MIREL tabletkalari 80mg N30

QO‘LLASH BO‘YICHA YO‘RIQNOMA

MIREL^®

MIREL^®

Preparatning savdo nomi: Mirel^®

Ta‘sir etuvchi modda (XPN): telmisartan

Dori shakli: 40 mg va 80 mg dan tabletkalar

Tarkibi:

bir tabletka quyidagilarni saqlaydi:

faol modda: telmisartan – 40 mg va 80 mg;

yordamchi moddalar: mikrokristall sellyuloza, natriy bikarbonati, meglyumin, laktoza, o‘ta jelatinlangan kraxmal, talk, natriy stearil fumarati, povidon K-30, aerosil, kross povidon, natriy lauril sulfati.

Ta‘rifi: oq, dumaloq shakilli, yuzasi silliq, chetlari kesilgan tabletkalar.

Farmakoterapevtik guruhi: Antiotenzin II reseptorlarining antagonisti.

ATX kodi: S09SA07

Farmakologik xususiyatlari

Farmakodinamikasi

Telmisartan – angiotenzin II reseptorlarining (AT₁ tip) spesifik antagonisti, ichga qabul qilinganda samarali. Angiotenzin II ning ta‘siri namoyon bo‘ladigan angiotenzin II reseptorlarining AT₁ tipiga yuqori yaqinlikka ega. Angiotenzin II ni reseptor bilan bog‘idan siqib chiqaradi, bunda bu reseptorga nisbatan agonistik ta‘sirga ega emas. Telmisartan faqat angiotenzin II ning AT₁-reseptorlari bilan bog‘lanadi. Bog‘ uzoq muddatli xarakterga ega. Bosh reseptorlarga, shu jumladan AT₂ va angiotenzin II ning kamroq o‘rganilgan boshqa reseptorlariga nisbatan affinlikka ega emas. Bu reseptorlarning funksional ahamiyati aniqlanmagan. Ularni telmisartan ta‘siri osida konsentrasiyasi oshadigan angiotenzin II tomonidan ortiqcha rag‘batlantirilishining oqibatilari ham noma‘lum. Qon plazmasida aldosteronning konsentrasiyasini kamaytiradi, qon plazmasida reninni ingibisiya qilmaydi va ion kanallarini bloklamaydi. Qon tomirlarni kengaytiruvchi va antigipertenziv ta‘sir ko‘rsatadi. Bradikininni parchalovchi angiotenzinga aylantiruvchi ferment (kinaza II) ingibisiya qilmaydi. Shuning uchun bradikinin tomonidan chaqiriladigan nojo‘ya samaralar kutilmaydi. Telmisartan 80 mg dozada angiotenzin II ning gipertenziv ta‘sirini to‘liq bloklaydi. Telmisartanning birinchi dozasi qabul qilingandan keyin uning antigipertenziv samarasi 3 soat davomida sekin rivojlanadi. Ta‘siri 24 soat davomida saqlanadi va 48 soatgacha sezilarli bo‘lib qoladi. Arterial bosimni maksimal pasayishi odatda muntazam qabul qilganda 4-8 xaftadan keyin erishiladi.

Arterial gipertenziyasi bo‘lgan pasientlarda telmisartan yurak qisqarishlari tez-tezligiga (YUQT) ta‘sir qilmasdan ham sistolik, ham diastolik arterial bosimni pasaytiradi.

Telmisartanni to‘satdan bekor qilgan hollarda arterial bosim “bekor qilish” sindromi rivojlanmasdan asta-sekin dastlabki darajaga qaytadi.

Farmakokinetikasi

So‘rilishi

Ichga qabul qilinganida me‘da-ichak yo‘llaridan (MIY) tez so‘riladi.

Telmisartanning biokiraolishligi 50% ni tashkil qiladi. Ovqat bilan bir vaqtda qabul qilinganida telmisartanning qon plazmasidagi “konsentrasiya/vaqt” egri chizig‘i ostidagi maydoni (AUC) 6% dan (40 mg dozada) 19% gacha (160 mg dozada) o‘zgaradi. Telmisartan ichga qabul qilingandan 3 soatdan keyin qon plazmasidagi konsentrasiyasi ovqat qabul qilishdan qat‘iy nazar to‘g‘rilanadi. Erkaklar va ayollarda zardobdagi konsentrasiyalari orasida farq aniqlanadi. Qon plazmasidagi maksimal konsentrasiyasi (S_max) va (AUC) samaradorlikka sezilarli ta‘sir ko‘rsatmasdan erkaklarga nisbatan ayollarda muvofiq ravishda taxminan 3 va 2 marta yuqori bo‘lgan.

Taqsimlanishi

Qon plazmasi oqsillari, asosan albumin va alfa-1 glikoprotein bilan bog‘lanishi 99,5% ni tashkil qiladi. muvozanat konsentrasiyasida taxminiy taqsimlanish xajmining o‘rtacha ko‘rsatkichi – 500 l ni tashkil qiladi.

Metabolizmi

Glyukuron kislotasi bilan kon‘yugasiya yo‘li bilan metabolizmga uchraydi. Metabolitlari farmakologik faol emas.

Chiqarilishi

Yarim chiqarilish davri (T_1/2) 20 soatdan ortiq.

Telmisartan ichga qabul qilingandan keyin o‘zgarmagan ko‘rinishda ichak orqali chiqariladi; buyraklar orqali chiqarilishi – 2% dan kamroq.

Umumiy plazmadagi klirensi (Cl_tot) “jigar” qon oqimiga nisbatan yuqori.

Alohida guruh pasientlaridagi farmakokinetikasi

Gender samaralar

Erkaklar va ayollarda qon plazmasidagi konsentrasiyasida farqlar aniqlangan: erkaklarga nisbatan ayollarda qon plazmasidagi S_max va AUC muvofiq ravishda 3 va 2 marta yuqori (samaradorlikka sezilarli ta‘sir ko‘rsatmasdan).

Keksa yoshdagi pasientlar

Keksa yoshdagi pasientlarda telmisartanning farmakokinetikasi yosh pasientlardagi farmakokinetikasidan farq qilmaydi. Dozaga tuzatish kiritish talab etilmaydi.

Buyrak yetishmovchiligi bo‘lgan pasietlar

Buyrak faoliyatini o‘rtacha yoki og‘ir darajada buzilishi bo‘lgan pasientlarda qon plazmasida telmisartanning konsentrasiyasini 2 marta oshishi kuzatiladi. Lekin dializdagi buyrak faoliyatini buzilishi bo‘lgan pasientlarda qon plazmasida telmisartanning pastroq konsentrasiyalari kuzatilgan. Qon plazmasi oqsillari bilan bog‘lanishi yuqori, shuning uchun telmisartan gemodializ yo‘li bilan chiqarilmaydi. Buyrak yetishmovchiligi bo‘lgan pasientlarda T_1/2 o‘zgarmaydi.

Jigar yetishmovchiligi bo‘lgan pasientlar

Jigar faoliyatini yengil va o‘rtacha buzilishlari (Chayld-Pyu shkalasi bo‘yicha A va V sinf) bo‘lgan pasientlarda telmisartanning sutkalik dozasi 40 mg dan oshmasligi kerak.

Qo‘llanilishi

• Arterial gipertenziya.
• Yurak-qon tomir kasalliklari yuqori xavfi bo‘lgan 55 yosh va undan katta pasientlarda yurak-qon tomir kasalliklari bilan kasallanish va o‘limni kamaytirishda qo‘llanadi.

Qo‘llash usuli va dozalari

Ovqatlanishdan qat‘iy nazar, sutkada 1 marta ichga qabul qilinadi.

Arterial gipertenziya

Tavsiya etiladigan boshlang‘ich doza – 40 mg sutkada 1 marta.

Zarurati bo‘lganida (terapevtik samara yo‘qligida) doza maksimal sutkalik dozagacha –    80 mg sutkada 1 martagacha oshirilishi mumkin.

Maksimal antigipertenziv samaraga telmisartan bilan davolash boshlanganidan             4-8 xaftadan keyin erishiladi.

Additiv antigipertenziv ta‘sir ko‘rsatuvchi gidroxlortiazid bilan majmuada qo‘llash mumkin.

Yurak-qon tomir kasalliklari yuqori xavfi bo‘lgan 55 yosh va undan katta pasientlarda yurak-qon tomir kasalliklari bilan kasallanish va o‘limni kamaytirish

Tavsiya etiladigan doza – 80 mg sutkada 1 marta.

Yurak-qon tomir kasalliklari profilaktikasida telmisartanning pastroq (sutkada 80 mg dan kamroq) dozalarining samaradorligi aniqlanmagan.

Pasientlarda yurak-qon tomir kasalliklari bilan kasallanishni kamaytirish maqsadida Mirel^® preparati bilan davolashni boshlashdan oldin arterial bosimni nazorat qilish tavsiya etiladi. Zarurati bo‘lganida antigipertenziv davolashni muvofiqlashtirish o‘tkaziladi.

Buyrak faoliyatini buzilishi (shu jumladan, gemodializda bo‘lgan pasientlarda): og‘ir buyrak yetishmovchiligi bo‘lgan yoki gemodializ bilan davolanishda bo‘lgan pasientlarda preparatni qo‘llash tajribasi cheklangan. Bunday pasientlarga davolashni pastroq sutka 20 mg dozadan boshlash tavsiya etiladi. Buyrak faoliyatini yengil va o‘rtacha buzilishi bo‘lgan pasientlarda dozaga tuzatish kiritish talab etilmaydi.

Jigar faoliyatini buzilishi: jigar faoliyatini yengil yoki o‘rtacha darajada buzilishi (Chayld-Pyu shkalasi bo‘yicha A va V sinf) bo‘lgan pasientlarga tavsiya etiladigan doza – 40 mg sutkada 1 martani tashkil qiladi.

Keksa yoshdagi pasientlar: dozaga tuzatish kiritish talab etilmaydi.

Nojo‘ya ta‘sirlari

Kuzatilgan nojo‘ya samaralari doza, pasientlarning jinsi, yoshi yoki irqiy mansubligi bilan korrelyasiya qilmagan. Yurak-qon tomir kasalliklarini profilaktikasi uchun preparatni qo‘llayotgan pasientlarda telmisartanning xavfsizligi arterial gipertenziyasi bo‘lgan pasientlarnikiga o‘xshash bo‘lgan.

Infeksion va parazitar kasalliklar: tez-tez emas: siydik chiqarish yo‘llari infeksiyalari, shu jumladan sistit, yuqori nafas yo‘llari infeksiyalari, shu jumladan faringit va sinusit; kam xollarda: sepsis, shu jumladan o‘lim bilan yakunlanuvchi¹.

Qon va limfatik tizim tomonidan buzilishlar: tez-tez emas: anemiya; kam xollarda: eozinofiliya, trombositopeniya.

Immun tizimi tomonidan buzilishlar: kam xollarda: anafilaktik reaksiya, o‘ta yuqori sezuvchanlik.

Moddalar almashinuvi va oziqlanishni buzilishlari: tez-tez emas: giperkaliemiya; kam xollarda: gipoglikemiya (qandli diabeti bo‘lgan pasientlarda).

Ruhiy buzilishlar: tez-tez emas: uyqusizlik, depressiya; kam xollarda: xavotirlik.

Nerv tizimi tomonidan buzilishlar: tez-tez emas: hushdan ketish; kam xollarda: uyquchanlik.

Ko‘rish a‘zosi tomonidan buzilishlar: kam xollarda: ko‘rishni buzilishi.

Eshitish a‘zosi va tomonidan buzilishlar va labirint buzilishlari: tez-tez emas: vertigo.

Yurak tomonidan buzilishlar: tez-tez emas: bradikardiya; kam xollarda: taxikardiya.

Qon tomirlar tomonidan buzilishlar: tez-tez emas: arterial bosimni haddan tashqari pasayishi, ortostatik gipotenziya.

Nafas tizimi, ko‘krak qafasi va ko‘ks oralig‘i a‘zolari tomonidan buzilishlar: tez-tez emas: hansirash, yo‘tal; juda kam xollarda: o‘pkaning interstisial kasalligi.

Me‘da-ichak yo‘llari tomonidan buzilishlar: tez-tez emas: qorinda og‘riq; diareya, dispepsiya, qorinni dam bo‘lishi, qusish; kam xollarda: og‘iz bo‘shlig‘i shilliq qavatini qurishi, me‘dada diskomfort.

Jigar va o‘t chiqarish yo‘llari tomonidan buzilishlar: kam xollarda: jigar faoliyatini buzilishi.

Teri va teri osti to‘qimalari tomonidan buzilishlar: tez-tez emas: teri qichishishi, teri toshmasi; kam xollarda: angionevrotik shish (shu jumladan o‘lim bilan yakunlanuvchi), ekzema, eritema, eshakemi, dorili teri toshmasi, toksik teri toshmasi.

Skelet-mushak va biriktiruvchi to‘qima tomonidan buzilishlar: tez-tez emas: belda og‘riq, mushaklar spazmi, mialgiya; kam xollarda: artralgiya, qo‘l-oyoqlarda og‘riq, paylarda og‘riq (tendinit simptomlari).

Buyrak va siydik chiqarish yo‘llari tomonidan buzilishlar: tez-tez emas: buyrak faoliyatini buzilishi, shu jumladan o‘tkir buyrak yetishmovchiligi.

Umumiy buzilishlar va yuborish joyidagi buzilishlar: tez-tez emas: ko‘krakda og‘riq, asteniya (xolsizlik); kam xollarda: grippsimon simptomlar.

Laborator va instrumental ma‘lumotlar: tez-tez emas: qon plazmasida kreatinin konsentrasiyasini oshishi; kam xollarda: gemoglobin konsentrasiyasini kamayishi, siydik kislotasi konsentrasiyasini oshishi, “jigar” fermentlarining faolligini oshishi, kreatinfosfokinaza (KFK) faolligini oshishi.

Qo‘llash mumkin bo‘lmagan holatlar

Preparatning faol moddasiga yoki yordamchi komponentlariga yuqori sezuvchanlik,

o‘t chiqarish yo‘llarining obstruktiv kasalliklari,

jigar faoliyatini og‘ir buzilishlari (Chayld-Pyu shkalasi bo‘yicha S sinfi), homiladorlik, emizish davri,

18 yoshgacha bo‘lgan bolalarda (samaradorligi va xavfsizligi aniqlanmagan) qo‘llash mumkin emas.

Ehtiyotkorlik bilan: buyrak arteriyalarining ikki tomonlama stenozi, yagona buyrak arteriyasining stenozi, buyrak transplantasiyasidan keyingi xolat (qo‘llash tajribasi yo‘q), diuretiklar bilan davolash, osh tuzini iste‘mol qilishni cheklash, diareya va qusish oqibatidagi degidratasiya natijasida aylanib yuruvchi qon xajmini (AYUQX) kamayishi; surunkali yurak yetishmovchiligi (SYUE), birlamchi giperaldosteronizm, giponatriemiya, giperkaliemiya, aortal va/yoki mitral klapan stenozi, gipertrofik obstruktiv kardiomiopatiya (GOKMP), jigar (Chayld-Pyu shkalasi bo‘yicha A va V sinf) va buyrak faoliyatini buzilishi, yurak ishemik kasalligida (YUIK) ehtiyotkorlik bilan qo‘llanadi.

Dorilaning o‘zaro ta‘siri

RAAT tizimiga ta‘sir qiluvchi boshqa dori preparatlari kabi Mirel^® preparati giperkaliemiya chaqirishi mumkin (“Maxsus ko‘rsatmalar” bo‘limiga qarang). Giperkaliemiya chaqiruvchi, shu jumladan, kaliy tejovchi diuretiklar, kaliy preparatlari, kaliy saqlovchi ovqat qo‘shimchalari va qon zardobida kaliyning miqdorini oshirishi mumkin bo‘lgan boshqa dori vositalari va moddalar (masalan, geparin), AAF ingibitorlari, angiotenzin II reseptorlarining antagonistlari, nosteroid yallig‘lanishga qarshi preparatlar (NYAQP), shu jumladan SOG-2 selektiv ingibitorlari, immunosupressiv preparatlar (siklosporin yoki takrolimus) va trimetoprim bilan bir vaqtda qo‘llanilganida giperkaliemiya rivojlanishi xavfi oshadi. Giperkaliemiya rivojlanishi tez-tezligi xavf omillarining mavjudligiga bog‘liq. Ayniqsa kaliy tejovchi diuretiklar va kaliy saqlovchi tuz o‘rnini bosuvchilar bilan bir vaqtda qo‘llanilganida giperkaliemiya rivojlanishi xavfi yuqoriroq. AAF ingibitorlari va NYAQP lar bilan bir vaqtda qo‘llash ehtiyotkorlik choralariga sinchkovlik bilan rioya qilinganda giperkaliemiya rivojlanishini kam xavfi bilan kechadi.

Bir vaqtda qo‘llash tavsiya etilmaydi

Kaliy tejovchi diuretiklar, kaliy preparatlari va kaliy saqlovchi tuz o‘rnini bosuvchilar

Telmisartan kabi angiotenzin II reseptorlarining antagonistlari diuretiklar chaqirgan kaliyni yo‘qotilishini kamaytiradi. Spironolakton, eplerenon, triamteren yoki amilorid kabi kaliy tejovchi diuretiklar, kaliy preparatlari yoki kaliy saqlovchi tuz o‘rnini bosuvchilar zardobda kaliyning darajasini ahamiyatli darajada oshishini chaqirishi mumkin. Agar gipokaliemiya tasdiqlanganligi tufayli ularni bir vaqtda qo‘llash zarurati bo‘lsa, davolashni zardobda kaliyning darajasini tez-tez nazorati ostida ehtiyotkorlik bilan o‘tkazish kerak.

Litiy

Litiy preparatlarini AAF ingibitorlari bilan bir vaqtda qo‘llanilganida toksik samaralarni rivojlanishi bilan qon plazmasida litiyning konsentrasiyasini qaytuvchan oshishi kuzatilgan. Bunday o‘zgarishlar kam xollarda angiotenzin II reseptorlarining antagonistlarini qo‘llaganda kuzatilgan. Litiy preparatlarini angiotenzin II reseptorlarining antagonistlari, shu jumladan telmisartan bilan bir vaqtda qo‘llash zarurati bo‘lganida qon plazmasida litiyning darajasini nazorat qilish tavsiya etiladi.

Bir vaqtda ehtiyotkorlik bilan qo‘llash kerak

NYAQP, shu jumladan, SOG-2 selektiv ingibitorlari, sutkada 3 g dan ortiq dozada asetilsalisil kislotasi va noselektiv NYAQP

Buyrak faoliyatini buzilishi bo‘lgan pasientlarda (masalan, degidratasiyasi bo‘lgan pasientlarda yoki keksa yoshdagi pasientlar) bir vaqtda qo‘llanilganida buyrak faoliyatini keyinchalik yomonlashishi, shu jumladan qaytuvchan o‘tkir buyrak yetishmovchiligi rivojlanishi mumkin. Bunday majmuani ayniqsa keksa yoshdagi pasientlarda ehtiyotkorlik bilan qo‘llash kerak. Shuning uchun telmisartanni qo‘llashdan oldin buyrak faoliyatini baholash, shuningdek suv-elektrolit muvozanatini muvofiqlashtirish kerak; keyinchalik buyrak faoliyatini nazorat qilish maqsadga muvofiq. NYAQP lar telmisartanning gipotenziv samarasini kamaytiradi.

Ramipril

Ramipril bilan bir vaqtda qo‘llash ramipril va ramiprilatning AUC_0-24 va C_max ni 2,5 marta oshishiga olib keladi. Bu samaraning klinik ahamiyati aniqlanmagan.

Diuretiklar (tiazid va “halqali”)

Yuqori dozalarda diuretiklar, shu jumladan furosemid (“halqali” diuretik) va gidroxlortiazid (tiazid diuretiklar) bilan avvalgi davolash davolashning boshida AYUQX kamayishi va arterial gipotenziya rivojlanishi xavfini oshishiga olib kelishi mumkin.

Bir vaqtda qo‘llaganda diqqatni talab etadi

Boshqa gipotenziv dori vositalari

Telmisartan boshqa antigipertenziv dori vositalarining ta‘sirini kuchaytiradi.

Farmakologik xususiyatlarini hisobga olib baklofen va amifostin bilan bir vaqtda qo‘llanilganida antigipertenziv ta‘sirini kuchaytirishi mumkin.

Etanol, barbituratlar, narkoz uchun vositalar va antidepressantlar ortostatik gipotenziya rivojlanishiga olib kelishi mumkin.

Glyukokortikosteroidlar (GKS)

GKS telmisartanning antigipertenziv samarasini kamaytiradi.

Yurak glikozidlari

Digoksin, varfarin, gidroxlortiazid, glibenklamid, ibuprofen, parasetamol, simvastatin va amlodipin bilan bir vaqtda qo‘llash klinik ahamiyatli o‘zaro ta‘sirga olib kelmaydi. Telmisartan qon plazmasida digoksinning konsentrasiyasini o‘rtacha 20% (bir holatda 39%) ga oshiradi. Telmisartan va digoksinni bir vaqtda qo‘llaganda qon plazmasida digoksinning konsentrasiyasini vaqti-vaqti bilan aniqlash maqsadga muvofiq.

Maxsus ko‘rsatmalar

Jigar faoliyatini buzilishi

Mirel^® preparatini xolestaz, o‘t chiqarish yo‘llari obstruksiyasi yoki jigar faoliyatini og‘ir darajada buzilishi bo‘lgan pasientlarda qo‘llash mumkin emas, chunki telmisartan asosan safro bilan ichak orqali chiqariladi. Mirel^® preparatini jigar faoliyatini yengil yoki o‘rtacha buzilishi (Chayld-Pyu shkalasi bo‘yicha A va V sinfi) bo‘lgan pasientlarda ehtiyotkorlik bilan qo‘llash kerak.

Buyrak faoliyatini buzilishi

Mirel^® preparatini buyrak yetishmovchiligi bo‘lgan pasientlarda qo‘llaganda zardobda kaliyning darajasi va kreatininning konsentrasiyasini nazorat qilish tavsiya etiladi. Yaqinda o‘tkazilgan buyrak transplantasiyasidan keyin preparatni qo‘llash tajribasi yo‘q.

Gipovolemiya

Jadal diuretik davolash, tuzni iste‘mol qilishni cheklash, diareya yoki qusish oqibatidagi gipovolemiya va/yoki giponatriemiyasi bo‘lgan pasientlarda simptomatik arterial gipotenziya rivojlanishi mumkin, ayniqsa Mirel^® preparatining birinchi dozasi qabul qilingandan keyin. Davolashni boshlashdan oldin suv-elektrolit muvozanatining buzilishlarini muvofiqlashtirish kerak.

Renovaskulyar gipertenziya

Buyrak arteriyalarining ikki tomonlama stenozi bo‘lgan yoki faoliyat ko‘rsatuvchi yagona buyrak arteriyasi stenozi bo‘lgan pasientlarda angiotenzin II reseptorlarining antagonistlarini qo‘llaganda yaqqol arterial gipotenziya va buyrak yetishmovchiligi rivojlanishi xavfi oshadi.

RAATni ikki tomonlama blokadasi

Ayrim pasientlarda RAAT susayishi oqibatida, ayniqsa bu tizimga ta‘sir etuvchi majmualar qo‘llanilganida buyrak faoliyati buziladi (shu jumladan, o‘tkir buyrak yetishmovchiligi rivojlanadi). Shuning uchun bunday RAAT ni ikki tomonlama blokadasi bilan kechuvchi davolash qat‘iy shaxsiy ravishda va buyrak faoliyatini sinchkovlik bilan nazorati ostida (shu jumladan, qon zardobida kreatinin konsentrasiyasi va kaliyning darajasini nazorati ostida) o‘tkazilishi kerak.

RAAT ni faollashishi bilan kechuvchi boshqa xolatlar

Qon tomirlar tonusi va buyrak faoliyatini RAAT faolligi bilan belgilanadigan pasientlarda (masalan, surunkali yurak yetishmovchiligi yoki buyrak kasalligi, shu jumladan ikkala buyrak arteriyasi stenozi yoki yagona buyrak arteriyasi stenozi bo‘lgan pasientlar) RAAT ga ta‘sir etuvchi dori vositalarini qo‘llash arterial gipotenziya, giperazotemiya, oliguriya va kam xollarda o‘tkir buyrak yetishmovchilini rivojlanishi bilan kechishi mumkin.

Birlamchi giperaldosteronizm

Birlamchi giperaldosteronizmi bo‘lgan pasientlar RAAT ga ta‘sir qiluvchi gipotenziv preparatlarga rezistent, shuning uchun bunday pasientlarda Mirel^® preparatini qo‘llash tavsiya etilmaydi.

Aortal va/yoki mitral klapan stenozi, GOKMP

Mirel^® preparatini aortal va/yoki mitral klapanning gemodinamik ahamiyatli stenozi yoki GOKMP bo‘lgan pasientlarda ehtiyotkorlik bilan qo‘llash kerak.

Insulin yoki ichga qabul qilish uchun gipoglikemik vositalarni qabul qilayotgan qandli diabeti bo‘lgan pasientlar

Bunday pasientlarda telmisartanni qo‘llaganda gipoglikemiya rivojlanishi mumkin.

Qonda glyukoza konsentrasiyasini muntazam nazorat qilish va zarurati bo‘lganida gipoglikemik vositalarning dozasiga tuzatish kiritish tavsiya etiladi.

Giperkaliemiya

RAAT ga ta‘sir etuvchi prepaparatlarni qo‘llash giperkaliemiya chaqirishi mumkin.

RAAT ga ta‘sir etuvchi preparatlarni bir vaqtda qo‘llashdan oldin foyda/xavf nisbatani baholash kerak.

Giperkaliemiya rivojlanishining xavf omillari:

• Buyrak yetishmovchiligi, keksa yoshdagi pasientlar (70 yoshdan oshgan), qandli diabet;
• RAAT ga ta‘sir etuvchi preparatlarni (masalan, AAF ingibitorlari, angiotenzin II reseptorlarining antagonistlari) va/yoki kaliy tejovchi diuretiklar (spironolakton, eplerenon, triamteren, amilorid), shuningdek kaliy preparatlari yoki kaliy saqlovchi ozuqa tuzini o‘rnini bosuvchi, shuningdek NYAQP (shu jumladan, SOG-2 selektiv ingibitorlari), geparin, immunosupressiv preparatlar (siklosporin yoki takrolimus) va trimetoprimni bir vaqtda qo‘llash;
• Yondosh holatlar (AYUQX ni kamayishi, dekompensasiya bosqichidagi surunkali yurak yetishmovchiligi, metabolik asidoz, buyrak faoliyatini yomonlashishi, buyrak kasalligini to‘satdan zo‘rayishi (masalan, infeksion kasalliklar), to‘qima ishemiyasi/nekrozi bilan kechuvchi holatlar (masalan, qo‘l-oyoqlarni o‘tkir ishemiyasi, rabdomioliz, yirik jarohat)).

Yuqori xavf guruhiga mansub pasientlarda preparatni ehtiyotkorlik bilan qo‘llash va qon zardobida kaliyning darajasini muntazam nazorat qilish tavsiya etiladi.

Irqiy xususiyatlari

Telmisartan (RAAT ga ta‘sir etuvchi boshqa preparatlar kabi) ehtimol, arterial gipertenziyasi bo‘lgan pasientlarda giporeninemiyani uchrash tez-tezligi yuqoriroq bo‘lganligi tufayli, boshqa irqlarga nisbatan negroid irqiga mansub pasientlarda kamroq darajada antigipertenziv ta‘sir ko‘rsatadi.

Boshqalar

Har qanday antigipertenziv preparatlar bilan bo‘lgandagi kabi YUIK yoki serebrovaskulyar kasalliklari bo‘lgan pasientlarda arterial bosimni haddan tashqari pasayishi miokard infarkti yoki insult rivojlanishiga olib kelishi mumkin.

Avtotransportni va boshqa murakkab mexanizmlarni boshqarish qobiliyatiga ta‘siri: Mirel^® preparatini qo‘llash fonida bosh aylanishi, uyquchanlik va arterial gipertenziyani davolash uchun qo‘llanadigan preparatlar uchun xarakterli boshqa nojo‘ya samaralar rivojlanishi mumkinligi tufayli, transport vositalari va boshqa texnik uskunalarni boshqarganda ehtiyotkorlikka rioya qilish kerak.

Homiladorlik va emizish davrida qo‘llanishi

Homiladorlikda Mirel^® preparatini qo‘llash mumkin emas. Homiladorlik rejalashtirilganida yoki u tasdiqlanganida preparatni iloji boricha ertaroq bekor qilish va homiladorlikda qo‘llashning xavfsizlik profili ma‘lum bo‘lgan boshqa antigipertenziv davolashni buyurish kerak.

Angiotenzin II reseptorlarining antagonistlarini, shu jumladan telmisartanni homiladorlikning I uch oyligida qo‘llash tavsiya etilmaydi.

Preparatni homiladorlikning II va III uch oyliklarida qo‘llash mumkin emas, chunki homiladorlikning II va III uch oyliklarida qo‘llash fetotoksik samaralar (buyrak faoliyatini susayishi, kam suvlik, homilaning bosh suyaklarini suyaklanishini sekinlashishi) va neonatal toksik samaralar (buyrak yetishmovchiligi, arterial gipotenziya, giperkaliemiya) chaqirishi mumkin. Agar homiladorlikning II va III uch oyliklarida preparat qo‘llangan bo‘lsa, homilaning buyrak va bosh miya suyaklarini ultratovush tekshiruvini o‘tkazish kerak.

Telmisartanni ko‘krak suti bilan ajralishi mumkinligi haqidagi ma‘lumot yo‘qligi tufayli, preparatni emizish davrida qo‘llash tavsiya etilmaydi. Preparatni bu davrda qo‘llash zarurati bo‘lganida emizishni to‘xtatish kerak.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlar: arterial bosimni yaqqol pasayishi, taxikardiya, bradikardiya. Bosh aylanishi, zardobda kreatininning konsentrasiyasini oshishi va o‘tkir buyrak yetishmovchiligini rivojlanishi holatlari ta‘riflangan.

Davolash: simptomatik davolash. Davolash taktikasi preparat qabul qilingandan keyin o‘tgan vaqt va simptomlarning og‘irlik darajasiga bog‘liq. Quyidagilar tavsiya etiladi: me‘dani yuvish, faollashtirilgan ko‘mirni qo‘llash. Zardobda elektrolitlar darajasi va qon zardobida kreatininning konsentrasiyasini muntazam nazorat qilish kerak. Arterial bosim yaqqol pasayganida bemorni oyoqlarini yuqoriga qaratgan holda “yotgan” holatga o‘tkazish kerak; so‘ngra yurak-qon tomir va nafas tizimi faoliyatini, AYUQX ni (vena ichiga natriy xloridining 0,9%li eritmasini yuborish) tutib turishga qaratilgan choralarni amalga oshirish va sutkalik diurezni nazorat qilish kerak.

Gemodializ samarasiz.

Chiqarilish shakli

7, 10 tabletkadan kontur uyali o‘ramlarda. 1, 2, 3, 4 ta kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq, yorug‘likdan himoyalangan joyda, 25⁰S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.