×
×

Mahsulotning ko'rinishi saytdagi rasmdan farq qilishi mumkin.

ORSIPOL tabletkalari 500mg 500mg/500mg N10

Kategoriya:
- Antibiotiklar
Ishlab chiqarilish joyi:
- Turkiya
Faol modda:
Орнидазол, Ципрофлоксацин
Qadoqda soni:
- 10
Ishlab chiqaruvchi:
- World Medicine Ilaс San. Ve Tic. A.S.
ATX kodi:
- J01
Noaniqliq haqida habar berish

O'xshash dorilar

KLAMOK tabletkalari 1000mg N10 Nobel Pharmsanoat, ИП ООО O'zbekiston
45 000 s`om dan
SEFTRIAKSON SULBAKTAM poroshok 1,5g N1 ATM Sanita Pharma, ИП, OOO O'zbekiston
8 000 s`om dan
ULTRAZIDIM poroshok 1,0g Ultra Laboratoires Pvt. Ltd. Hindiston
30 000 s`om dan
Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
ORSIPOL tabletkalari 500mg 500mg/500mg N10 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

ORSIPOL

ORCIPOL

Preparatning savdo nomi: Orsipol

Ta‘sir etuvchi moddalar (XPN): siprofloksasin + ornidazol

Dori shakli: plyonka qobiq bilan qoplangan tabletkalar

Tarkibi:

Plyonka qobiq bilan qoplangan har bir tabletka quyidagilarni saqlaydi:

faol moddalar:

siprofloksasin (siprofloksasin gidroxloridi shaklida) 500 mg;

ornidazol                                                                                        500 mg;

yordamchi moddalar: natriy kraxmalglikolyati, natriy kroskarmelloza, povidon, magniy stearati, suvsiz kolloid kremniy dioksidi, talk, makkajo‘xori kraxmali;

qobig‘ining tarkibi: sariq Opadri 02F22025 (gipromelloza, titan dioksidi, makrogol 6000, temir (II) oksidi, talk).

Ta‘rifi: oval shaklli, och sariq rangli, bir tomonida “ORCP” gravirovkasi, boshqa tomonida bo‘lish uchun riskasi bo‘lgan, plyonka qobiq bilan qoplangan tabletka.

Farmakoterapevtik guruhi: tizimli qo‘llash uchun mikroblarga qarshi va protozoylarga qarshi preparatlar.

ATX kodi: J01

Farmakologik hususiyatlari

Farmakodinamikasi  

Orsipol – mikroblarga qarshi va protozoylarga qarshi majmuaviy preparat bo‘lib, farmakologik ta‘siri uning tarkibiga kiruvchi komponentlar: siprofloksasin (II avlod ftorxinoloni hosilasi) va ornidazol (5-nitroimidazol hosilasi) ning xususiyatlari bilan ifodalanadi.

Siprofloksasin bakteriyalardagi DNK-giraza fermentini ingibisiya qiladi va DNK sintezini susaytiradi; bakteriyalarning hujayra devori va membranasida morfologik o‘zgarishlar chaqiradi, bu hujayralarni tez nobud bo‘lishiga olib keladi. Ko‘payotgan va tinch holatdagi mikroorganizmlarga ta‘sir qiladi. Mikroblarga qarshi keng ta‘sir doirasiga ega, qator aerob grammusbat va grammanfiy mikroorganizmlar: Staphylococcus spp. (shu jumladan penisillinaza ishlab chiqaradigan va ishlab chiqarmaydigan shtammlari, metisillinga rezistent bo‘lgan shtammlari), Streptococcus spp. (shu jumladan S. pneumoniae va S. pyogenes shtammlari), Enterococcus spp, Listeria monocytogenes; Enterobacter spp., Haemophilus influenzae, Klebsiella spp., Legionella spp., Moraxella catarrhalis, Morganella morganii, Neisseria spp., Proteus spp., Pseudomonas aeruginosa, Salmonella spp., Shigella spp., Vibrio cholerae, Campylobacter spp., Citrobacter spp., Yersinia enterocolitica, E.coli; va boshqalar – Mycobacterium tuberculosis, Chlamydia trachomatis va Mycoplasma hominis. Ureaplasma urealyticum, Clostridium difficile, Nocardia asteroides lar siprofloksasinga rezistentdir. Treponema pallidum nisbatan ta‘siri yetarli darajada o‘rganilmagan.

Ornidazolning ta‘sir mexanizmi sezgir mikroorganizmlarning DNK strukturasini buzilishi bilan bog‘liq. Trichomonas vaginalis, Giardia lamblia, Entamoeba histolytica larga nisbatan, shuningdek ba‘zi anaerob bakteriyalar (shu jumladan Bacteroides spp., Clostridium spp., Fusobacterium spp. va anaerob kokklar) ga nisbatan faoldir.

Farmakokinetikasi

Siprofloksasin me‘da-ichak yo‘llaridan (MIY) dan tez so‘riladi. Biokiraolishligi 70-80% ni tashkil etadi.

Ornidazol peroral qabul qilinganidan so‘ng tez so‘riladi. Biokiraolishligi 90% ni tashkil etadi.

Qo‘llanilishi

Orsipol siprofloksasin/ornidazolning majmuasiga sezgir bo‘lgan mikroorganizmlarning shtammlari chaqirgan quyidagi infeksiyalarni davolash uchun mo‘ljallangan:

  • kichik chanoq a‘zolarining infeksion-yallig‘lanish kasalliklarini davolash, shu jumladan abortlar va operasiyadan keyingi infeksiyani oldini olish uchun;
  • buyrak va/yoki siydik chiqarish yo‘llarining infeksiyalari: o‘tkir va surunkali pielonefrit, sistit, uretrit, prostatit, epididimit, shu jumladan, asoratlangan va qaytalanuvchi infeksiyalarda;
  • jinsiy yo‘l bilan yuqadigan infeksiyalar: xlamidioz, mikoplazmoz, gonoreya, trixomoniaz, aralash infeksiyalar (mikst-infeksiyalar) da;
  • nafas yo‘llarining infeksiyalari: o‘tkir bronxit, surunkali bronxitni zo‘rayishi, pnevmoniya (Orsipol preparatini Klebsiella, Enterobacter, Proteus, E. coli, Pseudomonas, Haemophilus, Branhamella, Legionella, Staphylococcus chaqirgan pnevmoniyalarda buyurish tavsiya etiladi), infeksiyalangan bronxoektazlar, o‘pka abssessi, plevra empiemasida;
  • LOR-a‘zolarining infeksiyalari: sinusit, tashqi va o‘rta quloq otiti, mastoiditda;
  • ko‘zning infeksiyalarida;
  • teri va yumshoq to‘qimalarning infeksiyalarida;
  • suyak va bo‘g‘imlarning infeksiyalarida;
  • qorin bo‘shlig‘ining infeksiyalari, MIY va o‘t chiqarish yo‘llarining infeksiyalari, peritonitda;
  • amyobiazda (Entamoeba histolytica chaqirgan ichak infeksiyalari, shu jumladan amyobali dizenteriya va amyobiazning ichakdan tashqari barcha shakllari, ayniqsa amyobali jigar abssessida);
  • lyambliozda;
  • sepsisda;
  • immuniteti past bo‘lgan pasientlarda (masalan, immunodepressantlar qabul qilayotgan pasientlar yoki neytropeniyasi bo‘lgan pasientlarda) infeksiyalarni oldini olish va davolashda;
  • immuniteti past bo‘lgan pasientlarda tanlangan ichak dekontaminasiyasida;
  • yo‘g‘on ichakda o‘tkazilgan operasiyalarda va ginekologik aralashuvlarda anaerob infeksiyani oldini olish uchun;
  • kuydirgining (Bacillus anthracis chaqirgan) o‘pka shaklini oldini olish va davolash uchun;
  • 5 yoshdan 17 yoshgacha bo‘lgan o‘pka mukovissidozi bilan xastalangan bolalarda Pseudomonas aeruginosa chaqirgan asoratlarni davolash uchun qo‘llanadi.

Qo‘llash usuli va dozalari

Orsipol ovqatdan oldin yoki ovqatdan keyin 2 soat o‘tgach ichga chaynamasdan qabul qilinadi.

O‘tkir infeksiyalarda davolash kursi 5-7 kunni tashkil etadi, surunkali qaytalanuvchi infeksiyalarni davolashda esa 10-14 kunni tashkil etadi, 1 tabletkadan sutkada 2 marta qo‘llanadi.

Kasallik simptomlari bartaraf bo‘lganidan so‘ng yana 2 kun davomida preparat qabul qilishni davom ettirish kerak.

Kreatinin klirensi minutiga 20 minut va undan kam bo‘lgan bemorlarga, keksa yoshdagi pasientlarga va tana vazni yengil bo‘lgan pasientlarga odatdagi dozasning yarmi buyuriladi.

Nojo‘ya ta‘sirlari

Simptomlar odatda yengil yoki o‘rtacha og‘irlik darajasida va tez o‘tib ketadigan bo‘ladi, ayrim hollarda davolashni bekor qilish talab etiladi.

Me‘da-ichak yo‘llari tomonidan: ko‘ngil aynishi, qusish, diareya, qorinda og‘riq;

Markaziy nerv tizimi tomonidan: bosh og‘rig‘i, bosh aylanishi, uyquni buzilishi;

Qon yaratish tizimi tomonidan: eozonofiliya, leykopeniya, neytropeniya, trombositlar miqdorini o‘zgarishi;

Immun tizimi va teri qoplamlari tomonidan: allergik reaksiyalar, yorug‘likka sezuvchanlik reaksiyalari bo‘lishi mumkin.

Qo‘llash mumkin bo‘lmagan holatlar

Siprofloksasin yoki ornidazolga yuqori sezuvchanlikda qo‘llash mumkin emas.

Dorilarning o‘zaro ta‘siri

Siprofloksasin va teofillinni bir vaqtda qabul qilish sitoxrom R450 ni bog‘langan sohalarida raqobatli ingibisiya bo‘lishi hisobiga qon plazmasida teofillinning konsentrasiyasini oshishiga olib kelishi mumkin, bu teofillinning yarim chiqarilish davrini uzayishiga va teofillin qo‘zg‘atgan nojo‘ya samaralarni rivojlanishiga olib keladi.

Ornidazol kumarin qatori peroral antikoagulyantlarning ta‘sirini kuchaytiradi, bu ularning dozalariga tuzatish kiritishni talab etadi.

Ornidazol vekuroniy bromidning miorelaksasiya qiluvchi ta‘sirini uzaytiradi.

Siprofloksasin va varfarinni bir vaqtda qo‘llash varfarinning ta‘sirini kuchaytirishi mumkin.

Antasidlar, shuningdek tarkibida alyuminiy, rux, temir yoki magniy ionlarini saqlovchi preparatlarni bir vaqtda qabul qilish siprofloksasinning so‘rilishini pasaytirishi mumkin, shuning uchun bu preparatlarni qabul qilishlar o‘rtasidagi oraliq kamida 4 soat bo‘lishi kerak.

Maxsus ko‘rsatmalar

Buyrak funksiyasini buzilishlari bo‘lgan pasientlarda preparatning dozalash tartibiga tuzatish kiritish talab etiladi. Keksa yoshdagi pasientlarda, bosh miyadagi qon-tomirlar aterosklerozida, bosh miyada qon aylanishini buzilishlarida, tutqanoqda, noma‘lum etiologiyali tirishish sindromida ehtiyotkorlik bilan qo‘llanadi.

Davolanish vaqtida alkogol iste‘mol qilishdan saqlanish kerak.

Homiladorlik va laktasiya davrida qo‘llanishi

Homiladorlik va laktasiya davrida ona uchun davolashdan kutilgan foyda homila uchun rivojlanishi mumkin bo‘lgan havfdan ahamiyatli darajada ustun bo‘lgan holatdagina Orsipol preparatini qo‘llash tavsiya etiladi. Laktasiya davrida preparatni qo‘llash zarurati bo‘lganida emizishni to‘xtatish kerak.

Pediatriyada qo‘llanishi

Juda zarur bo‘lgan hollarda, ehtiyotkorlik bilan buyuriladi.

Avtotransportni haydash va mexanizmlarni boshqarish qobiliyatiga ta‘siri

Orsipolni qabul qilganda diqqatni jamlash qobiliyati va psixomotor reaksiyalar tezligi pasayishi mumkin, ish faoliyati avtotransportni boshqarish, mashinalar va mexanizmlarga xizmat ko‘rsatish, noturg‘un holatda ish bajarish bilan bog‘liq bo‘lgan shaxslarda preparatni qo‘llash zarurati bo‘lganida yuqoridagini hisobga olish kerak.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: bosh aylanishi, ongni buzilishi va tirishish hurujlari, ko‘ngil aynishi, shilliq qavatlarni shikastlanishi bo‘lishi mumkin.

Davolash: simptomatik davolash o‘tkaziladi. Spesifik antidoti mavjud emas.

Chiqarilish shakli

Plyonka qobiq bilan qoplangan tabletkalar. 10 tabletka blisterda. 1 yoki 2 blister qo‘llash bo‘yicha yo‘riqnomasi bilan birga karton qutida.

Saqlash sharoiti

25oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha beriladi.

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

ORSIPOL tabletkalari 500mg 500mg/500mg N10 dori vositasi O'zbekiston dori vositalari reestrida ro'yxatdan o'tganmi?
Ha, preparat O'zbekiston dori vositalari reestrida ro'yxatdan o'tgan.
ORSIPOL tabletkalari 500mg 500mg/500mg N10 dori vositasi ishlab chiqaruvchisi kim va u qaysi davlatda ishlab chiqarilgan?
ORSIPOL tabletkalari 500mg 500mg/500mg N10 dori vositasi World Medicine Ilaс San. Ve Tic. A.S. tomonidan Turkiya mamlakatida ishlab chiqarilgan.
ORSIPOL tabletkalari 500mg 500mg/500mg N10 dori vositasi resept bo’yicha sotiladimi?
ORSIPOL tabletkalari 500mg 500mg/500mg N10 dori vositasi resept bo'yicha sotiladigan dori

Analoglar
ORSIPOL tabletkalari 500mg 500mg/500mg N20
  • Ishlab chiqarilish joyi: Turkiya
  • Faol modda: Орнидазол, Ципрофлоксацин ko'proq ko'rsatish
  • Ishlab chiqaruvchi: World Medicine Ilaс San. Ve Tic. A.S.
  • Vakil:
ORNILON tabletkalari 500mg 500 mg + 500 mg N10
  • Ishlab chiqarilish joyi: O'zbekiston
  • Faol modda: Орнидазол, Ципрофлоксацин ko'proq ko'rsatish
  • Ishlab chiqaruvchi: Samarkand England Ecomedical, СП, ООО (упаков.) East African (India) Overseas, Индия (произ.)
ORNILIF tabletkalari 500mg 500 mg + 500 mg N10
  • Ishlab chiqarilish joyi: Hindiston
  • Faol modda: Орнидазол, Ципрофлоксацин ko'proq ko'rsatish
  • Ishlab chiqaruvchi: Life Pharma Systems LLP, Великобритания произведено: East African (India) Overseas
ORSIPOL tabletkalari 500mg/500mg N10
  • Ishlab chiqarilish joyi: Turkiya
  • Faol modda: Орнидазол, Ципрофлоксацин ko'proq ko'rsatish
  • Ishlab chiqaruvchi: World Medicine Ilac San.Ve Tic. A.S., Турция произведено: Abdi Ibrahim Ilac San. Ve Tic. A.S.
  • Vakil:
Narh: 65 000 so'mdan Batafsil
Ishlab chiqaruvchining dorilari
VENOXELP tabletkalari 50mg N30
Narh: 57 000 so'mdan Batafsil
FOSFOMED poroshok 3g N2
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
LISTORA kapsulalar 120mg N42
Narh: 349 000 so'mdan Batafsil
KOLEDAN tomchilar dlya priema vnutr 10ml 15000ME N1
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
Narh: 39 000 so'mdan Batafsil
GINO VITAL L suppozitorii 750mg/200mg N7
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
  • Vakil: Asfarma Savdo MChJ
Narh: 10 000 so'mdan Batafsil
BENEVRON BF tabletkalari N20
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
Narh: 58 000 so'mdan Batafsil
ESLOTIN sirop 60ml 2,5mg/5ml N1
Narh: 28 000 so'mdan Batafsil
ENZOFEN kapsulalar 1000mg N2
Narh: 62 000 so'mdan Batafsil
ULSEPAN tabletkalari 40mg N14
Narh: 25 000 so'mdan Batafsil
ROSUSTAR tabletkalari 20mg N30
Narh: 88 000 so'mdan Batafsil
PEFSAL aerozol 250mkg 25/250 mkg/doza 120 doz
Narh: 189 000 so'mdan Batafsil
PEFSAL aerozol 125mkg 25/125 mkg/doza 120 doz
Narh: 139 000 so'mdan Batafsil
PEFSAL aerozol 50mkg 25/50 mkg/doza 120 doz
LEVOKSIMED tabletkalari 500mg N7
Narh: 33 800 so'mdan Batafsil
KULENTO tabletkalari 10mg N28
Narh: 56 200 so'mdan Batafsil
KARMETADIN tabletkalari 35mg N60
Narh: 48 000 so'mdan Batafsil
INOSEDA sirop 120ml 250mg/5ml
Narh: 64 000 so'mdan Batafsil
DORAMISIN tabletkalari 3000000me N10
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
  • Vakil:
Narh: 81 000 so'mdan Batafsil
DERILAYF krem 50g 0,05% N1
Narh: 55 800 so'mdan Batafsil
AMLIPIN tabletkalari 5mg+5mg N30
SEKNIDOKS tabletkalari 1g N2
  • Ishlab chiqarilish joyi: Turkiya
  • Ishlab chiqaruvchi: World Medicine Ilaс San. Ve Tic. A.S.
  • Vakil:
Narh: 23 000 so'mdan Batafsil
BUDEKTON kapsulalar 400mkg N60
Narh: 139 600 so'mdan Batafsil
BUDEKTON kapsulalar 200mkg N60
Narh: 79 500 so'mdan Batafsil
MUSKOMED kapsulalar 4mg N20
Narh: 61 000 so'mdan Batafsil
ASMADA tabletkalari 150mg/30,39mg N100
Narh: 35 000 so'mdan Batafsil
  • A
  • B
  • D
  • E
  • F
  • G
  • H
  • I
  • J
  • K
  • L
  • M
  • N
  • O
  • P
  • Q
  • R
  • S
  • T
  • U
  • V
  • X
  • Y
  • Z
  • Ch
  • Sh
  • 0-9