SINAFLAN maz 15g 0,025%

Preparat shox qavat orqali teriga oson o'tadi. Sirtga qo'llanilganda tizimli qon oqimiga arzimas darajada so'riladi. So'rilish teri burmalari sohasida, yallig'langan terida yoki epiteliyasi shikastlangan teri sohalarida qo'llanilganda, tez-tez qo'llanilganda yoki terining keng yuzasida qo'llanilganda ortadi. Preparatning so'rilishi kattalarga qaraganda bolalarda kuchliroq. So'rilgan qismi jigarda biotransformatsiyaga uchraydi. Siydik bilan va oz miqdorda safro bilan ajralib chiqadi.

Sirtqi qo'llash uchun glyukokortikosteroid (GKS). Yallig'lanishga qarshi, allergiyaga qarshi, qichishishga qarshi va antiekssudativ ta'sirga ega. Lipofil xususiyatlarni namoyon qiladi va teri orqali tizimli qon oqimiga oson kirib boradi. Yallig'lanish jarayonlarini fosfolipaza A2 faolligini bloklash va hujayra membranalari fosfolipidlaridan araxidon kislotasi ajralib chiqishini kamaytirish natijasida prostaglandinlar va leykotrienlar ishlab chiqarilishini susaytirish orqali kamaytiradi, shuningdek mahalliy allergik reaktsiyalarni susaytirish orqali allergiyaga qarshi ta'sir ko'rsatadi. Mahalliy tomir toraytiruvchi ta'sir natijasida ekssudativ reaktsiyalar kamayadi, oqsil sintezi, kollagen yotqizilishi pasayadi. Terida oqsillar parchalanishini tezlashtiradi va proliferativ jarayonlarni susaytiradi.

Ehtimol: teleangiektaziyalar, poststeroid qon tomir purpurasi, teri atrofiyasi, terining cho‘zilishi, girsutizm, gipertrixoz, perioral dermatit, terining ikkilamchi infeksion shikastlanishlari; uzoq muddat qo‘llaganda va/yoki katta yuzalarga surtilganda tizimli nojo‘ya ta’sirlar bo‘lishi mumkin.

Oddiy yoki pushti husnbuzarlarda qo‘llanilganda kasallik kechishining zo‘rayishi mumkin.

Go‘dak yoshidagi bolalarda va qizlarda balog‘atga yetish davrida ehtiyotkorlik bilan qo‘llaniladi.

Fluotsinolon atsetonid mikroblarga qarshi vositalar bilan mos keladi.

Terining bakterial, virusli, zamburug‘li kasalliklari, teri tuberkulyozi, zaxmning teri ko‘rinishlari, keng ko‘lamli psoriatik toshmalar, anogenital qichishish, venalarning varikoz kengayishi bilan bog‘liq boldir trofik yaralari, teri o‘smalari, homiladorlik.

GKS sirtga qo'llanilganda o'zaro ta'sir holatlari qayd etilmagan.
GKS bilan davolash vaqtida chechakka qarshi emlash o'tkazmaslik kerak. Preparat immunodepressiv preparatlarning ta'sirini kuchaytirishi va immunostimulyator preparatlarning ta'sirini susaytirishi mumkin.

Preparat terining shikastlangan joylariga yupqa qatlam qilib kuniga 1–2 marta, teriga yengil ishqalab surtiladi. Davolash davomiyligi kasallik xarakteri, terapiya samaradorligiga bog'liq va odatda 5–10 kunni tashkil qiladi. Kasallik o'jar kechganda davolash kursi 25 kun va undan ortiqqa uzaytirilishi mumkin. Cheklangan shikastlanish o'choqlarida samarani kuchaytirish uchun mazni okklyuzion bog'lamlar ostida qo'llash mumkin.