ORLOKS tabletkalari 500mg N10

Ichga qabul qilingandan so'ng ofloksatsin oshqozon-ichak traktida deyarli to'liq so'riladi, preparatning biokiraolishligi 100% ga etadi, qon plazmasidagi maksimal kontsentratsiyasi preparat dozasiga qarab qabul qilingandan 30–60 daqiqa o'tgach erishiladi. O'zgarmagan holda, asosan siydik bilan (90%) chiqariladi.

Ichga qabul qilingandan so'ng ornidazol tez so'riladi. Maksimal kontsentratsiyaga qabul qilingandan 3 soat o'tgach erishiladi. Plazma oqsillari bilan bog'lanishi 15% dan kam.

Biokiraolishligi – 90%. Preparat gistagematik to'siqlar orqali, shu jumladan gematoensefalik to'siq orqali oson o'tadi, organizm suyuqliklari va to'qimalariga yaxshi kiradi.

Jigarda metabollanadi.
Asosan buyraklar orqali metabolitlar ko'rinishida (qabul qilingan dozaning taxminan 4% o'zgarmagan holda chiqariladi), 22% ichak orqali chiqariladi. Yarim chiqarilish davri 12-14 soatni tashkil qiladi.

Orloks majmuaviy dori vositasi.

Ofloksatsin – ftorxinolonlar guruhiga mansub keng ta'sir doirasiga ega mikroblarga qarshi vosita. Ofloksatsinning bakteritsid ta'siri, boshqa ftorxinolonlar kabi, uning bakterial ferment DNK-girazani bloklash qobiliyati bilan bog'liq.

Ofloksatsin keng ta'sir doirasiga ega: u ko'pchilik grammanfiy bakteriyalar – Escherichia coli, Klebsiella, Proteus, Salmonella, Yersinia, Providencia, Shigella, Enterobacter, Citrobacter, Providentia, Pseudomonas, Hafnia, shuningdek Staphylococcus (shu jumladan metitsillin va boshqa antibiotiklarga rezistent mikroflora) ga nisbatan faol.

Preparatga shuningdek Neisseria, Mycoplasma, Chlamydia, Campylobacter, Brucella, Vibrio, Aeromonas, Plesiomonas, Haemophilus influenzae, Versinia sezgir.

Preparatga o'zgaruvchan sezgirlikka ega: enterokokklar, streptokokklar (S.pyogenes, S.pneumoniae, S.viridans), Serratia marcescens, Pseudomonas aeruginosa, Acinetobacter, Mycoplasma (M.hominis, M.pneumoniae), sil mikobakteriyalari, shuningdek Мусоbacterium fortuitum, Gardnerella vaginalis, Ureaplasma, Bruccella.

Preparatga anaerob bakteriyalar (V. urealiticus dan tashqari), Тrероnеmа раllidum, viruslar, zamburug'lar va sodda jonivorlar sezgir emas.

Ornidazol — protozoyga qarshi va antibakterial vosita. Trichomonas vaginalis, Entamoeba histolytica, Giardia lamblia, shuningdek ba'zi anaerob bakteriyalar, masalan: Bacteroides, Clostridium spp., Fusobacterium spp. va anaerob kokklarga nisbatan faol.

Ta'sir mexanizmi bo'yicha ornidazol – nitroguruhni tiklashga va ferridoksinlar guruhi oqsillarining nitrobirikmalar bilan o'zaro ta'sirini katalizlashga qodir ferment tizimlariga ega mikroorganizmlarga nisbatan tanlab faollikka ega DNK-trop preparat. Preparat mikrob hujayrasiga kirgandan so'ng uning ta'sir mexanizmi mikroorganizm nitroreduktazalari ta'sirida nitroguruhning tiklanishi va allaqachon tiklangan nitroimidazolning faolligi bilan bog'liq. Tiklanish mahsulotlari DNK bilan komplekslar hosil qilib, uning degradatsiyasini keltirib chiqaradi, DNK replikatsiyasi va transkripsiyasi jarayonlarini buzadi. Bundan tashqari, preparatning metabolizm mahsulotlari sitotoksik xususiyatlarga ega va hujayra nafas olish jarayonlarini buzadi. Ichga qabul qilingandan so'ng ofloksatsin oshqozon-ichak traktida deyarli to'liq so'riladi, preparatning biokiraolishligi 100% ga yetadi, qon plazmasidagi maksimal kontsentratsiyasi preparat dozasiga qarab qabul qilingandan 30–60 daqiqa o'tgach erishiladi. O'zgarmagan holda, asosan siydik bilan (90%) chiqariladi.
Ichga qabul qilingandan so'ng ornidazol tez so'riladi. Maksimal kontsentratsiya qabul qilingandan 3 soat o'tgach erishiladi. Plazma oqsillari bilan 15% dan kamrog'i bog'lanadi.
Biokiraolishligi – 90%. Preparat gistogematik to'siqlar, shu jumladan gematoensefalik to'siq orqali oson o'tadi, organizm suyuqligi va to'qimalariga yaxshi kirib boradi.
Jigarda metabollanadi.
Asosan buyraklar orqali metabolitlar ko'rinishida (qabul qilingan dozaning taxminan 4% o'zgarmagan holda chiqariladi), 22% ichak orqali chiqariladi. Yarim chiqarilish davri 12-14 soatni tashkil qiladi.

Ovqat hazm qilish trakti tomonidan:
metall ta'mi;
- og'iz qurishi;
- ko'ngil aynishi;
- qorinda og'irlik va og'riq;
- ishtahaning yo'qolishi, diareya, qusish;

Markaziy asab tizimi tomonidan:
- uyquchanlik;
- bosh og'rig'i;
- bosh aylanishi;
- tremor;
- rigidlik;
- harakatlar muvofiqlashtirilishining buzilishi;
- vaqtinchalik hushdan ketish;
- toliqish;
- ataksiya;
- tirishishlar;
- ongning chalkashishi;
- sensor yoki aralash periferik neyropatiya belgilari.

Qon yaratish tizimi tomonidan:
juda kam hollarda kuzatiladi:
- leykotsitlar, eritrotsitlar va/yoki qon plastinkalari sonining kamayishi (leykopeniya, agranulotsitoz, anemiya, trombotsitopeniya, pantsitopeniya);

Yurak-qon tomir tizimi tomonidan:
- gipotenziya;
- taxikardiya.

Boshqalar:
- qonda kreatinin darajasining oshishi;
- jigar fermentlari, bilirubin faolligining oshishi;
- artralgiya;
- mialgiya.

Allergik reaksiyalar:
- teri toshmasi;
- qichishish;
- fotosensibilizatsiya;
- Kvinke shishi;
- ko'p shaklli eritema.

Boshqa nojo'ya ta'sirlar:
- gipoglikemik preparatlarni qabul qilayotgan qandli diabeti bo'lgan bemorlarda gipoglikemiya.

Orloks bilan davolash vaqtida yuqori fotosensibilizatsiya xavfi tufayli to'g'ridan-to'g'ri quyosh nurlari tushishidan, ultrabinafsha nurlari (simob-kvars lampalari, solyariy) bilan nurlanishdan saqlanish kerak.

Orloks ambulator bemorlarda pnevmoniyani davolash uchun birinchi qator preparati hisoblanmaydi (ko'pchilik hollarda pnevmoniya qo'zg'atuvchisi — pnevmokokk).

Nojo'ya ta'sirlar, ayniqsa asab tizimi tomonidan, allergik reaksiyalar rivojlanganda preparatni bekor qilish kerak.

Orloks bilan davolash vaqtida diareya rivojlanishi soxtamembranoz kolit simptomi bo'lishi mumkin. Ushbu asorat rivojlanishi gumon qilinganda Orloks qabul qilishni darhol to'xtatish va shoshilinch antibakterial terapiyani (ichga — vankomitsin yoki metronidazol) tayinlash kerak. Ichak peristaltikasini kamaytiruvchi preparatlar qarshi ko'rsatilgan!

Buyrak funksiyasi buzilgan yoki jigarning og'ir shikastlanishlari (tsirroz) bo'lgan bemorlarda preparatning o'rtacha sutkalik dozasidan (2 tabletka) oshirmaslik kerak.

Orloks uzoq muddat qabul qilinganda ikkilamchi infeksiya rivojlanishi mumkin (preparatga chidamli mikroorganizmlar o'sishi bilan bog'liq). Ikkilamchi infeksiya rivojlanganda davolash vaqtida tegishli choralar ko'riladi.

Preparatni qabul qilish alkogol bilan mos kelmaydi!

Preparatning ba'zi nojo'ya ta'sirlari (bosh aylanishi, uyquchanlik, ong chalkashishi, ko'rish va eshitish buzilishi, harakat koordinatsiyasi buzilishi) psixomotor reaksiyalar tezligini pasaytirishi va avtotransport vositalarini boshqarish yoki potensial xavfli mexanizmlar bilan ishlash qobiliyatini yomonlashtirishi mumkin.

Preparat bolalar ololmaydigan joyda saqlansin va yaroqlilik muddati o'tgandan keyin ishlatilmasin.

- preparatga yoki uning komponentlariga yuqori sezuvchanlik;
- epilepsiya;
- anamnezda markaziy asab tizimi shikastlanishlari (xususan, bosh miya jarohati, insult yoki markaziy asab tizimidagi yallig‘lanish jarayonlaridan keyin).

Preparatni quyidagilarga tayinlamaslik kerak:
- bolalarga;
- o‘smirlarga;
- homilador ayollar va emizikli onalarga, chunki ushbu guruh bemorlar uchun Orloksni qo‘llash xavfsizligi bo‘yicha yetarli ma'lumotlar yo‘q.

Antatsid yoki temir saqlovchi vositalar bilan bir vaqtda qo'llanilganda Orloks samaradorligi pasayadi, shu munosabat bilan preparat ko'rsatilgan vositalarni qabul qilishdan 2 soat oldin yoki 2 soat keyin qabul qilinadi.

Nosteroid yallig'lanishga qarshi vositalar (NYQV) bilan bir vaqtda qabul qilinganda tirishishlar rivojlanish xavfi ortadi.

Probenetsid, simetidin, furosemid va metotreksat chiqarilishni tormozlaydi va toksiklikni oshirishi mumkin. Glibenklamid kontsentratsiyasini oshiradi.

Eritmada geparin bilan aralashtirmaslik kerak (pretsipitatsiya xavfi).

Orloks kumarin qatori antikoagulyantlari samarasini kuchaytiradi, vekuroniy bromidning miorelaksatsiyalovchi ta'sirini uzaytiradi.

Orloks ichga, chaynamasdan, suv bilan ichib qabul qilinadi.
Preparatni qabul qilish ovqatlanishga bog‘liq emas. Orloks dozasi va davolash davomiyligi mikroorganizmlarning sezgirligi, infeksion jarayonning turi va og‘irligiga bog‘liq.
Kattalar uchun o‘rtacha doza — 1 tabletkadan sutkasiga 2 marta, davolash davomiyligi — 7–10 kun. Kasallikning klinik belgilari yo‘qolganidan keyin davolashni kamida 3 kun davom ettirish tavsiya etiladi.