SINAFLAN maz 15g 0,025%
SINAFLAN maz 15g 0,025% haqida qo'llanma
Farmakokinetikasi
Teri yuzasidan so'rilgandan so'ng plazma oqsillari bilan bog'lanadi, asosan jigarda sodir bo'ladigan metabolizmga uchraydi. Buyraklar orqali chiqariladi.
Nojo'ya samaralari
Achishish, teri qichishishi, teri quruqligi, «steroid» husnbuzarlar, follikulit. Terining ikkilamchi infeksion shikastlanishlari va unda atrofik o‘zgarishlar rivojlanishi mumkin. Uzoq muddat qo‘llanilganda - ikkilamchi immunitet tanqisligi, gipertrixoz, alopesiya, ayniqsa ayollarda, preparat surtilgan joyda teri atrofiyasi, girsutizm, teleangiektaziyalar, purpura, pigmentatsiya buzilishi. Katta yuzalarga surtilganda tizimli ko‘rinishlar (gastrit, oshqozonning «steroid» yarasi, buyrak usti bezi yetishmovchiligi, Itsenko-Kushing sindromi, «steroid» qandli diabet, striyalar, reparativ jarayonlarning sekinlashishi) bo‘lishi mumkin.
Maxsus ko‘rsatmalari
Faqat qisqa kurslar bilan terining kichik sohalarida qo‘llaniladi. Preparatni yuzga surtmaslik kerak. Preparatni ko‘zga tushishidan saqlanish kerak. Bolalarda qo‘llash davomiyligi 5 kundan oshmasligi kerak. Davolash vaqtida keng kiyim kiyish tavsiya etiladi.
Oddiy yoki pushti husnbuzarlari bo‘lgan bemorlarda davolash fonida kasallikning zo‘rayishi mumkin. Mahalliy infeksion asoratlarning oldini olish uchun mikroblarga qarshi vositalar bilan birgalikda tayinlash tavsiya etiladi.
Mavjud teri atrofik o‘zgarishlari bo‘lgan shaxslarda, ayniqsa keksa yoshdagi shaxslarda ehtiyotkorlik bilan qo‘llash kerak.
Qo'llanilishi mumkin bo'lmagan holatlar
Yuqori sezuvchanlik, zaxmning teri ko‘rinishlari, teri tuberkulyozi, "taglik" toshmasi, pushti husnbuzarlar, keng ko‘lamli psoriatik toshmalar, anogenital qichishish; bakteriyalar, viruslar, zamburug‘lar chaqirgan teri infeksiyalari, piodermiya, suvchechak, gerpes, aktinomikoz, blastomikoz, sporotrixoz, venalarning varikoz kengayishi bilan bog‘liq boldir trofik yaralari, me’da-ichak traktining eroziv-yarali shikastlanishlari, applikatsiya qilingan sohalardagi jarohatlar, teri saratoni, nevus, ateroma, melanoma, gemangioma, ksantoma, sarkoma, homiladorlik, laktatsiya davri, bolalar yoshi (2 yoshgacha).
Balog‘atga yetish davrida qiz bolalarda ehtiyotkorlik bilan qo‘llaniladi.
Dori vositalarining o'zaro ta'siri
Mikroblarga qarshi dori vositalari bilan mos keladi.
Gipotenziv, diuretik, antiaritmik dori vositalari, kaliy preparatlarining faolligini pasaytiradi.
Siydik haydovchi preparatlar (kaliy tejovchilaridan tashqari) gipokaliemiya rivojlanishi xavfini oshiradi.
Preparatning immunodepressiv ta'siri tufayli glyukokortikosteroidlar bilan davolash vaqtida emlash va immunizatsiya o'tkazmaslik kerak.
Dozirovkasi
Antiseptik suyuqlik bilan namlangan tampon bilan oldindan artilgan teriga oz miqdordagi preparat kuniga 2-4 marta surtiladi va yengil ishqalanadi. Davolash davomiyligi kasallik xarakteriga bog'liq va odatda 5-10 kunni, kasallik uzoq davom etganda 25 kungachani tashkil qiladi.
Cheklangan shikastlanish o'choqlarida samarani kuchaytirish uchun mazni okklyuzion bog'lam ostida qo'llash mumkin. Bog'lam ostida kuniga 2 g dan ortiq mazni qo'llashga ruxsat etilmaydi. Mazni dermatozlarning quruq shakllarida ishlatish afzalroqdir.
SINAFLAN maz 15g 0,025% o'xshash dorilari
SINAFLAN maz 15g 0,025% xususiyatlari
Sinaflan boshqa chiqarish shakllari
SINAFLAN maz 15g 0,025% analoglari
