OFLOMELID maz 30g

QO‘LLASH BO‘YICHA YO‘RIQNOMA

OFLOMELID

Preparatning savdo nomi: Oflomelid^®

Dori shakli: sirtga qo‘llash uchun surtma.

100 g surtma tarkibi:

faol moddalar: ofloksasin – 1 g, dioksometiltetragidropirimidin (metilurasil) – 4 g, lidokain gidroxloridi monogidrati (lidokain gidroxloridiga qayta hisoblanganda) –
3 g;

yordamchi moddalar: metilparagidroksibenzoat (nipagin yoki metilparaben), propilparagidroksibenzoat (nipazol yoki propilparaben), propilenglikol, makrogol-1500 (quyi molekulyar polietilenglikol-1500, polietilenoksid-1500), makrogol-400 (quyi molekulyar polietilenglikol-400, polietilenoksid-400).

Ta‘rifi: oq yoki deyarli oq rangli surtma.

Farmakoterapevtik guruhi: sirtga qo‘llash uchun majmuaviy mikroblarga qarshi vosita.

ATX kodi: D06BX.

Farmakologik xususiyatlari

Oflomelid^® majmuaviy preparat bo‘lib, mikroblarga qarshi, yallig‘lanishga qarshi, mahalliy og‘riqsizlantiruvchi, regenerasiyalovchi ta‘sir ko‘rsatadi.

Faol moddalari bo‘lib ofloksasin, metilurasil va lidokain hisoblanadi.

Ofloksasin ftorxinolonlar guruhiga mansub keng ta‘sir doirasiga ega mikroblarga qarshi vosita hisoblanadi. Bakterial xujayrada DNK-girazani bloklash hisobiga bakterisid ta‘sir ko‘rsatadi. DNK-giraza bakterial DNK ni replikasiya, transkripsiya, reparasiya va rekombinasiyasi uchun muhim. Uni ingibisiya qilinishi bakterial DNK ni buralishi va destabilizasiyasiga va buning natijasida mikrob xujayrasini o‘limiga olib keladi.

Ofloksasinga yuqori sezgir mikroorganizmlar (MBK<0,5 mg/l): grammusbat aeroblar – Staphylococcus aureus methi-S (metisillinga sezgir shtammlar), Staphylococcus coagulase negative (koagulazo-negativ stafilokokklar: Staphylococcus epidermidis, Staphylococcus saprophyticus, Staphylococcus haemolyticus, Staphylococcus hominis i dr.); grammanfiy aeroblar – Aeromonas hydrophila, Bordetella spp., Brucella spp, Campylobacter jejuni, Citrobacter spp. (shu jumladan, Citrobacter freundii), Enterobacter spp. (shu jumladan Enterobacter cloacae, Enterobacter aerogenes, Escherichia coli, Haemophilus ducreyi, Haemophilus influenzae, Haemophilus parainfluenzae, Klebsiella spp. (shu jumladan Klebsiella pneumonia), Moraxella (Brahamella) catarrhalis, Morganella morganii, Neisseria gonorrhoeae, Neisseria meningitides, Plesiomonas spp, Proteus spp. (Proteus mirabilis, Proteus vulgaris (indole + va indole -)), Providencia spp., Salmonella spp., Serratia (shu jumladan, Serratia marcescens), Shigella spp. (shu jumladan, Shigella sonnei), Vibrio spp. (shu jumladan, Vibrio cholerae, Vibrio parahaemolyticus), Yersinia spp. (shu jumladan Yersinia enterocolitica);

anaeroblar – Clostridium perfringens, Helicobacter pylori, Propionibacterium acnes;

boshqalar – Chlamydia trachomatis, Legionella spp., Mycoplasma spp. (shu jumladan, Mycoplasma hominis).

Ofloksasinga o‘rtacha sezgir mikroorganizmlar: Acinetobacter spp. (shu jumladan Acinetobacter calcoaceticus), Bacteroides fragilis, Bacteroides urealyticus, Chlamydia psittaci, Gardnerella vaginalis, Enterococcus faecalis, Mycobacterium tuberculosis, Mycobacterium leprae, grammusbat anaerob kokklar (Peptococcus spp., Peptostreptococcus spp., Pseudomonas spp. (shu jumladan, Pseudomonas aeruginosa), Streptococcus spp. (shu jumladan, Streptococcus pyogenes, Streptococcus pneumoniae, Streptococcus viridians) – faqat penisillinga sezgir shtammlar, Ureaplasma urealyticum.

Ofloksasinga chidamli mikroorganizmlar (MBK > 1 mg/l): Acinetobacter baumannii, Enterococcus spp. ning ko‘pgina shtammlari, Listeria monocytogenes, Nocardia spp., (shu jumladan, Nocardia asteroids), Staphylococcus aureus va Staphylococcus spp. ning metisillinga chidamli shtammlari (Staphylococci methi-R), Treponema pallidum.

Metilurasil to‘qimalar reparasiyasi rag‘batlantiruvchisidir. Anabolik faollikka ega. To‘qimalarni o‘sishi va granulyasion yetilishi va epitelizasiyasini tezlashtirib, to‘qimalarda xujayralar regenerasiyasi jarayonini tezlashtiradi.

Lidokain Na⁺-kanallarini bloklash natijasida mahalliy og‘riqsizlantiruvchi ta‘sir ko‘rsatadi, bu sezuvchan nerv oxirlarida impuls generasiyasi va nerv tolalari bo‘ylab impulslarni o‘tkazilishiga to‘sqinlik qiladi. Sirtga qo‘llanganida qon tomirlarni kengaytiradi, mahalliy ta‘sirlovchi samara ko‘rsatmaydi.

Surtmaning suvda eruvchan (gidrofil) va giperosmolyar asosini molekulyar massasi 400 va 1500 bo‘lgan polietilenoksidlar (polietilenglikollar) aralashmasi (PEO-400 va PEO-1500 yoki PEG-400 va PEG-1500) tashkil etadi, ular to‘qimalarga degidratasiyalovchi (namlikni yutuvchi) va osmotik ta‘sir ko‘rsatadi, u natriy xloridining 10% li eritmasining ta‘sir kuchiga nisbatan 20 marta yuqori va 18-20 soatgacha davom etadi.

Qo‘llanilishi

Turli lokalizasiyali va yara jarayonining birinchi (yiringli-nekrotik) fazasidagi infeksiyalangan yaralar, shu jumladan yaqqol og‘riq sindromi (II-IV darajali infeksiyalangan kuyishlar, yotoq yaralar, trofik yaralar, operasiyadan keyingi va jarohatdan keyingi yaralar va oqma yaralar, abssesslar, flegmonalarni ochishdan keyingi yaralar, abssesslanuvchi furunkullarni, karbunkullarni, gidradenitlarni, yiringlagan ateromalarni, lipomalarni birlamchi jarroxlik ishlovidan keyinga yaralar) bilan kechuvchi yaralarda qo‘llanadi.

Qo‘llash usuli va dozalari

Kuniga 1 marta 1-2 xafta davomida sirtga qo‘llanadi. Yaralarga va kuygan yaralarga standart ishlov berilganidan keyin surtma yupqa qavat qilib (undan keyin steril marli bog‘lam qo‘yiladi) yoki marli bog‘lam va keyinchalik shikastlangan sohaga applikasiya yo‘li bilan bevosita yara yuzasiga qo‘yiladi. Surtma bilan shimdirilgan tamponlar yiringli yaralarga jarroxlik ishlovi berilgandan keyin siyrak qilib to‘ldiriladi, surtmali marli turundalar esa oqma yaralar yo‘liga qo‘yiladi.

Yiringli yaralarni davolashda surtma sutkada 1 marta, kuygan yaralarni davolashda – yiringli ajralma miqdoriga qarab har kuni yoki xaftasiga 2-3 marta qo‘llanadi. Maksimal sutkalik doza 100 g dan oshmasligi kerak. Davolash davomiyligi yarani yiringli ekssudatdan tozalanish dinamikasi va yallig‘lanish jarayonini bartaraf etilishi muddatlariga bog‘liq.

Nojo‘ya ta‘sirlari

Allergik reaksiyalar.

Qo‘llash mumkin bo‘lmagan holatlar

Preparatning komponentlariga shaxsiy yuqori sezuvchanlik, homiladorlik, laktasiya davri, 18 yoshgacha bo‘lgan bolalarda qo‘llash mumkin emas.

Dorilarning o‘zaro ta‘siri

Qo‘llanilayotgan preparatlarning samaradorligi va xavfsizligini kamayishiga olib keluvchi dori vositalarining o‘zaro ta‘sirlari holatlari aniqlamagan.

Maxsus ko‘rsatmalar

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Chiqarilish shakli

Sirtga qo‘llash uchun surtma.

30 g, 50 g yoki 100 g dan alyumin tubalarda.

30 g, 50 g yoki 100 g dan plastmassa qopqoq bilan berkitilgan to‘q sariq rangli shisha bankalarda.

200 g, 400 g dan birinchi ochish nazoratli polimer bankalarda.

Stasionarlar uchun 5 qo‘llash bo‘yicha yo‘riqnomasi bilan 200 g, 400 g dan birinchi ochish nazoratli polimer bankalarda.

Stasionarlar uchun 5 qo‘llash bo‘yicha yo‘riqnomasi bilan 1000 g dan buraladigan qopqoqli polimer bankalarda.

Stasionarlar uchun 5 qo‘llash bo‘yicha yo‘riqnomasi bilan 1000 g, 2000 g dan plastmassa qopqoq bilan berkitilgan to‘q sariq rangli shisha bankalarda.

Har bir 30 g, 50 g, 100 g, 200 g, 400 g li tuba yoki banka qo‘llash bo‘yicha yo‘riqnomasi bilan karton qutida.

Saqlash sharoiti

Yorug‘likdan himoyalangan joyda, 15 dan 25^oS gacha haroratda.

Yaroqlilik muddati

Tubalar: 4 yil.

Bankalar: 4 yil. Banka ochilgandan keyin 3 oy davomida ishlatilsin.

Dorixonalardan berish tartibi

Resept bo‘yicha.