AMOKSISILLIN AVVA RUS tabletkalari 0,25g N20

Amoksitsillinning mutlaq biologik kira olishligi dozaga bog'liq va 75 dan 90 % gachani tashkil qiladi. Ovqat mavjudligi preparat so'rilishiga ta'sir qilmaydi. Amoksitsillin 500 mg bir martalik dozada peroral qabul qilinganda plazmadagi preparat kontsentratsiyasi 6-11 mg/l ni tashkil qiladi. Peroral qo'llanilgandan so'ng plazmadagi maksimal kontsentratsiyaga 1-2 soatdan keyin erishiladi.

Amoksitsillinning 15 % dan 25 % gachasi plazma oqsillari bilan bog'lanadi. Preparat o'pka to'qimasiga, bronxial sekretga, o'rta quloq suyuqligiga, safro va siydikka tez kirib boradi. Miya qobiqlari yallig'lanmaganda amoksitsillin serebrospinal suyuqlikka oz miqdorda kiradi. Miya qobiqlari yallig'langanda likvordagi preparat kontsentratsiyasi uning qon plazmasidagi kontsentratsiyasining 20 % ini tashkil qilishi mumkin. Amoksitsillin yo'ldosh orqali o'tadi va ko'krak sutida oz miqdorda aniqlanadi.

Yuborilgan dozaning 25 % gachasi faol bo'lmagan penitsilloy kislotasi hosil bo'lishi bilan metabolizmga uchraydi.

Amoksitsillinning taxminan 60-80 % preparat qabul qilinganidan keyin 6-8 soat ichida buyraklar orqali o'zgarmagan holda ajralib chiqadi. Preparatning oz miqdori safro bilan ajralib chiqadi. Yarim chiqarilish davri 1-1,5 soatni tashkil qiladi. Terminal buyrak yetishmovchiligi bo'lgan bemorlarda yarim chiqarilish davri 5 dan 20 soatgacha o'zgarib turadi. Preparat gemodializ yordamida chiqariladi.

Jahon sog'liqni saqlash tashkiloti (JSST) ma'lumotlariga ko'ra, noxush ta'sirlar ularning rivojlanish tezligiga ko'ra quyidagicha tasniflangan: juda tez-tez (>1/10), tez-tez (>1/100 dan >1/10 gacha), tez-tez emas (>1/1000 dan >1/100 gacha), kam hollarda (>1/10000 dan >1/1000 gacha), juda kam hollarda (<1/10000), uchrash tezligi noma'lum (mavjud ma'lumotlar asosida uchrash tezligini aniqlash imkonsiz).

Yurak va tomirlar tomonidan buzilishlar tez-tez: taxikardiya, flebit; kam hollarda: qon bosimining pasayishi; juda kam hollarda: QT oralig'ining uzayishi.

Qon yaratish va limfa tizimi tomonidan buzilishlar: juda kam hollarda: qaytuvchan leykopeniya (shu jumladan og'ir neytropeniya va agranulotsitoz), qaytuvchan trombotsitopeniya, gemolitik anemiya, qon ivish vaqtining uzayishi, protrombin vaqtining uzayishi; uchrash tezligi noma'lum: eozinofiliya.

Immun tizimi tomonidan buzilishlar kam hollarda: zardob kasalligiga o'xshash reaksiyalar;

juda kam hollarda: og'ir allergik reaksiyalar, shu jumladan angionevrotik shish, anafilaktik shok, zardob kasalligi va allergik vaskulit;

uchrash tezligi noma'lum: Yarish-Gerksgeymer reaksiyasi ("Maxsus

ko'rsatmalar" bo'limiga qarang).

Asab tizimi tomonidan buzilishlar tez-tez: uyquchanlik, bosh og'rig'i;

kam hollarda: asabiylik, qo'zg'alish, xavotirlilik, ataksiya, xulq-atvorning o'zgarishi, periferik neyropatiya, bezovtalik, uyqu buzilishi, depressiya, paresteziya, tremor, ongning chalkashishi;

juda kam hollarda: giperkineziya, bosh aylanishi, tirishishlar, giperesteziya, ko'rish, hid bilish va taktil sezuvchanlikning buzilishi, gallyutsinatsiyalar.

Buyraklar va siydik yo'llari tomonidan buzilishlar kam hollarda: qon zardobida kreatinin kontsentratsiyasining oshishi; juda kam hollarda: interstitsial nefrit, kristalluriya.

Oshqozon-ichak trakti tomonidan buzilishlar tez-tez: ko'ngil aynishi, diareya; tez-tez emas: qusish;

kam hollarda: dispepsiya, epigastral sohada og'riq;

juda kam hollarda: antibiotik bilan bog'liq kolit (shu jumladan soxtamembranoz gemorragik kolit), qon aralash diareya, tilning qora rangga bo'yalishi («tukli» til);

uchrash tezligi noma'lum: ta'mning o'zgarishi, stomatit, glossit.

Jigar va o't yo'llari tomonidan buzilishlar tez-tez: zardobda bilirubin kontsentratsiyasining oshishi;

juda kam hollarda: gepatit, xolestatik sariqlik, faollikning oshishi

«jigar» transaminazalari (alaninaminotransferaza,

aspartataminotransferaza, ishqoriy fosfotaza, y-glyutamiltransferaza), o'tkir jigar yetishmovchiligi.

Skelet-mushak va biriktiruvchi to'qima tomonidan buzilishlar kam hollarda: artralgiya, mialgiya, pay kasalliklari, shu jumladan tendinit; juda kam hollarda: pay uzilishi (davolash boshlangandan keyin 48 soat o'tgach va ikki tomonlama bo'lishi mumkin), mushak kuchsizligi, rabdomioliz.

Teri va teri osti to'qimalari tomonidan buzilishlar tez-tez: toshma;

tez-tez emas: eshakemi, qichishish;

juda kam hollarda: fotosensibilizatsiya, teri va shilliq qavatlarning shishi, toksik epidermal nekroliz (Layell sindromi), Stivens-Djonson sindromi, ko'p shaklli eritema, bullyoz eksfoliativ dermatit, o'tkir generalizatsiyalangan ekzantematoz pustulyoz.

Endokrin tizim tomonidan buzilishlar kam hollarda: anoreksiya;

juda kam hollarda: gipoglikemiya, ayniqsa qandli diabeti bo'lgan bemorlarda.

Nafas olish tizimi tomonidan

kam hollarda: bronxospazm, hansirash;

juda kam hollarda: allergik pnevmonit.

Infeksion va parazitar kasalliklar

kam hollarda: superinfektsiya (ayniqsa surunkali kasalliklari bo'lgan yoki

organizm qarshiligi pasaygan bemorlarda);

juda kam hollarda: teri va shilliq qavatlar kandidozi.

Umumiy buzilishlar va yuborish joyidagi buzilishlar:

kam hollarda: umumiy holsizlik;

juda kam hollarda: tana haroratining oshishi.

Kursli davolashda qon hosil qilish a'zolari, jigar va buyrak funksiyasi holatini nazorat qilishni o'tkazish zarur.



Unga sezgir bo'lmagan mikrofloraning o'sishi hisobiga superinfektsiya rivojlanishi mumkin, bu antibakterial terapiyani tegishli o'zgartirishni talab etadi.



Bakteriemiyasi bo'lgan bemorlarni davolashda bakterioliz reaksiyasi (Yarish-Gerksgeymer reaksiyasi) rivojlanishi mumkin.



Penitsillinlarga yuqori sezuvchanligi bo'lgan bemorlarda tsefalosporin antibiotiklar bilan kesishuvchi allergik reaksiyalar bo'lishi mumkin.



Kursli davolash fonida yengil diareyani davolashda ichak peristaltikasini susaytiruvchi diareyaga qarshi preparatlardan saqlanish kerak; kaolin- yoki attapulgit saqlovchi diareyaga qarshi vositalardan foydalanish mumkin. Og'ir diareyada shifokorga murojaat qilish zarur.



Davolash kasallikning klinik belgilari yo'qolgandan so'ng yana 48-72 soat davomida albatta davom ettiriladi.



! Estrogen saqlovchi peroral kontratseptivlar va amoksitsillin bir vaqtda qo'llanilganda, imkoni boricha boshqa yoki qo'shimcha kontratseptsiya usullaridan foydalanish kerak.

•amoksitsillinga, penitsillinga va preparatning boshqa komponentlariga yuqori sezuvchanlik;

•anamnezda boshqa beta-laktam antibiotiklarga, masalan, tsefalosporinlar, karbapenemlar, monobaktamlarga (o'zaro kesishuvchi reaktsiya ehtimoli) og'ir darajadagi tezkor turdagi yuqori sezuvchanlik reaktsiyalari (masalan, anafilaksiya);

3 yoshgacha bo'lgan bolalar (ushbu dori shakli uchun).

Ehtiyotkorlik bilan

•buyrak faoliyatining buzilishi;

•tirishishlarga moyillik;

•doimiy qusish va diareya bilan kechuvchi ovqat hazm qilishning og'ir buzilishlari;

•allergik diatez;

•astma;

•pollinoz;

•virusli infektsiyalar;

•o'tkir limfoblastoz leykoz;

•infektsion mononukleoz (terida qizamiqsimon toshma paydo bo'lish xavfi yuqoriligi sababli);

•3 yoshdan katta bolalarda.

Homiladorlik va emizish davrida qo'llanilishi

Hayvonlarda o'tkazilgan tadqiqotlar shuni ko'rsatdiki, amoksitsillin homilaga embriotoksik, teratogen va mutagen ta'sir ko'rsatmaydi. Biroq, homilador ayollarda amoksitsillinni qo'llash bo'yicha adekvat va nazorat qilingan tadqiqotlar o'tkazilmagan, shuning uchun homiladorlik vaqtida amoksitsillinni qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina mumkin.

Preparat oz miqdorda ko'krak suti bilan ajralib chiqadi, shuning uchun laktatsiya davrida amoksitsillin bilan davolashda emizishni to'xtatish masalasini hal qilish kerak, chunki ko'krak suti bilan boqiladigan chaqaloqda diareya va/yoki og'iz shilliq qavati kandidozi, shuningdek beta-laktam antibiotiklarga sensibilizatsiya rivojlanishi mumkin.

Amoksitsillin preparati bilan terapiya fonida digoksin absorbsiya vaqti oshishi mumkin. Digoksin dozasini to'g'irlash talab etilishi mumkin.

Amoksitsillin va probenetsidni bir vaqtda qo'llash tavsiya etilmaydi, u amoksitsillinning buyrak orqali chiqarilishini kamaytiradi va safro va qonda amoksitsillin konsentratsiyasini oshiradi.

Antagonistik ta'sir rivojlanishi mumkinligi sababli amoksitsillin va boshqa bakteriostatik preparatlarni (makrolidlar, tetratsiklinlar, sulfanilamidlar, xloramfenikollar) bir vaqtda qo'llashdan saqlanish kerak. Aminoglikozidlar va amoksitsillin bir vaqtda qo'llanilganda sinergik samara rivojlanishi mumkin. Amoksitsillin va disulfiramni bir vaqtda qo'llash tavsiya etilmaydi.

Metotreksat va amoksitsillin bir vaqtda qo'llanilganda birinchisining toksikligi oshishi mumkin, ehtimol, metotreksatning naychali buyrak sekretsiyasi amoksitsillin tomonidan raqobatli ingibitsiya qilinishi tufayli.

Antatsidlar, glyukozamin, surgi dori preparatlari, aminoglikozidlar amoksitsillin so'rilishini sekinlashtiradi va kamaytiradi, askorbin kislotasi esa oshiradi.

Amoksitsillin bilvosita antikoagulyantlar samaradorligini oshiradi (ichak mikroflorasini bostirib, K vitamini sintezini va protrombin indeksini pasaytiradi). Estrogen saqlovchi peroral kontratseptivlar bilan bir vaqtda qabul qilish ularning samaradorligi pasayishiga va «yorib o'tuvchi» qon ketishlar xavfi oshishiga olib kelishi mumkin.

Adabiyotlarda atsenokumarol yoki varfarin amoksitsillin bilan birga qo'llanilganda xalqaro normallashtirilgan nisbat (XNN) oshishi holatlari ta'riflangan. Preparatni bilvosita antikoagulyantlar bilan bir vaqtda qo'llash zarurati bo'lganda protrombin vaqti yoki XNN davolash vaqtida yoki preparat bekor qilinganda sinchkovlik bilan nazorat qilinishi kerak; bilvosita antikoagulyantlar dozasini to'g'irlash talab etilishi mumkin.

Diuretiklar, allopurinol, oksifenbutazon, fenilbutazon, nosteroid yallig'lanishga qarshi preparatlar va naychalar sekretsiyasini bloklovchi b. dori preparatlari qonda amoksitsillin konsentratsiyasini oshiradi.

Allopurinol teri reaksiyalari rivojlanish xavfini oshiradi. Amoksitsillin va allopurinolni bir vaqtda qo'llash tavsiya etilmaydi.