Glyukoza

Glyukoza organizmda oksidlanish-qaytarilish jarayonlarini kuchaytiradi, jigarning antitoksik funktsiyasini yaxshilaydi, organizm energiya sarfining bir qismini qoplaydi, chunki u oson o'zlashtiriladigan uglevodlar manbai hisoblanadi. Glyukozaning 5% eritmasi izotonik hisoblanadi. Glyukoza to'qimalarda metabollanganda organizm hayot faoliyati uchun zarur bo'lgan katta miqdordagi energiya ajralib chiqadi. Eritma tomir tizimidan tez chiqariladi va tomirlarda aylanib yuruvchi suyuqlik hajmini faqat vaqtincha oshiradi, dezintoksikatsion ta'sir ko'rsatadi.

Glukozaning izotonik eritmasi (5%) teri ostiga 300-500 ml dan, venaga (tomchilab) maksimal 7,5 ml gacha (150 tomchi/daq (400 ml/soat) tezlikda, rektal huqnalarda 300-2000 ml eritma sutkada; Vena ichiga oqim bilan - 10-50 ml yuboriladi. Moddalar almashinuvi normal bo'lgan kattalarda yuboriladigan dekstrozaning sutkalik dozasi 4-6 g/kg/sut dan oshmasligi kerak, ya'ni taxminan 250-450 g/sut (moddalar almashinuvi intensivligi pasayganda sutkalik dozani 200-300 g gacha kamaytiradilar), bunda yuboriladigan suyuqlik hajmi - 30-40 ml/kg/sut. Bolalarga parenteral oziqlantirish uchun, yog'lar va aminokislotalar bilan bir qatorda, birinchi kuni 6 g dekstroza/kg/sut, keyinchalik - 15 g/kg/sut gacha yuboriladi. 5% li eritmani yuborishda dekstroza dozasini hisoblashda yuboriladigan suyuqlikning ruxsat etilgan hajmini hisobga olish kerak: vazni 2-10 kg bo'lgan bolalar uchun - 100-165 ml/kg/sut, vazni 10-40 kg bo'lgan bolalarga - 45-100 ml/kg/sut. Yuborish tezligi: moddalar almashinuvining normal holatida kattalarga yuborishning maksimal tezligi – 0,25-0.5 g /kg/soat (moddalar almashinuvi intensivligi pasayganda yuborish tezligini 0,125-0,25 g/kg/soat gacha kamaytiradilar). Bolalarga yuborish tezligi 0.5 g/kg/soat dan oshmasligi kerak; bu 5% li eritma uchun - taxminan 10 ml/daq - 200 tomchi/daq (20 tomchi = 1 ml). Organizmning keskin suvsizlanishi hollarida 3-5 l dekstrozaning izotonik eritmasini yuborish mumkin.