GLYUKOFAJ LONG 0,75 tabletkalari N30

So‘rilishi

Glyukofaj® Long 1000 mg ta’siri uzaytirilgan tabletkalar dori shaklidagi preparatning 1 tabletkasi ichga bir marta qabul qilingandan so‘ng ovqatdan keyin qon plazmasida metforminning maksimal konsentratsiyasiga (1214 ng/ml) erishishning o‘rtacha vaqti (TCmax) 5 soatni (4-10 soat oralig‘ida) tashkil etadi.

Odatiy ajralib chiqadigan metforminning muvozanat holatiga o‘xshash muvozanat holatida maksimal konsentratsiya (Cmax) va "konsentratsiya-vaqt" egri chizig‘i ostidagi maydon (AUC) qabul qilinayotgan dozaga nomutanosib ravishda ortadi. Ta’siri uzaytirilgan tabletkalar shaklidagi metformin

2000 mg dozada ichga bir marta qabul qilingandan so‘ng AUC odatiy ajralib chiqadigan tabletkalar shaklidagi metformin 1000 mg dozada sutkada ikki marta qabul qilingandan so‘ng kuzatiladiganiga o‘xshash.

Ta’siri uzaytirilgan tabletkalar shaklidagi metformin qabul qilingandan so‘ng Cmax va AUC ning individual o‘zgaruvchanligi odatiy ajralib chiqadigan tabletkalar shaklidagi metformin qabul qilingandan so‘ng kuzatiladiganiga o‘xshash.

Ta’siri uzaytirilgan tabletkalar shaklidagi metformin 1000 mg dozada ovqatdan keyin qabul qilinganda AUC 77% ga ortadi (Cmax 26% ga ortadi va TCmax taxminan 1 soatga ortadi).

Ta’siri uzaytirilgan tabletkalardan metforminning so‘rilishi qabul qilinayotgan ovqat tarkibiga bog‘liq holda o‘zgarmaydi.

Ta’siri uzaytirilgan tabletkalar shaklidagi metformin 2000 mg gacha dozada ko‘p marta qabul qilinganda kumulyatsiya kuzatilmaydi.

Taqsimlanishi

Plazma oqsillari bilan aloqasi arzimas. Qondagi Cmax plazmadagi Cmax dan past va taxminan xuddi shunday vaqtda erishiladi. O‘rtacha taqsimlanish hajmi (Vd) 63-276 l oralig‘ida o‘zgarib turadi.

Metabolizm

Odamda metabolitlari aniqlanmagan.

Chiqarilishi

Metformin o‘zgarmagan holda buyraklar orqali chiqariladi. Metforminning buyrak klirensi >400 ml/daqiqani tashkil qiladi, bu metformin kalavachalar filtratsiyasi va kanalcha sekretsiyasi hisobiga chiqarilishini ko‘rsatadi. Peroral qabul qilingandan so‘ng yarim chiqarilish davri taxminan 6,5 soatni tashkil qiladi.

Buyrak funksiyasi buzilganda metformin klirensi kreatinin klirensiga mutanosib ravishda pasayadi, yarim chiqarilish davri uzayadi, bu plazmada metformin konsentratsiyasining oshishiga olib kelishi mumkin.

Preparatning nojo‘ya ta'sirlari tez-tezligi quyidagicha baholanadi:

Juda tez-tez: 1/10 dan ko‘p yoki teng

Tez-tez: 1/100 dan ko‘p yoki teng, < 1/10

Tez-tez emas: 1/1000 dan ko‘p yoki teng, < 1/100

Kam hollarda: 1/10 000 dan ko‘p yoki teng, < 1/1000

Juda kam hollarda: < 1/10 000

Moddalar almashinuvi va oziqlanish tomonidan buzilishlar:

Juda kam hollarda: laktat-atsidoz («Maxsus ko‘rsatmalar»ga qarang).

Metformin uzoq vaqt qabul qilinganda V12 vitamini so‘rilishining pasayishi kuzatilishi mumkin. Megaloblast anemiya aniqlanganda bunday etiologiya ehtimolini hisobga olish kerak.

Nerv tizimi tomonidan buzilishlar:

Tez-tez: ta'm bilishning buzilishi (og‘izda metall ta'mi).

Me'da-ichak yo‘llari tomonidan buzilishlar:

Juda tez-tez: ko‘ngil aynishi, qusish, diareya, qorinda og‘riq va ishtahaning yo‘qolishi.

Ular eng ko‘p davolashning boshlang‘ich davrida yuzaga keladi va ko‘pchilik hollarda o‘z-o‘zidan o‘tib ketadi. Simptomlarning oldini olish uchun metforminni ovqatlanish vaqtida yoki undan keyin qabul qilish tavsiya etiladi. Dozani sekin-asta oshirish me'da-ichakning o‘zlashtira olishini yaxshilashi mumkin.

Jigar va o‘t chiqarish yo‘llari tomonidan buzilishlar:

Juda kam hollarda: jigar funktsiyasi ko‘rsatkichlarining buzilishi va gepatit; metformin bekor qilingandan keyin ushbu noxush holatlar butunlay yo‘qoladi.

Teri va teri osti to‘qimalari tomonidan buzilishlar:

Juda kam hollarda: eritema (teri qizarishi), qichishish, eshakemi kabi teri reaksiyalari.

Agar yo‘riqnomada ko‘rsatilgan har qanday nojo‘ya ta'sirlar kuchaysa yoki yo‘riqnomada ko‘rsatilmagan boshqa nojo‘ya ta'sirlar sezilsa, bu haqda shifokorga xabar berish kerak.

Laktoatsidoz

Laktoatsidoz kam uchraydigan, ammo jiddiy asorat (kechiktirib bo'lmaydigan davolash bo'lmaganda o'lim xavfi yuqori) hisoblanadi, u metformin kumulyatsiyasi tufayli yuzaga kelishi mumkin. Metformin qabul qilishda laktoatsidoz holatlari asosan yaqqol buyrak yetishmovchiligi bo'lgan qandli diabeti bor bemorlarda yuzaga kelgan.

Boshqa bog'liq xavf omillarini ham hisobga olish kerak, masalan, dekompensatsiyalangan qandli diabet, ketoz, uzoq muddatli ochlik, alkogolizm, jigar yetishmovchiligi va yaqqol gipoksiya bilan bog'liq har qanday holat. Bu laktoatsidoz yuzaga kelishi chastotasini kamaytirishga yordam berishi mumkin.

Mushak tirishishlari kabi nospetsifik belgilar paydo bo'lganda, dispeptik buzilishlar, qorinda og'riq va yaqqol asteniya bilan kechganda laktoatsidoz rivojlanishi xavfini hisobga olish kerak.

Laktoatsidoz umumiy holsizlik bilan kechuvchi kuchli lohaslik, atsidotik hansirash, qusish, qorinda og'riq, mushak tirishishlari va gipotermiya, keyinchalik koma bilan xarakterlanadi. Diagnostik laboratoriya ko'rsatkichlari qon rN pasayishi (7,25 dan kam), qon plazmasida laktat konsentratsiyasi 5 mmol/l dan yuqori, anion oraliq va laktat/piruvat nisbatining oshishi hisoblanadi. Laktoatsidozga shubha qilinganda preparat qabul qilishni to'xtatish va darhol shifokorga murojaat qilish kerak.

Jarrohlik operatsiyalari

Metforminni qo'llash rejali jarrohlik operatsiyalari o'tkazilishidan 48 soat oldin to'xtatilishi va tekshiruv davomida buyrak funksiyasi normal deb topilgan taqdirda, operatsiyadan keyin 48 soat o'tgachgina davom ettirilishi mumkin.

Buyrak funksiyasi

Metformin buyraklar orqali chiqarilishi sababli, davolash boshlanishidan oldin va keyinchalik muntazam ravishda kreatinin klirensini aniqlash zarur: buyrak funksiyasi normal bo'lgan bemorlarda yiliga kamida bir marta, va keksa bemorlarda, shuningdek kreatinin klirensi normaning quyi chegarasida bo'lgan bemorlarda yiliga 2-4 marta.

Keksa bemorlarda buyrak funksiyalari buzilishi ehtimolida, antigipertenziv preparatlar, diuretiklar yoki nosteroid yallig'lanishga qarshi preparatlar bir vaqtda qo'llanilganda alohida ehtiyotkorlik namoyon qilish kerak.

Yurak yetishmovchiligi

Yurak yetishmovchiligi bo'lgan bemorlarda gipoksiya va buyrak yetishmovchiligi rivojlanishi xavfi yuqori. Surunkali yurak yetishmovchiligi bo'lgan bemorlarda metformin qabul qilish vaqtida yurak funksiyasi va buyrak funksiyasi monitoringini muntazam o'tkazish kerak. O'tkir yurak yetishmovchiligi va gemodinamika ko'rsatkichlari beqaror bo'lgan surunkali yurak yetishmovchiligida metformin qabul qilish mumkin emas.

Boshqa ehtiyotkorlik choralari

•Bemorlarga kun davomida uglevodlarni bir tekis iste'mol qilish bilan parhezga rioya qilishni davom ettirish tavsiya etiladi. Ortiqcha tana vazni bo'lgan bemorlarga gipokaloriyali parhezga (lekin kamida 1000 kkal/sut) rioya qilishni davom ettirish tavsiya etiladi. Shuningdek bemorlar muntazam ravishda jismoniy mashqlar bajarishlari kerak.

•Bemorlar shifokorga har qanday o'tkazilayotgan davolash va shamollash, nafas yo'llari infeksiyalari yoki siydik chiqarish yo'llari infeksiyalari kabi har qanday yuqumli kasalliklar haqida xabar berishlari kerak.

•Qandli diabetni nazorat qilish uchun standart laboratoriya tahlillarini muntazam o'tkazish tavsiya etiladi.

•Metformin monoterapiyada gipoglikemiyani chaqirmaydi, biroq uni insulin yoki boshqa peroral gipoglikemik vositalar (masalan, sulfonilmochevina hosilalari yoki repaglinid va boshq.) bilan kombinatsiyada qo'llashda ehtiyotkorlik namoyon qilish tavsiya etiladi. Gipoglikemiya simptomlari holsizlik, bosh og'rig'i, bosh aylanishi, ko'p terlash, yurak urishining tezlashishi, ko'rish buzilishi yoki diqqatni jamlashning buzilishi hisoblanadi.

•Bemorni Glukofaj® Long preparatining faol bo'lmagan komponentlari ichak orqali o'zgarmagan holda ajralishi mumkinligi, bu preparatning terapevtik faolligiga ta'sir qilmasligi haqida ogohlantirish zarur.

Transport vositalarini va mexanizmlarni boshqarish qobiliyatiga ta'siri

Glukofaj® Long preparati bilan monoterapiya gipoglikemiyani chaqirmaydi, shuning uchun transport vositalarini va mexanizmlarni boshqarish qobiliyatiga ta'sir qilmaydi.

Shunga qaramay, metformin boshqa gipoglikemik preparatlar (sulfonilmochevina hosilalari, insulin, repaglinid va boshq.) bilan birga qo'llanilganda gipoglikemiya rivojlanishi mumkin. Gipoglikemiya simptomlari paydo bo'lganda transport vositalari va mexanizmlarni boshqarish kerak emas.

•Metforminga yoki har qanday yordamchi moddaga yuqori sezuvchanlik.

•Diabetik ketoatsidoz, diabetik prekoma, koma.

•Buyrak yetishmovchiligi yoki buyrak funksiyasining buzilishi (kreatinin klirensi minutiga 45 ml dan kam).

•Buyrak funksiyasining buzilishi rivojlanish xavfi bilan kechuvchi o'tkir holatlar: degidratatsiya (surunkali yoki og'ir diareya, ko'p marta qusish xurujlarida), og'ir infeksion kasalliklar (masalan, nafas yo'llari infeksiyalari, siydik chiqarish yo'llari infeksiyalari), shok.

•To'qima gipoksiyasi rivojlanishiga olib kelishi mumkin bo'lgan o'tkir yoki surunkali kasalliklarning klinik jihatdan yaqqol namoyon bo'lishi (shu jumladan, o'tkir yurak yetishmovchiligi, gemodinamika ko'rsatkichlari beqaror bo'lgan surunkali yurak yetishmovchiligi, nafas yetishmovchiligi, o'tkir miokard infarkti).

•Insulinoterapiya ko'rsatilgan keng ko'lamli jarrohlik operatsiyalari va jarohatlar ("Maxsus ko'rsatmalar" bo'limiga qarang).

•Jigar yetishmovchiligi, jigar funksiyasining buzilishi.

•Surunkali alkogolizm, alkogoldan o'tkir zaharlanish.

•Homiladorlik.

•Laktoatsidoz (shu jumladan anamnezda).

•Yod saqlagan kontrast moddani yuborish bilan radioizotop yoki rentgenologik tekshiruvlarni o'tkazishdan 48 soat oldin va 48 soat o'tgach qo'llash (masalan, vena ichiga urografiya, angiografiya) ("Boshqa dori vositalari bilan o'zaro ta'siri" bo'limiga qarang);

•Gipokaloriyali dietaga rioya qilish (sutkada 1000 kkal dan kam).

•Qo'llash bo'yicha ma'lumotlar yo'qligi sababli 18 yoshgacha bo'lgan bolalar.

Ehtiyotkorlik bilan

Preparatni quyidagilarda qo'llash:

•60 yoshdan oshgan, og'ir jismoniy ish bajaradigan bemorlarda, bu ularda laktoatsidoz rivojlanish xavfining oshishi bilan bog'liq;

•buyrak yetishmovchiligi bo'lgan bemorlarda (kreatinin klirensi 45–59 ml/min);

•emizish davrida.

Homiladorlik va emizish davrida qo'llanilishi

Homiladorlik davrida dekompensatsiyalangan qandli diabet tug'ma nuqsonlar va perinatal o'lim xavfining oshishi bilan bog'liq.

Cheklangan miqdordagi ma'lumotlar shuni ko'rsatadiki, homilador ayollarda metforminni qabul qilish bolalarda tug'ma nuqsonlar rivojlanish xavfini oshirmaydi.

Homiladorlikni rejalashtirishda, shuningdek metforminni qabul qilish fonida homiladorlik yuzaga kelgan taqdirda, preparatni bekor qilish kerak va insulinoterapiya tayinlanishi kerak. Homila rivojlanishida nuqsonlar paydo bo'lish xavfini kamaytirish uchun qon plazmasidagi glyukoza miqdorini me'yorga eng yaqin darajada ushlab turish kerak.

Metformin ko'krak suti bilan ajralib chiqadi. Metforminni qabul qilish fonida emizishda yangi tug'ilgan chaqaloqlarda nojo'ya ta'sirlar kuzatilmagan. Biroq, cheklangan miqdordagi ma'lumotlar tufayli preparatni emizish davrida qo'llash tavsiya etilmaydi. Emizishni to'xtatish to'g'risidagi qaror emizishning foydasi va bolada nojo'ya ta'sirlar paydo bo'lishining potensial xavfini hisobga olgan holda qabul qilinishi kerak.

Qarshi ko'rsatilgan kombinatsiyalar

Yod saqlovchi rentgenokontrast vositalar: qandli diabet bilan og'rigan bemorlarda buyrak funktsional yetishmovchiligi fonida yod saqlovchi rentgenokontrast vositalarni qo'llash bilan o'tkaziladigan radiologik tekshiruv laktoatsidoz rivojlanishiga olib kelishi mumkin. Glyukofaj® Long preparati bilan davolashni buyrak funktsiyasiga qarab, yod saqlovchi rentgenokontrast vositalarni qo'llash bilan o'tkaziladigan rentgenologik tekshiruvdan 48 soat oldin yoki tekshiruv vaqtida to'xtatish va tekshiruv davomida buyrak funktsiyasi normal deb topilgan taqdirda, 48 soatdan keyin qayta tiklash kerak.

Tavsiya etilmaydigan kombinatsiyalar

Alkogol: o'tkir alkogolli intoksikatsiyada laktoatsidoz rivojlanish xavfi ortadi, ayniqsa quyidagi hollarda:

•yetarli ovqatlanmaslik, past kaloriyali dietaga rioya qilish;

•jigar yetishmovchiligi.

Preparatni qabul qilish vaqtida alkogol va etanol saqlovchi dori vositalarini qabul qilishdan saqlanish kerak.

Ehtiyotkorlikni talab qiluvchi kombinatsiyalar

Bevosita giperglikemik ta'sirga ega dori vositalari (masalan, tizimli va mahalliy ta'sirga ega glyukokortikosteroidlar (GKS) va tetrakosaktid, beta2-adrenomimetiklar, danazol, katta dozalarda (kuniga 100 mg) qabul qilinganda xlorpromazin va diuretiklar): qondagi glyukoza kontsentratsiyasini tez-tez nazorat qilish talab qilinishi mumkin, ayniqsa davolash boshida. Zarurat tug'ilganda Glyukofaj® Long preparatining dozasi davolash jarayonida va u to'xtatilgandan so'ng, glikemiya darajasidan kelib chiqib to'g'irlanishi mumkin.

Diuretiklar: "halqali" diuretiklarni bir vaqtda qabul qilish mumkin bo'lgan buyrak funktsional yetishmovchiligi tufayli laktoatsidoz rivojlanishiga olib kelishi mumkin.

Glyukofaj® Long preparati sulfonilmoчевина hosilalari, insulin, akarboza, salitsilatlar bilan bir vaqtda qo'llanilganda gipoglikemiya rivojlanishi mumkin.

Nifedipin metforminning so'rilishini va Cmax ni oshiradi.

Buyrak naychalarida sekretsiya qilinadigan kationli dori vositalari (amilorid, digoksin, morfin, prokainamid, xinidin, xinin, ranitidin, triamteren, trimetoprim va vankomitsin) naychali transport tizimlari uchun metformin bilan raqobatlashadi va uning Cmax oshishiga olib kelishi mumkin.

Kolesevelam metforminning uzaytirilgan ta'sirga ega tabletkalar shakli bilan bir vaqtda qo'llanilganda qon plazmasida metformin kontsentratsiyasini oshiradi (Cmax ning sezilarli oshishisiz AUC ortishi).