Ilova-varaqa: Pasient uchun ma‘lumot
Lorista® N 100, plyonka qobiq bilan qoplangan tabletkalar
Lozaratan kaliy/gidroxlorotiazid
Ushbu preparatni qabul qilishni boshlashdan oldin bu ilova-varaqani hammasini diqqat bilan to‘liq o‘qib chiqing, chunki u Siz uchun muhim ma‘lumotni saqlaydi.
- Bu ilova-varaqani saqlab qo‘ying. Sizga uni yana o‘qib chiqish kerak bo‘lishi mumkin.
- Agar Sizda qo‘shimcha savollar paydo bo‘lsa, shifokoringiz yoki farmasevt bilan maslahatlashing.
- Bu preparat shaxsan Sizga buyurilgan. Uni boshqa shaxslarga bermang. Hatto agar Sizda kasallikni o‘xshash belgilari aniqlansa ham, bu ularga zarar yetkazishi mumkin.
- Agar Sizda nojo‘ya samaralar rivojlansa, shifokor yoki farmasevt bilan maslahatlashing. Bu ushbu ilova-varaqada ko‘rsatilmagan nojo‘ya samaralarga ham taalluqli. 4 bo‘limga qarang.
Ushbu ilova-varaqada qanday ma‘lumotlar saqlanadi
- Lorista® N 100 preparati nima va u nima uchun mo‘ljallangan
- Siz Lorista® N 100 preparatini qo‘llashni boshlashdan oldin nimalarni bilishingiz kerak
- Lorista® N 100 preparatini qanday qo‘llash kerak
- Bo‘lishi mumkin bo‘lgan nojo‘ya samaralar
- Lorista® N 100 preparatini qanday saqlash kerak
- O‘ram ichidagisi va boshqa ma‘lumot
- Lorista® N 100 preparati nima va u nima uchun mo‘ljallangan
Lorista® N preparati angiotenzin II reseptorlarini antagonisti (lozartan) va diuretikning (gidroxlorotiazid) majmuasidir. Angiotenzin II – organizmda ishlab chiqariladigan modda bo‘lib, u qon tomirlarni torayishiga majburlab, reseptorlar bilan bog‘lanadi. Bu arterial qon bosimini oshishiga olib keladi. Lozartan angiotenzinni bu reseptorlar bilan bog‘lanishini bartaraf qilib qon tomirlarini bo‘shashiga olib keladi, bu esa o‘z navbatida arterial bosimini pasaytiradi. Gidroxlorotiazidning ta‘siri buyraklar orqali suv va tuzni ko‘p miqdorda o‘tkazilishiga bog‘liq. Bu ham arterial bosimni tushishiga yordam beradi. Lorista® N gipertoniya kasalligini davolash uchun (arterial bosimini oshishi) qo‘llanadi.
2.Siz Lorista® N 100 preparatini qo‘llashni boshlashdan oldin nimalarni bilishingiz kerak
Lorista® N 100 preparatini qabul qilmang:
- agar Sizda lozartanga va/ yoki gidroxlorotiazidga, yoki ushbu preparatning boshqa komponentlariga (6 bo‘limda sanab o‘tilgan) allergiya bo‘lsa;
- agar Sizda boshqa sulfanilamid hosilalariga (masalan, boshqa tiazidlarga, ko-trimaksazol kabi ayrim antibakterial preparatlarga, agar Sizni ishonchingiz komil bo‘lmasa shifokoringizdan so‘rang) allergiya bo‘lsa,
- agar Sizda jigar funksiyasini og‘ir buzilishi bo‘lsa,
- agar Sizda kaliyni past darajasi, davolanganda to‘g‘rilanmaydigan natriyning past darajasi yoki kalsiyni yuqori darajasi bo‘lsa,
- agar Siz podagra bilan xastalangan bo‘lsangiz,
- agar Siz 3 va undan ko‘p oydan beri homilador bo‘lsangiz (shuningdek yaxshisi Lorista® N 100 preparatini homiladorlikni erta muddatlarida qo‘llashdan saqlanishingiz kerak – “Homiladorlik” bo‘limiga qarang),
- agar Sizda buyrak funksiyasini og‘ir buzilishi bo‘lsa yoki sizni buyraklaringiz siydik ishlab chiqarmasa,
- agar Sizda diabet yoki buyrak funksiyasini buzilishi bo‘lsa yoki Siz arterial bosimini pasaytirish uchun aliskiren saqlagan preparatlarni qo‘llayotgan bo‘lsangiz .
Maxsus ko‘rsatmalar
Lorista® N 100 preparatini qo‘llashdan avval shifokoringiz yoki farmasevt bilan maslahatlashing.
Agar Siz o‘zingizni homiladorman deb hisoblasangiz (yoki homilador bo‘lishingiz mumkin bo‘lsa) shifokorni xabardor qilish kerak.
Lorista® N 100 preparatini homiladorlikning erta muddatida tavsiya qilinmaydi va 3 oydan katta muddatdagi homiladorlikda qo‘llanmaydi, chunki uni bu davrda qo‘llash bolaga jiddiy zarar keltirishi mumkin (“Homiladorlik” bo‘limiga qarang).
Lorista® N 100 preparatini qo‘llashni boshlashdan avval bu vaqtda shifokoringizga xabar qilishingiz muhim:
- agar ilgari Sizda yuz, lab, tomoq yoki tilni shishi rivojlangan bo‘lsa,
- agar Siz diuretiklarni (siydik haydovchi vositalar) qabul qilayotgan bo‘lsangiz,
- agar Siz tuz cheklangan parhezda bo‘lsangiz,
- agar Sizda kuchli qusish va/yoki diareya bo‘lsa yoki bo‘lgan bo‘lsa,
- agar Siz yurak yetishmovchiligi bilan xastalangan bo‘lsangiz,
- agar Sizda jigar funksiyasini buzilishi bo‘lsa (2. “Lorista® N 100 preparatini qo‘llamang” bo‘limiga qarang),
- agar Sizda buyrak arteriyalarining torayishi (buyrak arteriyalarini stenozi) yoki faqat bitta faoliyat ko‘rsatayotgan buyrak bo‘lsa, yoki yaqinda Siz buyrak ko‘chirib o‘tkazilganligini boshdan kechirgan bo‘lsangiz,
- agar Sizda arteriyalarni torayishi (ateroskleroz), stenokardiya (yurakni yaxshi ishlashi tufayli ko‘krakda og‘riq) bo‘lsa,
- agar Sizda “aortal yoki mitral klapanini stenozi” (yurak klapanlarini torayishi) yoki “gipertrofik kardiomiopatiya” (yurak mushaklarini qalinlashishini chaqiradigan kasallik) bo‘lsa,
- agar Sizda qandli diabet bo‘lsa,
- agar Sizda podagra bo‘lgan bo‘lsa,
- agar Sizda allergik reaksiyalar, astma yoki bo‘g‘imlarda og‘riq chaqiradigan kasalliklar, teri toshmalari va isitma (tizimli qizil yugurik) bo‘lsa yoki bo‘lgan bo‘lsa,
- agar Sizda kalsiyni yuqori darajasi va kaliyni past darajasi bo‘lsa yoki Siz kaliyni miqdori past bo‘lgan parhezda bo‘lsangiz,
- agar Sizda anesteziyani bajarish kerak bo‘lsa (xatto stomatologga borganda) yoki operasiyadan oldin, yoki agar Siz qalqonsimon oldi bezining funksiyasini tekshirish uchun tahlillarni topshirmoqchi bo‘lsangiz, Siz lozartan kaliy va gidroxlorotiazid saqlagan tabletkalarni qo‘llayotganingizni haqida shifokorga yoki tibbiyot xodimiga xabar qilishingiz kerak,
- agar Siz birlamchi giperaldosteronizm (buyrak usti bezlarining bu bezlardagi o‘zgarishlar chaqirgan aldosteron gormonining yuqori sekresiyasi, bilan bog‘liq sindrom) bilan xastalangan bo‘lsangiz,
- agar Siz yuqori arterial bosimini davolash uchun quyidagi preparatlarni qabul qilayotgan bo‘lsangiz:
- AAF ingibitorlarini (masalan, enalapril, lizinopril, ramipril), xususan agar Sizda qandli diabet bilan bog‘liq buyraklar tomonidan buzilishlar aniqlangan bo‘lsa,
- aliskiren.
Sizni shifokoringiz buyraklaringizni funksiyasini, arterial bosimni va qonda elektrolitlarni miqdorini (masalan, kaliy) muntazam intervallarda tekshirish mumkin. Shuningdek “Lorista® N 100 preparatini qo‘llanmasin” sarlavhasi ostida ma‘lumotga qarang.
Bolalarda va o‘smirlarda qo‘llanishi
Bolalarda Lorista® N 100 preparatini qo‘llash tajribasi yo‘q. Shuning uchun Lorista® N 100 preparatini bolalarda qo‘llash kerak emas.
Boshqa dori preparatlari va Lorista® N 100
Agar Siz boshqa preparatlarni qo‘llayotgan, yaqinda qo‘llagan yoki qo‘llashni rejalashtirilgan bo‘lsangiz shifokoringizga yoki farmasevtga xabar qiling. Lorista® N 100 preparatida saqlanadigan gidroxlorotiazid kabi diuretiklar boshqa dori preparatlari bilan o‘zaro ta‘sirlashishi mumkin.
Litiy saqlagan preparatlarni Lorista® N 100 preparati bilan bir vaqtda shifokorni sinchkov kuzatuvisiz qabul qilmaslik kerak.
Agar Siz kaliy preparatlarini, kaliy saqlovchi tuz o‘rnini bosuvchilarni yoki kaliy tejovchi preparatlarni, boshqa diuretiklarni (siydik haydovchi vositalar), ayrim surgi vositalarini, podagrani davolash uchun dori preparatlarini, yurak ritmini yoki qandli diabetni nazorat qilish uchun dori preparatlarni (ichga qabul qilish uchun preparatlar yoki insulinlar) qo‘llayotgan bo‘lsangiz maxsus ehtiyotkorlik choralari (masalan, qon tahlillari) maqsadga muvofiq bo‘lishi mumkin.
Sizni shifokoringiz buyurilgan dozani o‘zgartirishi va/yoki boshqa ehtiyotkorlik choralarini ko‘rishi mumkin.
- AAF ingibitorlarini yoki aliskirenni qo‘llanganda (shuningdek “Lorista® N 100 preparatini qo‘llamang” va “Maxsus ko‘rsatmalar” sarlavhasi ostidagi ma‘lumotlarga qarang).
Shuningdek, agar Siz quyidagi preparatlarni qo‘llayotgan bo‘lsangiz bu haqda shifokorga xabar qilishingiz muhim:
- arterial qon bosimini tushirish uchun boshqa preparatlar,
- steroidlar,
- rakni davolash uchun preparatlar,
- og‘riq qoldiruvchi preparatlar,
- zamburug‘li infeksiyalarni davolash uchun preparatlar,
- artritni davolash uchun preparatlar,
- kolestiramin kabi xolesterinni darajasini tushirish uchun qo‘llanadigan katronlar,
- mushaklarni bo‘shashtiruvchi preparatlar,
- uxlatuvchi vositalar,
- morfin kabi opioid preparatlar,
- adrenalin kabi “pressor aminlari” yoki xuddi shu guruhdagi boshqa preparatlar,
- diabetni davolash uchun ichga qabul uchun preparatlar yoki insulinlar.
Agar rentgenologik muolajalar o‘tkaziladigan bo‘lsa va yodli kontrast moddani yuboriladigan bo‘lsa, iltimos Siz shuningdek marhamat qilib o‘z shifokoringizga Lorista® N 100 preparatini qo‘llayotganligingiz xaqida xabar qiling.
Lorista® N 100 preparatini ovqat, ichimliklar va alkogol bilan qabul qilish
Sizga bu tabletkalarni qabul qilish vaqtida alkogolni qo‘llash tavsiya qilinmaydi: alkogol va Lorista® N 100 tabletkalari bir-birini ta‘sirini kuchaytirishi mumkin. Osh tuzi haddan ziyod miqdorda Lorista® N 100 tabletkalari preparatini ta‘sirini neytrallashtirishi mumkin. Lorista® N 100 tabletkalarini ovqatni qabul qilishdan qat‘iy nazar qo‘llash mumkin.
Homiladorlik va emizish
Agar Siz homilador bo‘lsangiz yoki emizsangiz, homilador bo‘lishingiz mumkinligini taxmin qilsangiz, ushbu dori preparatini qo‘llashdan avval shifokor yoki farmasevt bilan maslahatlashing.
Homiladorlik
Agar Siz homilador bo‘lsangiz (yoki homilador bo‘lishingiz mumkin bo‘lsa) shifokorni xabardor qilish kerak. Sizni shifokoringiz odatda Sizga Lorista® N 100 preparatini qabul qilishni homiladorlik boshlanishdan oldin yoki darhol Sizni homilador ekanligizni bilgan zahoti to‘xtatish kerakligi to‘g‘risida maslahat beradi va Sizga Lorista® N 100 preparatini o‘rniga boshqa preparatni qo‘llash to‘g‘risida maslahat beradi. Lorista® N 100 homiladorlikni erta bosqichida tavsiya qilinmaydi va Siz uni 3 oydan ko‘p muddatdagi homiladorlikda qo‘llamasligingiz kerak, chunki bu agar Siz preparatni homiladorlikni uch oyli muddatdan keyin qo‘llaydigan bo‘lsangiz, Sizni bolangizga jiddiy zarar keltirishi mumkin.
Emizish davri
Agar Siz emizsangiz yoki emizishni boshlashni rejalashtirsangiz shifokorga xabar qiling Lorista® N 100 ni emizikli onalarga tavsiya qilinmaydi, va agar Siz emizishni hohlasangiz shifokoringiz Sizga boshqa preparatni tanlab berishi mumkin.
Keksa yoshdagi shaxslarda qo‘llanishi
Lorista® N 100 ko‘pchilik keksa pasientlarga va yosh pasientlarga bir xil yaxshi ta‘sir qiladi va ularda bir xil yaxshi o‘zlashtiriladi. Keksa yoshdagi pasientlarni ko‘pchiligiga yosh pasientlardagi xuddi shunday doza talab qilinadi.
Transport vositalarini boshqarish va mexanizmlar bilan ishlash
Siz bu preparat bilan davolashni boshlasangiz, Siz alohida e‘tiborni talab qilish mumkin bo‘lgan topshiriqlarni (masalan, transport vositalarini boshqarish yoki xavfli qurilmalarni ekspluatasiya qilish) buyurilgan preparatni qanday o‘zlashtiraolishingizni bilmaguningizcha bajarmasligingiz kerak.
Lorista® N 100 laktoza saqlaydi.
Agar Sizni shifokoringiz Sizda ayrim qandlarni o‘zlashtiraolmaslik borligini aytsa, ushbu dori preparatini qo‘llashdan avval shifokor bilan maslahatlashing.
- Lorista® N 100 preparatini qanday qo‘llash kerak
Preparatni har doim shifokor yoki farmasevt Sizga qanday buyurgan bo‘lsa, shunday aniqlik bilan qo‘llash kerak. Agar Sizda shubhalar paydo bo‘lgan bo‘lsa, shifokoringiz yoki farmasevt bilan maslahatlashing. Sizni shifokoringiz Sizni holatingizga va Sizni boshqa preparatlarni qo‘llayotganingizga qarab, Lorista® N 100 preparatini muvofiq dozalarini tanlash to‘g‘risida qaror qabul qiladi. Sizni shifokoringizni Lorista® N 100 preparatini arterial qon bosimini bir maromda nazorat qilinishini ta‘minlash uchun buyurgan zarur bo‘lgan muddat davomida qo‘llashni davom ettirish muhim.
Yuqori arterial bosimi
Yuqori arterial bosimi bo‘lgan pasientlarning ko‘pchiligi uchun Lozartan/GXT ni arterial bosimini 24 soat davomida nazorat qilish uchun tavsiya qilinadigan dozasi sutkada lozartan/GXT 50 mg/12,5 mg tabletkasi tashkil qiladi. Bu dozani lozartan/GXT 50 mg/12,5 mg qobiq bilan qoplangan tabletka uchun 2 tabletkadan sutkada bir martagacha oshirish, yoki Lozartan/GXT 100 mg/25 mg plyonka qobiq bilan qoplangan tabletkalar (yanada yuqori doza) uchun sutkada 1 tabletkagacha o‘zgartirish mumkin. Lozartan/GXT 50 mg/12,5 mg qobiq bilan qoplangan tabletkalar uchun maksimal sutkalik doza 2 tabletkadan sutkada 1 martani yoki lozartan/GXT 100 mg/25 mg plyonka qobiq bilan qoplangan tabletkalar (yanada yuqori doza) uchun sutkada 1 tabletkani tashkil qiladi.
Lorista® N 100 100 mg/12,5 mg (lozartan/GXT 100 mg/12,5 mg) plyonka qobiq bilan qoplangan tabletkalar preparati arterial qon bosimini qo‘shimcha nazorat qilish zarur bo‘lgan hollarda lozartanni dozasini 100 mggacha oshirilgan pasientlar uchun mumkin.
Agar Siz Lorista® N 100 preparatini keragidan ortiq miqdorda qabul qilgan bo‘lsangiz
Dozani oshirib yuborilish hollarida tezda tibbiy yordam ko‘rsatishni mumkin bo‘lishi uchun shifokorga murojaat qilish lozim. Dozani oshirib yuborilishi arterial qon bosimini pasayishini, yurak urishini his qilish, pulsni sekinlashishini va suvsizlanishini chaqirishi mumkin.
Agar Siz Lorista® N 100 preparatini qo‘llashni unutgan bo‘lsangiz
Lorista® N 100 preparatini har kuni shifokorni ko‘rsatmasiga muvofiq qo‘llashga harakat qiling. Ammo Siz preparat qabulini o‘tkazib yuborgan bo‘lsangiz, preparatni qo‘shimcha dozada qabul qilmang, odatdagi sxemaga qayting. Agar Sizda ushbu preparatni qo‘llanishga nisbatan qo‘shimcha savollar paydo bo‘lsa, shifokoringiz yoki farmasevt bilan maslahatlashing.
- Bo‘lishi mumkin bo‘lgan nojo‘ya samaralar
Barcha dori vositalariga xos ushbu preparat ham, garchi hammada bo‘lmasa ham, uchramasa ham nojo‘ya samaralarni chaqirishi mumkin.
Agar Sizda quyidagi simptomlar rivojlansa, Lorista® N 100 preparatini qabul qilishni to‘xtating va darhol bu haqida shifokorga xabar bering yoki yaqindagi kasalxonani shoshilinch yordam bo‘limiga murojaat qiling:
Og‘ir allergik reaksiyalar (toshma, qichishish, yuz, lab, og‘iz yoki tomoqni shishi, bu yutishda yoki nafas olishda qiyinchilik tug‘dirishi mumkin). Bu jiddiy, ammo kam uchraydigan nojo‘ya samara bo‘lib, u 10000 pasientdan 1 dan ko‘pida, ammo 1000 pasientdan 1 dan kamida uchraydi. Sizga tibbiy yordam yoki gospitilizasiya talab qilinishi mumkin. Quyidagi nojo‘ya samaralar aniqlangan:
Tez-tez (10 odamdan 1 da paydo bo‘lishi mumkin):
- Yo‘tal, yuqori nafas yo‘llarini infeksiyalari, burunni bitishi, sinusit, gaymorit,
- Diareya, qorinda og‘riq, ko‘ngil aynishi, ovqatni hazm bo‘lmasligi,
- Mushak og‘riqlari,va tirishishlar, oyoqlarda og‘riq, belda og‘riq,
- Uyqusizlik, bosh og‘rig‘i, bosh aylanishi,
- Holsizlik, charchoqlik, ko‘krakda og‘riq,
- Kaliyni darajasini oshishi (bu yurak ritmini buzilishini chaqirishi mumkin), gemoglobin darajasini pasayishi,
- Buyrak funksiyasini o‘zgarishi, shu jumladan buyrak yetishmovchiligi,
- Qonda qandni haddan ziyod past darajasi (gipoglikemiya).
Tez-tez emas (100 odamdan 1 da paydo bo‘lishi mumkin):
- Anemiya, terida qizil yoki jigarrang dog‘lar (ba‘zida, xususan panjalarda, oyoqlarda, qo‘llarda va dumbada, bo‘g‘imlarda og‘riq bilan, barmoqlarni va tovonni shishi bilan va me‘dada og‘riq bilan), qontalashlar, leykositlar sonini kamayishi, qon ivishini buzilishi, trombositlar sonini kamayishi.
- Ishtahani yo‘qolishi, siydik kislotasi darajasini oshishi va yaqqol podagra, qonda qand darajasini oshishi, qonda elektrolitlar darajasini normadan o‘zgarishi.
- Bezovtalanish, asabiylashish, vahimali buzilishlar (qaytalanuvchan vahimalar xuruji), ongni chalkashishi, depressiya, patologik tush ko‘rishlar, uyquni buzilishi, uyquchanlik, xotirani yomonlashuvi.
- Achishish yoki shunga o‘xshash hisslar, oyoq-qo‘llarda og‘riq, titrash, migren, hushdan ketish.
- Ko‘rish noaniqligi, achishish yoki ko‘zlarni sanchib og‘rishi, kon‘yunktivit, ko‘rishni buzilishi, buyumlarni sariq rangda ko‘rish.
- Quloqlarni jaranglashi, g‘uvillash yoki chirsillash, vertigo.
- Past arterial qon bosimi, u tana holatini o‘zgarishi bilan bog‘liq bo‘lishi mumkin
(turmoqchi bo‘lganda yengil bosh aylanishi yoki holsizlik hissi, stenokardiya
(ko‘krakda og‘riq), yurak ritmini buzilishi, bosh miyada qon aylanishini o‘tkir buzilishi (TIA, “mikroinsult”), yurak xuruji, yurak urishini his qilish.
- Qon tomirlarini yallig‘lanishi, ular ko‘pincha teri toshmasi yoki qontalashlar bilan kechadi.
- Tomoqda og‘riq, hansirash, bronxit, pnevmoniya, o‘pkalarda suyuqlik (bu nafas olishni qiyinlashishini chaqiradi), burundan qon ketishi, tumov, burunni bitishi.
- Qabziyat, ichak tutilishi, meteorizm, me‘dani buzilishi, me‘dada spazm, qusish, og‘izni qurishi, so‘lak bezlarini yallig‘lanishi, tish og‘rig‘i.
- Sariqlik, (ko‘zlarni va terini sarg‘ayishi), me‘da osti bezini yallig‘lanishi.
- Eshakemi, qichishish, terini yallig‘lanishi, toshma, terini qizarishi, yorug‘likka yuqori sezuvchanlik, terini qurishi, yuzni qizarishi, terlash, sochni to‘kilishi.
- Qo‘llarda, yelkada, sonda, tizza yoki boshqa bo‘g‘imlarda og‘riqlar, bo‘g‘imlarni shishi, taranglik, mushak zaifligi.
- Tez-tez siyish, shu jumladan tungi vaqtda, buyrak funksiyasini buzilishi, shu jumladan buyraklarni yallig‘lanishi, siydik chiqarish yo‘llarini infeksiyalari, siydikda qand.
- Jinsiy maylni pasayishi, impotensiya
- Yuzni shishi, lokal shish (shish), isitma.
Kam hollarda (1000 odamdan 1 da paydo bo‘lishi mumkin) hollarda:
- Gepatit (jigarni yallig‘lanishi), jigar funksiyasi ko‘rsatkichlarini normadan o‘zgarishi.
Noma‘lum (mavjud ma‘lumotlarga asosan aniqlash mumkin emas):
- Grippsimon simptomlar.
- Tushuntirib bo‘lmaydigan mushak og‘riqlari, to‘q (choy rangida) siydik
- (rabdomioliz).
- Qonda natriyning past darajasi (giponatriemiya).
- Umumiy holatni yomonlashuvi (quvvatsizlik).
- Ta‘mni buzilishi (disgevziya).
- Lorista® N 100 preparatini qanday saqlash kerak
Ushbu preparatni bolalar ololmaydigan joyda saqlash kerak.
Ushbu preparatni o‘ramida ko‘rsatilgan yaroqlilik muddati o‘tgach ishlatilmasin. Yaroqlilik muddati ko‘rsatilgan oyning oxirgi kuniga to‘g‘ri keladi.
30°S dan yuqori bo‘lmagan haroratda saqlansin.
Dori preparatlarini kanalizasiya yoki maishiy chiqindilar bilan birga tashlab yuborish mumkin emas. Siz qo‘llanmaydigan boshqa dori preparatlarini qanday utilizasiya qilinishi haqida farmasevtdan so‘rang. Bunday choralar atrof muhitni himoya qilinishiga yordam beradi.
- O‘ram ichidagisi va boshqa ma‘lumot
Lorista® N 100 preparatining tarkibiga nima kiradi
-
Ta‘sir etuvchi moddalar: lozartan kaliy va gidroxlorotiazid. Plyonka qobiq bilan qoplangan har bir tabletka 100 mg lozartan kaliyni va 12,5 mg gidroxlorotiazidni saqlaydi.
- Yordamchi moddalar:
yadrosi: jelatinlangan kraxmal, mikrokristall sellyuloza, laktoza monogidrati, magniy stearati.
qobig‘i: gipromelloza, makrogol 4000, talk va titan dioksidi (Ye171).
Lorista® N 100 preparati va o‘ram ichidagi qanday ko‘rinishga ega
Lorista® N 100 tabletkalari: oq, oval, ikki yoqlama qavariq, plyonka qobiq bilan qoplangan tabletkalar.
10 yoki 14 tabletkadan PVX/PVDX folgali va alyumin folgali blisterda.
3 yoki 6 blisterdan (10 tabletkadan blisterda) ilova-varaqa bilan birga karton qutiga joylanadi.
2 yoki 4 blisterdan (14 tabletkadan blisterda) ilova-varaqa bilan birga karton qutiga joylanadi.
Berish tartibi
Shifokor resepti bilan beriladi.
