Mahsulotning ko'rinishi saytdagi rasmdan farq qilishi mumkin.

Ampioks natriy poroshok 0,1g N10

Retseptli preparat
Kategoriya: - Antibiotiklar
Ishlab chiqarilish joyi: - O'zbekiston
Faol modda: Ampisillin, Oksasillin
Qadoqda soni: - 10
Ishlab chiqaruvchi: - Jurabek Laboratories OT MChJ
ATX kodi: - J01CR50
Noaniqliq haqida habar berish
O'zbekiston Sog'liqni Saqlash Vazirligi tomonidan 14.06.2019 da DV/M 02591/06/19 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Битта флакон қуйидагиларни сақлайди:

фаол модда:

ампициллин натрий тузи                             0,3335 г

оксациллин натрий тузи                             0,1665 г

Флаконларда 0,5 г дан препарат.
Ампициллин ва оксациллин таъсир доирасини бирлаштирувчи комбинацияланган антибиотик ҳисобланади. Ампициллин – ярим синтетик пенициллин бактерицид таъсир этади, пенициллиназани пайдо қилмайдиган грам-мусбат микроорганизмларга (Staphylococcusspp., Streptococcusspp., Streptococcuspneumoniae) ва грам-манфий микроорганизмларга (Neisseriagonorrhoeae, Neisseriameningitidis, Escherichiacoli, Salmonellaspp., Shigellaspp., Proteusmirabilis, Haemophilusinfluenzae) нисбатан фаолдир. Оксациллин – пенициллинлар гуруҳидаги пенициллиназга чидамли ярим синтетик антибиотик бўлиб, грам-мусбат микроорганизмлар: Staphylococcusspp., Streptococcusspp., шу жумладан Streptococcuspneumoniae, Actinomycesspp., Bacillusanthracis, Corynebacteriumdiphtheriae, анаэроб спора ҳосил қилувчи таёқчалар, шу жумладан Clostridiumspp.; грам-манфий кокклар: Escherichiacoli, Proteusmirabilis, Haemophilusinfluenzae, Klebsiellapneumoniae, Actinomycesspp., Treponemasppга нисбатан бактерицид таъсирга эга.

Pseudomonasaeruginosa, аксарият штаммлар Proteusvulgaris, Providenciarettgeri, Proteusmorgаnii препарат таъсирига чидамлидир.

Қонда препаратнинг максимал концентрацияси (Сmax) мушак ичига юборилганидан сўнг 30 минут – 1 соатдан кейин аниқланади. Вена ичига юборилганида қонда мушак ичига юбориш усулида кузатиладиган миқдордан юқори препарат концентрацияси тезда ҳосил бўлади.

Препарат организмдан буйраклар орқали, қисман ўт орқали чиқарилади.

Қайтадан юборилган ҳолатларда у пациент организмида тўпланиб қолмайди, бу унинг узоқ вақт қўлланилишига имкон беради.

Тери тошмаси, эшакеми, Квинке шишиши каби реакциялар шаклида намоён бўладиган аллергик реакциялар, кам ҳолларда анафилактик шок ривожланиши мумкин.

Аллергик реакциялар пайдо бўлганда препарат юборилишини тўхтатиш ва десенсибиллизацияловчи терапияни ўтказиш керак.

Анафилактик шок белгилари пайдо бўлганда пациентни ушбу ҳолатдан чиқариш учун шошилинч чоралар кўрилиши: эпинефрин (адреналин), глюкокортикостероидлар (гидрокортизон ёки преднизолон) ва антигистамин препаратларини юбориш керак, зарур ҳолларда, ўпкаларнинг сунъий вентиляцияси ўтказилади.

Препарат вена ичига юборилганида флебитлар ва перифлебитлар, мушак ичига юборилганида – инъекция жойида оғриқ ривожланиши мумкин.

Рецепт бўйича.
Препарат билан даволаш жараёнида буйраклар, жигар функциялари ва периферик қон манзараси мунтазам равишда назорат қилиниши керак. Буйрак функцияси бузилиши бўлган пациентларга дозалаш режимига тузатиш киритиш талаб қилинади.

Буйрак етишмовчилиги бўлган пациентларда юқори дозаларда қўлланилганида марказий нерв тизимига токсикли таъсир бўлиши мумкин.

Суперинфекциялар ривожланиш эҳтимоли (унга сезувчан бўлмаган микрофлора ўсиши ҳисобига) антибактериал терапияга тегишли ўзгартиришлар киритилишини талаб қилади.

Пенициллинларга юқори сезувчанлик бўлган пациентларда цефалоспорин антибиотиклари билан кесишган аллергик реакциялар бўлиши мумкин.

Ҳомиладорлик ва лактация даврида қўлланиши

Препарат она учун тахмин қилинадиган фойда ҳомила учун потенциал хавфдан юқори бўлган ҳолатдагина ҳомиладорлик вақтида қўлланилиши мумкин.

Она сути билан паст концентрацияларда чиқарилади. Лактация даврида препарат қўлланилиши зарур ҳолларда, эмизишни тўхтатиш тўғрисидаги масала ҳал қилиниши керак.

Сезувчан қўзғатувчилар томонидан чақирилган юқумли-яллиғланиш касалликлари: синусит, тонзиллит, ўрта отит, бронхит, пневмония, холангит, холецистит, пиелонефрит, пиелит, цистит, уретрит, гонорея, цервицит; тери ва юмшоқ тўқималар юқумли касалликлари: сарамас, импетиго, иккиламчи инфекцияланган дерматозлар, сепсис, эндокардит, менингит; туғишдан кейинги юқумли касалликлар ва бошқа касалликлар.

Жарроҳлик аралашувларида операциядан кейинги асоратларни (шу жумладан, иммунтанқислик ҳолатида) профилактика қилиш, янги туғилган чақалоқларда юқумли касалликларни профилактика қилиш ва даволашда қўлланилади.

 

 

Ганореяни даволашда препаратдан бензилпенициллинга резистент гонококклар штаммлари билан чақирилган ҳолатларда фойдаланилади.

Ўта юқори сезувчанлик, юқумли мононуклеоз, лимфолейкоз, анамнезда пенициллин гуруҳидаги препаратларга токсик-аллергик реакциялар мавжудлигида қўллаш мумкин эмас.

Қуйидаги ҳолатларда эҳтиёткорлик билан қўлланилиши керак:

Пенициллинларга ўта юқори сезувчанлик бўлган оналар туққан болаларда, анамнезда аллергик реакциялар ва/ёки бронхиал астма, буйрак етишмовчилиги, анамнезда қон кетишлар, антибиотиклар қўлланилган шароитда энтероколит (анамнезда) мавжудлигида эҳтиёткорлик билан қўллаш керак.

Ампиокс натрийни битта шприцда бошқа дори препаратлари билан аралаштириш мумкин эмас.

Бактерицид антибиотиклар (аминогликозидлар, цефалоспоринлар, ванкомицин, рифампицин) синергид; бактериостатик препаратлар (макролидлар, хлорамфеникол, линкозамидлар, тетрациклинлар, сульфаниламидлар) – антагонистик таъсир этади.

Билвосита антикоагулянтлар самарадорлигини оширади (ичаклар микрофлорасини бартараф этган ҳолда, К витамини синтезини ва протромбин индексини пасайтиради); эстроген сақлайдиган перорал контрацептивлар, метаболизми жараёнида парааминобензоат кислотаси, этинилэстрадиол пайдо бўладиган препаратлар самарадорлигини камайтиради, чунки “ёриб ўтувчи” қон кетишлар ривожланиш хавфини оширади.

Диуретиклар, аллопуринол, оксифенбутазон, фенилбутазон, ностероид яллиғланишга қарши препаратлар ва каналли секрецияни блокировка қилувчи бошқа препаратлар (каналли секреция пасайиши ҳисобига) ампициллиннинг плазмадаги концентрациясини оширади.

Оксациллин метотрексат токсиклигини оширади (каналли секреция учун рақобат); кальций фолинат (фолат кислотаси антагонистлари антидоти) дозаларини ошириш ва унинг узоқроқ қўлланилиши талаб қилиниши мумкин.

Қуруқ, ёруғликдан ҳимояланган жойда 25˚С дан юқори бўлмаган ҳароратда сақлансин.

Препарат болалар ололмайдиган жойда сақлансин.

 

Яроқлилик муддати

2 йил.

Яроқлилик муддати тугагандан сўнг қўлланилмасин.

Препарат мушак ичига ёки вена ичига (оқимли ёки томчилатиб) юборилади.

Катта ёшдаги пациентлар ва 14 ёшдан катта ёшдаги болалар учун препаратнинг бир мартали дозаси 0,5-1 г, суткалик дозаси 2-4 г ни ташкил этади. Янги туғилган чақалоқлар, вақтидан олдин (чала) туғилган болалар ва 1 ёшгача бўлган болаларга препарат бир суткада 0,1-0,2 г/кг; 1 ёшдан 7 ёшгача бўлган болаларга – 0,1 г/кг; 7 ёшдан 14 ёшгача бўлган болаларга – 0,05 г/кг суткалик дозада; 14 ёшдан катта ёшдаги болаларга – катта ёшдаги пациентлар дозасида буюрилади. Суткалик доза 6-8 соат оралиқ вақт билан 3-4 марта қабул қилиш режимида юборилади. Юқумли касаллик оғир даражали кечган ҳолатларда қайд этилган дозалар 1,5-2 баравар оширилиши мумкин.

Мушак ичига юбориш учун эритмалар флакон таркибига 2-5 мл инъекция учун сув қўшилган ҳолда extempore усулида тайёрланади.

Мушак ичига юборилганида даволаш муддати: 5-7 кундан 3 ҳафтагача.

Вена ичига оқимли юбориш учун препарат (бир мартали дозаси) 10-15 мл инъекция учун сувда ёки натрий хлориднинг изотоник эритмасида эритилади ва 2-3 минут давомида аста-секин юборилади.

Вена ичига томчилатиб юбориш учун препарат (катта ёшдаги пациентлар учун бир мартали дозаси) 100-200 мл натрий хлориднинг изотоник эритмасида ёки 5-10% глюкоза эритмасида эритилади ва бир минутда 60-80 томчи тезликда юборилади.

Болаларга вена ичига томчилатиб юборишда эритгич сифатида 5-10% глюкоза эритмасидан фойдаланилади (бола ёшига қараб 30-100 мл). Препарат вена ичига 5-7 кун давомида юборилади, кейинчалик (зарур ҳолларда) мушак ичига юборишга ўтилади.

Эритмалардан тайёрлангандан сўнг дарҳол фойдаланилади, уларга бошқа дори препаратларини қўшиш мумкин эмас.

Ampioks natriy poroshok 0,1g N10 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

AMPIOKS-REMEDY

AMPIOXUM-REMEDY

 

Preparatning savdo nomi: Ampioks

Ta‘sir etuvchi modda (XPN): Ampisillin trigidrati va oksasillinni natriyli tuzi.

Dori shakli: Kapsulalar.

Tarkibi:

1 kapsula quyidagilarni saqlaydi:

Faol moddalar: Ampisillin 125 mg, oksasillin 125 mg.

Yordamchi moddalar: magniy stearati ili kalsiy stearati.

Ta‘rifi: “2” o‘lchamli, oq rangli qattiq jelatinli kapsulalar.

Farmakoterapevtik guruhi: Antibiotiklar (penisillinlar guruhi).

ATX kodi: J01CR50

 

Farmakologik xususiyatlari

Ampisillin va oksasillin ta‘sir doiralarini birlashtiruvchi majmuaviy antibiotik.

Ampisillin-penisillin guruhiga mansub yarim sintetik antibiotik bo‘lib, bakterisid ta‘sir ko‘rsatadi, kislotaga chidamli. Grammusbat (Staphylococcus spp., Streptococcus spp., Streptococcus pneumoniae) va grammanfiy (Neisseria gonorrhoeae, Neisseria meningitidis, Escherichia coli, Salmonella spp., Shigella spp., Proteus mirabilis, Haemophilus influenzae,) mikroorganizmlarga nisbatan faoldir.

Oksasillin penisillin guruhiga mansub yarim sintetik antibiotikdir. Uning β-laktamazlarga chidamligi bilan bog‘liq asosiy xususiyati penisillinga chidamli bo‘lgan shtammlarga nisbatan faolligidir. Grammusbat mikroorganizmlarga (Staphylococcus spp., Streptococcus spp., shu jumladan Streptococcus pneumoniae, Bacillus anthracis, Corynebacterium diphtheriae, anaerob spora hosil qiluvchi tayoqchalar, shu jumladan Closridium), grammanfiy kokklarga (Neisseria gonorrhoeae, Neisseria meningitidis), Escherichia coli, Proteus mirabilis, Haemophilus influenzae, Clostridium pneumoniae, Actinomyces spp., Treponema spp., nisbatan bakterisid ta‘sirga ega. Preparat ta‘siriga Ps. aeroginosa, ko‘pchilik Proteus vulgaris, Pr. Rettgeri, Pr. Morgonii shtammlari chidamli.

Farmakokinetikasi

Ampisillin ichga qabul qilingandan keyin me‘da-ichak yo‘llaridan yaxshi so‘riladi, me‘daning kislotali muhitida o‘zgarmaydi. Ko‘pgina a‘zo va to‘qimalarda taqsimlanadi. Yo‘ldosh orqali o‘tadi, GEB orqali yomon o‘tadi. Miya qobiqlari yallig‘lanishida GEB o‘tkazuvchanlik ampisillin uchun keskin ortadi. 30% ampisillin jigarda parchalanadi. Siydik va safro bilan chiqariladi.

Oksasillin ichga qabul qilingandan keyin me‘da-ichak yo‘llarida so‘riladi. Me‘daning kislotali muhitida faolligini saqlab qoladi. Ovqat qabul qilish oksasillin so‘rilishini kamaytiradi. Qon plazmasi oqsillari bilan bog‘lanishi 93% ni tashkil qiladi. 20-30% atrofidagisi tez siydik orqali, hamda safro orqali chiqadi.

Qo‘llanilishi

Sezgir mikroflora chaqirgan bakterial infeksiyalar: sinusit, tonzillit, o‘rta otit, bronxit, pnevmoniya, xolangit, xolesistit, pielonefrit, pielit, sistit, uretrit, gonoreya, servisit, teri va yumshoq to‘qima infeksiyalari, saramas, impetigo, ikkilamchi infeksiyalangan dermatozlar, dizenteriya, salmonellez, salmonella tashuvchi, jarrohlik aralashuvlaridagi operasiyadan keyingi asoratlarni (shu jumladan immuntanqislik fonida) oldini olishda, chaqaloqlar infeksiyasida, og‘ir kechadigan infeksiyalarda (sepsis, endokardit, meningit, tug‘riqdan keyingi infeksiyalar) qo‘llaniladi.

Qo‘llash usuli va dozasi

Ichga, kapsulani butunligicha suv bilan ichiladi.

Kattalar va 14 yoshdan katta bolalar uchun bir martalik doza 0,5-1,0 g, sutkalik – 2-4 g,

3-7 yoshdagi bolalar uchun sutkasiga 100 mg/kg,

7-14 yoshdagilarga sutkasiga-50 mg/kg.

Davolash davomiyligi 5-7 kundan 2 haftagacha.

Sutkalik dozani 4-6 qabulga bo‘linadi.

Nojo‘ya ta‘sirlari

Allergik reaksiyalar: eshakem, terini qizarishi, Kvinke shishi, rinit, kon‘yunktivit, isitmalash, artralgiya, eozinofiliya, anafilaktik shok, superinfeksiya, disbakterioz, ta‘m bilishni pasayishi, qusish, ko‘ngil aynishi, diareya, psevdomembranoz enterokolit, leykopeniya, neytropeniya va anemiya kuzatilishi mumkin.

Qo‘llash mumkin bo‘lmagan holatlar

Preparat komponentlariga yuqori sezuvchanlikda, infeksion mononukleozda, limfoleykozda, 3 yoshgacha bo‘lgan bolalarda (kichkina bolalarda kapsula ko‘rinishidagi preparatni to‘g‘ri dozalash mumkin emasligi sababli) qo‘llanilmaydi.

Penisillinga o‘ta sezuvchan bo‘lgan onalardan tug‘ilgan bolalarga ehtiyotkorlik bilan buyuriladi.

 

Dorilarning o‘zaro ta‘siri

Antasidlar, glyukozamin, surgi vositalari, ovqat, aminoglikozidlar so‘rilishini sekinlashtiradi va kamaytiradi; askorbin kislotasi so‘rilishini oshiradi. Bakterisid antibiotiklar (shu jumladan aminoglikozidlar, sefalosporinlar, sikloserin, vankomisin, rifampisin) sinergik ta‘sir; bakteriostatik preparatlar (makrolidlar xloramfenikol, linkozamidlar, tetrasiklinlar, sulfanilamidlar) antagonistik ta‘sir ko‘rsatadi. Bilvosita antikoagulyantlar samarasini oshiradi (ichak mikroflorasini susaytirib, vitamin K sintezini va protrombin ko‘rsatkichini kamaytiradi); peroral kontraseptiv dori vositalari samarasini kamaytiradi, metabolizm jarayonida PABK hosil bo‘ladi. Etinilestradiol-qon ketishi rivojlanish havfini tug‘diradi. Diuretiklar, allopurinol, fenilbutazon, nosteroid yallig‘lanishga qarshi preparatlar probenesid-naychalar sekresiyasini kamaytirib, preparatni qon plazmasidagi konsentrasiyasini oshiradi, bu esa toksik ta‘sir rivojlanishi xavfini oshiradi. Allopurinol teri toshmasini rivojlanish xavfini oshiradi.

 

Maxsus ko‘rsatmalar

Kursiy davolashda qon yaratish a‘zolari, jigar va buyrak faoliyatini nazorat qilish zarur. Superinfeksiyani rivojlanishi (preparatga sezgir bo‘lmagan mikroflorani o‘sishi hisobiga) shunga muvofiq ravishda antibakterial davolashni o‘zgartirishni talab qiladi. Penisillinlarga yuqori sezuvchanligi bo‘lgan kasallarda, sefalosporin antibiotiklariga qarama -qarshi allergik reaksiyalar bo‘lishi mumkin. Homiladorlikda ko‘rsatmaga muvofiq qo‘llash mumkin. Ona suti bilan kichik konsentrasiyada ajraladi, shuning uchun emizikli davrida preparat qo‘llashda emizishni to‘xtatish masalasini hal qilish lozim. Buyrak yetishmovchiligi bo‘lgan kasallarda yuqori dozalarni qo‘llash, markaziy nerv tizimiga toksik ta‘sir ko‘rsatishi mumkin.

Preparatni bolalar ololmaydigan joyda saqlash va yaroqlilik muddati o‘tgach ishlatmaslik kerak.

 

Dozani oshirib yuborilishi

Dozani oshirib yuborish hollari kuzatilmagan. Anafilaktik shok belgilari paydo bo‘lganda kasalni ushbu holatdan chiqarishning tezkor choralarini ko‘rish kerak: adrenalinni (epinefrin) yuborish, glyukokortikosteroidlar (gidrokortizon yoki prednizolon) va antigistamin vositalarni yuborish, zarur bo‘lganida o‘pkani su‘niy ventilyasiya qilish kerak.

 

Chiqarilish shakli

10 dona. 250 mg kapsulalar kontur-uyali o‘ramda №10.

 

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Resept bo‘yicha.

Ulashish:

Ishlab chiqaruvchining dorilari
Narx: 37 800 so'mdan Batafsil
Narx: 2 100 so'mdan Batafsil
Narx: 4 950 so'mdan Batafsil
Narx: 6 000 so'mdan Batafsil
Narx: 5 000 so'mdan Batafsil
Narx: 3 500 so'mdan Batafsil
Narx: 2 185 so'mdan Batafsil
Narx: 3 400 so'mdan Batafsil
Narx: 17 000 so'mdan Batafsil
Narx: 13 000 so'mdan Batafsil
Narx: 3 000 so'mdan Batafsil
Narx: 3 800 so'mdan Batafsil
RIBOKSIN tabletkalari 200mg N10
Narx: 1 500 so'mdan Batafsil