GLYUKOZA infuziya uchun eritma 10%

Preparat qimmatli oson o'zlashtiriladigan ozuqa moddasi manbai bo'lib, uning to'qimalarda metabolizmi natijasida organizm hayot faoliyati uchun zarur bo'lgan katta miqdordagi energiya ajralib chiqadi. Preparatning 5% eritmasi to'qimalar uchun izotonik hisoblanadi, u organizm tomonidan suyuqlik yo'qotilishini yaxshi to'ldiradi. Preparatning 10% eritmasi to'qimalar uchun gipertonik hisoblanadi. U tomir ichiga yuborilganda qonning osmotik bosimi oshadi, to'qimalardan suyuqlik oqimi va moddalar almashinuvi kuchayadi, yurak mushagining qisqarish faoliyati kuchayadi, tomirlar kengayadi, diurez ortadi.

Eritmani 36–38°C gacha isitish kerak. Preparatning 5% li eritmasi vena ichiga, tomchilab 300–1500 ml dan sutkada, maksimal 150 tomchi/daq tezlikda qo'llaniladi. Kattalar uchun maksimal sutkalik doza 2000 ml. Teri ostiga 300–500 va undan ortiq. Huqnalarda 300–500 dan 1000–2000 ml gacha sutkada tomchilab. Preparatning 10% li eritmasi vena ichiga – oqim bilan (sekin) 20-40-50 ml dan yuborishga qo'llaniladi. Zarurat bo'lganda vena ichiga – tomchilab, maksimal 60 tomchi/daq gacha, kattalar uchun maksimal sutkalik doza sutkada 500 ml.