegarasida (T1/2) 14-20 soatni tashkil etadi) va va qabul qilgandan so'ng 24 va 72 soat oralig'idani tashkil qiladi (yarim chiqarilish davri 41 soatni tashkil qiladi), bu preparatni sutkada 1 marta qabul qilish imkoniyatini beradi.
O'zgarmagan holatda safro bilan 50%, siydik bilan – 6% chiqariladi. Keksa yoshli erkaklarda (65-85 yosh) farmakokinetik parametrlar o'zgarmaydi, ayollarda – qon plazmasida maksimal kontsentratsiyasi 30-50% ga oshadi. Ovqatni qabul qilish farmakokinetikani sekinlashtiradi: qon plazmasida maksimal kontsenratsiyasi 52% ga pasayadi.
Buyrak yetishmovchiligi.
Buyrakning yengil va o'rta darajadagi yetishmovchiligi (kalava filьtratsiyasi – minutiga 10-80 ml) bo'lgan shaxslarda sekin ajralib chiqmaydigan 1 g azitromitsinni bir martalik dozasini yuborgandan so'ng azitromitsinning farmakokinetikasi o'zgarmaydi. Og'ir buyrak yetishmovchiligi guruhi (kalava filьtratsiyasi – minutiga < 10 ml) va buyrakning normal funktsiyasi bo'lgan guruhlar orasida ko'rsatkichlarning statistik ahamiyatli farqlari olingan: 0-120 AUC – soatiga 8,8 mg/ml ga nisbatan soatiga 11,7 mg/ml; Smax – 1,6 mg/ml ga nisbatan 1,0 mg/ml va buyrak klirensi (CLr) – 0,2 ml/min/kg ga nisbatan 2,3 ml/min/kg muvofiq.
Jigar yetishmovchiligi.
Jigarning yengil (Chayld-Pьyu shkalasi bo'yicha A sinfi), o'rta (Chayld-Pьyu shkalasi bo'yicha B sinfi) darajadagi yetishmovchiligi bo'lgan patsiyentlarda jigar funktsiyasini normada bo'lgan patsiyentlarga nisbatan qon zardobida azitromitsinning farmakokinetikasida sezilarli o'zgarishlarning mavjudligi aniqlanmagan. Bunday patsiyentlarda jigar klirensining pasayishi kompensatsiyasi maqsadida, ehtimol siydikda azitromitsinning klirensi oshishi kuzatilishi mumkin.
Bolalar va o'smirlar.
4 oylikdan 15 yoshgacha bo'lgan bolalarda azitromitsinning qobiq bilan qoplangan tabletka va peroral qo'llash uchun suspenziya tayyorlash uchun granula shakllarining farmakokinetikasi bo'yicha tadqiqotlar o'tkazilgan. Birinchi sutkada 10 mg/kg va 2 chidan 5 sutkagacha 5 mg/kg dozalarni buyurgandan so'ng, Smax katta populyatsiyaga nisbatan ahamiyatli darajada past bo'lgan.

Preparatni uzoq muddat qo'llash va keksa yoshli patsiyentlar uchun dozani o'zgartirishning zarurati yo'q. Antatsidlar bilan bir vaqtda qo'llanganda 2 soatlik tanaffuzga rioya etish lozim. O'ta yuqori sezuvchanlik reaktsiyalari ayrim patsiyentlarda preparatni bekor qilgandan so'ng ham saqlanadi (shifokor nazorati ostida maxsus davolash talab etiladi). Preparatning dozasini o'tkazib yuborilishi holatida, o'tkazib yuborilgan dozani iloji boricha tezroq qabul qilish lozim, navbatdagi zozani – 24 soatlik tanaffuzdan so'ng qo'llaniladi. Bolalar va 16 yoshdan kichik o'smirlarda azitromitsinning buyurilishining xavfsizligi to'liq aniqlanmagan. Homiladorlik va laktatsiya davrida qo'llanilishi Preparatni homiladorlik davrida qo'llash mumkin emas. Emizish davri Preparatni ko'krak sutiga o'tishi haqida hech qanday ma'lumotlar yo'q. Ko'pchilik preparatlar organizmdan ko'krak sutiga o'tishi sababli azitromitsinni emizikli ayolni davolashda qo'llash mumkin emas, shifokor ixtiyori bilan buyurilib, ona uchun potentsial foyda bola uchun potentsial xavfni oqlaydigan hollar bundan mustasno. Avtomobilni boshqarish yoki boshqa mexanizmlar bilan ishlash qobiliyatiga ta'siri Azitromitsin tabletkalarining patsiyentni avtomobilni boshqarish yoki mexanizmlar bilan ishlash qobiliyatiga ta'sir ko'rsatishi mumkinligiga hech qanday asos yo'q. Preparat bolalar ololmaydigan joyda saqlansin va uni yaroqlilik muddati o'tganidan so'ng qo'llanmasin.

Preparat ovqatdan 1 soat oldin yoki 2 soat keyin, sutkada 1 marta qo'llaniladi.
Kattalarga yuqori va quyi nafas yo'llarinin, teri osti yog' kletchatkasining infektsiyalarida (surunkali migratsiyalanuvchi eritemadan tashqari): 1–kun – 500 mg bir marta, 2- kundan 5- kungacha sutkada - 500 mg dan 3 kun davomida buyuriladi.
Surunkali migratsiyalanuvchi eritemada: 1–kun – 1 g bir marta, 2- kundan 5- kungacha sutkada - 500 mg , kurs dozasi 3 g ni tashkil qiladi.
Asoratlanmagan uretrit va/yoki servitsitda 1 gdan bir marta buyuriladi.
Me'da va o'nikki barmoq ichakning Helicobacter Pylori bilan assotsiatsiyalangan kasalliklarida sutkada 1 g dan majmuaviy davolash tarkibida 3 kun davomida buyuriladi.
Preparatning 1 dozasini o'tkazib yuborilishi holatida o'tkazib yuborilgan dozani iloji boricha erta qabul qilish lozim, navbatdagi dozani 24 soatli tanaffuzdan so'ng qo'llaniladi.
Buyurilgan dozalarni kattalar va tana vazni 45 kg dan yuqori bo'lgan bolalarda qo'llash tavsiya etiladi.
Keksa yoshli bemorlarda qo'llanilishi. Keksa yoshli patsiyentlaruchun dozaga to'g'rilashni kiritish tavsiya etilmaydi. 75 yoshdan katta patsiyentlarda preparatni qo'llash taeribasi cheklangan.
Buyrak yetishmovchiligi.
Buyrakning o'rtacha yetishmovchiligi bo'lgan patsiyentlarda (SKF minutiga 10-80 ml) dozani to'g'rilash talab qilinmaydi.
Og'ir buyrak yetishmovchiligi bo'lgan (SKF minutiga <10 ml) patsiyentlarda preparatni buyurishda ehtiyotkorlikka rioya qilish lozim.
Jigar yetishmovchiligi.
Preparat jigarda metabolizmga uchrashi va safro orqali chiqarilishi sababli, jigarning og'ir kasalliklari bo'lgan patsiyentlarga preparatni buyurish mumkin emas. Bunday patsiyentlarda preparat bilan davolash bo'yicha tadqiqotlar o'tkazilmagan.

MIY, jigar tomonidan: ko'ngil aynishi, anoreksiya, dispeptik buzilishlar, diareya, qorinda og'riq bo'lishi mumkin; kam hollarda — qusish, melena, meteorizm, jigar fermentlari faolligini tranzitor oshishi, xolestatik sariqlik, kam hollarda o'lim bilan yakunlanishga olib kelishi mumkin bo'lgan jigar yetishmovchiligi, nekrotik gepatit, bundan tashqari bolalarda – qabziyat, ishtahani pasayishi, gastrit; og'iz bo'shlig'i shilliq qavatining kandidomikozi, pankreatit.
Yurak-qon tomir tizimi tomnidan: yurak urishi, ko'krak qafasida og'riq (1 % va undan kam holatlar), piruet holidagi paroksizmal qorinchalar taxikardiyasi, qorinchalar aritmiyasi, gipotenziya.
Nerv tizimi va sezgi a'zolari tomonidan: bosh aylanishi, bosh og'rig'i, vertigo, uyquchanlik; bolalarda – bosh og'rig'i (o'rta otitni davolashda), giperkineziya, havotirlik, jizzakilik, nevroz, uyquni buzilishi og'riq (1 % va undan kam holatlar), paresteziyalar, disgevziya, xushdan ketish, tirishishlar, psixomotor giperfaollik, qabul qilishni yo'qolishi, ta'm sezishni yo'qolishi, miasteniya, ko'rishni buzilishi, eshitish a'zolari va vetibulyar apparat tomonidan buzilishlar, karlik, quloqlarda shovqin.
Siydik-chiqarish tizimi tomnidan: vaginal kandidoz, o'tkir buyrak yetishmovchiligi, shish, nefrit (1 % va undan kam).
Allergik reaktsiyalar: o'ta yuqori sezuvchanlik reaktsiyalari, anafilaktik reaktsiyalar, toshma, fotosensibilizatsiya, Kvinke shishi, eshakemi, terini qichishishi, Stivens-Djonson sindromi, toksik epidermal nekroliz, ko'pshaklli eritema.
Boshqalar: yuqori charchoqlik, holsizlik, soxtamembranoz kolit, eozinofiliya, neytropeniya va neytrofiliya, leykopeniya, trombotsitopeniya, gemolitik anemiya, artralgiya, alaninaminotransferaza, aspartataminotransferazani oshishi, qonda bilirubinni, qonda kreatinini, qon zardobida mochevinani oshishi, qonda kaliy kontsentratsiyasini o'zgarishi, EKG da QT intervali uzayishi kuzatilishi mumkin.

Antatsidlar (alyumin va magniy saqlovchi), etanol va ovqat azitromitsinni so'rilishini sekinlashtiradi va pasaytiradi, shuning uchun ovqat va keltirilgan dori vositalari bilan qabul qilish orasidagi interval 1 soat oldin yoki 2 soat keyinni tashkil qilishi kerak. Digoksinni kontsentratsiyasini oshiradi.
Ergotamin va digidroergotamin: toksiklik kuchayadi (vazospazm, dizesteziya).
Linkozamin tetratsiklin va xloramfenikolning samaradorligini susaytiradi.
Geparin bilan farmatsevtik nomutanosib.
Setirizin – sog'lom ko'ngillilarda azitromitsinni 20 mg setirizin bilan 5 kunlik davolash kursini qo'llanganda muvozanat holatda Q-T intervalini farmakokinetik o'zaro ta'sirli o'zgarishlarini chaqirmagan. Didanozin - OITV-musbat bemorlarga sutkada 1200 mg dozada azitromitsinni sutkada 400 mg dozadagi didanozin bilan birga yuborilishi platsebo bilan taqqoslanganda didanozinning aniqlangan farmakokinetikasiga ta'sir ko'rsatmagan.
Zidovudin - azitromitsinning (yagona 1000 mg li dozasi va 1200 mg li yoki 600 mg li bir necha dozalari) plazma farmakokinetikasiga yoki zidovudinni yoki uning metaboliti bo'lgan glyukuronidni siydik bilan chiqarilishiga sezilarli bo'lmagan ta'sirni ko'rsatadi. Biroq, azitromitsinni yuborilishi periferik qonning mononuklear hujayralarida fosforlangan zidovudin, klinik faol metabolit kontsentratsiyalarini oshishiga olib keldi. Ushbu faktning klinik ahamiyati aniqlanmagan, ammo bu patsiyentlar uchun foydali bo'lishi mumkin.
Azitromitsin jigardagi sitoxrom R450 tizimi bilan sezilarli o'zaro ta'sirlashmaydi. Eritromitsin va boshqa makrolidlar bilan yuzaga keladigan dorilarning farmakokinetik o'zaro ta'siri mavjud emasligi taxmin qilinmoqda.
Azitromitsin sitoxrom-metabolit kompleksi orqali P450 sitoxromni induktsiyalash yoki inaktivatsiya qilishni chaqirmaydi.
Shoxkuya hosilalari - nazariy jihatdan ergotizm yuzaga kelishi ehtimoli tufayli, azitromitsinni shoxkuya hosilalari bilan bir vaqtda qo'llash tavsiya etilmaydi.
Azitromitsin va sitoxrom R450 ishtirokida metabolizmga uchraydigan preparatlar bilan bir vaqtda qo'llashdagi farmakokinetik tadqiqotlar o'tkazilgan.
Atorvastatin - atorvastatinni (sutkada 10 mg) va azitromitsinni (sutkada 500 mg) bir vaqtda qo'llanishi atorvastatinning qon plazmasidagi kontsentratsiyasini o'zgarishini (GMG-KoA-reduktazaning ingibitsiya qilinishining tashhisi asosida) chaqirmaydi.
Karbamazepin - sog'lom ko'ngillilar ishtirok etgan farmakokinetik tadqiqotlarda birga azitromitsinni qabul qilayotgan patsiyentlarda karbamazepin yoki uning faol metabolitining qon plazmasidagi kontsentratsiyalariga hech qanday sezilarli ta'siri kuzatilmagan.
Simetidin - azitromitsin qabul qilinishidan 2 soat oldin qabul qilingan simetidinnig bir martalik dozasini azitromitsin farmakokinetikasiga ta'sirini o'rganishga doir farmakokinetik tadqiqotlarda azitromitsin farmakokinetikasida hech qanday o'zgarishlar kuzatilmagan.
Peroral antikoagulyantlar (kumarin): azitromitsin sog'lom ko'ngillilarga yuboriladigan varfarinning bir martalik (15 mg) dozasining antikoagulyant samarasini o'zgartirmagan. Azitromitsin va kumarin tipidagi peroral antikoagulyantlar bir vaqtda yuborilganidan keyin antikoagulyatsion samarani potentsiyalashi xaqida xabar berilgan. Garchi, sabab-oqibat bog'liqligi aniqlanmagan bo'lsa-da, kumarin tipidagi peroral antikoagulyantlarni qabul qilayotgan patsiyentlarda azitromitsin qo'llanilganida protrombin vaqti monitoringini o'tkazish tez-tezligi haqidagi masalani ko'rib chiqish lozim.
Siklosporin - 3 kun davomida sutkada 500 mg dozada azitromitsin peroral qabul qilgan, so'ngra bir marta 10 mg/kg dozada siklosporin peroral yuborilgan sog'lom ko'ngillilarda o'tkazilgan farmakokinetik tadqiqotlar natijasida olingan siklosporinning AUC0-5 va Cmax ko'rsatkichlari sezilarli darajada oshishi aniqlangan. Shuning uchun ushbu preparatlarni bir vaqtda yuborish masalasini ko'rib chiqilayotganda ehtiyotkorlikni namoyon qilish lozim. Agar ushbu preparatlarni birga yuborish zarur bo'lsa, siklosporin darajasini nazorat qilish lozim va dozalarga tegishli ravishda tuzatishlar kiritilishi kerak.
Efavirenz - azitromitsinning 600 mg li bir martalik dozasini va 7 kun davomida bir kunda efavirentsning 400 mg li dozasini birga yuborilishi klinik jihatdan ahamiyatli hech qanday farmakokinetik o'zaro ta'sirlarga olib kelmagan.
Flukonazol - azitromitsinning 1200 mg li bir martalik dozasini birga yuborilishi flukanazolning 800 mg li bir martalik dozasi farmakokinetikasini o'zgartirmaydi. Azitromitsinning umumiy ekspozitsiyasi va T1/2 davri flukanazolni birga yuborilganidan keyin o'zgarmaydi, biroq azitromitsinning Cmax ko'rsatkichini klinik jihatdan sezilarli bo'lmagan pasayishi (18%) kuzatilgan.
Indinavir - azitromitsinning 1200 mg li bir martalik dozasini birga yuborilishi indanavirni 5 kun davomida sutkada 3 marta 800 mg yuborilganida indanavir farmakokinetikasiga statistik jihatdan sezilarli ta'sirini chaqirmagan.
Metilprednizolon - azitromitsin metilprednizolonning farmakokinetikasiga sezilarli ta'sir ko'rsatmaydi.
Midazolam - azitromitsinni 3 kun davomida 500 mg dozada birga yuborilishi midazolamning 15 mg bir martalik dozasi farmakokinetikasi va farmakodinamikasida klinik jihatdan sezilarli o'zgarishlarni keltirib chiqarmagan.
Nelfinavir - nelfinavirni birga yuborilishi qon zardobida azitromitsin kontsentratsiyasini oshishini chaqiradi. Garchi, Nelfinavir bilan bir vaqtda qo'llanganida azitromitsinning dozasiga to'g'rilashni kiritish tavsiya etilmasada, azitromitsinning ma'lum bo'lgan nojo'ya samaralarini muntazam monitoringini o'tkazish maqsadga muvofiq.
Rifabutin - Azitromitsin va rifabutinni birga qo'llanilishi qon zardobida har ikki preparatning kontsentratsiyasiga ta'sir ko'rsatmaydi.
Azitromitsin va rifabutinni bir vaqtda qo'llanganda neytropeniya holatlari kuzatilgan. Garchi neytropeniya rifabutinni qo'llash bilan bog'liq bo'lsa-da, azitromitsin majmuasi bilan sabab bog'liqligi aniqlanmagan.
Sildenafil - normal erkak sog'lom ko'ngillilarda sildenafil yoki uning aylanib yuruvchi asosiy metabolitining AUC va Cmax ko'rsatkichlariga azitromitsinning (3 kun davomida kuniga 500 mg) ta'sirini isbotlovchi hech qanday dalillar kuzatilmagan.
Terfenadin - Farmakokinetik tadqiqotlarda azitromitsin va terfenadin o'rtasida o'zaro ta'sirlarni isbotlovchi hech qanday dalillar aniqlanmagan. Bunday o'zaro ta'sirlar ehtimoli to'liq istisno qilib bo'lmaydigan kam uchraydigan hollar haqida xabar berilgan; biroq bunday o'zaro ta'sir mavjud bo'lganligini isbotlovchi hech qanday aniq dalillar bo'lmagan.
Teofillin - azitromitsin va teofillinni sog'lom ko'ngillilarga bir vaqtda yuborilganida klinik ahamiyatga ega farmakokinetik o'zaro ta'siriga doir hech qanday dalillar aniqlanmagan.
Triazolam – azitromitsinni birinchi kunda 500 mg va ikkinchi kunda 250 mg azitromitsinni hamda ikkinchi kunda 0,125 mg triazolamni birga yuborilishi triazolam va platsebo bilan taqqoslanganda triazolamning biron-bir farmakokinetik ko'rsatkichlariga sezilarli ta'sir ko'rsatmagan.
Trimetoprim/sulьfametoksazol - trimetoprim/sulьfametoksazolni (160 mg/800 mg) 7 kun davomida 1200 mg azitromitsin bilan birga yuborilishi 7-kunda trimetoprimni ham va sulьfametoksazolni ham Smax, umumiy ekspozitsiyasiga yoki siydik bilan chiqarilishiga sezilarli ta'sir ko'rsatmagan. Qon zardobida azitromitsinning kontsentratsiyalari boshqa tadqiqotlarda kuzatilgan kontsentratsiyalarga aynan o'xshash bo'lgan.

Har bir qobiq bilan qoplangan tabletkalar quyidagilarni saqlaydi:
faol modda: azitromitsin – 500,0 mg

Mikroblarga qarshi ta'siri ribosomaning 50S subbirligi bilan bog'lanishi, peptidtranslokazani translyatsiya bosqichida susaytirishi va oqsil sintezini susaytirishi bilan amalga oshiriladi, bu bakteriyalarni rivojlanishini va o'sishini sekinlashtirishiga olib keladi.

Simptomlari: kuchli ko'ngil aynishi, eshitishni vaqtinchalik yo'qotish, qusish, diareya.
Davolash: simptomatik, maxsus antidoti yo'q.