NEBILET tabletkalari 5mg N14

So'rilishi

Ichga qabul qilingandan so'ng har ikkala enantiomerning tez so'rilishi sodir bo'ladi. Ovqat qabul qilish so'rilishga ta'sir qilmaydi, shuning uchun nebivololni ovqatlanishdan qat'iy nazar qabul qilish mumkin. Ichga qabul qilingandan so'ng nebivololning biokiraolishligi "tez" metabolizmga ega shaxslarda (jigar orqali birinchi o'tish effekti) o'rtacha 12% ni tashkil qiladi va "sekin" metabolizmga ega shaxslarda deyarli to'liq bo'ladi.

Taqsimlanishi

Qon plazmasida har ikkala enantiomer asosan albumin bilan bog'langan. Plazma oqsillari bilan bog'lanish D-nebivolol uchun 98,1% ni, L-nebivolol uchun esa - 97,9% ni tashkil qiladi.

Metabolizmi

Alitsiklik va aromatik gidroksillanish va qisman N-dezalkillanish yo'li bilan metabollanadi. Hosil bo'lgan gidroksi- va aminohosilalar glyukuron kislotasi bilan kon'yugatsiyalanadi va O- va N-glyukuronidlar ko'rinishida chiqariladi.

Chiqarilishi

Buyraklar (38%) va ichak orqali (48%) chiqariladi.

"Tez" metabolizmga ega shaxslarda gidroksimetabolitlarning T _{- 24 soat, nebivolol enantiomerlariniki - 10 soat; "sekin" metabolizmga ega shaxslarda: gidroksimetabolitlarning - 48 soat, nebivolol enantiomerlariniki - 30-50 soat.}

O'zgarmagan nebivololning siydik bilan chiqarilishi ichga qabul qilingan preparat miqdorining 0,5% dan kamrog'ini tashkil qiladi.

Kardioselektiv beta₁-adrenoblokator. Gipotenziv, antianginal va antiaritmik ta'sir ko'rsatadi. Tinch holatda, jismoniy zo'riqishda va stressda oshgan AB ni pasaytiradi. Postsinaptik β₁-adrenoreseptorlarni raqobatli va tanlab bloklaydi, ularni katexolaminlar uchun imkonsiz qiladi, endotelial vazodilatatsiya qiluvchi omil azot oksidining (NO) ajralib chiqishini modulyatsiya qiladi.

Nebivolol ikki enantiomer: SRRR-nebivolol (D-nebivolol) va RSSS-nebivolol (L-nebivolol) ratsemati bo'lib, ikkita farmakologik ta'sirni birlashtiradi:

— D-nebivolol β₁-adrenoreseptorlarning raqobatli va yuqori selektiv blokatori hisoblanadi;

— L-nebivolol tomirlar endoteliysidan vazodilatatsiya qiluvchi omil (NO) ajralib chiqishini modulyatsiya qilish hisobiga yumshoq tomir kengaytiruvchi ta'sir ko'rsatadi.

Gipotenziv ta'sir shuningdek renin-angiotenzin-aldosteron tizimi (RAAT) faolligining pasayishi bilan bog'liq (qon plazmasidagi renin faolligi o'zgarishi bilan to'g'ridan-to'g'ri korrelyatsiya qilmaydi).

Barqaror gipotenziv ta'sir preparatni muntazam qabul qilgandan 1-2 hafta o'tgach, bir qator hollarda esa - 4 haftadan keyin rivojlanadi, barqaror ta'sir 1-2 oydan keyin qayd etiladi.

Miokardning kislorodga bo'lgan ehtiyojini kamaytirib (YQS ni siyraklashtirish va yuklamadan oldingi va yuklamadan keyingi holatni kamaytirish), stenokardiya xurujlari soni va og'irligini kamaytiradi va jismoniy yuklamaga chidamlilikni oshiradi.

Antiaritmik ta'sir yurak patologik avtomatizmini (shu jumladan patologik o'choqda) bostirish va AV-o'tkazuvchanlikni sekinlashtirish bilan bog'liq.

Nojo'ya ta'sirlar chastotasi: juda tez-tez (>10%), tez-tez (>1% va <10%), tez-tez emas (>0.1% va <1%), kamdan-kam hollarda (>0.01% va <0.1%), juda kam hollarda (<0.01%, shu jumladan ayrim xabarlar).

MNT va periferik asab tizimi tomonidan: tez-tez - bosh og'rig'i, bosh aylanishi, charchoqning kuchayishi, holsizlik, paresteziyalar; tez-tez emas - depressiya, dahshatli tushlar, ongning chalkashishi; juda kam hollarda - hushdan ketish, gallyutsinatsiyalar.

Ovqat hazm qilish tizimi tomonidan: tez-tez - ko'ngil aynishi, qabziyat, diareya; tez-tez emas - dispepsiya, meteorizm, qusish.

Yurak-qon tomir tizimi tomonidan: tez-tez emas - bradikardiya, o'tkir yurak yetishmovchiligi, AV-blokada, ortostatik gipotenziya, Reyno sindromi.

Teri va teri osti to'qimalari tomonidan: tez-tez emas - eritematoz xarakterdagi teri toshmasi, qichishish; juda kam hollarda - psoriaz kechishining yomonlashishi; ayrim hollarda - angionevrotik shish.

Boshqalar: tez-tez emas - bronxospazm; kamdan-kam hollarda - ko'z qurishi.

Beta-adrenoblokatorlarni bekor qilishni 10 kun davomida asta-sekin o'tkazish kerak (YUK li bemorlarda 2 haftagacha).

Preparatni qabul qilish boshida AB va YUR nazorati har kuni bo'lishi kerak.

Keksa bemorlarda buyrak funksiyasi nazorati zarur (4-5 oyda 1 marta).

Zo'riqish stenokardiyasida preparat dozasi tinch holatda YUR ni 55-60 zarba/min oralig'ida, yuklamada - 110 zarba/min dan ko'p bo'lmagan holda ta'minlashi kerak.

Beta-adrenoblokatorlar bradikardiyani chaqirishi mumkin: agar YUR 50-55 zarba/min dan kam bo'lsa, dozani kamaytirish kerak.

Psoriazi bo'lgan bemorlarda Nebilet^® preparatini qo'llash masalasini hal qilishda preparatni qo'llashdan kutilayotgan foyda va psoriaz kechishi zo'rayishining ehtimoliy xavfini sinchkovlik bilan solishtirish kerak.

Kontakt linzalardan foydalanadigan bemorlar beta-adrenoblokatorlar qo'llanilishi fonida ko'z yoshi suyuqligi ishlab chiqarilishi kamayishi mumkinligini hisobga olishlari kerak.

Jarrohlik aralashuvlari o'tkazilganda shifokor-anesteziologni bemor beta-adrenoblokatorlarni qabul qilayotgani haqida ogohlantirish kerak.

Nebivolol qandli diabeti bo'lgan bemorlarda qon plazmasida glyukoza konsentratsiyasiga ta'sir qilmaydi. Shunga qaramay, bu bemorlarni davolashda ehtiyotkorlikka rioya qilish kerak, chunki Nebilet^® preparati ichga qabul qilish uchun gipoglikemik vositalar va insulin qo'llanilishi chaqirgan gipoglikemiyaning ma'lum simptomlarini (masalan, taxikardiya) niqoblashi mumkin. Qon plazmasida glyukoza konsentratsiyasi nazoratini 4-5 oyda 1 marta o'tkazish kerak (qandli diabeti bo'lgan bemorlarda).

Qalqonsimon bez giperfunksiyasida beta-adrenoblokatorlar taxikardiyani niqoblashi mumkin.

Beta-adrenoblokatorlarni o'pkaning surunkali obstruktiv kasalligi bo'lgan bemorlarda ehtiyotkorlik bilan qo'llash kerak, chunki bronxospazm kuchayishi mumkin.

Beta-adrenoblokatorlar allergenlarga sezuvchanlikni va anafilaktik reaksiyalar og'irligini oshirishi mumkin.

Avtotransportni haydash va mexanizmlarni boshqarish qobiliyatiga ta'siri

Nebilet^® preparatining transport vositalarini haydash va mexanizmlarni boshqarish qobiliyatiga ta'siri maxsus o'rganilmagan. Nebivolol farmakodinamikasi tadqiqotlari shuni ko'rsatdiki, Nebilet^® preparati psixomotor funksiyaga ta'sir qilmaydi. Nebilet^® preparati bilan davolash davrida (nojo'ya ta'sirlar paydo bo'lganda) transport vositalarini haydashda va diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishda ehtiyotkorlikka rioya qilish kerak.

• o'tkir yurak yetishmovchiligi;
• dekompensatsiya bosqichidagi surunkali yurak yetishmovchiligi (inotrop ta'sirga ega preparatlarni v/i yuborishni talab qiluvchi);
• yaqqol arterial gipotenziya (sistolik AB 90 mm sim.ust. dan past);
• STZS, shu jumladan sinoatrial blokada;
• II va III darajali AV-blokada (sun'iy ritm boshqaruvchisisiz);
• bradikardiya (YUR 60 urish/daq. dan kam);
• kardiogen shok;
• feoxromotsitoma (alfa-adrenoblokatorlarni bir vaqtda qo'llamasdan);
• metabolik atsidoz;
• jigar funksiyasining yaqqol buzilishlari;
• anamnezdagi bronxospazm va bronxial astma;
• periferik qon tomirlarining og'ir obliteratsiya qiluvchi kasalliklari (o'zgaruvchan oqsoqlik, Reyno sindromi);
• miasteniya;
• depressiya;
• laktoza o'zlashtira olmaslik, laktaza yetishmovchiligi va glyukoza/galaktoza malabsorbsiyasi sindromi;
• 18 yoshgacha bo'lgan bolalar va o'smirlar (samaradorligi va xavfsizligi o'rganilmagan);
• nebivololga yoki preparatning tarkibiy qismlaridan biriga yuqori sezuvchanlik.

Preparatni buyrak yetishmovchiligi, qandli diabet, qalqonsimon bez giperfunksiyasi, anamnezda allergik kasalliklar, psoriaz, o'pkaning surunkali obstruktiv kasalligi, I darajali AV-blokada, Prinsmetal stenokardiyasida, shuningdek 75 yoshdan katta bemorlarda ehtiyotkorlik bilan qo'llash kerak.

Farmakodinamik o'zaro ta'sir

Beta-adrenoblokatorlar sekin kaltsiy kanallari blokatorlari (verapamil va diltiazem) bilan bir vaqtda qo'llanilganda miokard qisqaruvchanligi va AV-o'tkazuvchanlikka salbiy ta'sir kuchayadi.

Nebivolol qo'llash fonida verapamilni v/i yuborish mumkin emas.

Nebivolol gipotenziv vositalar, nitroglitserin yoki sekin kaltsiy kanallari blokatorlari bilan bir vaqtda qo'llanilganda yaqqol arterial gipotenziya rivojlanishi mumkin (prazozin bilan kombinatsiyada alohida ehtiyotkorlik zarur).

Nebivolol I sinf antiaritmik preparatlari va amiodaron bilan bir vaqtda qo'llanilganda manfiy inotrop ta'sirning kuchayishi va bo'lmachalar bo'ylab qo'zg'alish o'tkazilishi vaqtining uzayishi mumkin.

Nebivolol yurak glikozidlari bilan bir vaqtda qo'llanilganda AV-o'tkazuvchanlik sekinlashishiga ta'sirning kuchayishi aniqlanmagan.

Nebivolol va umumiy anesteziya uchun preparatlarni bir vaqtda qo'llash reflektor taxikardiyani bostirishi va arterial gipotenziya rivojlanish xavfini oshirishi mumkin.

Nebivolol va NYQVning klinik ahamiyatli o'zaro ta'siri aniqlanmagan.

Nebivololni tritsiklik antidepressantlar, barbituratlar va fenotiazin hosilalari bilan bir vaqtda qo'llash nebivololning gipotenziv ta'sirini kuchaytirishi mumkin.

Farmakokinetik o'zaro ta'sir

Nebivolol serotoninni qayta qamrab olinishini ingibitsiya qiluvchi preparatlar yoki CYP2D6 izofermenti ishtirokida biotransformatsiyalanadigan boshqa vositalar bilan bir vaqtda qo'llanilganda qon plazmasida nebivolol kontsentratsiyasi oshadi, nebivolol metabolizmi sekinlashadi, bu bradikardiya paydo bo'lish xavfiga olib kelishi mumkin.

Digoksin bilan bir vaqtda qo'llanilganda nebivolol digoksinning farmakokinetik parametrlariga ta'sir qilmaydi.

Nebivolol simetidin bilan bir vaqtda qo'llanilganda qon plazmasida nebivolol kontsentratsiyasi oshadi.

Nebivolol va ranitidinni bir vaqtda qo'llash nebivololning farmakokinetik parametrlariga ta'sir qilmaydi.

Nebivolol nikardipin bilan bir vaqtda qo'llanilganda qon plazmasida faol moddalar kontsentratsiyasi biroz oshadi, ammo bu klinik ahamiyatga ega emas.

Nebivolol va etanol, furosemid yoki gidroxlorotiazidni bir vaqtda qabul qilish nebivolol farmakokinetikasiga ta'sir qilmaydi.

Nebivolol va varfarinning klinik ahamiyatli o'zaro ta'siri aniqlanmagan.

Nebivolol insulin va ichish uchun gipoglikemik vositalar bilan birga qo'llanilganda gipoglikemiya simptomlari (taxikardiya) niqoblanishi mumkin.

Tabletkalar ichga, sutkasiga 1 marta, iloji boricha sutkaning bir vaqtida, ovqatlanishdan qat’iy nazar, yetarli miqdorda suyuqlik bilan qabul qilinadi.

Arterial gipertenziya va YIKni davolash uchun o‘rtacha sutkalik doza 2,5-5 mg (1/2-1 tab.) ni tashkil qiladi. Nebilet^® monoterapiyada yoki AB ni pasaytiruvchi boshqa vositalar bilan kombinatsiyada qo‘llanilishi mumkin.

Buyrak yetishmovchiligi bo‘lgan bemorlarda, shuningdek 65 yoshdan oshgan bemorlarda tavsiya etilgan boshlang‘ich doza 2,5 mg (1/2 tab.)/sut ni tashkil qiladi. Zarurat bo‘lganda sutkalik dozani maksimal 10 mg gacha (5 mg dan 2 tab. 1 qabulda) oshirish mumkin.

Surunkali yurak yetishmovchiligini davolash individual optimal tutib turuvchi dozaga erishilguncha dozani asta-sekin oshirishdan boshlanishi kerak. Davolash boshida dozani tanlashni quyidagi sxema bo‘yicha amalga oshirish, bunda 1 dan 2 haftagacha oraliqlarga rioya qilish va ushbu dozani bemor tomonidan o‘zlashtirilishiga asoslanish kerak: sutkasiga 1 marta 1,25 mg nebivolol (5 mg dan 1/4 tab.) dozani avval 2,5-5 mg gacha (5 mg dan 1/2 tab. yoki 5 mg 1 tab.), keyin esa - sutkasiga 1 marta 10 mg gacha (5 mg dan 2 tab.) oshirish mumkin.

Maksimal sutkalik doza sutkasiga 1 marta 10 mg ni tashkil qiladi.

Davolash boshida va doza har oshirilganda bemor kamida 2 soat davomida klinik holat barqaror qolayotganiga ishonch hosil qilish uchun shifokor nazorati ostida bo‘lishi kerak (ayniqsa, AB, YUR, o‘tkazuvchanlik buzilishlari, shuningdek surunkali yurak yetishmovchiligi kechishining yomonlashishi simptomlari).

Tabletkalarni bo‘lish qoidalari

Bo‘lish uchun tabletkani qattiq, tekis yuzaga xochsimon kesigini yuqoriga qaratib qo‘ying, tabletkaga ikkala ko‘rsatkich barmog‘i bilan bosing. 1/4 tabletkani olish uchun xuddi shu harakatlarni 1/2 tabletka bilan takrorlang.