NELADEKS maz 5g

QO‘LLASH BO‘YICHA YO‘RIQNOMA

NELADEKS

NELADEX

Preparatning savdo nomi: Neladeks

Ta‘sir etuvchi moddalar (XPN): deksametazon, neomisin, polimiksin V

Dori shakli: ko‘z surtmasi, ko‘z/quloq tomchilari

Tarkibi:

Ko‘z surtmasi

1 g preparat quyidagilarni saqlaydi:

Faol moddalar: deksametazon – 1,0 mg; neomisin (sulfati shaklida) – 3,5 mg; polimiksin V sulfati – 6000 XB;

Yordamchi moddalar:suvsiz lanolin, xlorbutanol, sariq yumshoq parafin.

Ko‘z/quloq tomchilari

1 ml preparat quyidagilarni saqlaydi:

Faol moddalar: deksametazon – 1,0 mg; neomisin (sulfati shaklida) – 3,5 mg; polimiksin V sulfati – 6000 XB;

Yordamchi moddalar: gidroksipropilmetilsellyuloza, benzalkoniy xloridi, dinatriy edetati, natriy xloridi, polisorbat 80, natriy gidroksidi yoki xlorid kislotasi, in‘eksiya uchun suv.

Ta‘rifi:

Ko‘z surtmasi: xidsiz, sarg‘ishdan to oq sarg‘ish ranggacha bo‘lgan gomogen tiniq surtma.

Ko‘z/quloq tomchilari: xidsiz oq mikrodispers suspenziya.

Farmakoterapevtik guruhi: deksametazon mikroblarga qarshi preparatlar bilan majmuada.

ATX kodi: S01CA01

Farmakologik xususiyatlari

Antibakterial va yallig‘lanishga qarshi ta‘sirga ega bo‘lgan majmuaviy preparat.

Deksametazon – glyukokortikoid vosita (GKV). Mineralokortikoid faollikka ega emas. Yallig‘lanishga qarshi yaqqol ta‘sir ko‘rsatadi, allergiyaga qarshi va desensibilizasiyalovchi ta‘sir ko‘rsatadi. Eozinofillar tomonidan yallig‘lanish mediatorlarini ajralib chiqishini, semiz xujayralarning migrasiyasini susaytirib va kapillyarlarning o‘tkazuvchanligini kamaytirib, yallig‘lanish jarayonlarini faol bostiradi.

Neomisin – aminoglikozidlar guruxi mansub, keng ta‘sir doirasiga ega bo‘lgan antibiotikdir. Mikrob xujayrasida oqsil sintezini buzib, bakterisid ta‘sir ko‘rsatadi. Grammusbat va grammanfiy mikroorganizmlar, shu jumladan, Staphyloccocus aureus, Streptococcus pneumoniae, Escherichia coli, Proteus spp., Shigella spp. ga nisbatan faoldir.

Pseudomonas aeruginosa va streptokokklarga nisbatan faolligi kam.

Patogen zamburug‘lar, viruslar, anaerob floraga nisbatan faol emas. Mikroorganizmlarning neomisinga chidamliligi sekin va oz darajada rivojlanadi.

Polimiksin V – polipeptid strukturali antibiotik. Ta‘sir mexanizmi mikrob xujayralari membranalarining fosfolipidlari bilan bog‘lanish hususiyatiga bog‘liq, bu ularning destruksiyasiga olib keladi. Grammanfiy mikroorganizmlar, shu jumladan, Escherichia colii, Shigella spp., Enterobacter spp., Klebsiella spp., Hemophilus influenzae, Salmonella spp., Bordetella pertussis ga nisbatan faoldir. Pseudomonas aeruginosa ga nisbatan faolligi yuqori. Proteus spp., Neisseria spp., obligat anaeroblar va grammusbat bakteriyalarga nisbatan faol emas.

Polimiksin V ga Vibrio cholerae (eltor kichik turidan tashqari), shuningdek Coccidioides immitis sezgir, lekin asosan zamburug‘lar bu antibiotikka chidamlilik nomoyon qiladi

Farmakokinetikasi

Mahalliy qo‘llanganida tizimli so‘rilishi past.

Qo‘llanilishi

Ko‘zlarni o‘tkir va surunkali bakterial kasalliklari:

• blefaritlar;
• kon‘yunktivitlar;
• keratitlar;
• iridosiklit.

Ko‘zning oldingi bo‘limini operasiyadan keyingi yallig‘lanishini oldini olish uchun qo‘llanadi.

O‘tkir va surunkali tashqi va o‘rta quloq otitlar, eshituv a‘zolarida o‘tkazilgan jarrohlik operasiyalari bilan bog‘liq bo‘lgan infeksion asoratlarda qo‘llanadi.

Qo‘llash usuli va dozalari

Preparatni buyurishdan oldin bemorda kasallik chaqirgan mikrofloraning unga sezgirligini aniqlash tavsiya qilinadi.

Ko‘z surtmasi kon‘yunktivaga (qovoqlarning orqa yuzasi va ko‘z olmasining oldingi yuzasi orasidagi bo‘shliq) qo‘yiladi.

Infeksiyaning og‘ir shakllarida ko‘z surtmasi sutkada 4-6 marta ishlatiladi; kasallikning simptomlari yengillashishiga qarab, qo‘llashlar soni qisqartirilishi mumkin.

Infeksiyaning yengil shakllarida preparat odatda sutkada 3-4 marta buyuriladi.

Ko‘z/quloq tomchiliri infeksiyaning yengil shakllarida kon‘yunktivaga 1-2 tomchidan sutkada 4-6 marta tomiziladi. Infeksiyaning og‘ir shakllarida ko‘z tomchilari xar soatda ishlatilishi mumkin; kasallikning simptomlari yengillashishiga qarab, qo‘llashlar sonini kamaytirish mumkin.

Tashqi quloq yo‘lining infeksiyalarida 4 tomchidan sutkada 3-4 marta tomiziladi.

Eshituv a‘zolarida o‘tkazilgan jarrohlik operasiyalari bilan bog‘liq bo‘lgan infeksion asoratlarda, va o‘rta quloq otitlarida 4-10 tomchidan sutkada 3-4 marta tomiziladi.

Nojo‘ya ta‘sirlari

Preparat qo‘llanganida deksametazon bilan xam, antibakterial komponentlar bilan xam, shuningdek ularning majmuasi bilan xam chaqirilgan nojo‘ya reaksiyalar kuzatilishi mumkin.

Allergik reaksiyalar: qovoqlarni qichishishi, shishi, kon‘yunktivani qizarishi (odatda, antibiotiklarning ta‘siri bilan bog‘liq).

Deksametazonning ta‘siri bilan bog‘liq bo‘lgan nojo‘ya reaksiyalar:

Ko‘rish a‘zolari tomonidan: ko‘z ichki bosimini keyinchalik glaukomani rivojlanishi bilan bog‘liq oshishi; orqa subkapsulyar kataraktani xosil bo‘lishi; jaroxatlarni bitish jarayonini sekinlashishi (shox parda yoki skleraning yupqalashishini chaqiruvchi kasalliklarda, GKS maxalliy qo‘llanganida fibroz pardasi teshilishi mumkin). Shuning uchun shox parda epiteliysining nuqsoni bilan birga kechuvchi kasalliklarda Neladeks preparatini qo‘llash tavsiya etilmaydi.

Antibiotiklar bilan majmuada GKS ni saqlovchi preparatlar qo‘llanganidan so‘ng, ikkilamchi infeksiyani (shu jumladan, zamburug‘li) rivojlanishi kuzatilishi mumkin. Ikkilamchi bakterial infeksiya pasient organizmining ximoya reaksiyasini bostirilishi oqibatida rivojlanishi mumkin. Ko‘zning o‘tkir yiringli kasalliklarida GKS lar mavjud bo‘lgan infeksion jarayonni yashirishi yoki kuchaytirishi mumkin. Steroid preparatlari bilan uzoq muddatli davolanishdan keyin shox pardada bitmaydigan yaralarni paydo bo‘lishi, zamburug‘li invaziyani rivojlanishidan dalolat berishi mumkin.

Qo‘llash mumkin bo‘lmagan holatlar

Neladeks preparatini quyidagi holatlarda qo‘llash mumkin emas:

• Herpes simplex chaqirgan keratitda (daraxtsimon keratitda);
• shox parda va kon‘yunktivani virusli kasalliklarida(shu jumladan suvchechakda);
• ko‘zlarni mikobakterial infeksiyalarida;
• ko‘zlarni zamburug‘li kasalliklarida;
• preparatning xarqanday komponentiga yuqori sezuvchanlikda.

Shox pardadan yot jism asoratsiz olib tashlanganidan so‘ng preparat buyurilmaydi.

Dorilarning o‘zaro ta‘siri

Neladeks preparatini boshqa dori vositalari bilan o‘zaro ta‘siri aniqlanmagan.

Maxsus ko‘rsatmalar

Preparat faqat maxalliy qo‘llash uchun mo‘ljallangan.

GKS larni saqlovchi preparatlar 10 kundan ortiq qo‘llanganida ko‘z ichki bosimini muntazam ravishda o‘lchab turish kerak.

Neladeks preparati tizimli antibiotiklar – aminoglikozidlar bilan bir vaqtda qo‘llanganida, qon zardobida neomisinning  konsentrasiyasini nazorat qilish kerak.

Davolanish  vaqtida kontakt linzalarni taqish tavsiya etilmaydi.

O‘ramning ichidagisini mikroblar bilan ifloslanishidan saqlash uchun, tomchilagichning uchi va tuba biron-bir yuzalarga tegishidan saqlanishi kerak.

Neladeks ko‘z/quloq tomchilari flakonining ichidagisini qo‘llash oldidan chayqatish kerak.

Homiladorlik va emizish davrida qo‘llanishi

Xomiladorlikda preparat davolashning samaradorligi xomila uchun kuzatilishi mumkin bo‘lgan xavfdan ustun bo‘lgan xollardagina buyurilishi kerak.

Laktasiya davrida emizishni to‘xtatish masalasini xal qilish kerak.

Pediatriyada qo‘llanishi

Xozirgi vaqtda preparatni bolalarda qo‘llash xavfsizligi va samaradorligi aniqlanmagan.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Xozirgi vaqtda Neladeks preparatining dozasini oshirib yuborilish xollari yuzasidan xabar berilmagan.

Chiqarilish shakli

Neladeks ko‘z surtmasi 5,0 g dan alyumin tubada chiqariladi. 1 alyumin tuba qo‘llash bo‘yicha yo‘riqnomasi bilan birga karton qutida.

Neladeks ko‘z/quloq tomchilari 5 ml dan tiqin-tomchilagichli va ximoya xalqasi bilan ta‘minlangan, buraluvchi himoya qopqoqchali plastik flakonda chiqariladi. 1 flakon qo‘llash bo‘yicha yo‘riqnomasi bilan birga karton qutida.

Saqlash sharoiti

Neladeks ko‘z tomchilari

30°S dan yuqori bo‘lmagan xaroratda saqlansin.

Flakon ochilganidan so‘ng preparat bir oy davomida ishlatilsin.

Neladeks ko‘z/quloq tomchilari

15-25° S xaroratda saqlansin.

Flakon ochilganidan so‘ng preparat bir oy davomida ishlatilsin.

Yaroqlilik muddati

2 yil.

Dorixonalardan berish tartibi

Resept bo‘yicha.