QO‘LLASH BO‘YICHA YO‘RIQNOMA
VALSARTAN
VALSARTAN
Preparatning savdo nomi: Valsartan
Ta‘sir etuvchi modda (XPN): valsartan
Dori shakli: qobiq bilan qoplangan tabletkalar.
Tarkibi:
Bir tabletka quyidagilarni saqlaydi:
faol modda: valsartan – 80 mg, 160 mg;
yordamchi moddalar:
Yadro: mikrokristallik sellyuloza, krospovidon, suvsiz kolloid kremniy dioksidi, magniy stearati; plenka qobiq: gipromelloza, titan dioksidi (Ye 171), makrogol 8000, temir 111 oksidi Ye 172), temir 11 oksidi (Ye 172);
160 mg li tabletkalar uchun qo‘shimcha: temir IV oksidi (Ye 172).
Ta‘rifi:
Valsartan 80 mg
Plenka qobiq bilan qoplangan och-qizil, dumaloq, chetlari qiya, bir tomonida o‘yiqcha, o‘yiqchaning bir tomonida “D” yozuvi, o‘yiqchani boshqa tomonida “V” yozuvi va tabletkaning boshqa tomonida “NVR” yozuvi bo‘lgan tabletkalar.
O‘yiqcha teng dozalarga bo‘lish uchun emas, balki yutishni yengillashtirish maqsadida tabletkani bo‘lish uchun mo‘ljallangan.
Valsartan 160 mg
Plenka qobiq bilan qoplangan kulrang-zarg‘aldoq, oval, biroz qabariq, bir tomonida o‘yiqcha, o‘yiqchaning bir tomonida “DX” yozuvi, o‘yiqchani boshqa tomonida “DX” yozuvi va tabletkaning boshqa tomonida “NVR” yozuvi bo‘lgan tabletkalar.
O‘yiqcha teng dozalarga bo‘lish uchun emas, balki yutishni yengillashtirish maqsadida tabletkani bo‘lish uchun mo‘ljallangan.
Farmakoterapevtik guruhi: angiotenzin II reseptorlarining blokatorlari. monopreparatlar.
ATX kodi: S09SA03.
Farmakologik xususiyatlari
Farmakodinamikasi
Valsartan ichga qabul qilganda faol bo‘lgan angiotenzin II (Ang II) reseptorlarining kuchli spesifik blokatori xisoblanadi. U selektiv selektiv ATI kichik tur reseptorlarga ta‘sir qiladi, ular angiotenzin II ning ma‘lum samaralariga javobgar xisoblanadi. Valsartan tomonidan ATI reseptorlarini blokadasi oqibatida Ang II ning plazmadagi oshgan darajalari AT2 tur bloklanmagan reseptorlarining rag‘batlantirishi mumkin, ular orqali, extimol, ATI reseptorlariga qarama-qarshi samara amalga oshiriladi. Valsartan ATI reseptorlarning qisman agonisti xususiyatlarini namoyon qilmaydi va AT2 reseptorlariga nisbatan ATI reseptorlariga axamiyatli katta (taxminan 20 000 marta) affinlikka ega.
Valsartan AAF ni susaytiradi, bradikinin yoki R substansiyanig samaralarini potensiyalamaydi, shuning uchun yo‘tal ko‘rinishidagi reaksiyaning extimoli kam.
Valsartan yurak-tomir tizimi faoliyatining boshqarilishida muxim rol o‘ynovchi boshqa gormonal reseptorlar yoki ionli kanallar bilan bog‘lanmaydi va ularni bloklamaydi.
Farmakokinetikasi
Valsartan aloxida peroral qabul qilinganda qon plazmasidagi cho‘qqi konsentrasiyalarga 2-4 soat o‘tgach erishiladi. Mutlaq biokiraolishining o‘rtacha qiymati – 23%. Qon plazmasi oqsillari, asosan zardob albumini bilan bog‘lanishi yuqori (94-97%).
Faqat katta bo‘lmagan qismi (taxminan 20%) metabolitlari xosil bo‘lishi bilan biotransformasiyaga uchraydi. Asosan axlat (yuborilgan dozaning taxminan 83%) va siydik (yuborilgan dozaning taxminan 13%) Bilan chiqariladi. Vena ichiga yuborilgandan keyin plazma klirensi taxminan 2 l/soat, buyrak klirensi esa – 0,62 l/soatni (umumiy klirensning taxminan 30%) tashkil qiladi. Yarim chiqarilish davri – 6 soat.
Terapevtik dozalar doirasida farmakokinetikasi to‘g‘ri chiziqli. Ko‘p marta yuborilganda farmakokinetikasi o‘zgarmaydi, sutkada bir marta qabul qilganda preparatning to‘planishi axamiyatsiz. Kinetikasi jinsga bog‘liq emas. Yurak yetishmovchiligi bo‘lgan pasientlarda va sog‘lom shaxslarda valsartanning cho‘qqi konsentrasiyaga erishishni o‘rtacha vaqti va yarim chiqarilish davri o‘xshash. Kumulyasiyasini o‘rtacha koeffisienti – taxminan 1,7. Ichga qabul qilgandan keyin extimoliy klirensi – taxminan 4,5 l/soat. Yurak yetishmovchiligi bo‘lgan pasientlarda yosh bu ko‘rsatgichga ta‘sir qilmaydi.
Keksa shaxslar
Ayrim keksa odamlarda valsartanning tizimli ta‘siri yosh pasientlar bilan solishtirganda biroz yuqori; lekin buni qanday-bo‘lmasin klinik axamiyati isbotlanmagan.
Buyraklar faoliyatini buzilishi bo‘lgan pasientlar
Buyraklar faoliyatini buzilishi va valsartanning tizimli ta‘siri orasida o‘zaro ta‘sir yo‘q.
Jigar faoliyatining buzilishi bo‘lgan pasientlar
So‘rilgan dozaning taxminan 70% asosan o‘zgarmagan xolda o‘t-safro bilan chiqariladi. Valsartan axamiyatli biotransfarmasiyaga uchramaydi, shuning uchun plazmadagi valsartanning konsentrasiyasi va jigar faoliyatining buzilish darajasi orasida bog‘liqlik aniqlanmagan. Biliar sirrozi yoki o‘t-safro chiqarish yo‘llarining obstruksiyasi bo‘lgan pasientlarda, AUC ko‘rsatgichini taxminan ikki marta oshishi kuzatilgan.
Bolalar
Arterial gipertenziyasi bo‘lgan, valsartan suspeziyasini bir martalik dozasini (80 mg maksimal dozada, o‘rtacha 0,9 dan 2 mg/kg gacha) olgan bolalarda, valsartanning klirensi 1 dan 16 yoshgacha bo‘lgan xamma yosh guruxlarida, preparatning o‘xshash dori shaklini olgan kattalarda kuzatilgan ko‘rsatgichlar bilan o‘xshash bo‘lgan.
Qo‘llanilishi
Arterial gipertenziya
Kattalar, shuningdek bolalar va 6 dan 18 yoshgacha bo‘lgan o‘smirlarda arterial gipertenziyani davolash
Yurak yetishmovchiligi
Diuretiklar, angishvonagul preparatlari, shuningdek angiotenzin-aylantiruvchi ferment (AAF) ingibitorlari yoki beta-blokatorlar (lekin uni xam, buni xam emas) o‘z ichiga oluvchi standart davolashni olayotgan kattalarda yurak yetishmovchiligini davolash (NYHA bo‘yicha II-IV sinfi); davolash tartibi ushbu xolatda qo‘llanadigan xamma standart preparatlarni o‘z ichiga olishi shart emas.
Valsartan bu gurux pasientlarda, asosan yurak yetishmovchiligi bo‘yicha gospitalizasiyalar sonini kamaytirishi xisobiga, asoratlar tez-tezligini pasaytiradi. Valsartan plasebo bilan solishtirganda, shuningdek yurak yetishmovchiligini rivojlanishini sekinlashtiradi, NYHA funksional tasnifi bo‘yicha yurak yetishmovchiligi darajasini yaxshilaydi, chiqarib tashlash fraksiyasi va yurak yetishmovchiligi simptomatikasi, shuningdek xayot sifatini yaxshilaydi.
Infarktdan keyingi xolatlar
Chap qorincha yetishmovchiligi va (yoki) chap qorinchaning sistolik disfunksiyasini klinik yoki rentgenologik belgilari bo‘lgan klinik barqaror katta pasientlarda miokard infarktidan keyingi yashab qolishni oshirish.
Arterial gipertenziyasi, glyukozaga tolerantlikni buzilishi va yurak-tomir kasalliklari rivojlanishini xavfi bo‘lgan katta pasientlarda. Valsartan xayot tarzini o‘zgartirishga qo‘shimcha sifatida II tur qandli diabetni rivojlanib borishini sekinlashtirish uchun qo‘llanadi.
Qo‘llash usuli va dozalari
Ichga qabul qilish uchun. Suv bilan birga ovqat qabul qilishdan qat‘iy nazar qabul qilinadi.
Katta pasientlar
Arterial gipertenziya
Tabletkalar 80 mg yoki 160 mg dan sutkada bir marta, irqga taalluqligi yoshi yoki jinsidan qat‘iy nazar. Axamiyatli antigipertenziv samaraga ikki xafta davomida, maksimalga esa – to‘rt xafta davomida erishiladi. Agar arterial bosimni adekvat pasayishiga erishib bo‘lmasa, sutkalik dozani 320 mg gacha oshirish yoki davolash tartibiga diuretik preparatni qo‘shish mumkin.
Valsartan boshqa antigipertenziv preparatlar bilan birga buyurilishi mumkin.
Yurak yetishmovchiligi
Boshlang‘ich doza: 40 mg sutkada ikki marta. Preparatning o‘zlashtirilishini xisobi bilan doza sutkada ikki marta 60 mg yoki 160 mg gacha oshiriladi. Iloji boricha birga qabul qilinayotgan diuretiklarning dozasi kamaytiriladi. Klinik tekshirishlarda buyurilgan maksimal sutkalik doza 320 mg ni tashkil qilgan (bir-kecha qabullarga bo‘lingan).
Yurak yetishmovchiligi bo‘lgan pasientlarning xolatini baxolashga buyraklar faoliyatini baxolashni qo‘shish shart.
Infarktdan keyingi xolat
Davolash miokard infarktidan keyin 12 soat o‘tishi bilanoq boshlanishi mumkin. Sutkada ikki marta 20 mg boshlang‘ich dozani keyingi bir necha xafta davomida sutkada ikki marta 40 mg, 80 mg va so‘ngra 160 mg gacha qabul qilishga oshirish kerak.
Maqsadli maksimal doza sutkada ikki marta 160 mg ni tashkil qiladi. Umuman, sutkada ikki marta 80 mg dozaga davolash boshlangach ikki xafta davomida, sutkada ikki marta 160 mg – maqsadli dozaga, prepartning o‘zlashtirilishini xisobi bilan – uch oy davomida erishish tavsiya qilinadi. Klinik yaqqol gipotenziya rivojlanganda yoki buyraklar faoliyatini buzilishida, preparatning dozasini pasaytirish talab qilinishi mumkin.
Valsartan miokard infarktidan keyin ishlatiladigan boshqa preparatlarni, masalan, trombolitiklar, asetilsalisil kislota, beta-blokatorlar yoki statinlarni olayotgan pasientlarda qo‘llanishi mumkin.
Miokard infarktidan keyingi pasientlarning xolatini baxolashga buyraklar faoliyatini baxolashni qo‘shish shart.
Arterial gipertenziyasi, glyukozaga tolerantlikni buzilishi va yurak-tomir kasalliklari rivojlanishini xavfi bo‘lgan katta pasientlar
Boshlang‘ich doza: 80 mg yoki 160 mg li tabletka sutkada bir marta. 80 mg boshlang‘ich dozali pasientlarda dozani sutkada bir marta 160 mg gacha oshirish asta-sekin preparatni o‘zlashtirilishini xisobi bilan bajariladi. Arterial gipertenziyani yetarlicha nazorat qilinmagan xolda, “Doza va qo‘llash usuli. Arterial gipertenziya» bo‘limlarga murojaat qilish kerak.
Xamma ko‘rsatmalar uchun izox
Buyraklar faoliyatini buzilishi yoki xolestazsiz nobiliar kelib chiqishga ega bo‘lgan jigar yetishmovchiligida, dozani to‘g‘irlash talab etilmaydi.
Pasientlarning aloxida guruxlari
Bolalar (bolalardagi arterial gipertenziya)
6 dan 18 yoshgacha bo‘lgan bolalar va o‘smirlar
Tana vazni 35 kg dan kam bo‘lgan bolalar va o‘smirlar uchun boshlang‘ich doza sutkada bir marta 40 mg ni, tana vazni 35 kg va ko‘proq bo‘lgan bolalar va o‘smirlar uchun esa – sutkada bir marta 80 mg. Dozani arterial bosim tomonidan javob reaksiyasiga qarab to‘g‘irlash kerak. Quyidagi tablisada klinik tekshirishlarda qo‘llangan preparatning maksimal dozalari berilgan.
Jadvalda berilgandan yuqori dozalar o‘rganilmagan, shuning uchun ularni qo‘llash tavsiya etilmaydi.
| Tana vazni |
Klinik tekshirishlarda o‘rganilgan maksimal doza |
| ≥ 18 kg va ≤ 35 kg |
80 mg |
| ≥ 35 kg va ≤ 80 kg |
160 mg |
| ≥80 kg va ≤160 kg |
320 mg |
6 yoshgacha bo‘lgan bolalar
6 yoshgacha bo‘lgan bolalarda valsartanning xavfsizligi va samaradorligi aniqlanmagan.
Bolalardagi yurak yetishmovchiligi va yaqinda o‘tkazilgan miokard infarkti
Samaradorligi va xavfsizligi bo‘yicha ma‘lumotlar bo‘lmaganligi sababli, valsartan bolalar va 18 yoshgacha bo‘lgan o‘smirlarda yurak yetishmovchiligini davolash va yaqinda o‘tkazilgan miokard infarktidan keyingi xolatni davolash uchun tavsiya etilmaydi.
Nojo‘ya ta‘sirlari
Angionevrotik shish simtomlari (yuz, til yoki xalqumni shishi, yutishda qiyinchiliklar, toshma, nafasni qiyinlashishi) rivojlangan xolda, darxol shifokorga murojaat qilish kerak.
Quyida boshqa nojo‘ya samaralari keltirilgan
Arterial gipertenziyadagi nojo‘ya samaralari
Tez-tez emas: vestibulyar bosh aylanishi, yo‘tal, qorin og‘rig‘i, charchoqlik.
Tez-tezligi noma‘lum: gemoglobinning darajasini pasayishi, gematokritni pasayishi, neytropeniya, trombositopeniya, o‘ta yuqori sezuvchanlik, zardob kasalligini xam qo‘shib, qonda kaliy darajasini oshishi,vaskulit, jigar funksional sinamalarini patologik o‘zgarishlari, shu jumladan bilirubinning konsentrasiyasini oshishi, angionevrotik shish, bullez dermatit, toshma, qichishish, mialgiya, buyraklar faoliyatini buzilishi va buyrak yetishmovchiligi, qonda kreatinin darajasini oshishi.
Arterial gipertenziyasi bo‘lgan pasientlar ishtirokidagi klinik tekshirishlar davomida, shuningdek quyidagi nojo‘ya ko‘rinishlar kuzatilgan (tekshirilayotgan preparat bilan ularni sabab aloqasidan qat‘iy nazar): artralgiya, asteniya, orqada og‘riq, diareya, bosh aylanishi, bosh og‘rig‘i, uyqusizlik, libidoni pasayishi, ko‘ngil aynishi, shishlar, faringit, rinit, sinusit, yuqori nafas yo‘llarining infeksiyalari, virusli infeksiyalar.
Arterial gipertenziyasi, glyukozaga tolerantlikni pasayishi va yurak-tomir kasalliklarini xavfi bo‘lgan pasientlarda nojo‘ya samaralari arterial gipertenziyasi bo‘lgan pasientlar orasida kuzatiladigan samaralarga to‘liq muvofiq keladi.
6 dan 18 yoshgacha bo‘lgan bolalar uchun (arterial gipertenziya) aniqlangan xavfsizlik profili, va kattalar uchun ilgari aniqlangan xavfsizlik profili orasida noxush reaksilarning turi, tez-tezligi va og‘irligi bo‘yicha axamiyatli farqlar aniqlanmagan.
Surunkali buyrak yetishmovchiligi bo‘lgan 6 dan 18 yoshgacha bo‘lgan bolalar va o‘smirlarda giperkaliemiya kuzatilgan.
Yurak yetishmovchiligi va (yoki) miokard infarktidan keyingi xolatdagi nojo‘ya samaralari
Tez-tez: bosh aylanishi, postural bosh aylanishi, arterial gipotenziya, ortostatik gipotenziya, buyraklar faoliyatini buzilishi va buyrak yetishmovchiligi.
Tez-tez emas: giperkaliemiya, xushdan ketish, bosh og‘rig‘i, vestibulyar bosh aylanishi, yurak yetishmovchiligi, yo‘tal, ko‘ngil aynishi, diareya, angionevrotik shish, o‘tkir buyrak yetishmovchiligi, qonda kreatinin darajasini oshishi, asteniya, charchoqlik.
Tez-tezligi noma‘lum: trombositopeniya, o‘ta yuqori sezuvchanlik, zardob kasalligini xam qo‘shib, qonda kaliy darajasini oshishi, vaskulit, jigar funksional sinamalarini patologitk o‘zgarishlari, bullez dermatit, toshma, qichishish, mialgiya, qonda mochevina darajasini oshishi.
Yurak yetishmovchiligi bo‘lgan pasientlar va (yoki) postinfarkt davridagi pasientlar ishtirokidagi klinik tekshirishlar davomida, shuningdek quyidagi nojo‘ya ko‘rinishlar kuzatilgan (tekshirilayotgan preparat bilan ularni sabab aloqasidan qat‘iy nazar): artralgiya, qorin og‘rig‘i, orqada og‘riq, uyqusizlik, libidoni pasayishi, neytropeniya, shishlar, faringit, rinit, sinusit, yuqori nafas yo‘llarining infeksiyalari, virusli infeksiyalar.
Qo‘llash mumkin bo‘lmagan xolatlar
- Valsartanga yoki preparatning qanday-bo‘lmasin yordamchi moddalariga yuqori sezuvchanlik.
- Homiladorlik
- II tur qandli diabeti bo‘lgan pasientlarda angiotenzin reseptorlarining blokatorlarini (BRA), valsartanni xam qo‘shib, yoki angiotenzin-aylantiruvchi ferment ingibitorlarini (AAFI) aliskiren bilan bir vaqtda qo‘llash mumkin emas.
Dorilarning o‘zaro ta‘siri
ARB, AAFI yoki aliskirenni qo‘llashdagi renin-angiotenzin-aldosteron tizimini (RAAS) ikki tomonlama blokadasi. ARB, valsartanni xam qo‘shib, RAAS ga ta‘sir qiluvchi boshqa preparatlar bilan birga qo‘llash, bu preparatlar bilan monoterapiya bilan solishtirganda, arterial gipotenziya, giperkaliemiya va buyrak faoliyatini buzilishi rivojlanishini yuqoriroq tez-tezligi bilan birga kechadi.Arterial bosim, buyraklar faoliyati va elektrolitlar darajasini nazorat qilish tavsiya etiladi.
Buyraklar faoliyatini og‘ir buzilishi bo‘lgan pasientlarda (SKF ≤ 30 ml/min) ARB (valsartanni xam qo‘shib) va AAFI aliskiren bilan birga qo‘llashdan saqlanish kerak.
2 tur qandli diabeti bo‘lgan pasientlarda ARB (valsartanni xam qo‘shib) va AAFI aliskiren bilan birga qo‘llash mumkin emas.
Kaliy. Kaliy tejovchi diuretiklar (masalan, spirinolakton, triamteren, amilorid), kaliy preparatlari, kaliy saqlovchi tuzni o‘rnini bosuvchilar, yoki kaliyning konsentrasiyasini oshirish qobiliyatiga ega bo‘lgan boshqa preparatlarni (masalan, geparin va boshq.) yondosh qo‘llash, qon zardobida kaliyning darajasini oshishiga, yurak yetishmovchiligi bo‘lgan pasientlarda esa – zardobda kreatininning darajasini oshishiga olib kelishi mumkin. Agar preparatni yondosh qo‘llash zarur bo‘lsa, qon zardobida kaliyni nazorat qilish kerak.
Nosteroid yallig‘lanishga qarshi preparatlar (NYAQP), siklooksigenaza-2 ning selektiv ingibitorlarini (SOG-2 ingibitorlari) xam qo‘shib. Angiotenzin II reseptorlarining blokatorlari NYAQP bilan birga buyurilganda, antigipertenziv samarani susayishi yuz beradi, keksa pasientlarda, gipovolemiyasi bo‘lgan pasientlarda (diuretiklar bilan davolash olayotgan pasientlarni xam qo‘shib) yoki buyraklar faoliyatini buzilishi bo‘lgan pasientlarda, buyraklar faoliyatini yomonlashish xavfi oshishi mumkin. Shuning uchun, valsartan NYAQP bilan qabul qilganda davolashni boshida yoki dozani to‘g‘irlash davrida, buyraklar faoliyatini nazorat qilish tavsiya etiladi.
Litiy. Litiy preparatlari AAF ingibitorlari yoki angiotenzin II reseptorlarining blokatorlari, valsartanni xam qo‘shib, bilan birga qo‘llanganda, litiyning zardob konsentrasiyalarini va uning toksik samaralarini qaytuvchi oshishi kuzatilgan. Shuning uchun kaliyning zardobdagi darajalarini sinchiklab nazorat qilish tavsiya etiladi. Agar diuretik bilan birga qo‘llanayotgan bo‘lsa valsartan, litiyning toksik samarasi paydo bo‘lishi xavfini yana ko‘proq oshirishi mumkin deb taxmin qilinadi.
Tashuvchi oqsillar. Valsartan jigar qamrab oluvchi tashuvchi oqsil OATR1V1 va jigar olib chiquvchi tashuvchi oqsil MRP2 uchun substrat xisoblanadi. Qamrab oluvchi tashuvchi oqsil (masalan, rifampisin, siklosporin) yoki olib chiquvchi tashuvchi oqsil ingibitorlari (masalan, ritonavir) bilan bir vaqtda buyurish, valsartanning tizimli ekspozisiyasini oshirishi mumkin.
Klinik axamiyatli dorilarning o‘zaro ta‘siri (xususan, simetidan, varfarin, furosemid, digoksin, atenolol, indometasin, gidroxlortiazid, amlodipin va glibenklamid) aniqlanmagan.
Valsartan axamiyatli metabolizmga duchor bo‘lmasligi tufayli, sitoxrom R450 fermentlar tizimining metabolik faolligini induksiyasi yoki bostirilishi orqali klinik axamiyatli dorilarning o‘zaro ta‘sirini kutish kerak emas. Garchi valsartan qon plazmasi oqsillari bilan jadal bog‘lansa xam, in vitro tekshirishlarda ushbu darajada qator boshqa, shuningdek qon plazmasi oqsillari bilan axamiyatli darajada bog‘lanuvchi (diklofenak, furosemid va varfarin kabi) preparatlar bilan xech qanday o‘zaro ta‘sirlari kuzatilmagan.
Bolalar
Arterial gipertenziyasi bo‘lgan bolalar va o‘smirlarda, uning asosida ko‘pincha buyrak kasalliklari yotadi, qon zardobida kaliyning darajasini mumkin bo‘lgan oshishi tufayli, valsartanni RAAS ni ingibisiya qiluvchi boshqa preparatlar bilan birga qo‘llashda extiyotkorlikka rioya qilish tavsiya etiladi. Bunday pasientlarda buyraklar faoliyatini va qon zardobida kaliyning darajasini nazorat qilish kerak.
Maxsus ko‘rsatmalar
Natriy tanqisligi va (yoki) gipovolemiyasi bo‘lgan pasientlar
Yaqqol natriy tanqisligi va (yoki) gipovolemiyasi (masalan, diuretiklarning yuqori dozalarini olayotgan) pasientlarda, kam xollarda valsartan bilan davolashni boshida simptomatik gipotenziya rivojlanishi mumkin. Shuning uchun Valsartan bilan davolashni boshlashgacha giponatriemiya/gipovolemiyani, masalan, diuretikning dozasini kamaytirib, yo‘qotish kerak.
Gipotenziya rivojlanganda pasient orqasiga chalqancha yotqiziladi va zarurati bo‘lganda vena ichiga fiziologik eritma yuboriladi. Arterial bosim barqarorlangandan keyin davolashni davom ettirish mumkin.
Buyrak arteriyalarini stenozi bo‘lgan pasientlar
Buyrak arteriyasini bir tomonlama stenozi oqibatidagi renovaskulyar gipertenziyasi bo‘lgan o‘nikkita pasientlarda valsartanni qisqa muddatli buyurish, buyrak gemodinamikasi, plazmada kreatinin yoki qonda mochevina darajasini qanday-bo‘lmasin axamiyatli o‘zgarishlariga olib kelmagan. Lekin RAAS ga ta‘sir qiluvchi boshqa dori preparatlari, buyrak arteriyasini ikki tomonlama yoki bir tomonlama stenozi bo‘lgan pasientlarda, qonda mochevina va zardobda kreatinin darajasini oshishini chaqirishi mumkin, Valsartan bilan pasientlarni davolashda xavfsizlik maqsadida bu ikki ko‘rsatgichni nazorat qilish tavsiya etiladi.
Buyraklar faoliyatini buzilishi bo‘lgan pasientlar
Buyraklar faoliyatini buzilishi bo‘lgan pasientlarda dozani to‘g‘irlash talab etilmaydi. Shunga qaramasdan, xozirgi vaqtda kreatinin klirensi ≤ 10 ml/min bo‘lgan pasientlarda valsartanni qo‘llashning xavfsizligini tajribasi yo‘q, shuning uchun bu gurux pasientlarda preparat extiyotkorlik bilan ishlatiladi.
Jigar faoliyatini buzilishi bo‘lgan pasientlar
Jigar faoliyatini buzilishi bo‘lgan pasientlarda dozani to‘g‘irlash talab etilmaydi. Valsartan asosan o‘t-safro bilan o‘zgarmagan xolda chiqariladi, shuning uchun o‘t-safro yo‘llarining obstruktiv kasalliklari bo‘lgan pasientlarda, valsartanning pastroq klirensi kuzatiladi. Demak, bunday kasalliklari bo‘lgan pasientlarda valsartanni qo‘llashda extiyotkorlikka rioya qilish kerak.
Yurak yetishmovchiligi (YUE)/infarktdan keyingi xolati bo‘lgan pasientlar
YUE yoki infarktdan keyingi davri bo‘lgan pasientlarda valsartanni ishlatish arterial bosimni biroz pasayishiga olib keladi, lekin simptomatik gipotenziya saqlanganda, odatda, preparatni dozalash bo‘yicha ko‘rsatmalarga rioya qilib Valsartanni bekor qilish zarurati paydo bo‘ladi.
YUE bo‘lgan yoki miokard infarktidan keyingi davrdagi pasientlarni davolashni boshlang‘ich davrida extiyotkorlikka rioya qilish kerak.
Moyilligi bo‘lgan pasientlarda RAAS ni ingibisiya qilish oqibatida valsartan buyraklar faoliyatini o‘zgarishini chaqirishi mumkin. Buyraklarning faoliyati RAAS ga bog‘liq bo‘lgan pasientlarda (masalan, og‘ir YUE) AAF ingibitorlari yoki angiotenzin reseptorlarining blokatorlari bilan daolash oliguriya va (yoki) rivojlanib boruvchi azotemiya, va kam xollarda o‘tkir buyrak yetishmovchiligi va (yoki) o‘lim chaqirishi mumkin. YUE bo‘lgan va infarktdan keyingi xolati bo‘lgan pasientlarning xolatini baxolash albatta buyraklar faoliyatini baxolashni o‘z ichiga olishi kerak.
YUE bo‘lgan pasientlarni AAF ingibitori, beta-blokator, va valsartan uchlik majmuasi bilan davolashni extiyotkorlik bilan o‘tkazish kerak.
Angionevrotik shish
Nafas yo‘llarining obstruksiyasini chaqiruvchi xalqum va xalqum qopqog‘ini shishi, va (yoki) yuz, lablar, tomoq va (yoki) tilning shishini xam qo‘shib, angionevrotik shish kuzatilgan; bu pasientlarning bir qismida angionevrotik shish, AAF ingibitorlarining boshqa preparatlari qo‘llanganda ilgari xam kuzatilgan. Angionevrotik shish rivojlanganda Valsartan darxol bekor qilinadi va xech qachon qayta buyurilmaydi.
Renin-angiotenzin-aldosteron tizimin (RAAS) ikki tomonlama blokadasi
Angiotenzin reseptorlarining blokatorlari, valsartanni xam qo‘shib, AAFI yoki aliskiren kabi RAAS ni bloklovchi boshqa preparatlarni buyurishda extiyotkorlikka rioya qilish kerak.
Bolalar
Buyraklar faoliyatini buzilishi bo‘lgan pasientlar
Kalava filtrasiyasining tezligi (KFT) ≤ ml/min/1,73 m2 bo‘lgan bolalarda vagemodializda bo‘lgan bolalarda preparatni qo‘llash o‘rganilmagan. Shuning uchun bu gurux pasientlarni davolash uchun valsartanni ishlatish tavsiya etilmaydi. KFT ≥ 30 ml/min/1,73 m2 bo‘lgan bolalarda preparatning dozasini to‘g‘irlash zarurati yo‘q. Buyraklar faoliyatini va qon zardobida kaliyning darajasini sinchiklab nazorat qilish kerak.
Bu ayniqsa, agar Valsartan buyraklar faoliyatini buzish qobiliyatiga ega bo‘lgan boshqa patologik xolatlar (masalan, isitma, degidratasiya) fonida qo‘llanganda muxim.
Jigar faoliyatini buzilishi bo‘lgan pasientlar
Kattalardagi kabi, Valsartan o‘t-safro chiqarish yo‘llarining obstruktiv kasalliklari bo‘lgan bolalarga buyurilganda, aloxida extiyotkorlikka rioya qilish kerak. Yengil va o‘rtacha jigar yetishmovchiligi bo‘lgan bolalarda valsartanni qo‘llashni klinik tajribasi cheklangan.
Homiladorlik va emizish
Renin-angiotenzin-aldosteron tizimiga (RAAS) bevosita ta‘sir qiluvchi xar qandy boshqa preparat kabi, Valsartanni xomiladorlarni yoki xomiladorlikni rejalashtirayotgan ayollarni davolash uchun qo‘llash mumkin emas. RAAS ga ta‘sir qiluvchi xar qanday preparat buyurilganda, bola tug‘ish yoshidagi ayollar, xomiladorlik vaqtida ularni qo‘llashni potensial xavfi xaqida xabardor qilingan bo‘lishlari kerak.
Angiotenzin II reseptorlarining blokatorlarining ta‘sir mexanizmini xisobga olib, xomilaga nisbatan xavfni istisno qilish mumkin emas. Xomiladorlikning ikkinchi va uchinchi uch oyliklarida AAF ingibitorlarini qo‘llash (RAAS ga ta‘sir qiluvchi aloxida preparatlar sinfi) rivojlanayotgan xomilani shikastlanishini va o‘limini chaqirgan, birinchi uch oylikda esa tug‘ma nuqsonlar rivojlanishini potensial xavfi bilan birga kechgan. Xomiladorlik vaqtida onalari bilmasdan valsartan qabul qilganda ixtiyorsiz abortlar, yangi tug‘ilganlarda oligogidroamnion va buyraklar faoliyatini buzilishlari xaqida xabarlar tushgan.
Xomiladorlik aniqlanganda Valsartan darxol bekor qilinadi.
Valsartanni ko‘krak sutiga chiqishi noma‘lum.Emizuvchi onalarga Valsartan qabul qilish tavsiya etilmaydi.
Valsartanni odam fertilligiga ta‘siri xaqida ma‘lumotlar yo‘q.
Transport vositalarini boshqarish va mexanizmlar bilan ishlash qobiliyatiga ta‘siri
To‘g‘ri kelmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Valsartanning dozasini oshirib yuborilishi yaqqol arterial gipotenziya ko‘rinishida namoyon bo‘lishi mumkin, u o‘z navbatida ongni susayishiga, tomirli kollapsga va (yoki) shokka olib keladi. Agar preparat yaqinda qabul qilingan bo‘lsa, qusish chaqiriladi. Boshqa xollarda standart davolash fiziologik eritmani infuziyasini o‘z ichiga oladi.
Valsartanni gemodializ yordamida chiqarilishini extimoli kam.
Chiqarilish shakli
Blisterlar (AVX/PE/PVDX/alyuminiy).
28 tabletkadan qo‘llash bo‘yicha yo‘riqnomasi bilan karton qutida.
Saqlash sharoiti
30ºS dan yuqori bo‘lmagan xaroratda saqlansin. Namlikdan ximoya qilish uchun original o‘ramida saqlansin.
Yaroqlilik muddati
3 yil. O‘ramida ko‘rsatilgan yaroqlilik muddati o‘tgach ishlatimasin.
Dorixonalardan berish tartibi
Resept bo‘yicha beriladi.
