Sersensa

QO‘LLASH BO‘YICHA YO‘RIQNOMA

SERSENSA

SERSENCA

Preparatning savdo nomi: Sersensa

Ta‘sir etuvchi modda (XPN): fosfolipidlar

Dori shakli: vena ichiga yuborish uchun eritma.

Tarkibi:

Preparatning 1 ampulasi quyidagilarni saqlaydi:

faol modda: 250 mg fosfatidilxolin (soya dukkaklaridan olingan fosfolipidlar shaklida);

yordamchi moddalar: natriy dezoksixolat, 96% li etanol, all-rac-α-tokoferilasetat, riboflavin (riboflavin natriy fosfati shaklida), benzil spirti, natriy xloridi, natriy gidroksidi va/yoki xlorid kislotasi, in‘eksiya uchun suv.

Ta‘rifi: tiniq, ko‘kimtir-sariq rangli eritma.

Farmakoterapevtik guruhi: Jigar va o‘t chiqarish yo‘llari kasalliklarini davolash uchun qo‘llanadigan preparatlar. Gepatoprotektor vosita.

ATX kodi: A05BA

Farmakologik xususiyatlari

Sersensa preparatining tarkibiga kiruvchi fosfolipidlar hujayralar va hujayra organellalarining qobig‘ini asosiy tuzilish elementlari hisoblanadilar; kimyoviy tuzilishi bo‘yicha endogan fosfolipidlarga to‘g‘ri keladilar, ammo faolligi bo‘yicha ularning tarkibida polito‘yinmagan yog‘ kislotalarining miqdori yuqori bo‘lganligi tufayli endogen fosfolipidlardan ustun turadilar. Ushbu yuqori energetik molekulalarni gepatositlarning hujayra membranalarini shikastlangan sohalariga saflanishi jigar hujayralarining butunligini tiklaydi, ularning regenerasiyasiga yordam beradi. Garchi ularning sis-ikkilamchi bog‘lari polito‘yinmagan yog‘ kislotalarini fosfolipidlarning membranalarida uglevodorod zanjirlarini parallel joylashishini bartaraf qilsa-da, fosfolipid tuzilmalarining joylashish zichligi esa susayadi, bu moddalar almashinuvi tezligini oshiradi. Hosil bo‘lgan funksional bloklar membranalarga fiksasiya bo‘lgan fermentlarning faolligini oshiradilar va muhim metabolik jarayonlarni normal, fiziologik yo‘l bilan kechishiga yordam beradilar.

Neytral yog‘lar va xolesterinni oksidlanish joylariga tashib, fosfolipidlar lipoproteinlar metabolizmini boshqaradi, bu jarayon asosan yuqori zichlikdagi lipoproteinlarni xolesterin bilan bog‘lanish hususiyatini oshishi hisobiga yuz beradi.

Shunday qilib, lipidlar va oqsillar metabolizmiga; jigarning detoksikasion faoliyatiga; jigarning hujayra tuzilmalari hamda fosfolipidlarga bog‘liq fermentlar tizimini saqlab turishga me‘yorlashtiruvchi ta‘sir ko‘rsatadi, bu esa jigarda biriktiruvchi to‘qimalarni shakllanishiga to‘sqinlik qiladi.

Fosfolipidlarni safroga ekskresiya bo‘lganida litogen indeks pasayadi va safroni barqarorlashuvchi yuz beradi.

Farmakokinetikasi

Asosan yuqori zichlikdagi lipoproteidlar bilan bog‘lanib, fosfatidilxolin, xususan jigar hujayralariga keladi.

Xolin komponentini yarim chiqarilish davri 66 soatni; to‘yinmagan yog‘ kislotalarniki esa – 32 soatni tashkil etadi.

Preparatning taxminan 5% axlat bilan chiqariladi.

Qo‘llanilishi

• Jigarning yog‘li distrofiyasi (shu jumladan, qandli diabetda);
• o‘tkir va surunkali gepatitlar, jigar sirrozi, jigar hujayralari nekrozi, jigar ensefalopatiyasi, koma va koma oldi holati, jigarni toksik shikastlanishi (shu jumladan, alkogolizmda);
• jigarni dori vositalari ta‘sirida shikastlanishi;
• homiladorlik toksikozi va gestozlarida jigarning funksional sinamalarini yaqqol o‘zgarishlari; jigarning o‘tkir sariq distrofiyasi (o‘tkir gepatoz, Shixen sindromi); homiladorlarning havfsiz xolestazi (homiladorlar gepatozi);
• operasiyadan oldin va keyingi davolash, ayniqsa, gepatobiliar sohalarda o‘tkazilgan operasiyalarda;
• xolestaz va o‘t toshlari hosil bo‘lishini qaytalanishini oldin olish;
• psoriaz (yordamchi davolash sifatida);
• nur kasalligida qo‘llanadi.

Qo‘llash usuli va dozalari

Sersensa preparati vena ichiga yuborish uchun mo‘ljallangan, mahalliy ta‘sirlanish reaksiyalari bo‘lishi mumkinligi tufayli, uni teri ostiga va mushak ichiga yuborish mumkin emas.

Kattalar va 12 yosh hamda undan katta bolalarga boshqa tavsiyalar bo‘lmaganida, preparatni vena ichiga oqim bilan asta-sekin sutkada 5-10 ml (1-2 ampula) dan, og‘ir holatlarda esa – sutkada 10 ml dan 20 ml gacha (2-4 ampula) yuborish kerak. Bir martada       10 ml (2 ampula) gacha preparatni yuborish mumkin.

6 yoshdan 12 yoshgacha bo‘lgan bolalarga sutkada 2-5 ml dan buyuriladi.

3 yoshdan 6 yoshgacha bo‘lgan bolalarga sutkada 2 ml gacha buyuriladi.

Preparatni pasientning qoni bilan 1:1 nisbatda suyultirish tavsiya etiladi. Pasientning shaxsiy qonini ishlatish imkoni bo‘lmaganida, preparatni suyultirish uchun tarkibida elektrolitlar saqlamagan infuzion yuborish uchun 5% yoki 10% li dekstroza (glyukoza) eritmasini, 1:1 nisbatda qo‘llash kerak. Davolash davomiyligi klinik-laborator ko‘rsatkichlarni hisobga olgan holda shifokor tomonidan shaxsiy ravishda belgilanadi va 2-5 kundan 10-20 kungacha bo‘lgan muddatni tashkil etishi mumkin.

Shifokorning ko‘rsatmasiga qarab, preparatni 250-300 ml 5% li dekstroza (glyukoza) eritmasida suyultirib, minutiga 40-50 tomchi tezlik bilan tomchilab yuborish mumkin.

Preparatning suyultirilgan eritmasi butun yuborish vaqti davomida tiniq bo‘lib qolishi kerak.

Preparatni parenteral yuborishdan imkon boricha peroral qabul qilishga o‘zgartirish tavsiya etiladi.

Bir shprisda boshqa dori vositalari bilan aralashtirilmasin. 0,9% li natriy xlorid eritmasida va Ringer eritmasida suyultirilmasin!

Nojo‘ya ta‘sirlari

Nojo‘ya samaralarning rivojlanish tezligini baholash maqsadida quyidagi ko‘rsatkichlardan foydalaniladi: juda tez-tez (≥ 1/10), tez-tez (≥ 1/100 – < 1/10), tez-tez emas (≥ 1/1000 – < 1/100), kam hollarda (≥ 1/10000 – < 1/1000), juda kam hollarda                  (< 1/10000), uchrash tezligi noma‘lum (mavjud bo‘lgan ma‘lumotlar rivojlanish tezligini aniqlash imkonini bermaydi).

Ovqat hazm qilish tizimi tomonidan: yuqori dozalarda qo‘llanganida kam hollarda diareya rivojlanishi mumkin.

Immun tizimi tomonidan: kam hollarda preparatning tarkibida benzil spirti borligi sababli, yuqori sezuvchanlik reaksiyalari rivojlanishi mumkin; juda kam hollarda teri allergik reaksiyalari (toshma, ekzantema yoki eshakemi) rivojlanishi mumkin; uchrash tezligi noma‘lum – qichishish bo‘lishi mumkin.

Qo‘llash mumkin bo‘lmagan holatlar

• preparatning komponentlariga yuqori sezuvchanlik;
• 3 yoshgacha bo‘lgan bolalar, shu jumladan yangi tug‘ilgan chaqaloqlar va chala tug‘ilgan chaqaloqlarda qo‘llash mumkin emas.

Dorilarning o‘zaro ta‘siri

Antikoagulyantlar bilan o‘zaro ta‘sir qilishi mumkin, shuning uchun bir vaqtda qo‘llanganida antikoagulyantning dozasiga tuzatish kiritish kerak. Preparatni boshqa dori vositalari bilan o‘zaro ta‘siri ma‘lum emas.

Maxsus ko‘rsatmalar

Faqat tiniq eritmalarni qo‘llash kerak!

Vena ichiga yuborish uchun eritmani suyultirish uchun elektrolitli eritmalarni qo‘llash mumkin emas.

Homiladorlik va laktasiya davrida qo‘llanishi

Sersensa preparatining tarkibida benzil spirti borligi sababli, u yo‘ldosh to‘sig‘i orqali o‘tishi mumkin, homiladorlikda ona uchun davolashdan kutilgan foyda homila uchun potensial havfdan ustun bo‘lgan hollardagina preparatni qo‘llash mumkin.

Laktasiya davrida Sersensa preparatini qo‘llash zarurati bo‘lganida, preparatni qo‘llash havfsizligi yuzasidan ma‘lumotlar yo‘qligi sababli, emizishni to‘xtatish kerak.

Pediatriyada qo‘llanishi

Preparatni 3 yoshgacha bo‘lgan bolalarga qo‘llash mumkin emas (preparatning tarkibida benzil spirti borligi sababli).

Avtotransportni haydash va mexanizmlarni boshqarish qobiliyatiga ta‘siri

Preparat avtotransportni haydash, shuningdek diqqatni yuqori jamlash bilan bog‘liq bo‘lgan ishlarni bajarish qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Kuzatilmagan.

Chiqarilish shakli

Vena ichiga yuborish uchun eritma. 5 ml dan sariq rangli 5 shisha ampula kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

2^oS-8^oS haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha beriladi.