Mahsulotning ko'rinishi saytdagi rasmdan farq qilishi mumkin.

DIALIT infuziya uchun eritma 500ml

Retseptli preparat
Kategoriya: - Qon va qon aylanishi
Ishlab chiqarilish joyi: - O'zbekiston
Faol modda: Natriya asetat, Kaliya xlorid, kalsiya xlorid, Ksilitol, magniya xlorid, Natriya xlorid
Ishlab chiqaruvchi: - Jurabek Laboratories OT MChJ
ATX kodi: - B05XA31
Noaniqliq haqida habar berish
O'zbekiston Sog'liqni Saqlash Vazirligi tomonidan 13.12.2019 da DV/M 02897/12/19 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
фаол моддалар:

ксилитол                                                                                 50,0 г;

натрий хлориди                                                                        6,0 г;

калий хлориди                                                                          0,3 г;

кальций хлориди (сувсиз моддага қайта ҳисобланганда)         0,1 г;

магний хлориди (сувсиз моддага қайта ҳисобланганда)           0,1 г;

натрий ацетати (сувсиз моддага қайта ҳисобланганда)             2,6 г.

ёрдамчи модда:

инъекция учун сув                                                                  1000 мл гача.

Инфузия учун эритма 100 мл, 250 мл ва 500 мл дан (флаконларда).

Препаратнинг асосий таъсир этувчи моддалари ксилитол ва натрий ацетатидир.

Ксилитол беш атомли спирт бўлиб, вена ичига юборилганда умумий метаболизмга тез киришади, 80% жигарда ўзлаштирилади ва гликоген кўринишида тўпланади. Яққол антикетоген таъсир кўрсатади, метаболизми бўйича инсулинга қарам бўлмагам энергия манбаидир.

Ксилитол - бу одамда углеводлар алмашинувининг табиий оралиқ маҳсулотидир, шунинг учун кам токсикликка эга ва яхши ўзлаштирилади. Фруктозага нисбатан жигарда нуклеотидларни (АТФ, АДФ, АМФ) пасайишини чақирмайди, шунингдек фруктозани ўзлаштира олмайдиган ёки фруктоза-1,6-дифосфат ферментининг танқислиги бўлган беморларга юбориш учун хавфсиздир.

Натрий ацетати секин таъсир қилувчи ишқорлаштирувчи воситаларга киради. У препаратнинг метаболизми ҳисобига асосларнинг тўпланишини чақиради ва Н+ ортиқча тўпланиши секин кузатиладиган метаболик ацидознинг кўринишларида кўрсатилган (масалан, буйрак ва нафассиз ацидоз танқислигида). Натрий гидрокарбонати эритмасидан фарқли равишда натрий ацетати қўлланганида, метаболик ацидозни тўғирлаш секинроқ юз беради, шунинг учун рН нинг кескин тебранишларини чақирмайди.

Натрий ацетати 1,5-2 соат давомида натрий гидрокарбонатининг эквивалент микдорига тўлиқ метаболизмга учрайди, бош миянинг хужайрали интерстициал шиш кўринишларини ва тромбоцитларлар ва эритроцитларнинг агрегациясини ошишини чақирмайди. Ацетатнинг метаболизмида кислородга бўлган талаб, лактатнинг метаболизмига нисбатан ахамияти кам бўлиб, бу турли келиб чиқишга эга бўлган оғир шокни даволаш учун муҳим аҳамиятга эга.

Диалит кўп компонентли, полифункционал, гиперосмоляр эритмалар гуруҳига мансуб бўлиб, антикетоген, гемодинамик, дезинтоксикацион, реологик, энергетик, ишқорлаштирувчи ва осмодиуретик таъсирларга эга.

Аллергик реакциялар (қичишиш, эшакеми), кам холларда - тахикардия, тана ҳароратини кўтарилиши, юборилган жойда периферик веналарни таъсирланиши. Гипертоник реакция пайдо бўлиши мумкин (бундай ҳолларда артериал босимни назорати остида гипотензив воситалар юбориш керак); кўнгил айниши, этни увишиши. Электролитлар алмашинувини бузилишлари, лактоацидоз, гинергидратация, шишлар, гипероксалурия, гиперурикемия, жигар синамаларини ўзгариши (шу жумладан сут кислотали ацидоз).

Рецепт бўйича
Гемодинамик самарага эришиш учун Диалит катталарга минутига 40-60 томчи тезликда вена ичига томчилаб юборилади. Зарурати бўлганида препарат минутига 30 томчи тезликда томчилаб юбориш йули билан синама ўтказилганидан кейин, оқим билан юборишга йўл қўйилади. 15 томчи юборилганидан кейин препаратни юбориш тўхтатилади. 3 минутдан кейин реакциялар кузатилмаса, оқим билан юборилади. Препаратнинг антикетоген хусусиятлари юбориш тезлиги ксилитолни йуқотилиш тезлигига тенг бўлганида намоён бўлади.

Жигар касалликларида препарат жигар функциясининг кўрсаткичлари назорати остида қўлланади. Гарчи Диалит ўт ҳайдовчи самарага эга бўлса ҳам, уни ўт-тош касаллигида юбориш шифокорнинг синчков назорати остида амалга оширилиши керак. Қандли диабети бўлган беморларга Диалит препаратини юбориш қондаги қанднинг миқдорини назорати остида амалга оширилиши керак.

Организмнинг сувсизланиши билан кечувчи касалликларда эҳтиёткорлик билан буюриш керак, чунки Диалит гиперосмоляр эритма сифатида суюқликни тўқималардан қон ҳавзасига ўтиши ҳисобига сувсизланишни кучайтириши мумкин.

Ҳомиладорлик ёки эмизиш даврида қўлланиши.

Ҳомиладор ва эмизикли аёлларга Диалит ни қўллаш мумкинлиги хақида текширувлар ўтказилмаган, маълумотлар йуқ.

Автотранспортни бошқариш ёки бошқа механизмлар билан ишлашда реакция тезлигига таъсир қилиш қобиляти.

Препарат фақат шифохона шароитида қўлланилади.

Интоксиканияни камайтириш, микроциркуляцияни яхшилаш учун, қандли диабет ва бошқа глюкозани йўқолишининг бузилишларида углеводларга бўлган талабни қисман қоплаш учун, травматик, операцион, гемолитик ва куйиш шокларида (қон ва сийдикнинг осмолярлигини ҳисобга олиб), операциядан олдинги тайёргарлик ва операциядан кейинги даврда, ўткир қон йуқотилишида, шунингдек куйиш касаллигида, узоқ давом этадиган йирингли жараёнларда, турли инфекцион касалликлар ва сурункали токсик гепатитларда кўлланади.

Гиперосмоляр кома, анурия. Суюқликни қуйиш мумкин бўлмаган ҳолларда (шишлар, мияга қон қуйилиш, тромбоэмболия, юрак-қон томир декомпенсацияси, артериал гипертензия) Диалит ни юбориш мумкин эмас. Умумий сувсизланишда ва сув-электролит алмашинувини бузилишларида препаратни қўллаш тавсия қилинмайди.

Препаратни фосфат ва карбонат сақловчи эритмалар билан аралаштириш мумкин эмас. Диалит бошқа препаратлар учун эритувчи-ташувчи бўлмаслиги керак. Препаратларни қўшиш физик-кимёвий ўзгаришларга олиб келиши мумкин.

   

Ёруғликдан ҳимояланган жойда, 25°С дан юқори бўлмаган ҳароратда сақлансин.

Препарат болалар ололмайдиган жойда сақлансин

Яроқлилик муддати

2 йил. Ўрамда кўрсатилган яроқлилик муддати ўтгач  ишлатилмасин.

 

Катталарга вена ичига томчилаб, минутига 50-70 томчидан, яъни соатига 2,1-3,0 мл/кг ёки соатига 150-210 мл тезлик билан юборилади. Максимал доза: катталарга - суткада 2100 мл ёки суткада 1 кг тана вазнига 1,5 г ксилитол. Инфузиянинг максимал тезлиги - соатига 210 мл (минутига 70 томчи) = 1 соатда1 кг тана вазнига 0,15 г ксилитол;

-       сурункали ва токсик гепатитларда - катталарга 400 мг дан (5-6 мл/кг) томчилаб (жигар функциясининг кўрсаткичларини назорат қилиш керак) суткада бир марта ёки икки марта (суткалик доза иккига бўлиш мумкин).

-       Беморларни, шу жумладан қандли диабети бўлганларни парентерал овқатлантириш учун - катталарга 600-1000 мл дан (1 кг тана вазнига 10-15 мл), бир марта ва сутка давомида такроран (суткалик доза иккига бўлиш мумкин).

-       Травматик, куйиш, операциядан кейинги ва гемолитик шокда - капаларга - 600-1000 мл дан (1 кг тана вазнига 10-15 мл), бир марта ва сутка давомида такроран (суткалик доза иккига бўлиш мумкин).

-       Операциядан олдинги даврда ва турли жарроҳлик муолажалардан кейин катталарга 400-600 мл дозада (6-10 мл/кг), томчилаб, бир марта ёки такроран ҳар куни (суткалик доза иккига бўлиш мумкин) 3-5 кун давомида юборилади.

Болаларда қўлланиши

Болаларда қўллаш имкониятини ўрганишлар ўтқазилмаган, маълумотлар мавжуд эмас.

Препаратнинг дозаси ошириб юборилганида кўнгил айниши, ичакнинг дам бўлиши, ич кетиши, қоринда оғриқ сув-электролит мувозанатининг бузилиши кузатилади. (гипертоник реакция кўринишида; бундай холда артериал босимни назорати остида гипотензив воситалар юборилади)

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Ishlab chiqaruvchining dorilari
Narx: 37 800 so'mdan Batafsil
Narx: 2 100 so'mdan Batafsil
Narx: 4 950 so'mdan Batafsil
Narx: 5 496 so'mdan Batafsil
Narx: 5 000 so'mdan Batafsil
Narx: 3 500 so'mdan Batafsil
Narx: 2 180 so'mdan Batafsil
Narx: 3 400 so'mdan Batafsil
Narx: 17 000 so'mdan Batafsil
Narx: 13 000 so'mdan Batafsil
Narx: 3 000 so'mdan Batafsil
Narx: 3 800 so'mdan Batafsil
RIBOKSIN tabletkalari 200mg N10
Narx: 1 500 so'mdan Batafsil