ROKSIBEL tabletkalari 150mg N10

Ichga qabul qilingandan so'ng me'da-ichak yo'llaridan tez so'riladi, qon zardobida 15 daqiqadan so'ng aniqlanadi. Boshqa makrolidlarga qaraganda me'daning kislotali muhitida barqarorroqdir. Ovqat qabul qilish preparatning so'rilishiga ta'sir qilmaydi. Qon plazmasidagi maksimal kontsentratsiya 150 mg dozani qabul qilgandan so'ng 6-8 mg/ml ni tashkil qiladi va 2 soatdan keyin erishiladi. 300 mg dozani qabul qilgandan so'ng maksimal kontsentratsiya taxminan 9,6 mg/ml ni tashkil qiladi va o'rtacha 1,5 soatdan keyin erishiladi. To'qimalarga, o'pkaga, bodomsimon bezlarga va prostata beziga, shuningdek neytrofillar va monotsitlar ichiga yaxshi kirib boradi va ularning fagotsitar faolligini rag'batlantiradi. Plazma oqsillari bilan bog'lanishi 96% ni tashkil qiladi va roksitromitsin kontsentratsiyasi 4 mg/ml dan oshganda kamayadi. Jigarda qisman metabolizmga uchraydi, faol moddaning yarmidan ko'pi axlat bilan o'zgarmagan holda chiqariladi, taxminan 12% i buyraklar orqali, 15% i o'pka orqali va 0,05% i ko'krak suti bilan chiqariladi. Roksitromitsinning yarim chiqarilish davri ancha uzoq (buyrak funktsiyasi normal bo'lgan kattalarda - 10,5 soat), qabul qilish chastotasi sutkada 1-2 marta. Buyrak funktsiyasi buzilgan bemorlarda dozalash rejimini to'g'irlash talab etilmaydi, chunki preparat va uning metabolitlarining buyraklar orqali chiqarilishi qabul qilingan dozaning taxminan 10% ini tashkil qiladi.

Yarimsintetik antibiotik. Aerob grammusbat bakteriyalar: Streptococcus spp. (shu jumladan Streptococcus pneumoniae, Bacillus cereus, Corynebacterium diphtheriae, Listeria monocytogenes); aerob grammanfiy bakteriyalar: Bordetella pertussus, Campylobacter coli, Campylobacter jejuni, Gardnerella vaginalis, Haemophilus ducreyi, Helicobacter pylori, Legionella pneumophilia, Moraxella catarrhalis, Neisseria meningitidis, Pasteurela multocida; anaerob bakteriyalar: Actinomyces spp., Bacteroides urealiticus, Clostridium spp. (Clostridium difficile dan tashqari), Eubacterium spp., Peptococcus spp., Peptostreptococcus spp., Porphyromonos spp., Prevotellamelaninogenica, Propionibacterium acnes ga nisbatan faol. Preparat shuningdek Borrelia burgdorferi, Chlamydia pneumoniae, Chlamydia psittaci, Chlamydia trachomatis, Cryptosporidium spp., Mycobacterium tuberculosis, Rickettsia conorri, Rickettsia richttsii, Toxoplasma gondii ga nisbatan faol. Preparatga Haemophilus influenzae, Neisseria gonorrhoeae, Vibrio cholerae, Bacteroides oralis, Mycobacterium avium complex, Mycoplasma pneumoniae, Ureaplasma urealyticum, Enterococcus spp., Staphylococcus aureus (metitsillinga sezgir), Staphylococcus epidermidis (metitsillinga sezgir) o'rtacha sezgir. Preparatga Bacteroides fragilis, Mycobacterium hominis chidamli.

Jigar yetishmovchiligi bo‘lgan bemorlarga (jigar funksiyasini davriy nazorat qilish va dozalash rejimini to‘g‘irlash ko‘rsatilgan) va 65 yoshdan katta bemorlarga ehtiyotkorlik bilan tayinlanadi.

Roksitromitsinga va preparatning boshqa komponentlariga yuqori sezuvchanlik, porfiriya, ergotamin, digidroergotamin yoki boshqa Secale comutum alkaloidlarini saqlovchi preparatlarni bir vaqtda qabul qilish. Preparat homiladorlikning I trimestrida mumkin emas, homiladorlikning II va III trimestrlarida preparatni tayinlash faqat hayotiy ko‘rsatmalar bo‘yicha va shifokor nazorati ostida mumkin; laktatsiya davrida preparatni tayinlash faqat shifokorning sinchkov nazorati ostida mumkin.

Ergotamin, digidroergotamin, Secale comutum ning boshqa alkaloidlari yoki ergotaminga o'xshash qon tomir toraytiruvchi vositalarni saqlovchi preparatlar bilan bir vaqtda qo'llanilganda ergotizm rivojlanishi (arterial spazm, hattoki oyoq-qo'llar nekrozi rivojlanishigacha) mumkin. Etambutol bilan bir vaqtda qo'llanilganda Mycobacterium avium ga nisbatan sinergizm qayd etiladi. Digoksin bilan bir vaqtda qo'llanilganda so'rilishning oshishi qayd etiladi. Varfarin, teofillin, siklosporin, astemizol, dizopiramid va terfenadin bilan bir vaqtda qo'llanilganda ko'rsatilgan preparatlarning zardob konsentratsiyasi oshishi qayd etiladi.

Kattalarga 300 mg/sut (150 mg dan har 12 soatda yoki 300 mg bir marta ovqatdan oldin) tayinlanadi. Buyrak yetishmovchiligi bo'lgan bemorlar uchun doza 150 mg har 24 soatda ovqatdan oldin tashkil qiladi. Og'ir buyrak yetishmovchiligi (kreatinin klirensi <0,25 ml/daq) bo'lgan bemorlar uchun tavsiya etilgan doza 150 mg ovqatdan oldin har 24 soatda tashkil qiladi. Bolalar uchun sutkalik doza qo'zg'atuvchi turi va infeksion jarayonning og'irligiga qarab, tana vazniga 5-8 mg/kg ni tashkil qiladi, 2 qabulga bo'lingan.