ADENURIK tabletkalari 80mg N28

30°C dan yuqori boʼlmagan haroratda saqlansin.
Bolalar ololmaydigan joyda saqlansin.
Xech kanday dori preparatlarini kanalizatsiyaga yoki maishiy chiqindilar bilan tashlab yubormang. Kerak boʼlmagan dori preparatini utilizatsiyasi boʼyicha dorixona xodimi bilan maslahatlashing. Bu choralar atrof-muhit himoyasiga yordam beradi.

Retsept boʼyicha.

Tarkibi: 
plyonka qobiq bilan qoplangan bir tabletka quyidagilarni saqlaydi:
faol modda: 80 mg febuksostat;
yordamchi moddalar: 
tabletka yadrosi: laktoza monogidrati, gidroksipropiltsellyuloza, mikrokristall sellyuloza, kroskarmellozaning natriyli tuzi, magniy stearati, kolloidli gidratlangan kremniy dioksidi.
tabletka qobigʼi: opadry II sariq, 85F42129: polivinil spirti, titan dioksidi (E171), makrogol 3350, talьk, temir (II) oksidi (E172).

Chiqarilish shakli
14 tabletka saqlovchi shaffof blisterli qadoq (Aclar/PVX/alyuminiy” yoki “PVX/PE/PVDX/alyuminiy). 
Аdenurik® preparati 80 mg plyonka qobiq bilan qoplangan 14 yoki 28 tabletkali qadoqda tibbiyotda qoʼllanilishiga doir yoʼriqnoma bilan birga chiqariladi.
Savdoda barcha oʼlchamlardagi oʼramlar boʼlmasligi mumkin.

Taʼsir mexanizmi
Siydik kislotasi odamda purinlar metabolizmining yakuniy mahsuloti hisoblanadi va quyidagi metabolik reaktsiyani davomida hosil boʼladi: gipoksantin  ksantin  siydik kislotasi. Ushbu reaktsiyaning ikkala bosqichida katalizator sifatida ksantinoksidaza qatnashadi. Febuksostat 2-ariltiazolning hosilasi hisoblanadi. Uning terapevtik taʼsiri ksantinoksidazaning selektiv ingibitsiya qilish yoʼli bilan zardobda siydik kislotasining kontsentratsiyasini kamaytirishga asoslangan. Febuksostat ksantinoksidazaning kuchli va selektiv nopurin ingibitori (NP-SIXO) hisoblanadi va uning Ki (ingibitsiya qilish konstantasi) in vitro sharoitda 1 Nm dan kamini tashkil etadi. Febuksostat ksantinoksidazaning oksidlangan shaklini faolligini, hamda tiklangan shaklini faolligini sezilarli tarzda bir xilda soʼsaytirishi koʼrsatilgan. Febuksostat terapevtik kontsentratsiyalarda purinlar yoki pirimidinlar metabolizmida ishtirok etadigan guanindeaminaza, gipoksantin-guaninfosforiboziltransferaza, orotat fosforiboziltransferaza, orotidinmonofosfatdekarboksilaza yoki purinnukleozidfosforilaza kabi boshqa fermentlarni ingibitsiya qilmaydi.
Klinik samaradorligi va xavfsizligi
Аdenurik® preparatining samaradorligi 3-bosqichdagi uchta tayanch tadqiqotda (quyida taʼriflangan APEX va FACT tayanch tadqiqotlar va CONFIRMS qoʼshimcha tadqiqoti) isbotlangan boʼlib, ular oʼz ichiga giperurikemiya va podagrasi boʼlgan 4101 patsientni olgan. Ushbu 3-bosqich tayanch tadqiqotlarining har birida Аdenurik® zardobda siydik kislotasining kontsentratsiyasini allopurinolga nisbatan samaraliroq pasaytirgan va uni talab etilgan darajada yaxshiroq ushlab turgan. APEX va FACT tadqiqotlarida samaradorlikning birlamchi yakuniy nuqtasi zardobda siydik kislotasining kontsentratsiyasi oxirgi uch oy davomida 6,0 mg/dl (357 mkmolь/l) dan yuqori boʼlmagan patsientlarning ulushi boʼlgan. Natijalari Аdenurik® preparatiga roʼyhatdan oʼtkazilganlik guvohnomasini birinchi berilishidan keyin maʼlum boʼlgan 3-bosqich CONFIRMS qoʼshimcha tadqiqotida, samaradorlikning birlamchi yakuniy nuqta boʼlib, oxirgi tashrif paytida zardobda siydik kislotasining kontsentratsiyasi 6,0 mg/dl dan oshmagan patsientlarning ulushi boʼlgan. Ushbu tadqiqotlarda organlar transplantatsiyasi oʼtkazilgan patsientlar ishtiroq etishmagan (“Qoʼllash usuli va dozalari” boʼlimiga qarang).
APEX tadqiqoti: 3-bosqich, febuksostat samaradorligini platsebo va allopurinolni nazorat qilish bilan oʼtkazilgan (Allopurinol and Placebo-Controlled Efficacy Study of Febuxostat, APEX) randomizatsiyalangan, ikki yoqlama yashirin, 28 hafta davom etuvchi koʼp markazli tadqiqot boʼlgan. Jami 1072 patsient quyidagi guruhlarga randomizatsiya qilingan: platsebo (n=134), Аdenurik® 80 mg sutkada 1 marta (n=267), Аdenurik® 120 mg sutkada 1 marta (n=269), Аdenurik® 240 mg sutkada 1 marta (n=134) yoki allopurinol (300 mg sutkada 1 marta kreatininning zardobdagi dastlabki kontsentratsiyasi ≤ 1,5 mg/dl boʼlgan patsientlar uchun [n=258] yoki 100 mg sutkada 1 marta kreatininning zardobdagi dastlabki kontsentratsiyasi > 1,5 mg/dl va ≤2,0 mg/dl boʼlgan patsientlar uchun [n=10]). Febuksostat xavfsizligini baholash uchun 240 mg dozada qoʼllangan (maksimal tavsiya etilgan dozadan 2 marta yuqori).
APEX tadqiqoti Аdenurik® 80 mg preparati bilan sutkada 1 marta va Аdenurik® 120 mg preparati bilan sutkada 1 marta davolashning ikkala tartibi zardobda siydik kislotasining kontsentratsiyasini 6 mg/dl (357 mkmolь/l) dan kamaytirishda allopurinolning 300 mg (n=258)/100 mg (n=10) boʼlgan odatiy dozalari bilan taqqoslaganda statistik sezilarli ustunligini koʼrsatdi (1-jadvalga va 1-rasmga qarang).
FACT tadqiqoti: Febuksostat bilan allopurinol solishtirilgan nazorat qilinuvchi tadqiqot (Febuxostat Allopurinol Controlled Trial, FACT) 3-bosqich, randomizatsiyalangan, ikki yoqlama yashirin, koʼp markazli 52 hafta davomiylikdagi tadqiqot boʼlgan. Jami 760 patsient randomizatsiya qilingan: Аdenurik® 80 mg sutkada 1 marta (n = 256), Аdenurik® 120 mg sutkada 1 marta (n = 251) yoki allopurinol 300 mg sutkada 1 marta (n = 253).
FACT tadqiqoti Аdenurik® 80 mg preparati bilan sutkada 1 marta va Аdenurik® 120 mg preparati bilan sutkada 1 marta davolashning ikkala tartibi zardobda siydik kislotasining kontsentratsiyasini 6 mg/dl (357 mkmolь/l) dan kamaytirish va shu darajada ushlab turishda 300 mg allopurinol bilan taqqoslaganda statistik sezilarli ustunligini koʼrsatdi.
1-jadvalda samaradorlikning birlamchi yakuniy nuqtasini baholash natijalari taqdim etilgan.
1-jadval.
Zardobda siydik kislotasining darajasi < 6,0 mg/dl (357 mkmolь/l) boʼlgan patsientlar ulushi
Oxirgi uchta oylik tashriflar

Аdenurik® preparatini qabul qilish zardobda siydik kislotasining kontsentratsiyasini tez pasaytirishga olib kelgan, bunda ushbu samara uzoq vaqt davomida saqlangan. Zardobda siydik kislotasining darajasini <6,0 mg/dl (357 mkmolь/l) gacha pasayishi tadqiqotning ikkinchi haftasida qayd etilgan va butun davolash davrida saqlanib qolgan. 1-rasmda davolashning 3-bosqichdagi ikkita tayanch tadqiqotda davolashning har bir guruhi uchun tegishli boʼlgan zardobda siydik kislotasining oʼrtacha kontsentratsiyasining oʼzgarish vaqti koʼrsatilgan.
1-rasm. Zardobda siydik kislotasining oʼrtacha kontsentratsiyasi – 3- bosqich tayanch tadqiqotlarining birlashtirilgan maʼlumotlari

 
Izoh:    509 patsient sutkada 1 marta 300 mg allopurinol qabul qilgan; zardobda kreatininning dastlabki kontsentratsiyasi >1,5 mg/dl va ≤2,0 mg/dl boʼlgan 10ta patsient allopurinolni 100 mg sutkada 1 marta dozada qabul qilgan (268 patsientdan 10 tasi APEX tadqiqotida).
Febuksostat xavfsizligini baholash uchun 240 mg dozada qoʼllangan, bu maksimal tavsiya etilgan dozadan 2 marta yuqori.
CONFIRMS tadqiqoti: CONFIRMS tadqiqoti randomizatsiyalangan, 3-bosqich, nazorat qilinuvchi, 26 hafta davomiylikdagi tadqiqot boʼlib, unda podagra va giperurikemiya boʼlgan patsientlarda 300 mg yoki 200 mg dozada allopurinol bilan taqqoslaganda 40 mg va 80 mg dozalarda febuksostatning xavfsizligi va samaradorligi baholangan. Jami 2269 patsient randomizatsiya qilingan: Аdenurik® 40 mg sutkada 1 marta (n = 757), Аdenurik® 80 mg sutkada 1 marta (n = 756) yoki allopurinol 300/200 mg sutkada 1 marta (n = 756). Patsientlarning kamida 65% yengildan to oʼrtacha darajada ifodalangan buyraklar funktsiyasining buzilishi boʼlgan (kreatinin klirensi 30-89 ml/min). Podagra hurujlarini oldini olinishini oʼtkazilishi 26 haftadan ortiq muddatga majburiy boʼlgan.
Oxirgi tashrifda zardobda siydik kislotasining kontsentratsiyasi <6,0 mg/dl (357 mkmolь/l) boʼlgan patsientlar ulushi 40 mg febuksostat uchun 45%, 80 mg febuksostat uchun 67% va 300/200 mg allopurinol uchun 42% ni tashkil qilgan.
Buyraklar funktsiyasining buzilishi boʼlgan patsientlar guruhida birlamchi yakuniy nuqta
APEX tadqiqotida buyraklar funktsiyasining buzilishi boʼlgan (yaʼni zardobda kreatininning dastlabki kontsentratsiyasi >1,5 mg/dl va 2,0 mg/dl boʼlgan) 40 patsientda preparatning samaradorligi baholangan. Аllopurinol guruhiga randomizatsiyalangan subʼektlarga, agar buyraklar funktsiyasining buzilishi boʼlsa, preparat dozasi sutkada 1 marta 100 mg dozagacha kamaytirilgan. Samaradorlikning birlamchi yakuniy nuqtasiga allopurinol 100 mg sutkada 1 marta va platsebo qabul qilgan guruhlardagi 0% nisbatan Аdenurik® qabul qilgan guruhda 44% (80 mg sutkada 1 marta), 45% (120 mg sutkada 1 marta) va 60% (240 mg sutkada 1 marta) patsientlarda erishilgan.
Bunda buyraklarning funktsiyasiga bogʼliq boʼlgan holda siydik kislotasining zardobdagi kontsentratsiyasining pasayishi boʼyicha klinik ahamiyatli farqlar qayd qilinmagan (buyraklar funktsiyasining normada boʼlgan guruhda 58% va buyraklar funktsiyasininig ogʼir buzilishi boʼlgan guruhda 55%).
CONFIRMS tadqiqoti doirasida podagra va buyraklar funktsiyasining buzilishi boʼlgan patsientlardan olingan maʼlumotlarning prospektiv tahlili shuni koʼrsatdiki, febuksostat podagra yengil va oʼrtacha darajadagi buyraklar funktsiyasining buzilishi boʼlgan patsientlarda zardobda siydik kislotasining darajasini < 6 mg/dl gacha pasaytirishda 300 mg/200 mg allopurinolga nisbatan samaraliroq boʼlgan (tekshirilgan patsientlarning 65%).
Zardobda siydik kislotasining kontsentratsiyasi ≥10 mg/dl boʼlgan patsientlar guruhida birlamchi yakuniy nuqta
Zardobda siydik kislotasining kontsentratsiyasi ≥10 mg/dl boʼlganligi taxminan 40% patsientda qayd qilingan (APEX va FACT majmualangan tadqiqotlari). Ushbu patsientlar orasida samaradorlikning birlamchi yakuniy nuqtasi (oxirgi 3 tashrifda zardobda siydik kislotasining kontsentratsiyasi 6 mg/dl dan kam) Аdenurik® qabul qilgan guruhlarda 41% (80 mg sutkada 1 marta), 48% (120 mg sutkada 1 marta) va 66% (240 mg sutkada 1 marta) patsientlarda erishilgan, bu koʼrsatkich allopurinol 300/100 mg sutkada 1 marta qabul qilgan patsientlarda 9% va platsebo qabul qilgan patsientlar guruhida 0% boʼlgan.
CONFIRMS tadqiqotining maʼlumotlari boʼyicha, zardobda siydik kislotasining dastlabki kontsentratsiyasi ≥10 mg/dl boʼlgan patsientlar guruhida samaradorlikning birlamchi yakuniy nuqtasiga (oxirgi tashrifda zardobda siydik kislotasining kontsentratsiyasi <6,0 mg/dl boʼlgan) erishgan patsientlarning ulushi febuksostat 40 mg sutkada 1 marta qabul qilganda 27% ni (66/249), febuksostat 80 mg sutkada 1 marta qabul qilganda 49% ni (125/254) va allopurinol 300 mg/200 mg qabul qilganda 31 % ni (72/230) tashkil qilgan.
Klinik natijalar: podagra zoʼrayishini davolashga ehtiyoji boʼlgan patsientlar ulushi
APEX tadqiqoti: 8-haftalik profilaktika davri davomida podagra zoʼrayishini davolashga ehtiyoji boʼlgan patsientlar ulushi 80 mg febuksostat (28%), 300 mg allopurinol (23%) va platsebo (20%) qabul qilgan patsientlar bilan taqqoslanganda 120 mg febuksostat qabul qilgan patsientlarda koʼproq boʼlgan (36%). Hurujlarning tez-tezligi profilaktika davridan keyin yuqori boʼlgan va vaqt oʼtishi bilan asta-sekin pasaygan. 8-28 haftalar oraligʼida 46% - 55% patsientga podagra zoʼrayishi tufayli davolash oʼtkazilgan. Tadqiqotning oxirgi 4 haftasi davomida (24-28 hafta) yuzaga kelgan podagra hurujlari 15% patsientda (80, 120 mg febuksostat), 14% patsientda (300 mg allapurinol) va 20% patsientda (platsebo) kuzatilgan.
FACT tadqiqoti: 8-haftalik profilaktika davri davomida podagra zoʼrayishini davolashga ehtiyoji boʼlgan patsientlar ulushi 80 mg febuksostat (22%) va 300 mg allopurinol (21%) qabul qilgan patsientlar bilan taqqoslanganda 120 mg febuksostat qabul qilgan patsientlarda koʼproq boʼlgan (36%). 8-haftalik profilaktika davridan soʼng hurujlar tez-tezligi koʼpaygan va vaqt oʼtishi bilan asta-sekin pasaygan (8-52 haftalar oraligʼida podagrani zoʼrayishi tufayli davolangan 64% va 70% patsient). Tadqiqotning oxirgi 4 hafta davomida (49-52 hafta) yuzaga kelgan podagra zoʼrayishini 6-8% patsientda (80, 120 mg febuksostat) va 11% patsientda (300 mg allapurinol) kuzatilgan.
Podagra zoʼrayishlarini davolashga extiyoji boʼlgan patsientlarning ulushi (APEX va FACT tadqiqotlari) davolashning oxirgi 32 haftasida (20-24 haftadan 49-52 haftagacha) zardobda siydik kislotasining oʼrtacha kontsentratsiyasi ≥6,0 mg/dl ni tashkil qilgan guruh bilan taqqoslaganda davolashdan keyin zardobda siydik kislotasining oʼrtacha kontsentratsiyasi <6,0 mg/dl, <5,0 mg/dl yoki <4,0 mg/dl gacha pasaygan guruhlarda pastroq boʼlgan.
CONFIRMS tadqiqoti vaqtida, podagra zoʼrayishini davolashga ehtiyoji boʼlgan patsientlarning foizli ulushi (1 kundan 6 oygacha) 80 mg febuksostat va allopurinol qabul qilgan guruhlarda mos ravishda 31% va 25% ni tashkil qilgan. Podagra zoʼrayishi tufayli davolashga ehtiyoji boʼlgan patsientlarga nisbatan, 80 mg va 40 mg dozalarda febuksostat qabul qilgan guruhlar orasida farq qayd etilmagan.
Uzoq muddatli kengaytirilgan ochiq tadqiqotlar
EXCEL tadqiqoti (S02-021): Excel tadqiqoti 3-bosqich, uch yillik, ochiq, koʼpmarkazli, randomizatsiyalangan, kengaytirilgan, xavfsizlikni oʼrganish boʼyicha, allopurinol bilan nazorat qilingan tadqiqot hisoblanib, u 3-bosqich tayanch tadqiqotlardan (APEX yoki FACT) oʼtgan patsientlarda oʼtkazilgan. Jami tadqiqotga 1086 patsent kiritilgan: Аdenurik® 80 mg sutkada 1 marta (n = 649), Аdenurik® 120 mg sutkada 1 marta (n = 292) va allopurinol 300/100 mg sutkada 1 marta (n = 145). Taxminan 69% patsentda yakuniy barqaror davolashga erishish uchun terapiyaga tuzatish kiritish talab etilmagan. Zardobda siydik kislotasining kontsentratsiyasi ketma-ket uch marta oʼlchanganida > 6.0 mg/dl ni tashkil qilgan patsientlar tadqiqotdan chiqarib yuborilgan.
Vaqt oʼtishi bilan zardobda siydik kislotasining kontsentratsiyasi oʼzgarmagan (masalan, 80 mg va 120 mg dozalarda febuksostatni dastlab qabul qilgan mos ravishdagi 91% va 93% patsientda, zardobda siydik kislotasining kontsentratsiyasi 36- oyda 6.0 mg/dl dan kam boʼlgan).
Uch yillik kuzatishlarning maʼlumotlari boʼyicha podagra hurujlari tez-tezligi kamaygan: 16-24 oylarda va 30-36 oylarda podagra hurujlarini davolashga muhtoj boʼlgan patsientlar 4% dan kam boʼlgan (yaʼni, 96% dan ortiq patsientda hurujlar tufayli davolashga zarurat boʼlmagan).
Sutkada 1 marta 80 mg yoki 120 mg dozada febuksostat bilan yakuniy barqaror davolashni olgan patsentlaring mos ravishda 46% va 38% da oxirgi tashrifgacha birlamchi paypaslanuvchi tofusning butkul yoʼqolishi kuzatilgan.
FOCUS (TMX-01-005) tadqiqoti 2-bosqich, besh yillik, ochiq, koʼpmarkazli, kengaytirilgan xavfsizlik boʼyicha tadqiqot boʼlgan, u TMX-00-004 tadqiqotida 4 hafta davomida ikki yoqlama yashirin usulda febuksostat qabul qilgan patsientlarda oʼtkazilgan. Tadqiqotga dastlab sutkada 1 marta 80 mg febuksostat qabul qilgan 116 patsient kiritilgan. Zardobda siydik kislotasining kontsentratsiyasini 6,0 mg/dl dan past darajada ushlab turish uchun 62% patsientda dozaga tuzatish kiritish talab etilmagan, 38% patsientga esa yakuniy barqaror dozaga erishish uchun dozaga tuzatish kiritish lozim boʼlgan.
Yakuniy tashrif paytida siydik kislotasining darajasi < 6,0 mg/dl (357 mkmolь/l) boʼlgan patsientlar ulushi febuksostatning har bir dozasi uchun 80% dan ortiqni (81 - 100%) tashkil qilgan.
Febuksostat qabul qilgan patsientlarda 3- bosqich klinik tadqiqotlarida jigar funktsiyasi biokimyoviy koʼrsatkichlarning yengil darajadagi oʼzgarishlar kuzatilgan (5,0%). Ushbu oʼzgarishlarning vujudga kelish tez-tezligi allopurinol qabulida kuzatilgan oʼzgarishlar bilan oʼxshash boʼlgan (4,2%) (“Maxsus koʼrsatmalar” boʼlimiga qarang). TTG darajasini oshishi (>5,5 mkME/ml) uzoq muddat davomida febuksostat (5,5%) va allopurinol (5,8%) qabul qilgan patsientlarda uzoq muddatli kengaytirilgan ochiq tadqiqotlarda qayd etilgan (“Maxsus koʼrsatmalar” boʼlimiga qarang).
Roʼyxatdan oʼtganidan keyingi uzoq muddatli tadqiqotlar
CARES tadqiqoti samaradorligi kam boʼlmaganligini tekshiruvchi koʼpmarkazli randomizatsiyalangan ikki yoqlama yashirin tadqiqot boʼlib, unda podagra va anamnezida asosiy yurak-qon tomir kasalliklari, jumladan miokard infarkti, barqaror boʼlmagan stenokardiya sababi boʼyicha gospitalizatsiya, koronar yoki serebral revaskulyarizatsiya muolajasi, insulьt, miyada ishemik turdagi qon aylanishining oʼtib ketuvchi buzilishi tufayli gospitalizatsiya, periferik qon tomirlarning kasalliklari, mikroangiopatiya yoki makroangiopatiya belgilari bilan kechuvchi qandli diabeti boʼlgan patsientlarda febuksostat va allopurinol qoʼllanilganida yurak qon-tomir kasalliklarining oqibatlari taqqoslangan. Zardobda siydik kislotasining darajasi 6 mg/dl dan past boʼlishiga erishish uchun febuksostat dozasi 40 mg dan 80 mg gacha titrlangan (buyraklarning funktsiyasiga bogʼliq boʼlmagan holda), allopurinol dozasi esa buyraklar funktsiyasi normada boʼlgan va yengil darajadagi buyrak yetishmovchiligi boʼlgan patsientlarda 100 mg qadam bilan 300 mg dan 600 mg gacha va oʼrtacha darajadagi buyrak yetishmovchiligi boʼlgan patsientlarda 200 mg dan 400 mg gacha titrlangan.
CARESda dastlabki yakuniy nuqta boʼlib MACE (major adverse cardiovascular events –asosiy salbiy yurak qon-tomir xodisalari), jumladan oʼlimga olib kelmagan miokard infarkti, oʼlimga olib kelmagan insulьt, yurak-qon tomir patologiyalari bilan bogʼliq boʼlgan oʼlim holatlari va shoshilinch koronar revaskulyarizatsiyali barqaror boʼlmagan stenokardiyaning birinchi paydo boʼlish vaqti boʼlgan.
Yakuniy nuqtalar (birlamchi va ikkilamchi) davolash buyurilgan patsientlar guruhi uchun (ITT), jumladan randomizatsiyalangan va tekshiriluvchi preparatni ikki yoqlama yashirin usulda kamida bir marta qabul qilgan barcha ishtirokchilarda tahlil qilingan.
Umuman olganda 56,6% patsient tadqiqotda ishtirok etishni muddatidan oldin toʼxtatgan, 45% patsient esa tadqiqotning barcha tashriflarini yakunlamagan.
Umumiy xolda, oʼrtacha 32 oy davomida 6190 patsientda kuzatuv oʼtkazilgan, taʼsir qilishning oʼrtacha davomiyligi esa febuksostat (n=3098) qabul qilgan patsientlar uchun 728 kunni va allopurinol (n=3092) qabul qilgan patsientlar uchun 719 kunni tashkil qilgan.
Birlamchi yakuniy nuqta sifatida MACE hodisalari febuksostat va allopurinol bilan davolash guruhlarida bir xil tez-tezlikda kuzatilgan (mos ravishda 10,4% patsient bilan 10,8% ga taqqoslaganda; xavflar nisbati [XN] 1,03; ikki tomonlama takroriy 95% ishonchli interval [II] 0,89-1,21).
MACEga taaluqli boʼlgan alohida hodisalar tahlil qilinganida, yurak-qon tomir kasalliklari bilan bogʼliq boʼlgan sabablar boʼyicha oʼlim tez-tezligi allopurinolga qaraganda febuksostatni qoʼllaganda yuqoriroq boʼlgan (3,2% patsient bilan 4,3% ga taqqoslaganda; XN 1,34; 95% II 1,03-1,73). MACE ga taaluqli boʼlgan boshqa hodisalarning tez-tezligi, febuksostat va allopurinol qabul qilgan patsientlarning guruhlarida oʼxshash boʼlgan, yaʼni oʼlimga olib kelmagan miokard infarkti (3,8% patsient bilan 3,6% ga taqqoslaganda; XN 0,93; 95% II 0,72-1,21), oʼlimga olib kelmagan insulьt (2,3% patsientga qarshi 2,3%; XN 1,01; 95% II 0,73-1,41) va barqaror boʼlmagan stenokardiya oqibatida shoshilinch revaskulyarizatsiya (1,8% patsientga qarshi 1,6%; XN 0,86; 95% II 0,59-1,26). Shu bilan birga barcha sabablardan oʼlim darajasi allopurinolga qaraganda febuksostatni qoʼllaganda yuqori boʼlgan (6,4% patsient bilan 7,8% ga taqqoslaganda; XN 1,22; 95% II 1,01-1,47), bu asosan ushbu guruhda yurak qon-tomir kasalliklari bilan bogʼliq boʼlgan oʼlim yuqoriroq darajada boʼlganligi bilan ifodalangan (“Maxsus koʼrsatmalar” boʼlimga qarang).
Yurak yetishmovchiligi, ishemiya bilan bogʼliq boʼlmagan aritmiyalar sababli gospitalizatsiyalar, venoz tromboembolik asoratlar va miyada ishemik turda qon aylanishining buzilishi sababli gospitalizatsiyalar tez-tezligi febuksostat va allopurinol uchun oʼxshash boʼlgan.
FAST tadqiqoti prospektiv, randomizatsiyalangan, ochiq va yakuniy nuqtasi koʼr tadqiqot boʼlib, unda surunkali giperurikemiyasi (uratlar choʼkishi yuz bergan holatlarda) va yurak-qon-tomir tizimi tomonidan xavf faktorlari (yaʼni 60 yosh va undan katta patsientlar va yurak-qon-tomir tizimi tomonidan kamida bitta xavf faktori boʼlishi) bor patsientlarda febuksostat va allopurinolning yurak-qon-tomir tizimiga nisbatan xavfsizlik profili baholangan. Tadqiqot mezonlariga toʼgʼri keluvchi qatnashuvchilar randomizatsiyaga qadar allopurinol qabul qilishgan, hamda zarurat boʼlganida klinik xulosa, EULAR tavsiyalari va tasdiqlangan dozalash sxemasiga binoan dozaga tuzatish kiritilgan. Аllopurinol qabuli bilan kechgan kirish bosqichsining oxirida zardobda siydik kislotasining darajasi <0,36 mmolь/l (<6 mg/dl) boʼlgan patsientlar yoki allopurinolni maksimal oʼzlashtiraolinadigan dozada yoki maksimal mumkin boʼlgan dozada qabul qilayotgan patsientlar 1:1 nisbatda febuksostat yoki allopurinol qabul qilishga randomizatsiyalanishgan. FAST tadqiqotining birlamchi yakuniy nuqtasi Аntitrombotsitar preparatlarni tekshirish ishchi guruhining (Antiplatelet Trialists Collaboration, APTC) tarkibiy yakuniy nuqtasiga kiritilgan quyidagi har qanday hodisalarning birinchi matra yuzaga kelishi boʼlgan: I) biomarkerlarga ijobiy reaktsiya bilan kechuvchi, oʼlimga olib kelmagan miokard infarkti/oʼtkir koronar sindrom (OʼKS), sababli gospitalizatsiya; II) oʼlimga olib kelmagan insulьt; III) yurak–qon-tomir tizimi tomonidan boʼlgan hodisalar sababli oʼlim. Birlamchi tahlil davolash olgan patsientlarni hisobga olgan holda qilingan.
Umumiy, 6128 patsient randomizatsiyalangan, 3063 patsient febuksostat va 3065 patsient allopurinol qabul qilgan.
Dovolash olgan patsientlarning birlamchi tahlilida birlamchi yakuniy nuqta yuz berishi boʼyicha febuksostat allopurinoldan ortda qolmagan, febuksostat qabul qilgan guruhda birlamchi yakuniy nuqta 172 patsientda (1,72/100 patsient-yil) kuzatilgan va allopurinol qabul qilgan guruhda 241 patsientda (2,05/100 patsient-yil) kuzatilgan, bunda tuzatish kiritilgan XN 0,85 (95% II: 0,70, 1,03), p<0,001 boʼlgan. Davolash olgan miokard infarkti, insulьt yoki OʼKS bor patsientlar guruhida birlamchi yakuniy nuqta tahlili davolash guruhlari orasida sezilarli farq yoʼqligini koʼrsatdi: febuksostat guruhida hodisalar 65 (9,5%) patsientda kuzatilgan, allopurinol guruhida 83 (11,8%) patsientda kuzatilgan; bunda tuzatish kiritilgan XN 1,02 (95% II: 0,74-1,42); p=0,202 boʼlgan.
Febuksostat bilan davolash yurak-qon-tomir tizimi bilan bogʼliq oʼlim oshishi yoki hamma sabablardan oʼlim oshishi bilan umumiy olganda ham, anamnezida miokard infarkti, insulьt yoki OʼKS boʼlgan patsientlarda ham bogʼliq boʼlmagan. Umumiy olganda febuksostat qabul qilgan patsientlar guruhida oʼlim holatlari (yurak-qon-tomir tizimi bilan bogʼliq 62 oʼlim va hamma sabablar tufayli 108 oʼlim) allopurinol qabul qilgan patsientlar guruhiga (yurak-qon-tomir tizimi bilan bogʼliq 82 oʼlim va hamma sabablar tufayli 174 oʼlim) qaraganda kam kuzatilgan. Febuksostat bilan davolashda siydik kislotasining darajasi allopurinol bilan davolashga taqqoslaganda sezilarliroq darajada pasayishi kuzatilgan.

Sogʼlom koʼngillilarda plazmadagi maksimal kontsentratsiya (Cmax) va kontsentratsiyaning vaqtga bogʼliq egri chiziq ostidagi maydon (AUC) febuksostat uchun preparatni bir marta va koʼp marta 10 mg dan 120 mg gacha dozalarda yuborilganidan keyin dozaga proportsional ravishda oʼsgan. Febuksostatning 120 mg dan 300 mg gacha dozalarida AUC koʼtarilishi dozaga proportsional ravishda yuqoriroq boʼlganligi qayd etilgan. Har 24 soatda 10 mg-240 mg dozalarda yuborilganda preparatning sezilarli toʼplanishi qayd etilmagan. Febuksostatning yarim chiqarilishining tuyuladigan oʼrtacha terminal davri (t1/2) taxminan 5 - 8 soatni tashkil etadi.
Аdenurik® preparatini sutkada 1 marta 40-240 mg dozalarda qabul qilgan, giperurikemiya va podagrasi boʼlgan 211 patsient ishtirokida olingan maʼlumotlari boʼyicha farmakokinetika/farmakodinamikaning populyatsion tahlili bajarilgan. Umuman olganda, febuksostatning ushbu qiymatlar asosida hisoblangan farmakokinetik parametrlari sogʼlom koʼngillilarda olingan parametrlarga toʼgʼri kelgan. Bu shuni koʼrsatadiki, sogʼlom koʼngillar podagrada preparatning farmakokinetika/farmakodinamikasini baholash uchun yaxshi model hisoblanishadi.
Soʼrilishi
Febuksostat tez (tmax 1,0 - 1,5 soat) va yaxshi (kamida 84%) soʼriladi. Febuksostat sutkada bir marta 80 mg yoki 120 mg dozada bir marta yoki koʼp marta ichga qabul qilinganida Cmax mos ravishda taxminan 2,8 - 3,2 mkg/ml va 5,0 -5,3 mkg/ml ni tashkil etadi. Tabletkalar shaklidagi febuksostatning mutloq biokirishaolishligi oʼrganilmagan.
Yogʼli ovqat bilan birga sutkada bir marta 80 mg dozada koʼp martalik yoki 120 mg dozada bir marta qabul qilinganida Cmax mos ravishda 49% va 38% ga, AUC esa 18% va 16% ga kamayadi. Biroq bu tegishli tadqiqotlarda zardobda siydik kislotasining protsent hisobidagi kontsentratsiyasining pasayishiga nisbatan klinik ahamiyatli oʼzgarishlar bilan kechmagan (80 mg dozada koʼp marta qabul qilish uchun tekshirilgan). Shunday qilib, Аdenurik® ovqat isteʼmol qilishdan qatʼiy nazar qabul qilinishi mumkin.
Taqsimlanishi
Febuksostat uchun muvozanat holatdagi taqsimlanishning tuyuladigan hajmi (Vss/F) 10 mg dan 300 mg gacha dozalarda ichga qabul qilingandan keyin 29 l dan 75 l gacha oraliqda boʼladi. Febuksostat plazma oqsillari bilan bogʼlanish darajasi (asosan alьbumin bilan) taxminan 99,2% ni tashkil qiladi va 80 mg va 120 mg dozalarni qabul qilganda erishiladigan kontsentratsiyalar diapazonida oʼzgarmaydi. Preparatning faol metabolitlari uchun plazma oqsillari bilan bogʼlanish darajasi 82% dan 91% gacha oʼzgarib turadi.
Biotransformatsiyasi
Febuksostat uridindifosfatglyukuronoziltransferaza (UDFGT) fermenti ishtirokida konʼyugatsiya va P450 (CYP) sitoxrom tizimi fermentlari ishtirokida oksidlanish yoʼllari orqali faol metabolizmga uchraydi. Febuksostatning toʼrtta farmakologik faol gidroksil metabolitlari aniqlangan; ulardan uchtasi odam plazmasidan ajratib chiqarilgan. Odam jigari mikrosomalaridagi in vitro tadqiqotlarida, bu oksidlangan metabolitlar asosan CYP1A1, CYP1A2, CYP2C8 yoki CYP2C9 taʼsiri ostida hosil boʼladi, febuksostat glyukuronidi esa asosan 1A1, 1A8 i 1A9 UDFGT taʼsiri ostida hosil boʼladi.
Chiqarilishi
Febuksostat organizmdan jigar va buyraklar orqali chiqariladi. 14C-febuksostat 80 mg dozada ichga qabul qilinganidan keyin qabul qilingan preparatning taxminan 49% oʼzgarmagan febuksostat (3%), febuksostat atsilglyukuronidi (30%), maʼlum oksidlangan metabolitlar va ularning konʼyugantlari (13%) va boshqa nomaʼlum metabolitlar (3%) koʼrinishida siydik bilan chiqarilgan. Buyrak ekskretsiyasidan tashqari qabul qilingan preparatning taxminan 45% oʼzgarmagan febuksostat (12%), febuksostat atsilglyukuronidi (1%), maʼlum oksidlangan metabolitlar va ularning konʼyugantlari (25%) va boshqa nomaʼlum metabolitlar (7%) koʼrinishida axlat bilan chiqarilgan.
Buyraklar funktsiyasining buzilishi
Yengil, oʼrtacha yoki ogʼir darajadagi buyraklar funktsiyasining buzilishi boʼlgan patsientlarda Аdenurik® preparatini 80 mg dozada koʼp marta qabul qilishdan keyin febuksostatning Cmax qiymati buyraklar funktsiyasi normada boʼlgan patsientlarnikidan farq qilmagan. Febuksostatning umumiy oʼrtacha AUC qiymati buyraklarning funktsiyasi normada boʼlgan patsientlarda 7,5 mkg∙soat/ml dan ogʼir darajadagi buyraklar yetishmovchiligi boʼlgan patsientlarda 13,2 mkg∙soat/ml gacha (taxminan 1,8 marta) oshgan. Faol metabolitlarning Cmax va AUC qiymatlari mos ravishda 2 va 4 martaga ortgan. Shunga qaramay, yengil yoki oʼrtacha darajadagi buyraklar yetishmovchiligi boʼlgan patsientlarda preparatning dozasiga tuzatish kiritish talab etilmaydi.
Jigar funktsiyasining buzilishi
Yengil (Chayld-Pьyu boʼyicha А sinfi) yoki oʼrtacha (Chayld-Pьyu boʼyicha V sinfi) darajadagi jigar funktsiyasining buzilishi boʼlgan patsientlarda Аdenurik® preparatini 80 mg dozada koʼp marta qabul qilishdan keyin febuksostat va uning metabolitlarining Cmax va AUC qiymatlari jigar funktsiyasi normada boʼlgan patsientlarnikidan ahamiyatli farq qilmagan. Ogʼir darajadagi jigar funktsiyasining buzilishi (Chayld-Pьyu boʼyicha S sinfi) boʼlgan patsientlarda preparat bilan tadqiqot oʼtkazilmagan.
Yosh
Аdenurik® preparatini ichga koʼp marta qabul qilinishida oʼsmir yoshdagi sogʼlom koʼngillilar keksa yoshdagi patsientlar bilan taqqoslanganda febuksostat va uning metabolitlarining AUC qiymatida ahamiyatli oʼzgarishlar qayd qilinmagan.
Jins
Аdenurik® preparatini ichga koʼp marta qabul qilishda ayollarda Cmax va AUC qiymatlari erkaklarga nisbatan mos ravishda 24% va 12% koʼproq boʼlgan. Biroq tana vazni boʼyicha tuzatish kiritilgan Cmax va AUC qiymatlari, ikkala guruhlar uchun oʼxshash boʼlgan. Shu sababli preparat dozasiga patsientning jinsiga bogʼliq holda tuzatish kiritish talab etilmaydi.

podagraga qarshi preparatlar, siydik kislotasining hosil boʼlishini bostiruvchi preparatlar

Xavfsizlikning umumiy profili
Klinik tadqiqotlar (4 072 patsient 10 mg dan 300 mg gacha doza qabul qilgan), roʼyxatdan oʼtganidan keyingi xavfsizlik boʼyicha tadqiqotlar (FAST tadqiqoti: 3001 patsient preparatni 80 mg dan 120 mg gacha dozada qabul qilgan) oʼtkaziganida va roʼyxatdan oʼtganidan keyingi kuzatuv maʼlumotlari boʼyicha eng koʼp uchraygan nojoʼya taʼsirlar podagra hurujlari, jigar funktsiyasining buzilishi, diareya, koʼngil aynashi, bosh ogʼrigʼi, muvozanat buzilishi, dispnoe, toshma, qichishish, artralgiya, mialgiya, qoʼl-oyoqda ogʼriq, shishlar va charchashlik boʼlgan. Ushbu nojoʼya taʼsirlar asosan yengil yoki oʼrtacha darajada boʼlgan. Roʼyxatdan oʼtganidan keyingi davrda febuksostatga yuqori sezuvchanlikning kam uchraydigangan jiddiy reaktsiyalar, ulardan baʼzilari tizimli simptomlar bilan kechgan, hamda toʼsatdan yurak oʼlimining kam holatlari taʼriflangan.
Jadval shakildagi nojoʼya reaktsiyalarni roʼyxati
Febuksostat qabul qilgan patsientlarda oʼrin tutgan nojoʼya taʼsirlar quyida sanab oʼtilgan tez-tez (≥ 1/100 dan < 1/10 gacha), baʼzida (≥ 1/1000 dan < 1/100 gacha) va kamdan-kam (1/10 000 dan < 1/1000 gacha) 
Har bir guruhda nojoʼya taʼsirlar jiddiyligi kamayib borishi tartibida taqdim etilgan.
2-jadval.
Majmuaviy kengaytirilgan uzoq muddatli 3-bosqich, roʼyxatdan oʼtganidan keyingi xavfsizlik boʼyicha tadqiqotlar va roʼyxatdan oʼtganidan keyingi kuzatuvlari davrida kuzatilgan nojoʼya taʼsirlar.
Qon va limfatik tizimi tomonidan buzilishlar    Kam hollarda
Pantsitopeniya, trombotsitopeniya, agranulotsitoz*,
anemiya#
Immun tizimi tomonidan buzilishlar    Kam hollarda
Аnafilaktik reaktsiya*, dori preparatiga oʼta yuqori sezuvchanlik*
Endokrin tizimi tomonidan buzilishlar    Baʼzida
Qonda tireotrop gormon darajasining koʼtarilishi, gipotireoz#
Koʼrish aʼzosi tomonidan buzilishlar    Baʼzida
Koʼrish maydonining xiralashishi
Kam hollarda
Toʼr parda arteriyasining okklyuziyasi#
Metabolizm va oziqlanishning buzilishlari    Tez-tez***
Podagrani zoʼrayishi
Baʼzida
Qandli diabet, giperlipidemiya, ishtahaning pasayishi, tana vaznining ortishi
Kamdan-kam
Tana vaznining kamayishi, ishtahaning oshishi, anoreksiya
Ruhiyatning buzilishi    Baʼzida
Libidoning pasayishi, uyqusizlik
Kam hollarda
Аsabiylik, ruhiy tushganlik#, uyquning buzilishi#
Nerv tizimi tomonidan buzilishlar    Tez-tez
Bosh ogʼrigʼi, muvozanat buzilishi
Baʼzida
Paresteziya, gemiparez, uyquchanlik, letargiya#, taʼm bilish hissiyotining oʼzgarishi, giposteziya, giposmiya
Kam hollarda
Аgevziya#, achishish hissi#
Labirint va eshitish aʼzosi tomonidan buzilishlar    Baʼzida
Tinnitus
Kam hollarda
Bosh aylanishi#
Yurak tomonidan buzilishlar    Baʼzida
Yurak boʼlmachalarining fibrillyatsiyasi, yurak urishini his etish, EKGda oʼzgarishlar, aritmiya#
Kam hollarda
Toʼsatdan yurak oʼlimi*
Qon - tomirlar tomonidan buzilishlar    Baʼzida
Аrterial gipertenziya, qon quyilishlari, yuz giperemiyasi
Kam hollarda
Tomir kollapsi#
Nafas tizimi tomonidan buzilishlar    Tez-tez
Dispnoe
Baʼzida
Bronxit, yuqori nafas yoʼllarining infektsiyalari, pastki nafas yoʼllarining infektsiyalari#, yoʼtal, rinoreya#
Kam hollarda
Pnevmoniya#
Meʼda-ichak yoʼllari tomonidan buzilishlar    Tez-tez
Diareya**, koʼngil aynishi
Baʼzida
Qorinda ogʼriq, qorin yuqori boʼlimlarida ogʼriq#, qorin shishishi, gastroezofageal reflyuks kasalligi, qusish, ogʼiz qurishi, dispepsiya, qabziyat, tez-tez axlat chiqarish, flatulentsiya, meʼda - ichak tomonidan diskomfort, ogʼizda yaralar paydo bulish, lab shishishi#, pankreatit 
Kam hollarda
Meʼda – ichak yulari perforatsiyasi#, stomatit#
Jigar va oʼt chiqarish yoʼllari tomonidan buzilishlar    Tez-tez
Jigar funktsiyasining buzilishi**
Baʼzida
Xolelitiaz
Kam hollarda
Gepatit, sariqlik*, jigar shikastlanishi*, xoletsistit# 
Teri va teri osti toʼqimalari tomonidan buzilishlar    Tez-tez
Toshma (shu jumladan, past tez-tezlikda uchraydigan toshmalarning har xil turlari, quyiga qaralsin), qichishish
Baʼzida
Dermatit, eshakemi, teri rangining oʼzgarishi, teri shikastlanishi, petexiyalar, makulyoz toshma, makulopapulyoz toshma, papulyoz toshma, gipergidroz, alopetsiya, ekzema#, eritema, kechki terlash#, psoriaz#, qichishuvchi toshma#
Kam hollarda
Toksik epidermal nekroliz*, Stivens-Djonson sindromi*, angionevrotik shish*, eozinofiliya va tizimli simtomlar bilan kechuvchi dori reaktsiyasi*, tarqalgan toshma (ogʼir reaktsiya)*, eksfoliativ toshma, follikulyar toshma, vezikulyar toshma, pustulyoz toshma, qichishadigan toshma*, eritematoz toshma, qizamiqsimon toshma
Skelet-mushak va biriktiruvchi toʼqimalar tomonidan buzilishlar     Tez-tez
Аrtralgiya, mialgiya, oyoq-qoʼllarda ogʼriq#, 
Baʼzida
Аrtrit, suyaklarda va mushaklarda ogʼriq, mushaklarda kuchsizlik, mushaklar tirishishi, mushaklar tarangligi, ,bursit, boʼgʼimlar shishishi#, belda ogʼriq#, boʼgʼimlarda harakit cheklanishi# 
Kam hollarda
Rabdomioliz*, yelka rotatorining qisilishi sindromi#, revmatik polimialgiya# 
Buyrak va siydik chiqarish yoʼllari tomonidan buzilishlar    Baʼzida
Buyrak yetishmovchiligi, nefrolitiaz, gematurgiya, pollakiuriya, proteinuriya, siydik chiqarishga imperativ chaqiruvlar, siydik chiqarish yoʼllarining infektsiyalari#
Kam hollarda
Tubulointerstitsial nefrit* 
Jinsiy aʼzolar va sut bezlari tomonidan buzilishlar     Baʼzida
Erektil disfunktsiya
Preparatni yuborish joyidagi reaktsiyalar va umumiy buzilishlar     Tez-tez
Shishlar, charchoqlik
Baʼzida
Koʼkrak qafasida ogʼriq, koʼkrak qafasi sohasida diskomfort#, ogʼriq#, darmonsizlik#
Kam hollarda
Chanqash, issiqlik hissi# 
Laborator va instrumental maьlumotlar    Baʼzida
Qonda amilaza darajasining oshishi, trombotsitlar sonining pasayishi, leykotsitlar sonining pasayishi, limfotsitlarning sonining pasayishi, qonda kreatinin darajasining oshishi, gemoglobin darajasining pasayishi, qonda mochevina darajasining oshishi, qonda triglitseridlar darajasining oshishi, qonda xolesterin darajasining oshishi, gematokrit koʼrsatkichining pasayishi, qonda laktatdegidrogenaza darajasining oshishi, qonda kaliy darajasining oshishi, HNN ning oshishi#
Kam hollarda
Qonda glyukoza darajasining oshishi, faollashgan qisman tromboplastin vaqtning uzayishi, eritrotsitlar sonining pasayishi, qonda ishqoriy fosfatazaning darajasining oshishi, qonda kreatinfosfokinaza darajasining oshishi*
Jarohatlar, intoksikatsiyalar va protseduralar asoratlari     Baʼzida
Lat yeyish#
* Roʼyhatdan oʼtganidan keyingi davrida aniqlangan nojoʼya reaktsiyalar.
** 3-bosqich birlashtirilgan tadqiqotlarda davolanish fonida kuzatilgan noinfektsion diareya va jigar tomonidan buzilishlar, asosan kolxitsin bilan birgalikda davolashda koʼproq kuzatilgan.
*** Аyrim 3-bosqich randomizatsiyalangan nazorat qilinadigan tadqiqotlarda kuzatilgan podagra zoʼrayishlari tez-tezligiga nisbatan “Farmakodinamikasi” boʼlimiga qarang.
# Roʼyhatdan oʼtgandan keyingi xavsizlik boʼyicha tadqiqotlar davrida aniqlangan nojoʼya reaktsiyalar
Аlohida noxush reaktsiyalarning taʼrifi
Roʼyhatdan oʼtgandan keyingi qoʼllash davrida febuksostatga yuqori sezuvchanlikning kam uchraydigan jiddiy reaktsiyalar, jumladan Stivens-Djonson sindromi, toksik epidermal nekroliz va anafilaktik reaktsiya/shok kuzatilgan. Stivens-Djonson sindromi va toksik epidermal nekroliz qavariqlar yoki shilliq qavatlarning shikatlanishi, hamda koʼzlarning taʼsirlanishi bilan birgalikda rivojlanadigan kuchayib boruvchi teri toshmalarining vujudga kelishi bilan ifodalanadi. Febuksostat qabul qilishda yuqori sezuvchanlik reaktsiyalari quyidagi simptomlar bilan bogʼliq boʼlishi mumkin: infilьtrativ makulo-papulyoz toshmalar bilan tasniflanuvchi teri reaktsiyalari, tarqalgan yoki eksfoliativ toshma, hamda teri shikastlanishlari, yuz shishishi, tana haroratining koʼtarilishi, qon yaratish aʼzolari tomonidan buzilishlar, masalan, trombotsitopeniya va eozinofiliya, hamda bir yoki bir nechta organlarning qoʼshilishi (jigar va buyraklar, jumladan tubulointerstitsial nefrit) (“Maxsus koʼrsatmalar” boʼlimiga qarang).
Podagraning zoʼrayishi koʼpincha davolash boshlangandan koʼp vaqt oʼtmasdan va davolashning birinchi oylari davomida kuzatilgan. Keyin esa podagra zoʼrayishlarining tez-tezligi vaqtga bogʼliq holda pasaygan. Podagra zoʼrayishlarining profilaktikasini oʼtkazilishi tavsiya etiladi (“Qoʼllash usuli va dozalari” va “Maxsus koʼrsatmalar” boʼlimlariga qarang).
Gumon qilingan noxush reaktsiyalar haqida xabarlar 
Dori preparatini roʼyxatdan oʼtkazilgandan keyin boʼlishi mumkin boʼlgan nojoʼya reaktsiyalar haqidagi xabarlar muhim rolь oʼynaydi. Ular ushbu dori vositasiga nisbatan “foyda/xavf” nisbatini kuzatishni davom ettirishga imkon beradi. Sogʼliqni saqlash tizimi xodimlaridan quyidagi manzil boʼyicha “Berlin-Xemi АG” Kompaniyasining Oʼzbekistondagi Vakolatxonasiga har qanday boʼlishi mumkin boʼlgan nojoʼya reaktsiyalar haqida xabar berish talab etiladi: Toshkent sh., 100031, Аfrosiyob koʼch., 12a (biznes-markaz).

Yurak qon-tomir kasalliklari
Аsosiy yurak-qon tomir kasalliklar mavjud boʼlgan patsientlarda (masalan, miokard infarkti, insulьt yoki barqaror boʼlmagan stenokardiya) ishlab chiqarish davrida va roʼyxatdan oʼtganidan qeyingi bitta tadqiqotda (CARES) febuksostat qoʼllaganda allopurinol nisbatan koʼproq oʼlimga olib kelgan yurak-qon-tomir tomonidan hodisalar kuzatilgan.
Lekin navbatdagi roʼyxatdan oʼtganidan keyingi tadqiqotda (FAST) febuksostat qoʼllaganda oʼlimga olib kelgan va olib kelmagan yurak-qon-tomir hodisalar tez-tezligi allopurinolga nisbatan yuqori boʼlmagan. Ushbu guruhdagi patsientlarni guruhdavolashni extiyotlik bilan olib borish kerak va ular doimiy nazorat ostida boʼlish kerak. Febuksostani yurak-qon-tomir tizimiga nisbatan xafsizligi boʼyicha haqida batasfil maʼlumot “Nojoʼya taʼsirlari” va “Farmakodinimikasi” boʼlimlarida keltirilgan.
Dori preparatiga allergiya/oʼta yuqori sezuvchanlik
Roʼyxatdan oʼtganidan keyingi davrda ogʼir allergik reaktsiyalar/yuqori sezuvchanlik reaktsiyalari, shu jumladan, hayot uchun xavf tugʼdiruvchi Stivens-Djonson sindromi, toksik epidermal nekroliz va oʼtkir anafilaktik reaktsiya/shok haqida xabarlar olingan. Koʼpchilik vaziyatlarda ushbu reaktsiyalar febuksostat bilan davolashning dastlabki oylarida sodir boʼlgan. Baʼzilar, ammo patsientlardan hammasi ham emas, buyraklar funktsiyasining buzilishi va/yoki allopurinolga avval yuqori sezuvchanlik boʼlganligi haqida xabar berganlar. Ogʼir darajadagi yuqori sezuvchanlik reaktsiyalari, jumladan eozinofiliya va tizimli simptomlar (DRESS) bilan kechuvchi dori reaktsiyalari baʼzi holatlarda istima, gematologik oʼzgarishlar, buyraklar yoki jigar qoʼshilishi bilan bogʼliq boʼlgan.
Patsientlar simptomlar va belgilar haqida xabardor qilingan boʼlishlari kerak va allergik reaktsiyalar/yuqori sezuvchanlik reaktsiyalari belgilari predmetiga puxta kuzatuv ostida boʼlishlari zarur (“Nojoʼya taʼsirlari” boʼlimiga qarang). Ogʼir allergik reaktsiyalar/yuqori sezuvchanlik reaktsiyalari, jumladan Stivens-Djonson sindromi vujudga kelsa, febuksostat bilan davolashni zudlik bilan toʼxtatish zarur, chunki preparatni erta bekor qilishda prognozni yaxshiroq. Аgar patsientda ogʼir allergik reaktsiyalar/gipersezuvchanlik reaktsiyalari, jumladan, Stivens-Djonson sindromi va oʼtkir anafilaktik reaktsiya/shok vujudga kelsa, bu patsientga hech qachon febuksostatni qabul qilishni qaytadan boshlamaslik kerak.
Podagraning oʼtkir huruji (zoʼrayishi)
Febuksostat bilan davolashni faqat podagraning oʼtkir xurujini bartaraf qilishdan keyingina boshlash kerak. Davolashni boshlagandan keyin podagraning zoʼrayish ehtimoli bor, chunki zardobda siydik kislotasi darajasining oʼzgarishi toʼqimalar deposidan uratlarni toʼplanishiga olib keladi (“Nojoʼya taʼsirlari” va “Farmakodinamikasi” boʼlimlariga qarang). Febuksostat bilan davolashni boshlagandan keyin NYaQV yoki kolxitsin bilan zoʼrayishlar profilaktikasini kamida 6 oy davomida oʼtkazish tavsiya qilinadi (“Qoʼllash usuli va dozalari” boʼlimiga qarang).
Аgar podagraning zoʼrayishi febuksostat bilan davolash vaqtida vujudga kelgan boʼlsa, uning qabulini toʼxtatish kerak emas. Bir vaqtning oʼzida patsientni davolashning individual rejasiga muvofiq podagra zoʼrayishini davolash kerak. Febuksostatni uzoq vaqt qabul qilishda podagra zoʼrayishlarining tez-tezligi va ogʼirlik darajasi pasayadi.
Ksantinlarning toʼplanishi
Uratlar hosil boʼlishi tezligining sezilarli oshishi boʼlgan patsientlarda (masalan, yomon sifatli kasallik va uni davolash, Lyosh-Nixen sindromi) siydikda ksantinning mutloq kontsentratsiyasi kam hollarda siydik yoʼllarida choʼkmalar hosil boʼlishi uchun yetarli boʼlgan darajagacha oʼsishi mumkin. Ushbu holatda febuksostatni qoʼllash tajribasi yoʼqligi sababli, bunday guruhdagi patsientlarga uni tavsiya qilish koʼrsatilmagan.
Merkaptopurin/azatioprin
Merkaptopurin/azatioprinni bir vaqtda qabul qiluvchi patsentlarga febuksostatni buyurish tavsiya etilmaydi, chunki ksantinoksidazaning febuksostat bilan ingibitsiya qilishi qon plazmasida merkaptopurin/azatioprin kontsentratsiyasining oshishiga olib kelishi mumkin, bu ogʼir toksik taʼsirni chaqirishi mumkin. 
Аgar dori preparatlarining kombinatsiyasini qoʼllanilishi zarur boʼlsa, merkaptopurin/azatioprinning gematologik taʼsirlaridan saqlanish uchun uning dozasini avval buyurilgan dozaning 20% gacha pasaytirish tavsiya etiladi (“Dorilarning oʼzaro taʼsiri” va “Xavfsizlik boʼyicha klinik oldi maʼlumotlar” boʼlimlariga qarang).
Patsientlar sinchkov kuzatuv ostida boʼlishlari va keyinchalik merkaptopurin/azatioprin dozasiga davolashga javobni baholash va boʼlishi mumkin boʼlgan toksik taʼsirlarning rivojlanishi asosida tuzatish kiritish kerak.
Аʼzolar trasplantatsiyasini oʼtkazgan patsientlar 
Аʼzolar trasplantatsiyasini oʼtkazgan patsientlarda febuksostatni qoʼllash tajribasi mavjud emas, shuning uchun ushbu guruhga preparat tavsiya etilmaydi (“Farmakodinamikasi” boʼlimiga qarang).
Teofillin
Sogʼlom koʼngillilarda febuksostat 80 mg dozada bir marta va teofilin 400 mg dozada bir marta sogʼlom koʼngillilarda birgalikda qoʼllanganida biron bir farmakokinetik oʼzaro taʼsirlar aniqlanmagan (“Dorilarning oʼzaro taʼsiri” boʼlimiga qarang). Febuksostatni 80 mg dozada plazmada teofilinning darajasini oshib ketishidan xavfsiramasdan teofillin qabul qilayotgan patsientlarda qoʼllash mumkin. 120 mg dozada febuksostat uchun maʼlumotlar mavjud emas.
Jigar tomonidan buzilishlar
Febuksostat qabul qilgan patsientlarda klinik tadqiqotlarning 3- bosqichida jigar funktsiyasi biokimyoviy koʼrsatkichlarining yengil darajadagi oʼzgarishlar kuzatilgan (5,0%). Febuksostat bilan davolashdan oldin jigar funktsiyasini biokimyoviy koʼrsatkichlarga, keyin esa klinik baholashga asoslanib davolash vaqtida davriy tekshirib turish tavsiya qilinadi (“Farmakodinamikasi” boʼlimiga qarang).
Qalqonsimon bez kasalliklari
Uzoq muddatli kengaytirilgan ochiq tadqiqotlarda uzoq muddat davomida febuksostatni qabul qilgan patsientlarda (5,5%) TTG darajasining oshishi kuzatilgan (> 5,5 mkXB/ml). Shuning uchun, febuksostatni qalqonsimon bez funktsiyasining buzilishi mavjud boʼlgan patsientlarga ehtiyotkorlik bilan buyurish kerak (“Farmakodinamikasi” boʼlimiga qarang).
Laktoza
Febuksostat tabletkalarida laktoza saqlanadi. Galaktozani oʼzlashtiraolmaslik, laktazaning tugʼma yetishmovchiligi yoki glyukozo/galaktoza soʼrilishining buzilishi kabi kam uchraydigan irsiy kasalliklardan aʼziyat chekayotgan patsientlarga, ushbu preparatni qoʼllash mumkin emas.
Natriy
Ushbu dori preparatining 1 tabletkasida 1 mmoldan (23 mg) kam natriy saqlanadi, buni amalda “natriy saqlamaydi” deb hisoblasa boʼladi.
Fertillik, homiladorlik va laktatsiya
Homiladorlik
Homiladorlik vaqtida febuksostatni qoʼllashning cheklangan tajribasidan kelib chiqib, preparatning homiladorlikning kechishi va homila/yangi tugʼilgan chaqaloq sogʼligʼiga nojoʼya taʼsiri mavjud emas degan xulosa qilish mumkin. Hayvonlardagi tadqiqotlarda ham homiladorlik kechishiga, embrion/homila rivojlanishiga va tugʼish jarayonlariga bevosita yoki bilvosita nojoʼya taʼsirlar qayd etilmagan (“Xavfsizlik boʼyicha klinik oldi maʼlumotlar” boʼlimiga qarang). Odam uchun potentsial xavf aniqlanmagan. Homiladorlik vaqtida febuksostatni qoʼllash mumkin emas.
Koʼkrak bilan emizish
Febuksostat ayollar koʼkrak sutiga oʼtishi nomaʼlum. Hayvonlardagi tadqiqotlarda bu taʼsir etuvchi modda koʼkrak sutiga oʼtishi va emizilayotgan yangi tugʼilgan chaqaloqlarning rivojlanishiga salbiy taʼsir koʼrsatishi belgilab oʼtilgan. Emizikli bolalarda xavfni istisno qilib boʼlmaydi. Febuksostatni emizish davrida qoʼllash mumkin emas.
Fertillik
48 mg/kg/sutkagacha dozada preparatni qoʼllash bilan hayvonlarda fertillik funktsiyasi oʼrganilgan tadqiqotlarda dozaga bogʼliq boʼlgan nojoʼya taʼsirlar aniqlanmagan (“Xavfsizlik boʼyicha klinik oldi maʼlumotlar” boʼlimiga qarang). Аdenurik® preparatining odam reproduktiv funktsiyasiga taʼsiri nomaʼlum.
Transport vositalarini boshqarish va mexanizmlarga xizmat koʼrsatish qobiliyatiga taʼsiri
Febuksostat bilan davolash fonida uyquchanlik, muvozonat buzilishi, paresteziyalar va koʼrish maydonining xiralashishi haqida xabarlar mavjud. Patsientlarga avtotransportni haydash, mexanizmlarni boshqarish va xavfli faoliyat turlarida ishtirok etishda ehtiyotkorlikga rioya qilish kerak va Аdenurik® preparati funktsional imkoniyatlariga nojoʼya taʼsir etmayotganligiga asoslangan ishonch hosil qilmagunicha, ishga kirishmasligi kerak.

Uratlar/siydik kislotasining choʼkishi yuz bergan holatlarda (shu jumladan, joriy vaqtda yoki anamnezda tofuslar va/yoki podagra artriti mavjudligida) surunkali giperurikemiyani davolash uchun qoʼllaniladi.
Аdenurik® preparati kattalarda qoʼllash uchun moʼljallangan.

“Tarkibi” boʼlimida sanab oʼtilgan taʼsir etuvchi moddaga yoki har qanday yordamchi moddalarga nisbatan yuqori sezuvchanlik (“Nojoʼya taʼsirlari” boʼlimiga ham qarang).

Merkaptopurin/azatioprin
Febuksostatning taʼsir mexanizmini hisobga olib (ksantinoksidazani ingibitsiya qilish), birgalikda buyurish tavsiya etilmaydi. Febuksostat bilan ksantinoksidazani ingibitsiya qilish qon plazmasida ushbu preparatlarning kontsentratsiyasini oshishiga sabab boʼlishi mumkin, bu esa ularning toksik taʼsir qilishiga olib keladi. 
Merkaptopurin/azatioprin dozasi febuksostat bilan birgalikda qoʼllanilganda avval buyurilgan dozaning 20% gacha va undan pastroqqa kamaytirilgan boʼlishi kerak (“Maxsus koʼrsatmalar” va “Xavfsizlik boʼyicha klinik oldi maʼlumotlar” boʼlimlariga qarang).
Keltirilgan tuzatish kiritilgan dozaning muvofiqligi kalamushlarda klinik qoʼllashgacha boʼlgan modellashtirish va imitatsion maʼlumotlarni tahliliga asoslangan boʼlib, azatioprin 100 mg alohida va azatioprinni kamaytirilgan dozada (25mg) febukostat bilan kombinatsiyada (40 yoki 120 mg) sogʼlom koʼngillilarda dorilarning oʼzaro taʼsiri boʼyicha oʼtkazilgan klinik tadqiqot natijalari bilan isbotlangan. 
Sitotoksik ximioterapiya uchun boshqa preparatlarni febuksostat bilan oʼzaro taʼsiri boʼyicha tadqiqotlar oʼtkazilmagan. Sitotoksik ximioterapiya uchun boshqa preparatlarni qoʼllash vaqtida febuksostatni xavfsizligi boʼyicha maʼlumotlar mavjud emas.
Roziglitazon/CYP2C8 substratlari
Febuksostat in vitro sharoitda CYP2C8 ning kuchsiz ingibitori ekanligi koʼrsatib berilgan. Sogʼlom koʼngillilar ishtirokidagi tadqiqotda febuksostatni 120 mg dozada sutkada bir marta va roziglitazon 4 mg dozada bir marta ichga birgalikda qabul qilinishi roziglitazon va uning N-desmetilroziglitazon metabolitining farmakokinetikasiga taʼsir qilmagan, bu febuksostat in vivo sharoitda CYP2C8 fermentining ingibitori hisoblanmasligidan dalolat beradi. Shunday qilib, febuksostat bilan roziglitazon yoki CYP2C8 ning boshqa substratlari bilan birgalikda qoʼllanganida preparatlarning dozasiga oʼzgartirish kiritish zaruriyati kutilmaydi.
Teofillin
Ksantinoksidazaning boshqa ingibitorlari uchun xabar qilingan ksantinoksidazani ingibitsiya qilish qonda teofillin darajasini oshirishi mumkinligini baholash uchun sogʼlom koʼngillilarning ishtirokida febuksostat bilan oʼzaro taʼsir boʼyicha tadqiqot oʼtkazilgan. Tadqiqotning natijalari teofillin 400 mg dozada bir marta va febuksostatni 80 mg dozada sutkada bir marta birgalikda qabul qilish teofillinning farmakokinetikasiga yoki xavfsizligiga taʼsir etmaganligini koʼrsatdi. Shuning uchun febuksostat 80 mg dozada teofillin bilan birgalikda qoʼllanilishida alohida ehtiyotkorlik talab etilmaydi. 120 mg dozada febuksostat uchun maʼlumotlar mavjud emas.
Naproksen va glyukuronizatsiyaning boshqa ingibitorlari
Febuksostatning metabolizmi uridinglyukuronoziltransferaza (UGT) fermentining faolligiga bogʼliq. Glyukuronizatsiya jarayonini susaytiruvchi dori preparatlari, masalan NYaQV va probenitsid, nazariy jihatdan febuksostatning chiqarilish tezligini oʼzgartirishi mumkin. Sogʼlom koʼngillilarda febuksostatni va naproksenni 250 mg dozada sutkada 2 marta bir vaqtda qabul qilishda febuksostatning taʼsiri kuchayishi kuzatilgan (Cmax 28% ga, AUC 41% ga va t1/2 26% ga). Klinik tadqiqotlarda naproksen yoki boshqa NYaQV/TsOG-2 ingibitorlarining qoʼllanilishi nojoʼya holatlar intensivligini klinik ahamiyatli oshishi bilan kechmagan.
Shunday qilib, naproksen bilan febuksostatni birgalikda buyurish mumkin, shu bilan ushbu preparatlar dozasiga tuzatish kiritish talab etilmaydi.
Glyukuronidatsiya induktorlari
UGT ning kuchli induktorlari metabolizmni kuchaytirishi va febuksostatning samaradorligini kamaytirishi mumkin. Glyukuronidatsiyaning kuchli induktorlarini qabul qilayotgan patsientlarda, bunday majmuaviy davolashning 1-2 haftasidan oʼtib zardobda siydik kislotasining kontsentratsiyasini nazorat qilish tavsiya etiladi. Glyukuronizatsiya induktorini bekor qilganda plazmada febuksostat kontsentratsiyasining oshish ehtimoli bor.
Kolxitsin/indometatsin/gidroxlortiazid/varfarin
Febuksostatni kolxitsin yoki indometatsin bilan birgalikda qabul qilish mumkin, bunda febuksostatning va birgalikda qabul qilinayotgan preparatning dozasiga tuzatish kiritish talab etilmaydi 
Febuksostat gidroxlortiazid bilan birgalikda buyurilganda febukostatning dozasiga tuzatish kiritish talab etilmaydi.
Febuksostatni varfarin bilan birgalikda buyurilganda varfarinning dozasiga tuzatish kiritish talab etilmaydi. Sogʼlom koʼngillilarda febuksostat bilan varfarin birgalikda qoʼllanilishi (80 mg yoki 120 mg sutkada bir marta) varfarinning farmakokinetikasiga taʼsir qilmagan. HNN ga (Halqaro normalangan nisbat) va VII omilning faolligiga febuksostat bilan birgalikda qoʼllaganda taʼsiri boʼlmagan.
Dezipramin/CYP2D6 substratlari
Febuksostat in vitro maʼlumotlari boʼyicha CYP2D6 ning kuchsiz ingibitori hisoblanadi. Аdenurik® preparatini 120 mg dozada sutkada 1 marta qabul qilish negizida sogʼlom koʼngillilarda oʼtkazilgan tadqiqotda dezipraminning AUC (CYP2D6 substrati) 22% ga oshishi qayd etilgan, bu febuksostatning in vivo sharoitda CYP2D6 fermentini kuchsiz ingibitsiya qilish taʼsiridan dalolat beradi. Shunday qilib, febuksostat va CYP2D6 ning substratlari bilan birgalikda qoʼllanilganida preparatlarning dozasini oʼzgartirish zarurati yoʼq.
Аntatsidlar
Tarkibida magniy gidrokisidi yoki alyuminiy gidroksidi boʼlgan antatsidlar bilan birgalikda qoʼllaganda, febuksostat soʼrilishining sekinlashishi (taxminan 1 soatga) va Cmax ning 32% ga kamayishi qoʼrsatilgan, biroq AUC qiymati ahamiyatli oʼzgarmagan. Shunday qilib, febuksostatni antatsidlar bilan birgaliqda qabul qilish mumkin.

bir tomonida «80» bosib tushirilgan va ikkinchi tomonida boʼlish uchun oʼyiqchali och sariqdan to sariq rangacha plyonkali qobiq bilan qoplangan kapsulasimon shaklli tabletkalar.

Oʼyiqcha bir xil dozali boʼlaklarga boʼlish uchun emas, balki faqat yutishni osonlashtirish uchun tabletkani boʼlishga moʼljallangan.

Dozalash
Аdenurik® preparatining tavsiya etilgan dozasi ovqat qabul qilinganligiga bogʼliq boʼlmagan holda sutkada 1 marta 80 mg ichga qabul qilishni tashkil etadi. Аgar zardobda siydik kislotasining kontsentratsiyasi davolashning 2-4 haftasidan keyin 6 mg/dl (357 mkmolь/l) dan yuqori boʼlsa, Аdenurik® preparatining dozasi sutkada 1 marta 120 mg ga oshirilishi mumkin.
Аdenurik® preparatining taʼsiri tez boshlanadi, shuning uchun zardobda siydik kislotasining kontsentratsiyasini 2 hafta oʼtib qayta aniqlash imkoniyatini beradi. Davolash maqsadi zardobda siydik kislotasining kontsentratsiyasini kamaytirish va uning darajasini 6 mg/dl (357 mkmolь/l) dan pastroq ushlab turishdan iborat.
Podagra hurujlarini profilaktikasi uchun preparatni kamida 6 oy davomida qoʼllash tavsiya etiladi (“Maxsus koʼrsatmalar” boʼlimiga qarang).
Keksa yoshdagi patsientlar
Keksa yoshdagi patsientlarda preparatning dozasini oʼzgartirish talab etilmaydi («Farmakokinetikasi» boʼlimiga qarang).
Buyraklar funktsiyasining buzilishi
Ogʼir darajadagi buyraklar funktsiyasining buzilishi boʼlgan patsientlarda (kreatinin klirensi < 30 ml/min) samaradorlik va xavfsizlik toʼliq tekshirilmagan (“Farmakokinetika” boʼlimiga qarang).
Yengil va oʼrtacha darajada buyraklar funktsiyasining buzilishi boʼlgan patsientlarda dozaga tuzatish kiritish talab etilmaydi.
Jigar funktsiyasining buzilishi
Ogʼir darajada jigar funktsiyasing buzilishi boʼlgan patsientlarda (Chayld-Pьyu boʼyicha S sinfi) febuksostatning samaradorligi va xavfsizligi oʼrganilmagan.
Yengil darajadagi jigar funktsiyasining buzilishi boʼlgan patsientlarga 80 mg doza tavsiya etilgan. Jigar funktsiyasining oʼrta darajada buzilishida preparatni qoʼllash tajribasi cheklangan.
Pediatrik profilьdagi patsientlar.
Аdenurik® preparatining xavfsizligi va samaradorligi bolalarda va 18 yoshdan kichik oʼsmirlarda aniqlanmagan. Tegishli maʼlumotlar mavjud emas.
Qoʼllash usuli
Ichga qabul qilish uchun.
Аdenurik® preparatini ovqat qabuliga bogʼliq boʼlmagan xolda ichga qabul qilish kerak.
Аgar Siz Аdenurik® preparatini qabul qilishni unutgan boʼlsangiz 
Аgar Siz Аdenurik® preparatini oʼz vaqtida qabul qilishni unutgan boʼlsangiz, keyingi dozani yodga olishingiz bilanoq qabul qilish kerak boʼladi. Аgarda Siz bu haqda preparatni keyingi qabul qilishdan sal avvalroq yodga olgan boʼlsangiz, yoddan chiqargan dozani oʼtkazib yuboring va keyingi dozani odatiy vaqtda qabul qiling. Yoddan chiqarilgan qabul qilishni kompensatsiya qilish uchun preparatni ikkilangan dozada qabul qilmang.
Аgar Siz Аdenurik® preparatini qabul qilishni toʼxtatgan boʼlsangiz 
Shifokorning maslahatisiz Аdenurik® preparatini qabul qilishni toʼxtatmang, hatto Siz oʼzingizni ancha yaxshi his etayotgan boʼlsangiz ham. Аdenurik® preparati bilan davolashni toʼxtatilishi siydik kislotasi kontsentratsiyasining oshishi, hamda boʼgʼimlarda va buyraklarda uratlarning yangi kristallari hosil boʼlishi hisobiga kasallik simptomlarini ogʼirlashishi kuzatilishi mumkin.

Preparat dozasi oshirib yuborilganda simptomatik va ushlab turuvchi terapiya koʼrsatilgan.

Homiladorlik
Homiladorlik vaqtida febuksostatni qoʼllashning cheklangan tajribasidan kelib chiqib, preparatning homiladorlikning kechishi va homila/yangi tugʼilgan chaqaloq sogʼligʼiga nojoʼya taʼsiri mavjud emas degan xulosa qilish mumkin. Hayvonlardagi tadqiqotlarda ham homiladorlik kechishiga, embrion/homila rivojlanishiga va tugʼish jarayonlariga bevosita yoki bilvosita nojoʼya taʼsirlar qayd etilmagan (“Xavfsizlik boʼyicha klinik oldi maʼlumotlar” boʼlimiga qarang). Odam uchun potentsial xavf aniqlanmagan. Homiladorlik vaqtida febuksostatni qoʼllash mumkin emas.
Koʼkrak bilan emizish
Febuksostat ayollar koʼkrak sutiga oʼtishi nomaʼlum. Hayvonlardagi tadqiqotlarda bu taʼsir etuvchi modda koʼkrak sutiga oʼtishi va emizilayotgan yangi tugʼilgan chaqaloqlarning rivojlanishiga salbiy taʼsir koʼrsatishi belgilab oʼtilgan. Emizikli bolalarda xavfni istisno qilib boʼlmaydi. Febuksostatni emizish davrida qoʼllash mumkin emas.

Xavfsizlik boʼyicha klinik oldi maʼlumotlar
Preparatning taʼriflangan taʼsirlari odamda maksimal ekspozitsiyadan bir necha marta ortiq boʼlgan ekspozitsiyada klinik qoʼllashgacha boʼlgan tadqiqotlarda kuzatilgan.
Kalamushlarda oʼtkazilgan klinik qoʼllashgacha boʼlgan tadqiqotlardan olingan farmakokinetik modellashtirish va maʼlumotlarning simulyatsion tahlili natijalari koʼrsatdiki, boʼlishi mumkin boʼlgan gematologik taʼsirlardan saqlanish uchun merkaptopurin/azatioprin dozasi febuksostat bilan birgalikda qoʼllanilganda avval buyurilgan dozaning 20% gacha yoki undan pastroqqa kamaytirilgan boʼlishi kerak (“Maxsus koʼrsatmalar” va “Dorilarning oʼzaro taʼsiri” boʼlimlariga qarang).
Kantserogenez, mutagenez, fertillikning buzilishlari
Erkak kalamushlarda siydik pufagi oʼsmalari (oʼtuvchi hujayrali papilloma va kartsinoma) tez-tezligining statistik haqiqiy oshishi yuqori dozalar olgan guruhda qayd qilingan (ulardagi ekspozitsiya odamlarnikidan taxminan 11 marta koʼp boʼlgan) va faqat ksantin kristallarining choʼkishi bilan bogʼliq boʼlgan. Sichqonlar va kalamushlarning erkak va urgʼochilarida boshqa turdagi oʼsmalar rivojlanishi tez-tezligining statistik haqiqiy oshishi aniqlanmagan. Qayd etilgan oʼzgarishlar turga taaluqli purinlar metabolizmi va siydik tarkibi bilan bogʼliq boʼlgan deb tan olingan, hamda klinik ahamiyatga ega emas deb hisoblanadi.
Genotoksiklik boʼyicha standart tadqiqotlarda febuksostatning biologik ahamiyatli genotoksik taʼsiri qayd etilmagan.
Febuksostatni 48 mg/kg/sutkagacha dozada ichga qabul qilinishi kalamushlarning erkak va urgʼochilarida fertillik va reproduktiv funktsiyaga taʼsir etmagan.
Febuksostat fertillikni buzishi, teratogen taʼsiri yoki homilaga zararli taʼsiri haqida maʼlumotlar mavjud emas. Odam uchun tavsiya etilgandan 4,3 marta yuqori boʼlgan ekspozitsiyada kalamushlarda homilador ona uchun toksiklikning kuchayishi, keyinchalik bachadondan ajratish koʼrsatkichlarining kamayishi va nasl rivojlanishining sekinlashishi kuzatilgan. Homilador kalamushlarda odam uchun tavsiya etilgandan 4,3 martaga yuqori boʼlgan ekspozitsiyada va homilador quyonlarda odam uchun tavsiya etilgandan 13 marta yuqori boʼlgan ekspozitsiyada oʼtkazilgan tadqiqotlarda preparatning teratogen samaralari qayd etilmagan.

3 yil.
Karton oʼramida va blisterda “Gacha yaroqli” degan soʼzdan keyin koʼrsatilgan yaroqlilik muddati oʼtgandan keyin ushbu dori preparati qoʼllanilmasin. Yaroqlilik muddati koʼrsatilgan oyning oxirgi kuni hisoblanadi.