BISILLIN 3 poroshok 1200000ed N50

Mushak ichiga yuborilgandan so'ng depodan benzilpenitsillin ajralib chiqishi bilan sekin so'riladi. Bir marta yuborilganda o'rtacha terapevtik kontsentratsiyada 6-7 sutka saqlanib turadi. Plazmada maksimal kontsentratsiyaga (TCmax) erishish uchun zarur bo'lgan vaqt - in'ektsiyadan so'ng 12--24 soat. 2,4 mln TB yuborilgandan so'ng 14-kuni qon zardobidagi kontsentratsiya 0,12 mkg/ml ni tashkil qiladi; 1,2 mln TB yuborilgandan so'ng 21-kuni - 0,06 mkg/ml (1 TB = 0,6 mkg). Suyuqliklarga o'tishi yuqori, to'qimalarga - past. Plazma oqsillari bilan bog'lanishi - 40-60%. Yo'ldosh to'sig'i orqali o'tadi, ona sutida aniqlanadi. Arzimas darajada metabolizmga uchraydi, asosan buyraklar orqali o'zgarmagan holda chiqariladi.

Allergik reaksiyalar: eshakemi, angionevrotik shish, ko'p shaklli ekssudativ eritema, kam hollarda anafilaktik shok.

Artralgiya, isitma, eksfoliativ dermatit; stomatit, glossit; anemiya, trombotsitopeniya, leykopeniya, gipokoagulyatsiya.

Uzoq muddatli terapiyada - chidamli mikroorganizmlar va zamburug'lar keltirib chiqargan superinfektsiya.

Har qanday allergik reaksiya paydo bo'lganda davolashni darhol to'xtatish talab etiladi.

Teri ostiga, vena ichiga, endolyumbal, shuningdek tana bo'shliqlariga yuborish mumkin emas.

Tasodifan tomir ichiga yuborilganda o'tkinchi tushkunlik hissi, xavotir va ko'rish buzilishi (uane sindromi) qayd etilishi mumkin. Tomir ichiga yuborishdan saqlanish uchun m/i in'eksiya o'tkazishdan oldin ignaning tomirga tushish ehtimolini aniqlash maqsadida aspiratsiya qilish tavsiya etiladi.

Tanosil kasalliklarini davolashda, agar zaxmga shubha bo'lsa, terapiyani boshlashdan oldin va keyin 4 oy davomida mikroskopik va serologik tekshiruvlar o'tkazish zarur.

Zamburug'li shikastlanishlar rivojlanishi mumkinligi munosabati bilan B guruhi vitaminlari va askorbin kislotasini, zarurat tug'ilganda esa - nistatin va levorinni, infeksiya generalizatsiyasi belgilarida - flukonazolni tayinlash maqsadga muvofiq.

Shuni hisobga olish kerakki, preparatni yetarli bo'lmagan dozalarda qo'llash yoki davolashni juda erta to'xtatish ko'pincha qo'zg'atuvchilarning rezistent shtammlari paydo bo'lishiga olib keladi.

Kamdan-kam hollarda anafilaktik shok rivojlanishi mumkin. Anafilaktik shokning birinchi belgilari paydo bo'lganda bemorni ushbu holatdan chiqarish uchun shoshilinch choralar ko'rilishi kerak: norepinefrin, glyukokortikosteroidlar yuborish, zarurat tug'ilganda o'pkaning sun'iy ventilyatsiyasini o'tkazadilar.

Penicillin guruhi preparatlari va boshqa beta-laktam antibiotiklarga, prokain (novokain)ga yuqori sezuvchanlik.

Ehtiyotkorlik bilan: homiladorlik, laktatsiya davri, buyrak yetishmovchiligi, allergik kasalliklar, shu jumladan bronxial astma, pollinoz (shu jumladan anamnezda), soxtamembranoz kolit.

Bakteritsid antibiotiklar (shu jumladan sefalosporinlar, vankomitsin, rifampitsin, aminoglikozidlar) sinergik ta'sir ko'rsatadi; bakteriostatiklar (shu jumladan makrolidlar, xloramfenikol, linkozamidlar, tetratsiklinlar) - antagonistik.

Peroral kontratseptivlar va etinilestradiol samaradorligini pasaytiradi - "yorib o'tuvchi" qon ketishlar rivojlanish xavfi.

Diuretiklar, allopurinol, fenilbutazon, nosteroid yallig'lanishga qarshi preparatlar naychalar sekretsiyasini kamaytirib, penitsillinlar konsentratsiyasini oshiradi. Allopurinol allergik reaksiyalar (teri toshmasi) rivojlanish xavfini oshiradi