DEKASAN eritma 400ml 0,2mg/ml

Dekasan® mikroblarga qarshi, zamburug‘larga qarshi ta’sir ko‘rsatadi va mikrob hujayrasining sitoplazmatik membranasida (SPM) to‘planadi va membrana lipidlarining fosfatid guruhlari bilan bog‘lanib, mikroorganizmlar SPM o‘tkazuvchanligini buzadi. Dekametoksin stafilokokklar, streptokokklar, difteriya va ko‘k yiringli tayoqchasi, kapsulali bakteriyalarga nisbatan yaqqol bakteritsid ta’sirga va achitqilar, achitqisimon zamburug‘lar, epidermofitiya, trixofitiya, mikrosporiya, eritrazma qo‘zg‘atuvchilari, mog‘or zamburug‘larining ba’zi turlari (aspergillar, penitsillinlar) ga nisbatan fungitsid ta’sirga, trixomonadalar, lyambliyalarga nisbatan protistotsid ta’sirga, viruslarga nisbatan virusotsid ta’sirga ega. Antibiotiklarga chidamli mikroorganizmlarga nisbatan yuqori faol. Uzoq muddat qo‘llanilganda dekametoksinga chidamli shakllar hosil bo‘lishi sekin sodir bo‘ladi va preparatning samarali konsentratsiyalaridan oshmaydi. Bakteriostatik (fungistatik) konsentratsiyalari uning bakteritsid (fungitsid), virusotsid, protistotsid konsentratsiyalariga o‘xshash. Preparat bilan davolash jarayonida antibiotikorezistent mikroorganizmlarning antibiotiklarga sezgirligi oshadi. Preparat shilliq qavatlar, shikastlanmagan teri va jarohat yuzasidan deyarli so‘rilmaydi.

Yakka hollarda individual yuqori sezuvchanlik bo'lishi mumkin. Bunday shaxslarda teri toshmasi, achishish, qurish, preparat qo'llanilgandan so'ng qichishish va boshqa mahalliy allergik reaksiyalar, endobronxial yuborilganda to'sh ortida issiqlik hissi paydo bo'lishi mumkin, bu muolaja tugagandan so'ng 20-30 daqiqa o'tgach mustaqil ravishda o'tib ketadi.

Dekasan® da qo'llaniladigan konsentratsiyadagi dekametoksin toksik ta'sirga ega emas.
Dekasan® uzoq muddat qo'llanilganda hech qanday toksik reaksiyalarni chaqirmaydi.
Qo'llashdan oldin preparatni 38°S gacha isitish ta'sir samaradorligini oshiradi.
Yallig'lanish holatlarida va teri ta'sirlanishlarida preparatni distillangan suv bilan 1:1 yoki 1:2 nisbatda suyultiradilar.
Transport vositalarini boshqarish yoki boshqa mexanizmlar bilan ishlashda reaksiya tezligiga ta'siri bo'yicha ogohlantirishlar yo'q.

Preparat tarkibiy qismlariga individual yuqori sezuvchanlik.

Farmatsevtik: dekametoksin kationli sirt faol modda bo‘lib, shuning uchun u sovun va boshqa anion birikmalar bilan mos kelmaydi.

Farmakodinamik: dekametoksin antibiotiklarga chidamli mikroorganizmlarning antibiotiklarga sezgirligini oshiradi.

Terining yiringli va zamburug'li kasalliklarida, yiringli yaralarda eritma yuvish, kompresslar ko'rinishida qo'llaniladi.
Proktit va yarali kolitni davolash uchun iliq eritma huqna ko'rinishida 50-100 ml dan sutkasiga 2 marta o'tkir yallig'lanish belgilari to'liq yo'qolguncha yuboriladi.
Surunkali paraproktitdagi oqmalar har kuni 3-4 kun davomida Dekasan® bilan yuviladi.
Kattalarda qovuqni yuvish uchun dekametoksin eritmasi tozalangan suv bilan 1:7 nisbatda suyultirilgandan so'ng 500-600 ml dozada qo'llaniladi (davolash kursi uchun 7-20 yuvish).
Og'iz bo'shlig'i shilliq qavatining zararlanishlari 10-15 daqiqa davomida 25-50 ml dan applikatsiya qilish yoki chayish (100-150 ml) yo'li bilan davolanadi.
Zo'rayish bosqichidagi I-II darajali parodontozning distrofik-yallig'lanish shakli yallig'lanish hodisalari pasayguncha milklarning patologik cho'ntaklarini iliq eritma bilan irrigatsiya qilish (50-70 ml) yoki milklarga applikatsiya qilish orqali davolanadi.
Og'iz bo'shlig'i shilliq qavatining kandidoz zararlanishi, yarali-nekrotik gingivit bo'lgan bemorlarga 5-10 kun davomida kuniga 4 marta og'iz bo'shlig'ini chayish (100-150 ml) buyuriladi.
Bodomchalar kandidozi, surunkali tonzillitni davolash tanglay bodomchalari lakunalarini yuvish (yuvish uchun 50-75 ml) orqali o'tkaziladi.
Stafilokokk, difteriya tayoqchasi tashuvchilarni sanatsiya qilish tomoqni eritma bilan chayish, lakunalarni yuvish, burun-halqum, bodomchalarni purkash orqali amalga oshiriladi. Lakunalar kun ora 3-5 marta yuviladi.
O'pka abstsessi, bronxoektatik kasallik, o'pkaning kistoz gipoplaziyasi yiringlash bilan asoratlangan hollarda, surunkali bronxitning zo'rayish fazasida Dekasan® endobronxial yuboriladi:
- mikrotraxeostoma orqali 25-50 ml dan kuniga 1-2 marta;
- transnazal kateter orqali 5-10 ml dan kuniga 1 marta;
- ultratovushli ingalyatsiya usuli bilan 5-10 ml dan kuniga 1-2 marta;
- traxeobronxial daraxtni 100 ml hajmda yuvish yordamida.
Davolash davomiyligi - 2-4 hafta.
Qin shilliq qavatining mikrobli va zamburug'li trixomonadali zararlanishlarini davolash uchun Dekasan® purkash ko'rinishida qo'llaniladi (50-100 ml 38 0C gacha isitilgan preparat kuniga 3 marta). Xuddi shu tarzda tug'ruq yo'llarining tug'ruqdan oldingi sanatsiyasi bir marta o'tkaziladi.
Tug'ruqdan keyingi endometritni davolash bachadon bo'shlig'ini iliq preparat bilan yuvish (150-200 ml) orqali kuniga 2 marta amalga oshiriladi.
Qo'l terisi va rezina qo'lqoplarni zararsizlantirish oldindan yuvilgan yuzaga 5-10 ml preparatni surtish, dezinfeksiya qilinishi kerak bo'lgan butun yuzaga 5 daqiqa davomida teng taqsimlash orqali amalga oshiriladi.
Tozalangan tibbiy asboblar, naychalar, trubkalar va uskunalar eritmaga 30 daqiqa davomida botirib qo'yish orqali dezinfeksiya qilinadi.