LAZOLVAN eritma dlya ingalyasiy 100ml 7,5mg/ml

1 ml eritma quyidagilarni saqlaydi:
faol modda: 7,5 mg ambroksol gidroxloridi;
yordamchi moddalar: limon kislotasi monogidrati (E330), dinatriy gidrofosfati digidrati (E339), natriy xloridi, benzalkoniy xloridi, tozalangan suv.

Klinik oldi tadqiqotlari LAZOLVANning faol ingrediyenti ambroksol nafas yo'llarining sekretsiyasini oshirishini ko'rsatdi. Ambroksol o'pka surfaktantini ishlab chiqarilishini kuchaytiradi va siliar faollikni rag'batlantiradi, bu shilliqni oqimi va tashilishini (mukotsial klirensi) yaxshilanishiga olib keladi. Mukotsiliar klirensni yaxshilanishi klinik-farmakologik tadqiqotlar bilan isbotlangan. Sekretni suyulishi va mukotsiliar klirensni yaxshilanishi balg'amni ko'chishiga olib keladi va yo'talni yengillashtiradi.
Quyon ko'zi modelida mahalliy og'riq qoldiruvchi ta'siri kuzatilgan, u natriy kanallarini bloklovchi xususiyatlari bilan tushuntiriladi. In vitro sharoitda o'tkazilgan tadqiqotlar ambroksol gidroxloridi neyronlardagi natriy kanallarini qaytuvchan va dozaga bog'liq ravishda bloklashini ko'rsatgan.
In vitro sharoitda ambroksol gidroxloridi qondan va to'qimadagi munonuklear va polimorfnonuklear xujayralardan sitokinlarni ajralib chiqishini ahamiyatli darajada kamaytirishini aniqlangan.

So'rilishi
Ambroksol gidroxloridining darhol ajralib chiqadigan barcha peroral shakllarini so'rilishi tez va terapevtik diapazonda proportsional ravishda bog'liqlik bilan yetarli darajada to'liq bo'ladi. Qon plazmasidagi maksimal kontsentratsiyasiga darhol ajralib chiqadigan dori shakli ichga qabul qilingandan 1-2,5 soatdan keyin va ta'siri uzaytirilgan dori shakli qabul qilingandan o'rtacha 5,5 soatdan keyin erishiladi. 30 mg tabletka qabul qilingandan keyin mutloq biokiraolishligi 79% ni tashkil qilgan. Ta'siri uzaytirilgan kapsulalarning nisbiy biokiraolishligi darhol ajralib chiqadigan tabletkalarning 60 mg sutkalik dozasiga (30 mg kuniga ikki marta) nisbatan 95% (me'yorlashtirilgan doza) tashkil qilgan.
Taqsimlanishi
Ambroksol gidroxloridini qondan to'qimalarga taqsimlanishi tez va samarali amalga oshadi, bunda ta'sir etuvchining eng yuqori kontsentratsiyasi o'pkada aniqlanadi. Ichga qabul qilingandan keyin taqsimlanish xajmi 552 l ni tashkil etadi. Terapevtik diapazonda plazmadagi oqsillar bilan bog'lanishi taxminan 90% ni tashkil etadi.
Metabolizmi va chiqarilishi
Ichga qabul qilingan dozaning taxminan 30% tizimoldi metabolizmi natijasida chiqariladi.
Ambroksol gidroxloridining metabolizmi glyukuronizatsiya va dibromantranil kislotasi (taxminan dozaning 10%) va bir necha ikkilamchi metabolitlarigacha parchalanish yo'li bilan asosan jigarda metabolizmga uchraydi. Odam jigari mikrosomalarida o'tkazilgan tadqiqotlar ambroksol gidroxloridini dibromantranil kislotasiga metabolizmi uchun CYP3A4 javob berishini ko'rsatgan.
3 kun davomida peroral qabul qilinganda dozaning taxminan 6% erkin shaklda, dozaning taxminan 26% esa kon'yugatlari ko'rinishida siydikda aniqlangan. Ambroksol gidroxloridini organizmdan yarim chiqarilishi davri 10 soatni tashkil qiladi. Umumiy klirensi minutiga 660 ml diapazonda bo'ladi, buyrak klirensi umumiy klirensning taxminan 83% ni tashkil qiladi.
Patsiyentlarning alohida guruhidagi farmakokinetikasi
Jigar faoliyatini buzilishi bo'lgan patsiyentlarda ambroksol gidroxloridini chiqarilishi kamayadi, bu qon plazmasida uning darajasini 1,3-2 marta oshishiga olib keladi.
Boshqalar
Ambroksolning farmakokinetikasi patsiyentning yoshi va jinsiga klinik jahatdan bog'liq emas va shuning uchun dozalashni o'zgartirish talab etilmaydi.
Ovqat ambroksol gidroxloridining biokiraolishligiga ta'sir ko'rsatmaydi.

Ingalyatsiya uchun eritma 7,5 mg/ml. 100 ml dan birinchi ochish nazoratli polipropilen buraladigan qopqoqcha va polietilen tomchilagichli to'q rangli shisha flakonda. Flakon qo'llash bo'yicha yo'riqnomasi va o'lchov qoshiqchasi bilan karton qutiga joylanadi.

Nojo'ya samaralar quyida tizim-a'zolar sinfi va tez-tezlik bo'yicha quyidagi toifalar bo'yicha sanab o'tilgan:
Juda tez-tez: ≥1/10.
Tez-tez: ≥1/100 dan <1/10 gacha.
Juda tez-tez: ≥1/1000 dan <1/100 gacha.
Kam hollarda: ≥1/10000 dan <1/1000 gacha.
Juda kam hollarda: <1/10000.
Noma'lum: mavjud bo'lgan ma'lumotlar asosida tez-tezligini aniqlash mumkin emas.
Immun tizimi tomonidan: noma'lum: anafilaktik reaktsiyalar (shu jumladan, anafilaktik shok), angionevrotik shish va o'ta yuqori sezuvchanlikning boshqa reaktsiyalari.
Teri va teri osti to'qimalari tomonidan: kam hollarda: toshma va eshakemi, noma'lum: qichishish.
Nerv tizimi tomonidan: tez-tez: disgevziya.
Me'da-ichak yo'llari tomonidan: tez-tez: ko'ngil aynishi, og'iz bo'shlig'ida sezuvchanlikni pasayishi, tez-tez emas: qusish, diareya, dispepsiya, qorinda og'riq, og'izni qurishi, kam hollarda: tomoqni qurishi. Shuningdek jig'ildon qaynashi haqida ham xabar berilgan.
Nafas tizimi, ko'krak qafasi va ko'ks oralig'i a'zolari tomonidan: tez-tez: tomoqda sezuvchanlikni pasayishi.

Me'da va o'n ikki barmoq ichak yara kasalligi bo'lgan patsiyentlar ambroksol gidroxloridini ehtiyotkorlik bilan qabul qilishlari kerak.
Vaqt bo'yicha balg'am ko'chiruvchi vositalar, shu jumladan ambroksol gidroxloridini buyurishga mos kelgan Stivens-Djonson sindromi va toksik epidermal nekroliz kabi terini og'ir darajadagi shikastlanishi haqida ma'lum. Bu holatlarning ko'pchiligi asosiy kasallikning og'irligi yoki boshqa dori vositalarini bir vaqtda qabul qilish bilan bog'lash mumkin. Bundan tashqari, Stivens-Djonson sindromi yoki toksik epidermal nekrolizning erta bosqichida patsiyentlarda nospetsifik grippsimon simptomlar: tana haroratini oshishi, qaltirash, rinit, yo'tal va tomoqda og'riq paydo bo'lishi mumkin. Ushbu simptomlar yanglishtirishi mumkin, shuning uchun yuqori nafas yo'llarining virusli infektsiyalarida qo'llanadigan dori vositalari bilan simptomatik davolash mumkin. Teri yoki shilliq qavatlarni yangi shikastlanishlari paydo bo'lganida darhol shifokorga murojaat etish kerak, ehtiyotkorlik chorasi sifatida ambroksol gidroxloridini qo'llashni esa to'xtatish kerak.
Buyrak faoliyatini buzilishlarida LAZOLVAN faqat shifokor bilan maslahatlashgandan keyingina qo'llanishi mumkin.
LAZOLVAN benzalkoniy xloridi konservanti saqlaydi. Ingalyatsiyada u nafas yo'llarining giperreaktivligi bilan sezgir patsiyentlarda bronxospazm chaqirishi mumkin.

O'tkir va surunkali bronx-o'pka kasalliklarida balg'am ajralib chiqishi buzilishlarini davolashda qo'llanadi.

Faol moddaga yoki dori vositasining boshqa komponentlariga yuqori sezuvchanlik.
Jigar va buyrak faoliyatini og'ir darajada buzilishi.
Preparatning biron-bir komponentiga kam uchraydigan nasliy o'zlashtiraolmaslik bo'lgan hollarda dori vositasini qo'llash mumkin emas.

Ambroksol qo'llanilgandan keyin antibiotiklarning (amoksitsillin, sefuroksim va eritromitsin) bronxial sekretdagi va so'lakdagi kontsentratsiyasi oshadi.
Boshqa dori vositalari bilan o'zaro ta'siri haqida xabar berilmagan.

Agar shifokor tomonidan o'zgacha buyurilmagan bo'lsa, quyidagi dozalar tavsiya etiladi:
5 yoshgacha bo'lgan bolalar: 1-2 ml eritma kuniga 1-2 marta buyuriladi.
Kattalar va 5 yoshdan oshgan bolalar: 2-3 ml eritma kuniga 1-2 marta buyuriladi.
LAZOLVAN ingalyatsiya uchun eritmani ingalyatsiya uchun turli moslamalarda qo'llash mumkin. Ingalyatordan chiqayotgan havoni maksimal darajada namligini oshirish uchun uni 1:1 nisbatda fiziologik tuzli eritmalar bilan aralashtirish mumkin.
LAZOLVAN ingalyatsiya uchun eritmani kromoglitsiyen kislotasi bilan aralashtirish mumkin emas. Agar arashtirish natijasida rN 6,3 dan yuqori arashma hosil bo'lsa, LAZOLVAN ingalyatsiya uchun eritmani boshqa eritmalar, masalan ingalyatsiya uchun ishqoriy eritmalar bilan aralashtirish mumkin emas.
rN ning yuqori qiymati ambroksol gidroxloridini erkin asosini cho'kmaga tushishiga yoki eritmani xiralashishiga olib kelishi mumkin.
Ingalyatsiyaning o'zi yo'talni chaqirishi mumkin, shuning uchun ingalyatsiya vaqtida odatdagi tartibda nafas olish kerak.
Ingalyatsiyadan oldin eritmani tana haroratigacha isitish kerak. Bronxial astmasi patsiyentlarga ingalyatsiyani bronxolitik preparatlarni qabul qilgandan keyin o'tkazish kerak.
Agar nafas yo'llarining o'tkir kasalliklarini davolaganda simptomlar yaxshilanmasa yoki yomonlashsa, shifokorga murojaat etish kerak.

Odamda dozani oshirib yuborilishi holatlari noma'lum. Dozani to'satdan oshirib yuborilganda va/yoki shifokor hatolarida dozani oshirib yuborilishi simptomlari LAZOLVANni tavsiya etilgan dozalarda qabul qilinganda kuzatiladigan ma'lum nojo'ya ta'sirlariga mos keladi. Bunday hollarda simptomatik davolash talab etilishi mumkin.

Ambroksol yo'ldosh to'sig'i orqali o'tadi. Hayvonlarda o'tkazilgan tadqiqotlarda homiladorlik, embrional, prenatal, postnatal rivojlanish va tug'ruqqa bevosita yoki bilvosita noxush ta'sirini aniqlamagan.
Homiladorlikning I uch oyligida LAZOLVANni qo'llash mumkin emas, II va III uch oylikda – ehtiyotkorlik bilan qo'llanadi.
Homiladorlikning III uch oylikda o'tkazilgan har tomonlama tadqiqotlarda homilaga salbiy ta'siri aniqlanmagan.
Ambroksol ko'krak suti bilan ajraladi. Garchi yangi tug'ilgan chaqaloqlarda noxush samaralarining ehtimoli kam bo'lsada, LAZOLVANni emizikli onalarda qo'llash tavsiya etilmaydi.