Adenurik

ILOVA-VARAQA: PASIENT UCHUN MA‘LUMOT

Adenurik^® plyonka qobiq bilan qoplangan tabletkalar 80 mg

Adenurik^® plyonka qobiq bilan qoplangan tabletkalar 120 mg

Febuksostat

Ushbu dori preparatni qo‘llashni boshlashdan oldin ushbu ilova-varaqani diqqat bilan oxirigacha o‘qib chiqing, chunki u Siz uchun muhim ma‘lumot saqlaydi.

• Ushbu ilova-varaqani saqlab qo‘ying. Ehtimol, Siz uni yana o‘qib chiqishingiz kerak bo‘lishi mumkin.
• Agar sizda qo‘shimcha savollar tug‘ilsa, shifokorga yoki dorixona xodimiga murojaat qiling.
• Bu dori preparati shaxsan Sizga buyurilgan. Uni boshqa shaxslarga berib yubormang. Agar ularning simptomlari Siznikiga o‘xshash bo‘lsa ham, bu ularga zarar yetkazishi mumkin.
• Agar Sizda nojo‘ya ta‘sirlardan birontasi paydo bo‘lsa, iltimos, bu haqida o‘z shifokoringizga yoki dorixona xodimiga xabar bering. Bu ushbu yo‘riqnomada ko‘rsatilmagan har qanday nojo‘ya ta‘sirlarga taalluqli (4-bo‘limga qarang).

Ushbu ilova-varaqada quyidagi ma‘lumotlar saqlanadi:

1. Adenurik^® nima va u nima uchun mo‘ljallangan
2. Adenurik^® ni qabul qilishni boshlashdan oldin nimalarni bilish kerak
3. Adenurik^® ni qanday qabul qilish kerak
4. Bo‘lishi mumkin bo‘lgan nojo‘ya ta‘sirlar
5. Adenurik^® ni qanday saqlash kerak
6. O‘ramning ichidagisi va qo‘shimcha ma‘lumot

1. ADENURIK nima va u nima uchun mo‘ljallangan

Adenurik^® tabletkalar preparatining ta‘sir etuvchi moddasi fubuksostat hisoblanadi va u podagra – organizmda siydik kislotasi (uratlar) ni ortiqcha to‘planishi bilan bog‘liq kasallikni davolash uchun qo‘llanadi. Ba‘zi odamlar qonida siydik kislotasi haddan tashqari ko‘p miqdorda bo‘ladi, shu sababli u erimaydigan bo‘lib qoladi. Buning natijasida bo‘g‘imlar va buyraklarda to‘planadigan uratlarning kristallari hosil bo‘lishi mumkin. Ushbu jarayon to‘satdan bo‘g‘imda kuchli og‘riq, qizarish, shish va bo‘g‘im haroratini oshishi (podagra huruji) bilan kechishi mumkin. Davolash o‘tkazilmaganida ayrim kristallar bo‘g‘imda va ularning atrofida ko‘p miqdorda to‘planadi (tofuslar paydo bo‘ladi). Bu tofuslar bo‘g‘im va suyakni parchalashi mumkin.

Adenurik^® preparatining samarasi siydik kislotasining darajasini kamaytirishga asoslangan. Adenurik^® ni qabul qilish fonida siydik kislotasining konsentrasiyasi past darajada qoladi, bu kristallarni hosil bo‘lishini oldini oladi va vaqt o‘tgan sari kasallik simptomlarining og‘irlik darajasini kamayishiga yordam beradi. Agar siydik kislotasining konsentrasiyasi uzoq vaqt davomida past darajada qolsa, tofuslarning o‘lchami ham kamayishi mumkin.

Adenurik^® 120 mg tabletkalari, shuningdek qonning xavfli o‘sma kasalliklari yuzasidan o‘tkazilayotgan kimyoterapiyaning boshida yuz berishi mumkin bo‘lgan qonda siydik kislotasining yuqori konsentrasiyalarida davolash va profilaktika uchun xam qo‘llaniladi.

Kimyoterapiyani o‘tkazishda o‘sma xujayralarini parchalanishi yuz beradi, va agar siydik kislotasini hosil bo‘lishini profilaktikasi o‘tkazilmagan bo‘lsa, qonda siydik kislotasining konsentrasiyasini oshishini chaqiradi.

Adenurik^® preparati kattalar uchun mo‘ljallangan.

2. Adenurik^® ni qabul qilishni boshlashdan oldin nimalarni bilish kerak

Adenurik^® ni quyidagilarda qabul qilish mumkin emas

• Febuksostatga yoki preparatning boshqa komponentlariga (6-bo‘limda sanab o‘tilgan) allergiya bo‘lganida.

Ogohlantirishlar va ehtiyotkorlik choralari

Adenurik^® ni qabul qilishni boshlashdan oldin, shifokorga xabar bering, agar:

• Agar Siz yurak yetishmovchiligi yoki yurakning boshqa kasalliklaridan aziyat cheksangiz (xastalangan bo‘lsangiz).
• Agar Sizda buyrak kasalligi bo‘lsa (yoki bo‘lgan bo‘lsa) va/yoki Sizda allopurinolga (podagrani davolash uchun dori vositasi) og‘ir allergik reaksiya bo‘lgan bo‘lsa.
• Agar Sizda jigar kasalligi bo‘lsa (yoki bo‘lgan bo‘lsa) yoki Sizda jigar ko‘rsatkichlarini siljishi o‘rin tutsa.
• Agar Siz Lesh-Nixan sindromi (qonda siydik kislotasining yuqori darajasi xarakterli bo‘lgan kam uchraydigan nasliy kasallik) sababli siydik kislotasining darajasini oshishi yuzasidan davolangan bo‘lsangiz.
• Agar Siz qalqonsimon bezi kasalliklari bilan xastalangan bo‘lsangiz.

Adenurik^® ga og‘ir allergik reaksiyalar paydo bo‘lgan hollarda preparatni qabul qilishni to‘xtating (shuningdek, 4-bo‘limga qarang). Allergik reaksiyalarning bo‘lishi mumkin bo‘lgan simptomlari quyidagilar:

• toshma, shu jumladan og‘ir shakllari (pufaklar, tugunlar, qichishuvchi va eksfoliativ toshma kabi), terini qichishishi,
• qo‘l-oyoqni yoki yuzni shishi,
• nafas olishni qiyinlashishi,
• isitma va limfa tugunlarini kattalashishi,
• shuningdek, yurak va qon aylanishini to‘xtashi bilan kechuvchi hayotga xavf soluvchi og‘ir allergik holatlar.

Davolovchi shifokor Adenurik^® preparati bilan davolashni muddatsiz bekor qilish haqida qaror qabul qilishi mumkin.

Adenurik^® preparatini qabul qilgandan keyin hayot uchun potensial xavfli (Stivens-Djonson sindromi) teri toshmasi paydo bo‘lganligi haqida kamdan-kam xabarlar berilgan, bunda tanada dastlab qizg‘ish nishonsimon dog‘lar yoki ko‘pincha markazida pufakli sirkulyar o‘choqlar paydo bo‘ladi. Shuningdek bunda og‘iz bo‘shlig‘ida, halqumda, burunda, jinsiy a‘zolarda yaralar va kon‘yunktivit (ko‘zlarni qizarishi va shishi) ham rivojlanishi mumkin. Toshmani avj olishi pufaklarni tarqalishi yoki terini ko‘chishi bilan kechishi mumkin.

Febuksostatni qabul qilinganidan keyin Stivens-Djonson sindromi rivojlangan hollarda Adenurik^® ni qabul qilishni qayta boshlash mumkin emas. Toshma yoki yuqorida sanab o‘tilgan teri simptomlari rivojlangan hollarda darhol shifokorga murojaat etish va unga Siz ushbu preparatni qabul qilayotganligingiz haqida xabar berishingiz kerak.

Agar hozirda Sizda podagrani zo‘rayishi (bo‘g‘imlarda to‘satdan kuchli og‘riq, qizarish, og‘riq, shish va haroratini oshishi) kuzatilayotgan bo‘lsa, Adenurik^® preparati bilan davolashni boshlashdan oldin uni so‘nishini kutish kerak.

Ayrim hollarda podagrani zo‘rayishi siydik kislotasining darajasini kamaytiruvchi preparatlar bilan davolashni boshida kuzatilishi mumkin. Bunday zo‘rayish barcha pasientlarda ham kuzatilavermaydi, lekin Adenurik^® preparati bilan davolashning birinchi haftasi yoki oyida Sizda podagra huruji paydo bo‘lishi mumkin. Bunday hurujlar paydo bo‘lganida davolashni to‘xtatmaslik muhim, chunki ushbu holatda ham Adenurik^® siydik kislotasining konsentrasiyasini kamaytirishga yordam beradi. Agar Siz shifokor ko‘rsatmasi bo‘yicha har kuni Adenurik^® ni qabul qilayotgan bo‘lsangiz, vaqt o‘tishi bilan podagra hurujlari kamayadi va kamroq og‘riqli bo‘ladi.

Zarurati bo‘lganida davolovchi shifokoringiz podagra simptomlarini (bo‘g‘imlardagi og‘riq va shish) oldini oluvchi yoki yengillashtiruvchi preparatlarni buyurishi mumkin.

Uratlar darajasi juda yuqori bo‘lgan pasientlarda (masalan, xavfli o‘sma kasalliklari yuzasidan kimyoterapiya qabul qilayotganlarda) siydik kislotasining darajasini pasaytiruvchi preparatlar bilan davolash, garchi bu o‘smani parchalanishi sindromi tufayli Adenurik^® ni qabul qilgan barcha pasientlarda kuzatilmasada, toshlarni hosil bo‘lish ehtimoli bilan siydik chiqarish yo‘llarida ksantinlarni to‘planishiga olib kelishi mumkin.

Davolovchi shifokoringiz jigar faoliyatini baholash uchun qon tahlilini o‘tkazishni buyurishi mumkin.

Bolalar va o‘smirlar

18 yoshdan kichik bolalarda preparatning xavfsizligi va samaradorligi aniqlanmaganligi sababli, ushbu guruh pasientlariga preparatni qabul qilish mumkin emas.

Boshqa dori vositalari bilan bir vaqtda qabul qilish

Agar Siz biron-bir boshqa dori vositalari, shu jumladan shifokor reseptisiz beriladigan preparatlarni qabul qilayotgan yoki yaqinda qabul qilgan bo‘lsangiz, bu haqida davolovchi shifokorga yoki dorixona hodimiga xabar bering.

Ayniqsa Adenurik^® preparati bilan o‘zaro ta‘sirlashishi mumkin bo‘lgan quyida keltirilgan moddalarni saqlovchi preparatlar haqida xabar berish muhim. Bunday hollarda shifokor zarur choralarni ko‘rishi mumkin:

• Merkaptopurin (xavfli o‘smalarni davolash uchun qo‘llanadi).
• Azatioprin (immun javobni kamaytirish uchun qo‘llanadi).
• Teofillin (bronxial astmani davolash uchun qo‘llanadi).

Homiladorlik va emizish

Adenurik^® preparati bilan davolanganda homilaga noxush ta‘sirining xavfi aniqlanmagan. Homiladorlik vaqtida Adenurik^® ni qabul qilish tavsiya etilmaydi. Shuningdek, Adenurik^® ko‘krak sutiga o‘tishi ham noma‘lum. Preparatni emizish vatida va unga tayyorgarlik vaqtida qabul qilish mumkin emas.

Agar Siz homilador bo‘lsangiz yoki emizsangiz yoki homiladorman deb o‘ylasngiz yoki homilador bo‘lishni rejalashtirayotgan bo‘lsangiz, ushbu preparatni qabul qilishdan oldin davolovchi shifokor yoki dorixona hodimi bilan maslahatlashing.

Transport vositalarini boshqarish va mexanizmlarga xizmat ko‘rsatish qobiliyatiga ta‘siri

Davolash vaqtida bosh aylanishi, uyquchanlik, ko‘rishni xiralashishi, uvishish va sanchish hissi paydo bo‘lishini yodda saqlash kerak, ular rivojlanganda transport vositalarini boshqarish va mexanizmlar bilan ishlashdan saqlanish tavsiya etiladi.

Adenurik^® laktoza saqlaydi

Adenurik^® tabletkalari laktoza (qandning bir turi) saqlaydi. Agar Sizda biron-bir qandni o‘zlashtiraolmaslik aniqlangan bo‘lsa, ushbu preparatni qo‘llashdan oldin davolovchi shifokor bilan maslahatlashing.

3. Adenurik^® ni qanday qabul qilish kerak

Adenurik^® ni har doim davolovchi shifokor tavsiyasiga muvofiq qabul qiling. Savollar paydo bo‘lganida shifokor yoki dorixona hodimi bilan maslahatlashing.

• Preparatning standart dozasi sutkada 1 marta 1 tabletkani tashkil etadi. Siz preparatni qabul qilishning muntazamligini nazorat qilishingiz uchun blister o‘ramning orqa tomonida haftaning kunlari belgilangan.
• Adenurik^® ovqatdan oldin, ovqatlanish vaqtida yoki ovqatdan keyin ichga qabul qilinadi.

Podagra

Adenurik^® 80 mg yoki 120 mg li tabletkalar shaklida chiqariladi. Davolovchi shifokor preparatni Sizga to‘g‘ri keladigan dozada buyuradi.

Adenurik^®ni har kuni, hatto podagraning huruji yo‘qligida ham qabul qilish muhimdir.

Xavfli o‘sma kasalligi yuzasidan kimyoterapiya qabul qilayotgan pasientlarda siydik kislotasining yuqori darajasini oldini olish va davolash

Adenurik^® 120 mg li tabletkalar shaklida chiqariladi.

Adenurik^® ni qabul qilishni kimyoterapiya boshlanishidan ikki sutka oldin boshlash va davolovchi shifokorning ko‘rsatmasiga muvofiq davom ettirish kerak. Odatda davolash qisqa muddatlidir.

Agar Siz Adenurik^® ning tavsiya etilgan dozasini oshirib yuborgan bo‘lsangiz

Agar Siz bexosdan preparatning yuqori dozasini qabul qilgan bo‘lsangiz, darhol davolovchi shifokorga xabar berish yoki yaqindagi shoshilinch yordam bo‘lmiga murojaat etish kerak.

Agar Siz Adenurik^® ni qabul qilishni unutgan bo‘lsangiz

Agar Siz Adenurik^® ni vaqtida qabul qilishni unutgan bo‘lsangiz, keyingi dozani yodingizga tushishi bilanoq qabul qiling. Agar Siz buni preparatni keyingi qabul qilishdan biroz oldin eslagan bo‘lsangiz, unutilgan dozani o‘tkazib yuboring va keyingi dozani odatdagi vaqtda qabul qiling. O‘tkazib yuborilgan dozani o‘rnini to‘ldirish uchun ikki barobar dozani qabul qilmang.

Agar Siz Adenurik^® ni qabul qilishni to‘xtatgan bo‘lsangiz

Shifokor maslahatisiz, hatto Siz o‘zingizni sezilarli darajada yaxshi his qilayotgan bo‘lsangiz ham Adenurik^® ni qabul qilishni to‘xtatmang. Davolashni to‘xtatish siydik kislotasining konsentrasiyasini oshishi va bo‘g‘imlar va ularning atrofida, buyrakda yangi urat kristallarini paydo bo‘lishi hisobiga, kasallik simptomlarini chuqurlashishi bilan kechishi mumkin.

Agar ushbu preparat yuzasidan Sizda qo‘shimcha savollar tug‘ilsa, shifokorga yoki dorixona hodimiga murojaat eting.

4. Bo‘lishi mumkin bo‘lgan nojo‘ya ta‘sirlar

Barcha dori preparatlari kabi, ushbu preparat ham, garchi ular hamma pasientlarda namoyon bo‘lmasada, nojo‘ya ta‘sirlarga ega bo‘lishi mumkin.

Quyidagi kam uchraydigan nojo‘ya ta‘sirlar (1000 pasientdan 1 nafaridan kamrog‘ida aniqlanadi) paydo bo‘lganida ushbu preparatni qabul qilishni to‘xtatish va darhol davolovchi shifokorga yoki yaqindagi shoshilinch yordam bo‘limiga murojaat etish kerak, chunki og‘ir allergik reaksiyalar rivojlanishi mumkin:

• Anafilaktik reaksiyalar, preparatga o‘ta yuqori sezuvchanlik (shuningdek, 2-bo‘lim “Ogohlantirishlar va ehtiyotkorlik choralari” ga qarang)
• Pufaklarni paydo bo‘lishi va terini va tana bo‘shliqlarining ichki yuzalarini ko‘chishi, masalan, og‘iz bo‘shlig‘i va jinsiy a‘zolarning, isitma, tomoqda og‘riq va holsizlik bilan (Stivens-Djonson sindromi/toksikodermal nekroliz) yoki limfa tugunlarini kattalashishi, jigarni kattalashishi, gepatit (jigar yetishmovchiligiga qadar), qon leykositlari sonini oshishi (eozinofiliya va tizimli simptomlar bilan kechuvchi dori reaksiyasi – DRESS) bilan kechuvchi og‘iz bo‘shlig‘i va/yoki jinsiy a‘zolarning og‘riqli yaralarini paydo bo‘lishi bilan xarakterlanuvchi hayot uchun potensial xavfli teri toshmasi (2-bo‘limga qarang).
• Tarqalgan teri toshmasi

Tez-tez uchraydigan nojo‘ya ta‘sirlari (10 pasientdan 1 nafaridan kamrog‘ida paydo bo‘lishi mumkin):

• jigar ko‘rsatkichlarini siljishi
• diareya
• bosh og‘rig‘i
• toshma (shu jumladan, toshmalarning turli turi, quyida “ba‘zida” va “kam” bo‘limlariga qarang)
• ko‘ngil aynishi
• podagra simptomlarini og‘irlashishi
• to‘qimalarda suyuqlikni tutib qolinishi bilan bog‘liq mahalliy shishlar (shish)

Yuqorida ko‘rsatilmagan boshqa nojo‘ya ta‘sirlar quyida keltirilgan.

Ba‘zida uchraydigan nojo‘ya ta‘sirlari (100 pasientdan 1 nafaridan kamrog‘ida paydo bo‘lishi mumkin):

• ishtahani pasayishi, kuchli chanqoqlik, qonda yog‘lar darajasini oshishi, tana vaznini oshishi bilan namoyon bo‘lishi mumkin bo‘lgan qonda qand darajasini o‘zgarishi (qandli diabet);
• jinsiy moyillikni yo‘qolishi;
• uyquni buzilishi, uyquchanlik;
• bosh aylanishi, uvishish yoki sanchish hissi, uyquchanlik, sezuvchanlikni pasayishi yoki o‘zgarishi (gipesteziya, gemiparez yoki paresteziya), ta‘m bilishni pasayishi yoki o‘zgarishi (giposmiya);
• elektrokardiogrammada o‘zgarishlar, aritmiya, yurak urib ketishini his qilish;
• qizib ketish hissi (masalan, yuz yoki bo‘yinni qizarishi), arterial bosimni oshishi, qon ketishi (qon kasalliklari tufayli kimyoterapiya olayotgan bemorlardagina kuzatiluvchi qon quyilishlari);
• yo‘tal, hansirash, ko‘krak qafasida og‘riq yoki diskomfort, burun yo‘llari va/yoki halqumni yallig‘lanishi (yuqori nafas yo‘llari infeksiyalari), bronxit;
• og‘izni qurishi, qorinda og‘riq/diskomfort yoki meteorizm, jig‘ildon qaynashi/ovqat

hazm bo‘lmasligi, qabziyat, tez-tez ich kelishi, qusish, qorinda diskomfort hissi;

• qichishish, eshakemi, terini yallig‘lanishi yoki rangini o‘zgarishi, terida mayda qizil yoki qirmizi dog‘lar, terida mayda qizil yassi dog‘lar, bir-biriga qo‘shilib ketadigan mayda bo‘rtmalar bilan qoplangan terida qizarish sohalari, toshma, terida qizarish va dog‘ sohalari, shuningdek teri tomonidan buzilishlar;
• mushak tirishishlari, mushak kuchsizligi, mushak va bo‘g‘imlarda og‘riq, bursit yoki artrit (og‘riq, shish va/yoki kam harakatchanlik bilan kechuvchi bo‘g‘imlarni yallig‘lanishi), qo‘l-oyoqda og‘riq, belda og‘riq, mushak spazmlari;
• siydikda qon paydo bo‘lishi, tez-tez siyish, siydik tahlilini o‘zgarishi (oqsil miqdorini oshishi), buyrak faoliyatini buzilishi;
• kuchli toliqish, ko‘krak qafasida og‘riq va diskomfort hissi;
• o‘t pufagida va jigar yo‘llarida tosh (xolelitiaz);
• tireotrop gormonining (TTG) darajasini oshishi
• qonning biokimyoviy tahlili yoki qon hujayralari yoki trombositlar sonini o‘zgarishi (qon tahlili natijalarida buzilishlar);
• buyrakda toshlar;
• ereksiyani buzilishi.

Kam uchraydigan nojo‘ya ta‘sirlar (1000 pasientdan 1 ta dan kamrog‘ida paydo bo‘lishi mumkin):

• mushaklarni shikastlanishi, bu bir qator hollarda og‘ir bo‘lishi mumkin. Bu mushakni ishida, ayniqsa agar siz o‘zingizni yomon his qilsangiz yoki tana harorati yuqori bo‘lsa, bu anomal miopatiya oqibatida yuz bergan bo‘lishi mumkin. Agar sizda mushakda og‘riq yoki xolsizlik paydo bo‘lsa, darhol shifokorga murojaat eting;
• terining chuqur qavatlarini shishi, a` \yniqsa lab, ko‘z, jinsiy a‘zolar atrofida, qo‘lda, panja yoki nafas olishni qiyinlashishi bilan birga tilda shish paydo bo‘lsa;
• qizamiqsimon toshma, limfa tugunlarni kattalashishi, jigarni kattalashishi, gepatit (jigar yetishmovchiligiga qadar), qonda leykositlar miqdorini oshishi (eozinofiliya bilan yoki eozinofiliyasiz leykositoz) bilan kechuvchi isitma,
• terini qizarishi (eritema), toshmaning turli shakllari (masalan, qichishuvchi, oq dog‘lar bilan, pufakli, yiring saqlovchi pufakli, terini ko‘chishi bilan kechuvchi, qizamiqsimon toshma); tarqalgan eritema, nekroz, teri qipiqlanishi va sepsisga olib kelishi mumkin bo‘lgan epidermis va shilliq qavatlarni bullyoz ko‘chishi (Stivens-Djonson sindromi/toksikodermal nekroliz);
• yuqori qo‘zg‘aluvchanlik;
• chanqoqlik;
• quloqni shang‘illashi;
• ko‘rishning noaniqligi, ko‘rishni o‘zgarishi;
• sochlarni to‘kilishi;
• og‘iz shilliq qavatining yaralari;
• me‘da osti bezini yallig‘lanishi: tez-tez uchraydigan simptomlari bo‘lib qorinda og‘riq, ko‘ngil aynishi va qusish hisoblanadi;
• ko‘p terlash;
• tana vaznini kamayishi, ishtahani oshishi, ishtahani nazorat qilib bo‘lmaydigan yo‘qolishi (anoreksiya);
• mushak va/yoki bo‘g‘im karaxtligi;
• darhol siyishga qistovlar;
• buyrakni yallig‘lanishi bilan bog‘liq siydik xajmini o‘zgarishi yoki kamayishi (tubulointerstisial nefrit);
• jigarni yallig‘lanishi (gepatit);
• teri qoplamalarini sarg‘ayishi (sariqlik);
• jigarni shikastlanishi.
• qonda kreatinfosfokinazaning oshishi (mushaklarni shikastlanishini ko‘rsatuvchi indikator)

Agar Sizda nojo‘ya ta‘sirlardan birontasi paydo bo‘lsa, iltimos, bu haqida o‘z shifokoringizga yoki dorixona xodimiga xabar bering. Bu ushbu yo‘riqnomada ko‘rsatilmagan har qanday nojo‘ya ta‘sirlarga taalluqli.

Bo‘lishi mumkin bo‘lgan nojo‘ya ta‘sirlar to‘g‘risida xabarlar

Har qanday nojo‘ya ta‘sirlar yuzaga kelganida, bu haqida shifokor yoki dorixona hodimiga xabar qiling. Bu, ushbu ilova-varaqada ko‘rsatilmagan har qanday nojo‘ya +ta‘sirlarga taalluqlidir. Siz shuningdek nojo‘ya ta‘sirlar xaqida “Berlin-Xemi AG” kompaniyasining O‘zbekistondagi vakolatxonasiga, toshkent shaxar, 100015, Afrosiyob ko‘chasi, 12-uy (biznes-markaz) manzili bo‘yicha bevosita xabar qilishingiz mumkin. Nojo‘ya ta‘sirlar xaqida xabar bergan xolda, Siz mazkur dori preparatining xavfsizligi xaqida ko‘proq axborot to‘plashga yordam berishingiz mumkin.

5. Adenurik^® ni qanday saqlash kerak
   • Bolalar ololmaydigan joyda saqlansin.
   • Karton quti va blisterda ko‘rsatilgan yaroqlilik muddati (“EXP”) o‘tganidan so‘ng dori vositasini ishlatish mumkin emas. Yaroqlilik muddati ko‘rsatilgan oyning so‘ngi kuniga taalluqli.
   • 30ºC dan yuqori bo‘lmagan haroratda saqlansin.

Har qanday preparatlarni kanalizasiya yoki maishiy chiqindilarga tashlamang. Siz endi ishlatmaydigan preparatlarni utilizasiyasi masalasi bo‘yicha dorixona hodimiga murojaat eting. Bu choralar atrof-muhitni himoya qilishga yordam beradi.

Yaroqlilik muddati

3 yil

Berish tartibi

Dori vositasi resept bo‘yicha beriladi

6. O‘ramning ichidagisi va qo‘shimcha ma‘lumot

Adenurik^® preparatining tarkibiga nimalar kiradi

Preparatning ta‘sir etuvchi moddasi febuksostat hisoblanadi.

Bir tabletka 80 mg yoki 120 mg febuksostat saqlaydi.

Boshqa komponentlar:

Tabletkaning yadrosi: laktoza monogidrati, mikrokristall sellyuloza, magniy stearati, gidroksipropilsellyuloza, kroskarmelloza natriyli tuzi, gidratasiyalangan kolloid kremniy dioksidi.

Plyonka qobig‘i

Polivinil spirti, titan dioksidi, makrogol 3350, talk, temir (II) oksidi saqlovchi Opadry II sarig‘i, 85F42129.

Adenurik^® preparatining tashqi ko‘rinishi va o‘ramning ichidagisi

Adenurik^® – plyonka qobiq bilan qoplangan tabletkalar, kapsulasimon, och-sariqdan sariq rangligacha bo‘lgan tabletkalardir. 80 mg li qobiq bilan qoplangan tabletkalarning bir tomonida “80” bosib yozilgan. 120 mg li qobiq bilan qoplangan tabletkalarning bir tomonida “120” bosib yozilgan.

Adenurik^® 80 mg va 120 mg 14 tabletkadan tiniq blisterlarga (Aklar/PVX/alyuminiy) qadoqlangan.

Adenurik^® 80 mg va 120 mg 14, 28, 42, 56, 84 va 98 qobiq bilan qoplangan tabletkalar saqlovchi o‘ramlarda beriladi.

Sotuvda barcha o‘lchamdagi o‘ramlar bo‘lmasligi mumkin.

“Tarkibi” boʼlimida sanab oʼtilgan taʼsir etuvchi moddaga yoki har qanday yordamchi moddalarga nisbatan yuqori sezuvchanlik (“Nojoʼya taʼsirlari” boʼlimiga ham qarang).

Taʼsir mexanizmi
Siydik kislotasi odamda purinlar metabolizmining yakuniy mahsuloti hisoblanadi va quyidagi metabolik reaktsiyani davomida hosil boʼladi: gipoksantin  ksantin  siydik kislotasi. Ushbu reaktsiyaning ikkala bosqichida katalizator sifatida ksantinoksidaza qatnashadi. Febuksostat 2-ariltiazolning hosilasi hisoblanadi. Uning terapevtik taʼsiri ksantinoksidazaning selektiv ingibitsiya qilish yoʼli bilan zardobda siydik kislotasining kontsentratsiyasini kamaytirishga asoslangan. Febuksostat ksantinoksidazaning kuchli va selektiv nopurin ingibitori (NP-SIXO) hisoblanadi va uning Ki (ingibitsiya qilish konstantasi) in vitro sharoitda 1 Nm dan kamini tashkil etadi. Febuksostat ksantinoksidazaning oksidlangan shaklini faolligini, hamda tiklangan shaklini faolligini sezilarli tarzda bir xilda soʼsaytirishi koʼrsatilgan. Febuksostat terapevtik kontsentratsiyalarda purinlar yoki pirimidinlar metabolizmida ishtirok etadigan guanindeaminaza, gipoksantin-guaninfosforiboziltransferaza, orotat fosforiboziltransferaza, orotidinmonofosfatdekarboksilaza yoki purinnukleozidfosforilaza kabi boshqa fermentlarni ingibitsiya qilmaydi.
Klinik samaradorligi va xavfsizligi
Аdenurik® preparatining samaradorligi 3-bosqichdagi uchta tayanch tadqiqotda (quyida taʼriflangan APEX va FACT tayanch tadqiqotlar va CONFIRMS qoʼshimcha tadqiqoti) isbotlangan boʼlib, ular oʼz ichiga giperurikemiya va podagrasi boʼlgan 4101 patsientni olgan. Ushbu 3-bosqich tayanch tadqiqotlarining har birida Аdenurik® zardobda siydik kislotasining kontsentratsiyasini allopurinolga nisbatan samaraliroq pasaytirgan va uni talab etilgan darajada yaxshiroq ushlab turgan. APEX va FACT tadqiqotlarida samaradorlikning birlamchi yakuniy nuqtasi zardobda siydik kislotasining kontsentratsiyasi oxirgi uch oy davomida 6,0 mg/dl (357 mkmolь/l) dan yuqori boʼlmagan patsientlarning ulushi boʼlgan. Natijalari Аdenurik® preparatiga roʼyhatdan oʼtkazilganlik guvohnomasini birinchi berilishidan keyin maʼlum boʼlgan 3-bosqich CONFIRMS qoʼshimcha tadqiqotida, samaradorlikning birlamchi yakuniy nuqta boʼlib, oxirgi tashrif paytida zardobda siydik kislotasining kontsentratsiyasi 6,0 mg/dl dan oshmagan patsientlarning ulushi boʼlgan. Ushbu tadqiqotlarda organlar transplantatsiyasi oʼtkazilgan patsientlar ishtiroq etishmagan (“Qoʼllash usuli va dozalari” boʼlimiga qarang).
APEX tadqiqoti: 3-bosqich, febuksostat samaradorligini platsebo va allopurinolni nazorat qilish bilan oʼtkazilgan (Allopurinol and Placebo-Controlled Efficacy Study of Febuxostat, APEX) randomizatsiyalangan, ikki yoqlama yashirin, 28 hafta davom etuvchi koʼp markazli tadqiqot boʼlgan. Jami 1072 patsient quyidagi guruhlarga randomizatsiya qilingan: platsebo (n=134), Аdenurik® 80 mg sutkada 1 marta (n=267), Аdenurik® 120 mg sutkada 1 marta (n=269), Аdenurik® 240 mg sutkada 1 marta (n=134) yoki allopurinol (300 mg sutkada 1 marta kreatininning zardobdagi dastlabki kontsentratsiyasi ≤ 1,5 mg/dl boʼlgan patsientlar uchun [n=258] yoki 100 mg sutkada 1 marta kreatininning zardobdagi dastlabki kontsentratsiyasi > 1,5 mg/dl va ≤2,0 mg/dl boʼlgan patsientlar uchun [n=10]). Febuksostat xavfsizligini baholash uchun 240 mg dozada qoʼllangan (maksimal tavsiya etilgan dozadan 2 marta yuqori).
APEX tadqiqoti Аdenurik® 80 mg preparati bilan sutkada 1 marta va Аdenurik® 120 mg preparati bilan sutkada 1 marta davolashning ikkala tartibi zardobda siydik kislotasining kontsentratsiyasini 6 mg/dl (357 mkmolь/l) dan kamaytirishda allopurinolning 300 mg (n=258)/100 mg (n=10) boʼlgan odatiy dozalari bilan taqqoslaganda statistik sezilarli ustunligini koʼrsatdi (1-jadvalga va 1-rasmga qarang).
FACT tadqiqoti: Febuksostat bilan allopurinol solishtirilgan nazorat qilinuvchi tadqiqot (Febuxostat Allopurinol Controlled Trial, FACT) 3-bosqich, randomizatsiyalangan, ikki yoqlama yashirin, koʼp markazli 52 hafta davomiylikdagi tadqiqot boʼlgan. Jami 760 patsient randomizatsiya qilingan: Аdenurik® 80 mg sutkada 1 marta (n = 256), Аdenurik® 120 mg sutkada 1 marta (n = 251) yoki allopurinol 300 mg sutkada 1 marta (n = 253).
FACT tadqiqoti Аdenurik® 80 mg preparati bilan sutkada 1 marta va Аdenurik® 120 mg preparati bilan sutkada 1 marta davolashning ikkala tartibi zardobda siydik kislotasining kontsentratsiyasini 6 mg/dl (357 mkmolь/l) dan kamaytirish va shu darajada ushlab turishda 300 mg allopurinol bilan taqqoslaganda statistik sezilarli ustunligini koʼrsatdi.
1-jadvalda samaradorlikning birlamchi yakuniy nuqtasini baholash natijalari taqdim etilgan.
1-jadval.
Zardobda siydik kislotasining darajasi < 6,0 mg/dl (357 mkmolь/l) boʼlgan patsientlar ulushi
Oxirgi uchta oylik tashriflar

Аdenurik® preparatini qabul qilish zardobda siydik kislotasining kontsentratsiyasini tez pasaytirishga olib kelgan, bunda ushbu samara uzoq vaqt davomida saqlangan. Zardobda siydik kislotasining darajasini <6,0 mg/dl (357 mkmolь/l) gacha pasayishi tadqiqotning ikkinchi haftasida qayd etilgan va butun davolash davrida saqlanib qolgan. 1-rasmda davolashning 3-bosqichdagi ikkita tayanch tadqiqotda davolashning har bir guruhi uchun tegishli boʼlgan zardobda siydik kislotasining oʼrtacha kontsentratsiyasining oʼzgarish vaqti koʼrsatilgan.
1-rasm. Zardobda siydik kislotasining oʼrtacha kontsentratsiyasi – 3- bosqich tayanch tadqiqotlarining birlashtirilgan maʼlumotlari

 
Izoh:    509 patsient sutkada 1 marta 300 mg allopurinol qabul qilgan; zardobda kreatininning dastlabki kontsentratsiyasi >1,5 mg/dl va ≤2,0 mg/dl boʼlgan 10ta patsient allopurinolni 100 mg sutkada 1 marta dozada qabul qilgan (268 patsientdan 10 tasi APEX tadqiqotida).
Febuksostat xavfsizligini baholash uchun 240 mg dozada qoʼllangan, bu maksimal tavsiya etilgan dozadan 2 marta yuqori.
CONFIRMS tadqiqoti: CONFIRMS tadqiqoti randomizatsiyalangan, 3-bosqich, nazorat qilinuvchi, 26 hafta davomiylikdagi tadqiqot boʼlib, unda podagra va giperurikemiya boʼlgan patsientlarda 300 mg yoki 200 mg dozada allopurinol bilan taqqoslaganda 40 mg va 80 mg dozalarda febuksostatning xavfsizligi va samaradorligi baholangan. Jami 2269 patsient randomizatsiya qilingan: Аdenurik® 40 mg sutkada 1 marta (n = 757), Аdenurik® 80 mg sutkada 1 marta (n = 756) yoki allopurinol 300/200 mg sutkada 1 marta (n = 756). Patsientlarning kamida 65% yengildan to oʼrtacha darajada ifodalangan buyraklar funktsiyasining buzilishi boʼlgan (kreatinin klirensi 30-89 ml/min). Podagra hurujlarini oldini olinishini oʼtkazilishi 26 haftadan ortiq muddatga majburiy boʼlgan.
Oxirgi tashrifda zardobda siydik kislotasining kontsentratsiyasi <6,0 mg/dl (357 mkmolь/l) boʼlgan patsientlar ulushi 40 mg febuksostat uchun 45%, 80 mg febuksostat uchun 67% va 300/200 mg allopurinol uchun 42% ni tashkil qilgan.
Buyraklar funktsiyasining buzilishi boʼlgan patsientlar guruhida birlamchi yakuniy nuqta
APEX tadqiqotida buyraklar funktsiyasining buzilishi boʼlgan (yaʼni zardobda kreatininning dastlabki kontsentratsiyasi >1,5 mg/dl va 2,0 mg/dl boʼlgan) 40 patsientda preparatning samaradorligi baholangan. Аllopurinol guruhiga randomizatsiyalangan subʼektlarga, agar buyraklar funktsiyasining buzilishi boʼlsa, preparat dozasi sutkada 1 marta 100 mg dozagacha kamaytirilgan. Samaradorlikning birlamchi yakuniy nuqtasiga allopurinol 100 mg sutkada 1 marta va platsebo qabul qilgan guruhlardagi 0% nisbatan Аdenurik® qabul qilgan guruhda 44% (80 mg sutkada 1 marta), 45% (120 mg sutkada 1 marta) va 60% (240 mg sutkada 1 marta) patsientlarda erishilgan.
Bunda buyraklarning funktsiyasiga bogʼliq boʼlgan holda siydik kislotasining zardobdagi kontsentratsiyasining pasayishi boʼyicha klinik ahamiyatli farqlar qayd qilinmagan (buyraklar funktsiyasining normada boʼlgan guruhda 58% va buyraklar funktsiyasininig ogʼir buzilishi boʼlgan guruhda 55%).
CONFIRMS tadqiqoti doirasida podagra va buyraklar funktsiyasining buzilishi boʼlgan patsientlardan olingan maʼlumotlarning prospektiv tahlili shuni koʼrsatdiki, febuksostat podagra yengil va oʼrtacha darajadagi buyraklar funktsiyasining buzilishi boʼlgan patsientlarda zardobda siydik kislotasining darajasini < 6 mg/dl gacha pasaytirishda 300 mg/200 mg allopurinolga nisbatan samaraliroq boʼlgan (tekshirilgan patsientlarning 65%).
Zardobda siydik kislotasining kontsentratsiyasi ≥10 mg/dl boʼlgan patsientlar guruhida birlamchi yakuniy nuqta
Zardobda siydik kislotasining kontsentratsiyasi ≥10 mg/dl boʼlganligi taxminan 40% patsientda qayd qilingan (APEX va FACT majmualangan tadqiqotlari). Ushbu patsientlar orasida samaradorlikning birlamchi yakuniy nuqtasi (oxirgi 3 tashrifda zardobda siydik kislotasining kontsentratsiyasi 6 mg/dl dan kam) Аdenurik® qabul qilgan guruhlarda 41% (80 mg sutkada 1 marta), 48% (120 mg sutkada 1 marta) va 66% (240 mg sutkada 1 marta) patsientlarda erishilgan, bu koʼrsatkich allopurinol 300/100 mg sutkada 1 marta qabul qilgan patsientlarda 9% va platsebo qabul qilgan patsientlar guruhida 0% boʼlgan.
CONFIRMS tadqiqotining maʼlumotlari boʼyicha, zardobda siydik kislotasining dastlabki kontsentratsiyasi ≥10 mg/dl boʼlgan patsientlar guruhida samaradorlikning birlamchi yakuniy nuqtasiga (oxirgi tashrifda zardobda siydik kislotasining kontsentratsiyasi <6,0 mg/dl boʼlgan) erishgan patsientlarning ulushi febuksostat 40 mg sutkada 1 marta qabul qilganda 27% ni (66/249), febuksostat 80 mg sutkada 1 marta qabul qilganda 49% ni (125/254) va allopurinol 300 mg/200 mg qabul qilganda 31 % ni (72/230) tashkil qilgan.
Klinik natijalar: podagra zoʼrayishini davolashga ehtiyoji boʼlgan patsientlar ulushi
APEX tadqiqoti: 8-haftalik profilaktika davri davomida podagra zoʼrayishini davolashga ehtiyoji boʼlgan patsientlar ulushi 80 mg febuksostat (28%), 300 mg allopurinol (23%) va platsebo (20%) qabul qilgan patsientlar bilan taqqoslanganda 120 mg febuksostat qabul qilgan patsientlarda koʼproq boʼlgan (36%). Hurujlarning tez-tezligi profilaktika davridan keyin yuqori boʼlgan va vaqt oʼtishi bilan asta-sekin pasaygan. 8-28 haftalar oraligʼida 46% - 55% patsientga podagra zoʼrayishi tufayli davolash oʼtkazilgan. Tadqiqotning oxirgi 4 haftasi davomida (24-28 hafta) yuzaga kelgan podagra hurujlari 15% patsientda (80, 120 mg febuksostat), 14% patsientda (300 mg allapurinol) va 20% patsientda (platsebo) kuzatilgan.
FACT tadqiqoti: 8-haftalik profilaktika davri davomida podagra zoʼrayishini davolashga ehtiyoji boʼlgan patsientlar ulushi 80 mg febuksostat (22%) va 300 mg allopurinol (21%) qabul qilgan patsientlar bilan taqqoslanganda 120 mg febuksostat qabul qilgan patsientlarda koʼproq boʼlgan (36%). 8-haftalik profilaktika davridan soʼng hurujlar tez-tezligi koʼpaygan va vaqt oʼtishi bilan asta-sekin pasaygan (8-52 haftalar oraligʼida podagrani zoʼrayishi tufayli davolangan 64% va 70% patsient). Tadqiqotning oxirgi 4 hafta davomida (49-52 hafta) yuzaga kelgan podagra zoʼrayishini 6-8% patsientda (80, 120 mg febuksostat) va 11% patsientda (300 mg allapurinol) kuzatilgan.
Podagra zoʼrayishlarini davolashga extiyoji boʼlgan patsientlarning ulushi (APEX va FACT tadqiqotlari) davolashning oxirgi 32 haftasida (20-24 haftadan 49-52 haftagacha) zardobda siydik kislotasining oʼrtacha kontsentratsiyasi ≥6,0 mg/dl ni tashkil qilgan guruh bilan taqqoslaganda davolashdan keyin zardobda siydik kislotasining oʼrtacha kontsentratsiyasi <6,0 mg/dl, <5,0 mg/dl yoki <4,0 mg/dl gacha pasaygan guruhlarda pastroq boʼlgan.
CONFIRMS tadqiqoti vaqtida, podagra zoʼrayishini davolashga ehtiyoji boʼlgan patsientlarning foizli ulushi (1 kundan 6 oygacha) 80 mg febuksostat va allopurinol qabul qilgan guruhlarda mos ravishda 31% va 25% ni tashkil qilgan. Podagra zoʼrayishi tufayli davolashga ehtiyoji boʼlgan patsientlarga nisbatan, 80 mg va 40 mg dozalarda febuksostat qabul qilgan guruhlar orasida farq qayd etilmagan.
Uzoq muddatli kengaytirilgan ochiq tadqiqotlar
EXCEL tadqiqoti (S02-021): Excel tadqiqoti 3-bosqich, uch yillik, ochiq, koʼpmarkazli, randomizatsiyalangan, kengaytirilgan, xavfsizlikni oʼrganish boʼyicha, allopurinol bilan nazorat qilingan tadqiqot hisoblanib, u 3-bosqich tayanch tadqiqotlardan (APEX yoki FACT) oʼtgan patsientlarda oʼtkazilgan. Jami tadqiqotga 1086 patsent kiritilgan: Аdenurik® 80 mg sutkada 1 marta (n = 649), Аdenurik® 120 mg sutkada 1 marta (n = 292) va allopurinol 300/100 mg sutkada 1 marta (n = 145). Taxminan 69% patsentda yakuniy barqaror davolashga erishish uchun terapiyaga tuzatish kiritish talab etilmagan. Zardobda siydik kislotasining kontsentratsiyasi ketma-ket uch marta oʼlchanganida > 6.0 mg/dl ni tashkil qilgan patsientlar tadqiqotdan chiqarib yuborilgan.
Vaqt oʼtishi bilan zardobda siydik kislotasining kontsentratsiyasi oʼzgarmagan (masalan, 80 mg va 120 mg dozalarda febuksostatni dastlab qabul qilgan mos ravishdagi 91% va 93% patsientda, zardobda siydik kislotasining kontsentratsiyasi 36- oyda 6.0 mg/dl dan kam boʼlgan).
Uch yillik kuzatishlarning maʼlumotlari boʼyicha podagra hurujlari tez-tezligi kamaygan: 16-24 oylarda va 30-36 oylarda podagra hurujlarini davolashga muhtoj boʼlgan patsientlar 4% dan kam boʼlgan (yaʼni, 96% dan ortiq patsientda hurujlar tufayli davolashga zarurat boʼlmagan).
Sutkada 1 marta 80 mg yoki 120 mg dozada febuksostat bilan yakuniy barqaror davolashni olgan patsentlaring mos ravishda 46% va 38% da oxirgi tashrifgacha birlamchi paypaslanuvchi tofusning butkul yoʼqolishi kuzatilgan.
FOCUS (TMX-01-005) tadqiqoti 2-bosqich, besh yillik, ochiq, koʼpmarkazli, kengaytirilgan xavfsizlik boʼyicha tadqiqot boʼlgan, u TMX-00-004 tadqiqotida 4 hafta davomida ikki yoqlama yashirin usulda febuksostat qabul qilgan patsientlarda oʼtkazilgan. Tadqiqotga dastlab sutkada 1 marta 80 mg febuksostat qabul qilgan 116 patsient kiritilgan. Zardobda siydik kislotasining kontsentratsiyasini 6,0 mg/dl dan past darajada ushlab turish uchun 62% patsientda dozaga tuzatish kiritish talab etilmagan, 38% patsientga esa yakuniy barqaror dozaga erishish uchun dozaga tuzatish kiritish lozim boʼlgan.
Yakuniy tashrif paytida siydik kislotasining darajasi < 6,0 mg/dl (357 mkmolь/l) boʼlgan patsientlar ulushi febuksostatning har bir dozasi uchun 80% dan ortiqni (81 - 100%) tashkil qilgan.
Febuksostat qabul qilgan patsientlarda 3- bosqich klinik tadqiqotlarida jigar funktsiyasi biokimyoviy koʼrsatkichlarning yengil darajadagi oʼzgarishlar kuzatilgan (5,0%). Ushbu oʼzgarishlarning vujudga kelish tez-tezligi allopurinol qabulida kuzatilgan oʼzgarishlar bilan oʼxshash boʼlgan (4,2%) (“Maxsus koʼrsatmalar” boʼlimiga qarang). TTG darajasini oshishi (>5,5 mkME/ml) uzoq muddat davomida febuksostat (5,5%) va allopurinol (5,8%) qabul qilgan patsientlarda uzoq muddatli kengaytirilgan ochiq tadqiqotlarda qayd etilgan (“Maxsus koʼrsatmalar” boʼlimiga qarang).
Roʼyxatdan oʼtganidan keyingi uzoq muddatli tadqiqotlar
CARES tadqiqoti samaradorligi kam boʼlmaganligini tekshiruvchi koʼpmarkazli randomizatsiyalangan ikki yoqlama yashirin tadqiqot boʼlib, unda podagra va anamnezida asosiy yurak-qon tomir kasalliklari, jumladan miokard infarkti, barqaror boʼlmagan stenokardiya sababi boʼyicha gospitalizatsiya, koronar yoki serebral revaskulyarizatsiya muolajasi, insulьt, miyada ishemik turdagi qon aylanishining oʼtib ketuvchi buzilishi tufayli gospitalizatsiya, periferik qon tomirlarning kasalliklari, mikroangiopatiya yoki makroangiopatiya belgilari bilan kechuvchi qandli diabeti boʼlgan patsientlarda febuksostat va allopurinol qoʼllanilganida yurak qon-tomir kasalliklarining oqibatlari taqqoslangan. Zardobda siydik kislotasining darajasi 6 mg/dl dan past boʼlishiga erishish uchun febuksostat dozasi 40 mg dan 80 mg gacha titrlangan (buyraklarning funktsiyasiga bogʼliq boʼlmagan holda), allopurinol dozasi esa buyraklar funktsiyasi normada boʼlgan va yengil darajadagi buyrak yetishmovchiligi boʼlgan patsientlarda 100 mg qadam bilan 300 mg dan 600 mg gacha va oʼrtacha darajadagi buyrak yetishmovchiligi boʼlgan patsientlarda 200 mg dan 400 mg gacha titrlangan.
CARESda dastlabki yakuniy nuqta boʼlib MACE (major adverse cardiovascular events –asosiy salbiy yurak qon-tomir xodisalari), jumladan oʼlimga olib kelmagan miokard infarkti, oʼlimga olib kelmagan insulьt, yurak-qon tomir patologiyalari bilan bogʼliq boʼlgan oʼlim holatlari va shoshilinch koronar revaskulyarizatsiyali barqaror boʼlmagan stenokardiyaning birinchi paydo boʼlish vaqti boʼlgan.
Yakuniy nuqtalar (birlamchi va ikkilamchi) davolash buyurilgan patsientlar guruhi uchun (ITT), jumladan randomizatsiyalangan va tekshiriluvchi preparatni ikki yoqlama yashirin usulda kamida bir marta qabul qilgan barcha ishtirokchilarda tahlil qilingan.
Umuman olganda 56,6% patsient tadqiqotda ishtirok etishni muddatidan oldin toʼxtatgan, 45% patsient esa tadqiqotning barcha tashriflarini yakunlamagan.
Umumiy xolda, oʼrtacha 32 oy davomida 6190 patsientda kuzatuv oʼtkazilgan, taʼsir qilishning oʼrtacha davomiyligi esa febuksostat (n=3098) qabul qilgan patsientlar uchun 728 kunni va allopurinol (n=3092) qabul qilgan patsientlar uchun 719 kunni tashkil qilgan.
Birlamchi yakuniy nuqta sifatida MACE hodisalari febuksostat va allopurinol bilan davolash guruhlarida bir xil tez-tezlikda kuzatilgan (mos ravishda 10,4% patsient bilan 10,8% ga taqqoslaganda; xavflar nisbati [XN] 1,03; ikki tomonlama takroriy 95% ishonchli interval [II] 0,89-1,21).
MACEga taaluqli boʼlgan alohida hodisalar tahlil qilinganida, yurak-qon tomir kasalliklari bilan bogʼliq boʼlgan sabablar boʼyicha oʼlim tez-tezligi allopurinolga qaraganda febuksostatni qoʼllaganda yuqoriroq boʼlgan (3,2% patsient bilan 4,3% ga taqqoslaganda; XN 1,34; 95% II 1,03-1,73). MACE ga taaluqli boʼlgan boshqa hodisalarning tez-tezligi, febuksostat va allopurinol qabul qilgan patsientlarning guruhlarida oʼxshash boʼlgan, yaʼni oʼlimga olib kelmagan miokard infarkti (3,8% patsient bilan 3,6% ga taqqoslaganda; XN 0,93; 95% II 0,72-1,21), oʼlimga olib kelmagan insulьt (2,3% patsientga qarshi 2,3%; XN 1,01; 95% II 0,73-1,41) va barqaror boʼlmagan stenokardiya oqibatida shoshilinch revaskulyarizatsiya (1,8% patsientga qarshi 1,6%; XN 0,86; 95% II 0,59-1,26). Shu bilan birga barcha sabablardan oʼlim darajasi allopurinolga qaraganda febuksostatni qoʼllaganda yuqori boʼlgan (6,4% patsient bilan 7,8% ga taqqoslaganda; XN 1,22; 95% II 1,01-1,47), bu asosan ushbu guruhda yurak qon-tomir kasalliklari bilan bogʼliq boʼlgan oʼlim yuqoriroq darajada boʼlganligi bilan ifodalangan (“Maxsus koʼrsatmalar” boʼlimga qarang).
Yurak yetishmovchiligi, ishemiya bilan bogʼliq boʼlmagan aritmiyalar sababli gospitalizatsiyalar, venoz tromboembolik asoratlar va miyada ishemik turda qon aylanishining buzilishi sababli gospitalizatsiyalar tez-tezligi febuksostat va allopurinol uchun oʼxshash boʼlgan.
FAST tadqiqoti prospektiv, randomizatsiyalangan, ochiq va yakuniy nuqtasi koʼr tadqiqot boʼlib, unda surunkali giperurikemiyasi (uratlar choʼkishi yuz bergan holatlarda) va yurak-qon-tomir tizimi tomonidan xavf faktorlari (yaʼni 60 yosh va undan katta patsientlar va yurak-qon-tomir tizimi tomonidan kamida bitta xavf faktori boʼlishi) bor patsientlarda febuksostat va allopurinolning yurak-qon-tomir tizimiga nisbatan xavfsizlik profili baholangan. Tadqiqot mezonlariga toʼgʼri keluvchi qatnashuvchilar randomizatsiyaga qadar allopurinol qabul qilishgan, hamda zarurat boʼlganida klinik xulosa, EULAR tavsiyalari va tasdiqlangan dozalash sxemasiga binoan dozaga tuzatish kiritilgan. Аllopurinol qabuli bilan kechgan kirish bosqichsining oxirida zardobda siydik kislotasining darajasi <0,36 mmolь/l (<6 mg/dl) boʼlgan patsientlar yoki allopurinolni maksimal oʼzlashtiraolinadigan dozada yoki maksimal mumkin boʼlgan dozada qabul qilayotgan patsientlar 1:1 nisbatda febuksostat yoki allopurinol qabul qilishga randomizatsiyalanishgan. FAST tadqiqotining birlamchi yakuniy nuqtasi Аntitrombotsitar preparatlarni tekshirish ishchi guruhining (Antiplatelet Trialists Collaboration, APTC) tarkibiy yakuniy nuqtasiga kiritilgan quyidagi har qanday hodisalarning birinchi matra yuzaga kelishi boʼlgan: I) biomarkerlarga ijobiy reaktsiya bilan kechuvchi, oʼlimga olib kelmagan miokard infarkti/oʼtkir koronar sindrom (OʼKS), sababli gospitalizatsiya; II) oʼlimga olib kelmagan insulьt; III) yurak–qon-tomir tizimi tomonidan boʼlgan hodisalar sababli oʼlim. Birlamchi tahlil davolash olgan patsientlarni hisobga olgan holda qilingan.
Umumiy, 6128 patsient randomizatsiyalangan, 3063 patsient febuksostat va 3065 patsient allopurinol qabul qilgan.
Dovolash olgan patsientlarning birlamchi tahlilida birlamchi yakuniy nuqta yuz berishi boʼyicha febuksostat allopurinoldan ortda qolmagan, febuksostat qabul qilgan guruhda birlamchi yakuniy nuqta 172 patsientda (1,72/100 patsient-yil) kuzatilgan va allopurinol qabul qilgan guruhda 241 patsientda (2,05/100 patsient-yil) kuzatilgan, bunda tuzatish kiritilgan XN 0,85 (95% II: 0,70, 1,03), p<0,001 boʼlgan. Davolash olgan miokard infarkti, insulьt yoki OʼKS bor patsientlar guruhida birlamchi yakuniy nuqta tahlili davolash guruhlari orasida sezilarli farq yoʼqligini koʼrsatdi: febuksostat guruhida hodisalar 65 (9,5%) patsientda kuzatilgan, allopurinol guruhida 83 (11,8%) patsientda kuzatilgan; bunda tuzatish kiritilgan XN 1,02 (95% II: 0,74-1,42); p=0,202 boʼlgan.
Febuksostat bilan davolash yurak-qon-tomir tizimi bilan bogʼliq oʼlim oshishi yoki hamma sabablardan oʼlim oshishi bilan umumiy olganda ham, anamnezida miokard infarkti, insulьt yoki OʼKS boʼlgan patsientlarda ham bogʼliq boʼlmagan. Umumiy olganda febuksostat qabul qilgan patsientlar guruhida oʼlim holatlari (yurak-qon-tomir tizimi bilan bogʼliq 62 oʼlim va hamma sabablar tufayli 108 oʼlim) allopurinol qabul qilgan patsientlar guruhiga (yurak-qon-tomir tizimi bilan bogʼliq 82 oʼlim va hamma sabablar tufayli 174 oʼlim) qaraganda kam kuzatilgan. Febuksostat bilan davolashda siydik kislotasining darajasi allopurinol bilan davolashga taqqoslaganda sezilarliroq darajada pasayishi kuzatilgan.

Sogʼlom koʼngillilarda plazmadagi maksimal kontsentratsiya (Cmax) va kontsentratsiyaning vaqtga bogʼliq egri chiziq ostidagi maydon (AUC) febuksostat uchun preparatni bir marta va koʼp marta 10 mg dan 120 mg gacha dozalarda yuborilganidan keyin dozaga proportsional ravishda oʼsgan. Febuksostatning 120 mg dan 300 mg gacha dozalarida AUC koʼtarilishi dozaga proportsional ravishda yuqoriroq boʼlganligi qayd etilgan. Har 24 soatda 10 mg-240 mg dozalarda yuborilganda preparatning sezilarli toʼplanishi qayd etilmagan. Febuksostatning yarim chiqarilishining tuyuladigan oʼrtacha terminal davri (t1/2) taxminan 5 - 8 soatni tashkil etadi.
Аdenurik® preparatini sutkada 1 marta 40-240 mg dozalarda qabul qilgan, giperurikemiya va podagrasi boʼlgan 211 patsient ishtirokida olingan maʼlumotlari boʼyicha farmakokinetika/farmakodinamikaning populyatsion tahlili bajarilgan. Umuman olganda, febuksostatning ushbu qiymatlar asosida hisoblangan farmakokinetik parametrlari sogʼlom koʼngillilarda olingan parametrlarga toʼgʼri kelgan. Bu shuni koʼrsatadiki, sogʼlom koʼngillar podagrada preparatning farmakokinetika/farmakodinamikasini baholash uchun yaxshi model hisoblanishadi.
Soʼrilishi
Febuksostat tez (tmax 1,0 - 1,5 soat) va yaxshi (kamida 84%) soʼriladi. Febuksostat sutkada bir marta 80 mg yoki 120 mg dozada bir marta yoki koʼp marta ichga qabul qilinganida Cmax mos ravishda taxminan 2,8 - 3,2 mkg/ml va 5,0 -5,3 mkg/ml ni tashkil etadi. Tabletkalar shaklidagi febuksostatning mutloq biokirishaolishligi oʼrganilmagan.
Yogʼli ovqat bilan birga sutkada bir marta 80 mg dozada koʼp martalik yoki 120 mg dozada bir marta qabul qilinganida Cmax mos ravishda 49% va 38% ga, AUC esa 18% va 16% ga kamayadi. Biroq bu tegishli tadqiqotlarda zardobda siydik kislotasining protsent hisobidagi kontsentratsiyasining pasayishiga nisbatan klinik ahamiyatli oʼzgarishlar bilan kechmagan (80 mg dozada koʼp marta qabul qilish uchun tekshirilgan). Shunday qilib, Аdenurik® ovqat isteʼmol qilishdan qatʼiy nazar qabul qilinishi mumkin.
Taqsimlanishi
Febuksostat uchun muvozanat holatdagi taqsimlanishning tuyuladigan hajmi (Vss/F) 10 mg dan 300 mg gacha dozalarda ichga qabul qilingandan keyin 29 l dan 75 l gacha oraliqda boʼladi. Febuksostat plazma oqsillari bilan bogʼlanish darajasi (asosan alьbumin bilan) taxminan 99,2% ni tashkil qiladi va 80 mg va 120 mg dozalarni qabul qilganda erishiladigan kontsentratsiyalar diapazonida oʼzgarmaydi. Preparatning faol metabolitlari uchun plazma oqsillari bilan bogʼlanish darajasi 82% dan 91% gacha oʼzgarib turadi.
Biotransformatsiyasi
Febuksostat uridindifosfatglyukuronoziltransferaza (UDFGT) fermenti ishtirokida konʼyugatsiya va P450 (CYP) sitoxrom tizimi fermentlari ishtirokida oksidlanish yoʼllari orqali faol metabolizmga uchraydi. Febuksostatning toʼrtta farmakologik faol gidroksil metabolitlari aniqlangan; ulardan uchtasi odam plazmasidan ajratib chiqarilgan. Odam jigari mikrosomalaridagi in vitro tadqiqotlarida, bu oksidlangan metabolitlar asosan CYP1A1, CYP1A2, CYP2C8 yoki CYP2C9 taʼsiri ostida hosil boʼladi, febuksostat glyukuronidi esa asosan 1A1, 1A8 i 1A9 UDFGT taʼsiri ostida hosil boʼladi.
Chiqarilishi
Febuksostat organizmdan jigar va buyraklar orqali chiqariladi. 14C-febuksostat 80 mg dozada ichga qabul qilinganidan keyin qabul qilingan preparatning taxminan 49% oʼzgarmagan febuksostat (3%), febuksostat atsilglyukuronidi (30%), maʼlum oksidlangan metabolitlar va ularning konʼyugantlari (13%) va boshqa nomaʼlum metabolitlar (3%) koʼrinishida siydik bilan chiqarilgan. Buyrak ekskretsiyasidan tashqari qabul qilingan preparatning taxminan 45% oʼzgarmagan febuksostat (12%), febuksostat atsilglyukuronidi (1%), maʼlum oksidlangan metabolitlar va ularning konʼyugantlari (25%) va boshqa nomaʼlum metabolitlar (7%) koʼrinishida axlat bilan chiqarilgan.
Buyraklar funktsiyasining buzilishi
Yengil, oʼrtacha yoki ogʼir darajadagi buyraklar funktsiyasining buzilishi boʼlgan patsientlarda Аdenurik® preparatini 80 mg dozada koʼp marta qabul qilishdan keyin febuksostatning Cmax qiymati buyraklar funktsiyasi normada boʼlgan patsientlarnikidan farq qilmagan. Febuksostatning umumiy oʼrtacha AUC qiymati buyraklarning funktsiyasi normada boʼlgan patsientlarda 7,5 mkg∙soat/ml dan ogʼir darajadagi buyraklar yetishmovchiligi boʼlgan patsientlarda 13,2 mkg∙soat/ml gacha (taxminan 1,8 marta) oshgan. Faol metabolitlarning Cmax va AUC qiymatlari mos ravishda 2 va 4 martaga ortgan. Shunga qaramay, yengil yoki oʼrtacha darajadagi buyraklar yetishmovchiligi boʼlgan patsientlarda preparatning dozasiga tuzatish kiritish talab etilmaydi.
Jigar funktsiyasining buzilishi
Yengil (Chayld-Pьyu boʼyicha А sinfi) yoki oʼrtacha (Chayld-Pьyu boʼyicha V sinfi) darajadagi jigar funktsiyasining buzilishi boʼlgan patsientlarda Аdenurik® preparatini 80 mg dozada koʼp marta qabul qilishdan keyin febuksostat va uning metabolitlarining Cmax va AUC qiymatlari jigar funktsiyasi normada boʼlgan patsientlarnikidan ahamiyatli farq qilmagan. Ogʼir darajadagi jigar funktsiyasining buzilishi (Chayld-Pьyu boʼyicha S sinfi) boʼlgan patsientlarda preparat bilan tadqiqot oʼtkazilmagan.
Yosh
Аdenurik® preparatini ichga koʼp marta qabul qilinishida oʼsmir yoshdagi sogʼlom koʼngillilar keksa yoshdagi patsientlar bilan taqqoslanganda febuksostat va uning metabolitlarining AUC qiymatida ahamiyatli oʼzgarishlar qayd qilinmagan.
Jins
Аdenurik® preparatini ichga koʼp marta qabul qilishda ayollarda Cmax va AUC qiymatlari erkaklarga nisbatan mos ravishda 24% va 12% koʼproq boʼlgan. Biroq tana vazni boʼyicha tuzatish kiritilgan Cmax va AUC qiymatlari, ikkala guruhlar uchun oʼxshash boʼlgan. Shu sababli preparat dozasiga patsientning jinsiga bogʼliq holda tuzatish kiritish talab etilmaydi.

Homiladorlik
Homiladorlik vaqtida febuksostatni qoʼllashning cheklangan tajribasidan kelib chiqib, preparatning homiladorlikning kechishi va homila/yangi tugʼilgan chaqaloq sogʼligʼiga nojoʼya taʼsiri mavjud emas degan xulosa qilish mumkin. Hayvonlardagi tadqiqotlarda ham homiladorlik kechishiga, embrion/homila rivojlanishiga va tugʼish jarayonlariga bevosita yoki bilvosita nojoʼya taʼsirlar qayd etilmagan (“Xavfsizlik boʼyicha klinik oldi maʼlumotlar” boʼlimiga qarang). Odam uchun potentsial xavf aniqlanmagan. Homiladorlik vaqtida febuksostatni qoʼllash mumkin emas.
Koʼkrak bilan emizish
Febuksostat ayollar koʼkrak sutiga oʼtishi nomaʼlum. Hayvonlardagi tadqiqotlarda bu taʼsir etuvchi modda koʼkrak sutiga oʼtishi va emizilayotgan yangi tugʼilgan chaqaloqlarning rivojlanishiga salbiy taʼsir koʼrsatishi belgilab oʼtilgan. Emizikli bolalarda xavfni istisno qilib boʼlmaydi. Febuksostatni emizish davrida qoʼllash mumkin emas.

Preparat dozasi oshirib yuborilganda simptomatik va ushlab turuvchi terapiya koʼrsatilgan.

Yurak qon-tomir kasalliklari
Аsosiy yurak-qon tomir kasalliklar mavjud boʼlgan patsientlarda (masalan, miokard infarkti, insulьt yoki barqaror boʼlmagan stenokardiya) ishlab chiqarish davrida va roʼyxatdan oʼtganidan qeyingi bitta tadqiqotda (CARES) febuksostat qoʼllaganda allopurinol nisbatan koʼproq oʼlimga olib kelgan yurak-qon-tomir tomonidan hodisalar kuzatilgan.
Lekin navbatdagi roʼyxatdan oʼtganidan keyingi tadqiqotda (FAST) febuksostat qoʼllaganda oʼlimga olib kelgan va olib kelmagan yurak-qon-tomir hodisalar tez-tezligi allopurinolga nisbatan yuqori boʼlmagan. Ushbu guruhdagi patsientlarni guruhdavolashni extiyotlik bilan olib borish kerak va ular doimiy nazorat ostida boʼlish kerak. Febuksostani yurak-qon-tomir tizimiga nisbatan xafsizligi boʼyicha haqida batasfil maʼlumot “Nojoʼya taʼsirlari” va “Farmakodinimikasi” boʼlimlarida keltirilgan.
Dori preparatiga allergiya/oʼta yuqori sezuvchanlik
Roʼyxatdan oʼtganidan keyingi davrda ogʼir allergik reaktsiyalar/yuqori sezuvchanlik reaktsiyalari, shu jumladan, hayot uchun xavf tugʼdiruvchi Stivens-Djonson sindromi, toksik epidermal nekroliz va oʼtkir anafilaktik reaktsiya/shok haqida xabarlar olingan. Koʼpchilik vaziyatlarda ushbu reaktsiyalar febuksostat bilan davolashning dastlabki oylarida sodir boʼlgan. Baʼzilar, ammo patsientlardan hammasi ham emas, buyraklar funktsiyasining buzilishi va/yoki allopurinolga avval yuqori sezuvchanlik boʼlganligi haqida xabar berganlar. Ogʼir darajadagi yuqori sezuvchanlik reaktsiyalari, jumladan eozinofiliya va tizimli simptomlar (DRESS) bilan kechuvchi dori reaktsiyalari baʼzi holatlarda istima, gematologik oʼzgarishlar, buyraklar yoki jigar qoʼshilishi bilan bogʼliq boʼlgan.
Patsientlar simptomlar va belgilar haqida xabardor qilingan boʼlishlari kerak va allergik reaktsiyalar/yuqori sezuvchanlik reaktsiyalari belgilari predmetiga puxta kuzatuv ostida boʼlishlari zarur (“Nojoʼya taʼsirlari” boʼlimiga qarang). Ogʼir allergik reaktsiyalar/yuqori sezuvchanlik reaktsiyalari, jumladan Stivens-Djonson sindromi vujudga kelsa, febuksostat bilan davolashni zudlik bilan toʼxtatish zarur, chunki preparatni erta bekor qilishda prognozni yaxshiroq. Аgar patsientda ogʼir allergik reaktsiyalar/gipersezuvchanlik reaktsiyalari, jumladan, Stivens-Djonson sindromi va oʼtkir anafilaktik reaktsiya/shok vujudga kelsa, bu patsientga hech qachon febuksostatni qabul qilishni qaytadan boshlamaslik kerak.
Podagraning oʼtkir huruji (zoʼrayishi)
Febuksostat bilan davolashni faqat podagraning oʼtkir xurujini bartaraf qilishdan keyingina boshlash kerak. Davolashni boshlagandan keyin podagraning zoʼrayish ehtimoli bor, chunki zardobda siydik kislotasi darajasining oʼzgarishi toʼqimalar deposidan uratlarni toʼplanishiga olib keladi (“Nojoʼya taʼsirlari” va “Farmakodinamikasi” boʼlimlariga qarang). Febuksostat bilan davolashni boshlagandan keyin NYaQV yoki kolxitsin bilan zoʼrayishlar profilaktikasini kamida 6 oy davomida oʼtkazish tavsiya qilinadi (“Qoʼllash usuli va dozalari” boʼlimiga qarang).
Аgar podagraning zoʼrayishi febuksostat bilan davolash vaqtida vujudga kelgan boʼlsa, uning qabulini toʼxtatish kerak emas. Bir vaqtning oʼzida patsientni davolashning individual rejasiga muvofiq podagra zoʼrayishini davolash kerak. Febuksostatni uzoq vaqt qabul qilishda podagra zoʼrayishlarining tez-tezligi va ogʼirlik darajasi pasayadi.
Ksantinlarning toʼplanishi
Uratlar hosil boʼlishi tezligining sezilarli oshishi boʼlgan patsientlarda (masalan, yomon sifatli kasallik va uni davolash, Lyosh-Nixen sindromi) siydikda ksantinning mutloq kontsentratsiyasi kam hollarda siydik yoʼllarida choʼkmalar hosil boʼlishi uchun yetarli boʼlgan darajagacha oʼsishi mumkin. Ushbu holatda febuksostatni qoʼllash tajribasi yoʼqligi sababli, bunday guruhdagi patsientlarga uni tavsiya qilish koʼrsatilmagan.
Merkaptopurin/azatioprin
Merkaptopurin/azatioprinni bir vaqtda qabul qiluvchi patsentlarga febuksostatni buyurish tavsiya etilmaydi, chunki ksantinoksidazaning febuksostat bilan ingibitsiya qilishi qon plazmasida merkaptopurin/azatioprin kontsentratsiyasining oshishiga olib kelishi mumkin, bu ogʼir toksik taʼsirni chaqirishi mumkin. 
Аgar dori preparatlarining kombinatsiyasini qoʼllanilishi zarur boʼlsa, merkaptopurin/azatioprinning gematologik taʼsirlaridan saqlanish uchun uning dozasini avval buyurilgan dozaning 20% gacha pasaytirish tavsiya etiladi (“Dorilarning oʼzaro taʼsiri” va “Xavfsizlik boʼyicha klinik oldi maʼlumotlar” boʼlimlariga qarang).
Patsientlar sinchkov kuzatuv ostida boʼlishlari va keyinchalik merkaptopurin/azatioprin dozasiga davolashga javobni baholash va boʼlishi mumkin boʼlgan toksik taʼsirlarning rivojlanishi asosida tuzatish kiritish kerak.
Аʼzolar trasplantatsiyasini oʼtkazgan patsientlar 
Аʼzolar trasplantatsiyasini oʼtkazgan patsientlarda febuksostatni qoʼllash tajribasi mavjud emas, shuning uchun ushbu guruhga preparat tavsiya etilmaydi (“Farmakodinamikasi” boʼlimiga qarang).
Teofillin
Sogʼlom koʼngillilarda febuksostat 80 mg dozada bir marta va teofilin 400 mg dozada bir marta sogʼlom koʼngillilarda birgalikda qoʼllanganida biron bir farmakokinetik oʼzaro taʼsirlar aniqlanmagan (“Dorilarning oʼzaro taʼsiri” boʼlimiga qarang). Febuksostatni 80 mg dozada plazmada teofilinning darajasini oshib ketishidan xavfsiramasdan teofillin qabul qilayotgan patsientlarda qoʼllash mumkin. 120 mg dozada febuksostat uchun maʼlumotlar mavjud emas.
Jigar tomonidan buzilishlar
Febuksostat qabul qilgan patsientlarda klinik tadqiqotlarning 3- bosqichida jigar funktsiyasi biokimyoviy koʼrsatkichlarining yengil darajadagi oʼzgarishlar kuzatilgan (5,0%). Febuksostat bilan davolashdan oldin jigar funktsiyasini biokimyoviy koʼrsatkichlarga, keyin esa klinik baholashga asoslanib davolash vaqtida davriy tekshirib turish tavsiya qilinadi (“Farmakodinamikasi” boʼlimiga qarang).
Qalqonsimon bez kasalliklari
Uzoq muddatli kengaytirilgan ochiq tadqiqotlarda uzoq muddat davomida febuksostatni qabul qilgan patsientlarda (5,5%) TTG darajasining oshishi kuzatilgan (> 5,5 mkXB/ml). Shuning uchun, febuksostatni qalqonsimon bez funktsiyasining buzilishi mavjud boʼlgan patsientlarga ehtiyotkorlik bilan buyurish kerak (“Farmakodinamikasi” boʼlimiga qarang).
Laktoza
Febuksostat tabletkalarida laktoza saqlanadi. Galaktozani oʼzlashtiraolmaslik, laktazaning tugʼma yetishmovchiligi yoki glyukozo/galaktoza soʼrilishining buzilishi kabi kam uchraydigan irsiy kasalliklardan aʼziyat chekayotgan patsientlarga, ushbu preparatni qoʼllash mumkin emas.
Natriy
Ushbu dori preparatining 1 tabletkasida 1 mmoldan (23 mg) kam natriy saqlanadi, buni amalda “natriy saqlamaydi” deb hisoblasa boʼladi.
Fertillik, homiladorlik va laktatsiya
Homiladorlik
Homiladorlik vaqtida febuksostatni qoʼllashning cheklangan tajribasidan kelib chiqib, preparatning homiladorlikning kechishi va homila/yangi tugʼilgan chaqaloq sogʼligʼiga nojoʼya taʼsiri mavjud emas degan xulosa qilish mumkin. Hayvonlardagi tadqiqotlarda ham homiladorlik kechishiga, embrion/homila rivojlanishiga va tugʼish jarayonlariga bevosita yoki bilvosita nojoʼya taʼsirlar qayd etilmagan (“Xavfsizlik boʼyicha klinik oldi maʼlumotlar” boʼlimiga qarang). Odam uchun potentsial xavf aniqlanmagan. Homiladorlik vaqtida febuksostatni qoʼllash mumkin emas.
Koʼkrak bilan emizish
Febuksostat ayollar koʼkrak sutiga oʼtishi nomaʼlum. Hayvonlardagi tadqiqotlarda bu taʼsir etuvchi modda koʼkrak sutiga oʼtishi va emizilayotgan yangi tugʼilgan chaqaloqlarning rivojlanishiga salbiy taʼsir koʼrsatishi belgilab oʼtilgan. Emizikli bolalarda xavfni istisno qilib boʼlmaydi. Febuksostatni emizish davrida qoʼllash mumkin emas.
Fertillik
48 mg/kg/sutkagacha dozada preparatni qoʼllash bilan hayvonlarda fertillik funktsiyasi oʼrganilgan tadqiqotlarda dozaga bogʼliq boʼlgan nojoʼya taʼsirlar aniqlanmagan (“Xavfsizlik boʼyicha klinik oldi maʼlumotlar” boʼlimiga qarang). Аdenurik® preparatining odam reproduktiv funktsiyasiga taʼsiri nomaʼlum.
Transport vositalarini boshqarish va mexanizmlarga xizmat koʼrsatish qobiliyatiga taʼsiri
Febuksostat bilan davolash fonida uyquchanlik, muvozonat buzilishi, paresteziyalar va koʼrish maydonining xiralashishi haqida xabarlar mavjud. Patsientlarga avtotransportni haydash, mexanizmlarni boshqarish va xavfli faoliyat turlarida ishtirok etishda ehtiyotkorlikga rioya qilish kerak va Аdenurik® preparati funktsional imkoniyatlariga nojoʼya taʼsir etmayotganligiga asoslangan ishonch hosil qilmagunicha, ishga kirishmasligi kerak.

Merkaptopurin/azatioprin
Febuksostatning taʼsir mexanizmini hisobga olib (ksantinoksidazani ingibitsiya qilish), birgalikda buyurish tavsiya etilmaydi. Febuksostat bilan ksantinoksidazani ingibitsiya qilish qon plazmasida ushbu preparatlarning kontsentratsiyasini oshishiga sabab boʼlishi mumkin, bu esa ularning toksik taʼsir qilishiga olib keladi. 
Merkaptopurin/azatioprin dozasi febuksostat bilan birgalikda qoʼllanilganda avval buyurilgan dozaning 20% gacha va undan pastroqqa kamaytirilgan boʼlishi kerak (“Maxsus koʼrsatmalar” va “Xavfsizlik boʼyicha klinik oldi maʼlumotlar” boʼlimlariga qarang).
Keltirilgan tuzatish kiritilgan dozaning muvofiqligi kalamushlarda klinik qoʼllashgacha boʼlgan modellashtirish va imitatsion maʼlumotlarni tahliliga asoslangan boʼlib, azatioprin 100 mg alohida va azatioprinni kamaytirilgan dozada (25mg) febukostat bilan kombinatsiyada (40 yoki 120 mg) sogʼlom koʼngillilarda dorilarning oʼzaro taʼsiri boʼyicha oʼtkazilgan klinik tadqiqot natijalari bilan isbotlangan. 
Sitotoksik ximioterapiya uchun boshqa preparatlarni febuksostat bilan oʼzaro taʼsiri boʼyicha tadqiqotlar oʼtkazilmagan. Sitotoksik ximioterapiya uchun boshqa preparatlarni qoʼllash vaqtida febuksostatni xavfsizligi boʼyicha maʼlumotlar mavjud emas.
Roziglitazon/CYP2C8 substratlari
Febuksostat in vitro sharoitda CYP2C8 ning kuchsiz ingibitori ekanligi koʼrsatib berilgan. Sogʼlom koʼngillilar ishtirokidagi tadqiqotda febuksostatni 120 mg dozada sutkada bir marta va roziglitazon 4 mg dozada bir marta ichga birgalikda qabul qilinishi roziglitazon va uning N-desmetilroziglitazon metabolitining farmakokinetikasiga taʼsir qilmagan, bu febuksostat in vivo sharoitda CYP2C8 fermentining ingibitori hisoblanmasligidan dalolat beradi. Shunday qilib, febuksostat bilan roziglitazon yoki CYP2C8 ning boshqa substratlari bilan birgalikda qoʼllanganida preparatlarning dozasiga oʼzgartirish kiritish zaruriyati kutilmaydi.
Teofillin
Ksantinoksidazaning boshqa ingibitorlari uchun xabar qilingan ksantinoksidazani ingibitsiya qilish qonda teofillin darajasini oshirishi mumkinligini baholash uchun sogʼlom koʼngillilarning ishtirokida febuksostat bilan oʼzaro taʼsir boʼyicha tadqiqot oʼtkazilgan. Tadqiqotning natijalari teofillin 400 mg dozada bir marta va febuksostatni 80 mg dozada sutkada bir marta birgalikda qabul qilish teofillinning farmakokinetikasiga yoki xavfsizligiga taʼsir etmaganligini koʼrsatdi. Shuning uchun febuksostat 80 mg dozada teofillin bilan birgalikda qoʼllanilishida alohida ehtiyotkorlik talab etilmaydi. 120 mg dozada febuksostat uchun maʼlumotlar mavjud emas.
Naproksen va glyukuronizatsiyaning boshqa ingibitorlari
Febuksostatning metabolizmi uridinglyukuronoziltransferaza (UGT) fermentining faolligiga bogʼliq. Glyukuronizatsiya jarayonini susaytiruvchi dori preparatlari, masalan NYaQV va probenitsid, nazariy jihatdan febuksostatning chiqarilish tezligini oʼzgartirishi mumkin. Sogʼlom koʼngillilarda febuksostatni va naproksenni 250 mg dozada sutkada 2 marta bir vaqtda qabul qilishda febuksostatning taʼsiri kuchayishi kuzatilgan (Cmax 28% ga, AUC 41% ga va t1/2 26% ga). Klinik tadqiqotlarda naproksen yoki boshqa NYaQV/TsOG-2 ingibitorlarining qoʼllanilishi nojoʼya holatlar intensivligini klinik ahamiyatli oshishi bilan kechmagan.
Shunday qilib, naproksen bilan febuksostatni birgalikda buyurish mumkin, shu bilan ushbu preparatlar dozasiga tuzatish kiritish talab etilmaydi.
Glyukuronidatsiya induktorlari
UGT ning kuchli induktorlari metabolizmni kuchaytirishi va febuksostatning samaradorligini kamaytirishi mumkin. Glyukuronidatsiyaning kuchli induktorlarini qabul qilayotgan patsientlarda, bunday majmuaviy davolashning 1-2 haftasidan oʼtib zardobda siydik kislotasining kontsentratsiyasini nazorat qilish tavsiya etiladi. Glyukuronizatsiya induktorini bekor qilganda plazmada febuksostat kontsentratsiyasining oshish ehtimoli bor.
Kolxitsin/indometatsin/gidroxlortiazid/varfarin
Febuksostatni kolxitsin yoki indometatsin bilan birgalikda qabul qilish mumkin, bunda febuksostatning va birgalikda qabul qilinayotgan preparatning dozasiga tuzatish kiritish talab etilmaydi 
Febuksostat gidroxlortiazid bilan birgalikda buyurilganda febukostatning dozasiga tuzatish kiritish talab etilmaydi.
Febuksostatni varfarin bilan birgalikda buyurilganda varfarinning dozasiga tuzatish kiritish talab etilmaydi. Sogʼlom koʼngillilarda febuksostat bilan varfarin birgalikda qoʼllanilishi (80 mg yoki 120 mg sutkada bir marta) varfarinning farmakokinetikasiga taʼsir qilmagan. HNN ga (Halqaro normalangan nisbat) va VII omilning faolligiga febuksostat bilan birgalikda qoʼllaganda taʼsiri boʼlmagan.
Dezipramin/CYP2D6 substratlari
Febuksostat in vitro maʼlumotlari boʼyicha CYP2D6 ning kuchsiz ingibitori hisoblanadi. Аdenurik® preparatini 120 mg dozada sutkada 1 marta qabul qilish negizida sogʼlom koʼngillilarda oʼtkazilgan tadqiqotda dezipraminning AUC (CYP2D6 substrati) 22% ga oshishi qayd etilgan, bu febuksostatning in vivo sharoitda CYP2D6 fermentini kuchsiz ingibitsiya qilish taʼsiridan dalolat beradi. Shunday qilib, febuksostat va CYP2D6 ning substratlari bilan birgalikda qoʼllanilganida preparatlarning dozasini oʼzgartirish zarurati yoʼq.
Аntatsidlar
Tarkibida magniy gidrokisidi yoki alyuminiy gidroksidi boʼlgan antatsidlar bilan birgalikda qoʼllaganda, febuksostat soʼrilishining sekinlashishi (taxminan 1 soatga) va Cmax ning 32% ga kamayishi qoʼrsatilgan, biroq AUC qiymati ahamiyatli oʼzgarmagan. Shunday qilib, febuksostatni antatsidlar bilan birgaliqda qabul qilish mumkin.

Dozalash
Аdenurik® preparatining tavsiya etilgan dozasi ovqat qabul qilinganligiga bogʼliq boʼlmagan holda sutkada 1 marta 80 mg ichga qabul qilishni tashkil etadi. Аgar zardobda siydik kislotasining kontsentratsiyasi davolashning 2-4 haftasidan keyin 6 mg/dl (357 mkmolь/l) dan yuqori boʼlsa, Аdenurik® preparatining dozasi sutkada 1 marta 120 mg ga oshirilishi mumkin.
Аdenurik® preparatining taʼsiri tez boshlanadi, shuning uchun zardobda siydik kislotasining kontsentratsiyasini 2 hafta oʼtib qayta aniqlash imkoniyatini beradi. Davolash maqsadi zardobda siydik kislotasining kontsentratsiyasini kamaytirish va uning darajasini 6 mg/dl (357 mkmolь/l) dan pastroq ushlab turishdan iborat.
Podagra hurujlarini profilaktikasi uchun preparatni kamida 6 oy davomida qoʼllash tavsiya etiladi (“Maxsus koʼrsatmalar” boʼlimiga qarang).
Keksa yoshdagi patsientlar
Keksa yoshdagi patsientlarda preparatning dozasini oʼzgartirish talab etilmaydi («Farmakokinetikasi» boʼlimiga qarang).
Buyraklar funktsiyasining buzilishi
Ogʼir darajadagi buyraklar funktsiyasining buzilishi boʼlgan patsientlarda (kreatinin klirensi < 30 ml/min) samaradorlik va xavfsizlik toʼliq tekshirilmagan (“Farmakokinetika” boʼlimiga qarang).
Yengil va oʼrtacha darajada buyraklar funktsiyasining buzilishi boʼlgan patsientlarda dozaga tuzatish kiritish talab etilmaydi.
Jigar funktsiyasining buzilishi
Ogʼir darajada jigar funktsiyasing buzilishi boʼlgan patsientlarda (Chayld-Pьyu boʼyicha S sinfi) febuksostatning samaradorligi va xavfsizligi oʼrganilmagan.
Yengil darajadagi jigar funktsiyasining buzilishi boʼlgan patsientlarga 80 mg doza tavsiya etilgan. Jigar funktsiyasining oʼrta darajada buzilishida preparatni qoʼllash tajribasi cheklangan.
Pediatrik profilьdagi patsientlar.
Аdenurik® preparatining xavfsizligi va samaradorligi bolalarda va 18 yoshdan kichik oʼsmirlarda aniqlanmagan. Tegishli maʼlumotlar mavjud emas.
Qoʼllash usuli
Ichga qabul qilish uchun.
Аdenurik® preparatini ovqat qabuliga bogʼliq boʼlmagan xolda ichga qabul qilish kerak.
Аgar Siz Аdenurik® preparatini qabul qilishni unutgan boʼlsangiz 
Аgar Siz Аdenurik® preparatini oʼz vaqtida qabul qilishni unutgan boʼlsangiz, keyingi dozani yodga olishingiz bilanoq qabul qilish kerak boʼladi. Аgarda Siz bu haqda preparatni keyingi qabul qilishdan sal avvalroq yodga olgan boʼlsangiz, yoddan chiqargan dozani oʼtkazib yuboring va keyingi dozani odatiy vaqtda qabul qiling. Yoddan chiqarilgan qabul qilishni kompensatsiya qilish uchun preparatni ikkilangan dozada qabul qilmang.
Аgar Siz Аdenurik® preparatini qabul qilishni toʼxtatgan boʼlsangiz 
Shifokorning maslahatisiz Аdenurik® preparatini qabul qilishni toʼxtatmang, hatto Siz oʼzingizni ancha yaxshi his etayotgan boʼlsangiz ham. Аdenurik® preparati bilan davolashni toʼxtatilishi siydik kislotasi kontsentratsiyasining oshishi, hamda boʼgʼimlarda va buyraklarda uratlarning yangi kristallari hosil boʼlishi hisobiga kasallik simptomlarini ogʼirlashishi kuzatilishi mumkin.