IXTIOL suppozitorii 200mg N10

Yallig‘lanishga qarshi vosita, mahalliy og‘riqni qoldiruvchi, antiseptik ta'sir ko‘rsatadi. Yallig‘lanishga qarshi ta'siri yallig‘lanish mediatorlarining ajralib chiqishini ingibitsiya qilishi bilan bog‘liq. Rektal yuborilganida Ixtiol preparati to‘g‘ri ichakning shilliq qavatiga qo‘zg‘atuvchi ta'sir ko‘rsatadi, buning oqibatida kichik chanoq a'zolarida reflektor qon aylanishi kuchayadi, moddalar almashinuvi yaxshilanadi, bu erkaklarda prostata bezida, ayollarda tuxumdonlarda, bachadon naylarida, bachadonda yallig‘lanishni bartaraf qilinishiga yordam beradi.

Yallig'lanishga qarshi faollikka ega sirtqi qo'llash uchun vosita. Shuningdek mahalliy ta'sirlovchi, anesteziya qiluvchi va keratoplastik ta'sir ko'rsatadi.

Anus sohasida achishish hissi, mahalliy allergik reaktsiyalar bo‘lishi mumkin. Agar sizda yo‘riqnomada ko‘rsatilgan nojo‘ya samaralar sodir bo‘lsa, yoki ular kuchaysa, yoki Siz yo‘riqnomada ko‘rsatilmagan boshqa nojo‘ya samarani payqasangiz, darhol bu haqida shifokorga xabar bering.

Qo'llanilayotgan dori shaklining qo'llashga ko'rsatmalarga muvofiqligiga rioya qilish kerak.

Salpingooforit, endometrit, prostatit-kompleks davolashning bir qismi sifatida qo‘llaniladi.

Preparatning komponentlariga o‘ta yuqori sezuvchanlik, bolalik yoshi (18 yoshgacha) qo‘llash mumkin emas.

Yodli tuzlar, alkaloidlar, og‘ir metallar tuzlari saqlovchi eritmalar bilan nomutanosib.

Rektal, 1 suppozitoriydan kuniga 1-2 marta, ichak tozalovchi ho‘qnadan yoki ichakning o‘z-o‘zidan bo‘shalganidan keyin qo‘llaniladi. Davolash kursining davomiyligi davolovchi shifokor tomonidan belgilanadi. Agar davolinishdan so‘ng yaxshilanish bo‘lmasa yoki alomatlar yomonlashib qolsa yoki yangi belgilar paydo bo‘lsa, shifakor bilan maslahatlashish kerak. Preparatni faqat yo‘riqnomada ko‘rsatilgan ko‘rsatmalarga, qo‘llash usuliga va ko‘rsatilgan dozalarga muvofiq qo‘llang.

Homiladorlik paytida va emizish davrida preparatni ehtiyotkorlik bilan qo‘llanadi. Shifakorga murojaat qilish kerak.