LIPOEVAYA KISLOTA tabletkalari 25mg N50

QO‘LLASH BO‘YICHA YO‘RIQNOMA

LIPOEVAYA KISLOTA

ACIDUM LIPOICUM

Preparatning savdo nomi: Lipoevaya kislota

Ta‘sir etuvchi modda (XPN): tioktat kislotasi

Dori shakli: qobiq bilan qoplangan tabletkalar.

Tarkibi:

Bir tabletka quyidagilarni saqlaydi:

Faol modda: lipoat kislotasi (tioktat kislotasi) – 12 mg yoki 25 mg,

Tabletka yadrosining yordamchi moddalari: qand (saxaroza) – 52,917 mg yoki 105,22 mg, glyukoza (dekstroza) – 21,3 mg yoki 41,7 mg, kartoshka kraxmali – 10,1 mg yoki 20,7 mg, kalsiy stearati 1-suvli (kalsiy stearati monogidrati) – 0,5 mg yoki 1,0 mg, stearin  kislotasi – 0,5 mg yoki 1,0 mg, talk (magniy gidrosilikati) – 2,5 mg yoki 5,0 mg.

Qobiqning yordamchi moddalari: aerosil (kolloid kremniy dioksidi) – 0,77 mg yoki 1,08 mg, asalari mumi – 0,021 mg yoki 0,03 mg, titan dioksidi – 1,689 mg yoki 2,35 mg, magniy karbonati asosi (magniy gidroksikarbonati) – 13,976 mg yoki 18,0 mg, vazelin moyi –
0,014 mg yoki 0,02 mg, quyimolekulyar tibbiy polivinilpirrolidon (povidon) – 0,665 mg yoki 0,93 mg, qand (saxaroza) – 57,6 mg yoki 77,24 mg, talk (magniy gidrosilikati) –
0,085 mg yoki 0,12 mg, xinolin sarig‘i bo‘yovchisi Ye-104 – 0,18 mg yoki 0,23 mg.

Ta‘rifi: sariq yoki ko‘kimtir-sariq rangli qobiq bilan qoplangan tabletkalar. Ko‘ndalang kesimida ikki qavat ko‘rinadi.

Farmakoterapevtik guruhi: metabolik jarayonlarni muvofiqlashtirish uchun vosita.

ATX kodi: A05BA.

Farmakologik ta‘siri

Lipoat kislotasi piruvat kislotasi va alfa-ketokislotalarning oksidlanuvchi dekarboksillanishida ishtirok etuvchi koferment hisoblanadi, organizmning energetik balansida muhim rol o‘ynaydi. Bioximik ta‘sirining xarakteri bo‘yicha tioktat kislotasi V guruhi vitaminlari bilan o‘xshash. Lipidlar va uglevodlar almashinuvini boshqarilishida ishtirok etadi, lipotrop ta‘sir ko‘rsatadi, xolesterinning almashinuviga ta‘sir qiladi, jigar faoliyatini yaxshilaydi, og‘ir metall tuzlari va boshqa intoksikasiyalarda dezintoksikasion ta‘sir ko‘rsatadi.

Qo‘llanilishi

Jigarning yog‘li distrofiyasi, jigar sirrozi, surunkali gepatit, A gepatiti, intoksikasiyalar (shu jumladan og‘ir metall tuzlari, zaharli qo‘ziqorin bilan), giperlipidemiyada qo‘llanadi.

Qo‘llash usuli va dozalari

Ichga, ovqatdan keyin qabul qilinadi. Kattalar – 50 mg dan sutkada 3-4 marta buyuriladi.

6 yoshdan oshgan bolalar – 12-24 mg dan sutkada 2-3 marta buyuriladi.

Davolash davomiyligi – 20-30 kunni tashkil qiladi. Zarurati bo‘lganida shifokorning buyurishi bo‘yicha 1 oydan keyin takroriy davolash kursi o‘tkaziladi.

Nojo‘ya ta‘sirlari

Dispepsiya (shu jumladan ko‘ngil aynishi, jig‘ildon qaynashi, qusish, diareya, abdominal og‘riqlar), allergik reaksiyalar (shu jumladan eshakemi, teri toshmasi, qichishish va hatto anafilaktik shokkacha bo‘lgan tizimli allergik reaksiyalar), gipoglikemiya.

Qo‘llash mumkin bo‘lmagan holatlar

O‘ta yuqori sezuvchanlik, laktasiya davri, bolalarda (6 yoshgacha) qo‘llash mumkin emas.

Ehtiyotkorlik bilan – homiladorlik.

Dorilarning o‘zaro ta‘siri

Glyukokortikosteroidlarning yallig‘lanishga qarshi ta‘sirini kuchaytiradi, Sisplatinning samaradorligini pasaytiradi. Insulin va peroral gipoglikemik vositalarning ta‘sirini kuchaytiradi. Metallarni bog‘laydi, shuning uchun metall ionlarini saqlovchi preparatlar (temir, magniy, kalsiy) bilan bir vaqtda qabul qilish mumkin emas; qabul qilish orasidagi interval 2 soatdan kam bo‘lmasligi kerak.

Etanol va uning metabolitlari lipoy kislotasining ta‘sirini susaytiradi.

Maxsus ko‘rsatmalar

Qandli diabeti bo‘lgan bemorlarda davolash davrida (ayniqsa davolashni boshida) glyukozaning konsentrasiyasini muntazam nazorat qilish kerak; alkogol iste‘mol qilishdan saqlanish kerak.

Chiqarilish shakli

Qobiq bilan qoplangan tabletkalar 12 mg va 25 mg.

10 tabletkadan kontur uyali o‘ramda.

50, 100 tabletkadan shisha bankalarda yoki polimer material bankalarda.

Har bir banka yoki 5 kontur uyali o‘ram qo‘llash bo‘yicha yo‘riqnomasi bilan birga qutiga joylanadi.

Saqlash sharoiti

Quruq, yorug‘likdan himoyalangan joyda, 25^oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Resept bo‘yicha.