Mahsulotning ko'rinishi saytdagi rasmdan farq qilishi mumkin.
STREPSILS INTENSIV sprey 8,75 mg/15 ml
Spreyning 1 dozasi (dozatorga 3 marta bosish) quyidagilarni saqlaydi:
faol modda: flurbiprofen 8,75 mg;
yordamchi moddalar:
olcha va yalpiz taʼmli mahalliy qoʼllash uchun dozalangan sprey: betadeks 22,83 mg, natriy gidrofosfat dodekagidrati 17,19 mg, limon kislotasi monogidrati 0,63 mg, metilparagidroksibenzoat 1,18 mg, propilparagidroksibenzoat 0,24 mg, natriy gidroksidi 1,30 mg, yalpiz aromatizatori (PHL 175628) 1,08 mg, olcha aromatizatori (PHL 175629) 1,35 mg, N-2,3-trimetil-2-izopropilbutanamid 0,54 mg, natriy saxarinati 0,27 mg, gidroksipropilbetadeks 12,09 mg, tozalangan suv 492,55 mg.
Chiqarilish shakli
Olcha va yalpiz taʼmli mahalliy qoʼllash uchun dozalangan sprey, 8,75 mg/doza.
15 ml dan (kamida 45 marta klapanga bosib (15 dozadan kam)) yuqori zichlikdagi polietilenli tiniq boʼlmagan, dozalovchi uskunasi, ustida qalpoqchasi bilan oq flakonda. Flakon tibbiyotda qoʼllanilishiga doir yoʼriqnomasi bilan karton qutiga joylangan.
Flurbiprofen SOG-1 ga nisbatan ayrim selektiv bilan siklooksigenaza-1 (TsOG-1) va siklooksigenaza-2 (TsOG-2) ni susaytirish hisobiga ogʼriq qoldiruvchi, yalligʼlanishga qarshi va isitmani tushiruvchi samaralarga ega, buning natijasida ogʼriq, yalligʼlanish va gipertermik reaktsiya mediatorlari – prostaglandinlarni ishlab chiqarish pasayadi.
Preparatni bir martalik dozada (dozatorga 3 marta bosish) qoʼllanilganda, qoʼllanilgandan keyin 5 minut oʼtgach yutinganda ogʼriq va qiyinchilikni kamayishi, 20 minut oʼtgach – ogʼriq jadalligini ahamiyatli kamayishi, 30 minut oʼtgach shishni kamayishi kuzatiladi. Preparatning ogʼriq qoldiruvchi va shishga qarshi taʼsiri 6 soatgacha davom etadi.
Flurbiprofen asosan gidroksilizatsiya yoʼli bilan metabolizmga uchraydi va buyraklar orqali chiqariladi, yarim chiqarilish davri (T1/2) 3-6 soatni tashkil qiladi. Flurbiprofenning peroral dozasining taxminan 20-25% buyraklar orqali oʼzgarmagan koʼrinishda chiqariladi.
NYaQP ga oʼta yuqori sezuvchanlik reaktsiyalari rivojlanishi haqida xabar berilgan, ularni ayrimlari quyidagi koʼrinishda namoyon boʼlishi mumkin:
• nospetsifik allergik va anafilaktik reaktsiyalar;
• nafas yoʼllari giperfaolligi, shu jumladan astma, astmani zoʼrayishi, bronxospazm, hansirash;
• turli teri reaktsiyalari, masalan qichishish, eshakemi, angionevrotik shish va kamroq xollarda eksfoliativ va bullyoz dermatoz (shu jumladan epidermal nekroliz va koʼp shaklli eritema).
NYaQP qabul qilgan patsientlarda shish, arterial gipertenziya va yurak yetishmovchiligi holatlari kuzatilgan.
Аgar preparat qisqa kurslar va simptomlarni bartaraf etish uchun zarur minimal samarali dozada qoʼllanilsa, nojoʼya samaralarni yuzaga kelishi xavfini minimumga yetkazish mumkin.
Quyida sanab oʼtilgan nojoʼya reaktsiyalar preparatni qisqa muddatli qoʼllaganda kuzatilgan. Surunkali holatlarni davolaganda va uzoq vaqt qoʼllaganda bosh nojoʼya reaktsiyalar paydo boʼlishi mumkin.
Nojoʼya taʼsirlarni yuzaga kelishi tez-tezligini baholash quyidagi mezonlar asosida amalga oshirilgan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam xollarda (≥ 1/10000 dan < 1/1000 gacha), juda kam xollarda (< 1/10000), tez-tezligi nomaʼlum (tez-tezlikni aniqlash uchun maʼlumotlar yetarli emas).
Qon va limfatik tizim tomonidan buzilishlar:
Tez-tezligi nomaʼlum: anemiya, trombotsitopeniya.
Nerv tizimi tomonidan buzilishlar:
Tez-tez: bosh aylanishi, bosh ogʼrigʼi, paresteziya.
Tez-tez emas: uyquchanlik.
Immun tizimi tomonidan buzilishlar:
Kam xollarda: anafilaktik reaktsiyalar.
Yurak tomonidan buzilishlar:
Tez-tezligi nomaʼlum: yurak yetishmovchiligi, shishlar.
Qon-tomirlar tomonidan buzilishlar:
Tez-tezligi nomaʼlum: arterial bosimni oshishi.
Nafas tizimi, koʼkrak qafasi va koʼks oraligʼi aʼzolari tomonidan buzilishlar:
Tez-tez: tomoqda taʼsirlanish hissi.
Tez-tez emas: bronxial astmani zoʼrayishi va bronxospazm, hansirash, hushtaksimon nafas, ogʼiz boʼshligʼi va halqumda pufaklar, faringeal gipesteziya (ogʼiz boʼshligʼi va halqumda sezuvchanlikni pasayishi).
Meʼda-ichak yoʼllari tomonidan buzilishlar:
Tez-tez: diareya, ogʼiz boʼshligʼida yara paydo boʼlishi, koʼngil aynishi, ogʼiz boʼshligʼida ogʼriq, ogʼiz boʼshligʼida paresteziya, ogʼiz boʼshligʼi va halqumda ogʼriq, ogʼiz boʼshligʼida diskomfort (ogʼiz boʼshligʼida qizish hissi, achishish yoki sanchish hissi).
Tez-tez emas: qorinni dam boʼlishi, qorinda ogʼriq, qabziyat, ogʼizni qurishi, dispepsiya, meteorizm, glossalgiya (ogʼiz boʼshligʼida achishish sindromi), disgevziya (taʼm bilishni oʼzgarishi), ogʼiz boʼshligʼi dizesteziyasi, qusish.
Teri va teri osti toʼqimalari tomonidan buzilishlar:
Tez-tez emas: teri toshmasi, qichishish.
Tez-tezligi nomaʼlum: bullyoz reaktsiyalar, shu jumladan Stivens-Djonson sindromi va toksik epidermal nekroliz (Layella sindromi) kabi ogʼir darajadagi teri reaktsiyalari.
Jigar va oʼt chiqarish yoʼllari tomonidan buzilishlar:
Tez-tezligi nomaʼlum: gepatit.
Ruhiyatni buzilishi:
Tez-tez emas: uyqusizlik.
Boshqalar:
Tez-tez emas: isitma, ogʼriq.
Аgar yoʼriqnomada koʼrsatilgan nojoʼya samaralardan birontasi chuqurlashsa yoki Siz yoʼriqnomada koʼrsatilmagan har qanday boshqa nojoʼya samaralarni sezsangiz, bu haqida shifokorga xabar bering.
Preparatni maksimal qisqa kurslar bilan va simptomlarni bartaraf etish uchun zarur boʼlgan minimal samarali dozada qabul qilish tavsiya etiladi.
Gastropatiya simptomlari paydo boʼlganida ezofagogastroduodenoskopiya, umumiy qon tahlili (gemoglobinni aniqlash), yashirin qonga ahlat tahlilini oʼz ichiga oluvchi sinchkov nazorat koʼrsatilgan.
17-ketosteroidlarni aniqlash zarurati boʼlganida preparatni tekshiruvdan 48 soat oldin bekor qilish kerak.
Davolash davrida alkogolni qabul qilish tavsiya etilmaydi.
Ogʼiz boʼshligʼida taʼsirlanish, teri toshmasa, shilliq qavatlarni shikastlanishi va allergik reaktsiyalarning boshqa koʼrinishlari paydo boʼlganida preparatni qoʼllashni toʼxtatish va shifokorga murojaat etish kerak.
Mavjud simptomlar yomonlashganida yoki yangi simptomlar paydo boʼlganida, shu jumladan bakterial infektsiya belgilari paydo boʼlganida, davolashni qayta koʼrib chiqish uchun darhol shifokorga murojaat etish kerak.
Infektsiyalar
Аlohida holatlarda sinf sifatida tizimli NYaQP ni qoʼllash bilan vaqt bilan bogʼliq boʼlgan infektsion yalligʼlanishni yomonlashishi (masalan neyrotik fastsiit rivojlanishi) taʼriflanganligi tufayli, flurbiprofen spreyi bilan davolash vaqtida bakterial infektsiya paydo boʼlganida yoki belgilari chuqurlashganida patsient darhol shifokorga murojaat etishi tavsiya etiladi. Infektsion kasallikda antibakterial davolashni buyurish imkoniyatini koʼrib chiqish kerak.
Yiringli bakterial faringit/tonzillit holatlarida patsientga shifokor bilan maslahatlashish tavsiya etiladi, chunki davolashni qayta koʼrib chiqish talab etiladi.
Davolash davomiyligi uch kundan oshmasligi kerak.
Yurak-qon tomir va serebrovaskulyar samaralar
Аnamnezida arterial gipertenziya va/yoki yurak yetishmovchiligi boʼlgan patsientlarsha preparatni ehtiyotkorlik bilan buyurish kerak (shifokor yoki farmatsevt bilan maslahatlashish zarur), chunki NYaQP ni qabul qilish bilan bogʼliq suyuqlikni tutilishi, arterial gipertenziya va shishlar haqida xabar berilgan.
Klinik va epidemiologik tadqiqotlar maʼlumotlari ayrim NYaQP (asosan yuqori dozalarda va uzoq vaqt davomida) qoʼllash arterial trombotik koʼrinishlarni (masalan miokard infarkti yoki insulьtni) xavfini ahamiyatsiz oshishi bilan bogʼliq boʼlishi mumkinlidan dalolat beradi. 5 dozagacha (3 purkash/doza) sutkalik dozada qoʼllanilganda flurbiprofen uchun bunday xavfini inkor etish uchun mavjud maʼlumotlar yetarli emas.
Nerv tizimi tomonidan buzilishlar
Ogʼriq qoldiruvchi vositalarni uzoq vaqt qoʼllaganda bosh ogʼrigʼi rivojlanishi mumkin, uni davolash uchun dori preparatining yuqori dozalarini qoʼllash mumkin emas.
Meʼda-ichak tomonidan buzilishlar
Meʼda-ichak yoʼllari kasalliklari (yarali kolit, Kron kasalligi) boʼlgan patsientlarda, koʼrsatilgan kasalliklarni zoʼrayishi mumkinligi tufayli NYaQP ni ehtiyotkorlik bilan buyurish kerak. NYaQP ni qabul qilish meʼda-ichak yoʼllaridan qon ketishi, yara hosil boʼlishi va perforatsiyaga olib kelishi mumkin, ayrim holatlarda anamnezida meʼda-ichak yoʼllari tomonidan ogohlantiruvchi simptomlar yoki jiddiy kasalliklar mavjudligidan qatʼiy nazar oʼlimga olib kelgan.
Аnamnezida yara kasalligi boʼlgan, ayniqsa qon ketishi yoki perforatsiya bilan asoratlangan patsientlarda, shuningdek keksa yoshdagi patsientlarda NYaQP dozasi oshirilganda meʼda-ichakdan qon ketishi, yara paydo boʼlishi yoki perforatsiya xavfi oshadi, ammo ushbu samara odatda qisqa muddat qoʼllash uchun preparatlar, masalan flurbiprofen spreyi uchun kuzatilmaydi.
Qon ketishi yoki yara hosil boʼlishi simptomlari paydo boʼlganida patsientlar flurbiprofenni qabul qilishni toʼxtatishlari kerak.
Gematologik samaralar
Boshqa NYaQP kabi flurbiprofen trombotsitlar agregatsiyasini ingibitsiya qilishi va qon ketishini uzaytirishi mumkin. Qon ketishi rivojlanishi xavfi boʼlgan patsientlarda flurbiprofen spreyini ehtiyotkorlik bilan qoʼllash tavsiya etiladi.
Teri tomonidan buzilishlar
Аyrim holatlarda oʼlimga olib keluvchi jiddiy teri reaktsiyalari, shu jumladan eksfoliativ dermatit, Stivens-Djonson sindromi va toksik epidermal nekroliz juda kam xollarda NYaQP ni qoʼllash fonida diagnostika qilingan. Teri toshmasi, shilliq qavatlarni shikastlanishining birinchi belgilari yoki oʼta yuqori sezuvchanlikning boshqa belgilarida flurbiprofen spreyini qoʼllashni toʼxtatish kerak.
Buyrak va jigar yetishmovchiligi
NYaQP ni qoʼllash nefrotoksiklikning turli shakllariga, shu jumladan interstitsial nefrit, nefrotik sindrom va buyrak yetishmovchiligiga olib kelishi haqida xabar berilgan. Siydik haydovchi preparatlarni qabul qilayotgan buyrak, yurak va jigar yetishmovchiligi boʼlgan patsientlarda yoki keksa patsientlarda bunday reaktsiyalar rivojlanishining maksimal xavfi kuzatiladi, ammo bunday samara odatda qisqa muddat qoʼllash uchun preparatlar, masalan flurbiprofen spreyi uchun kuzatilmaydi.
Buyrak yoki jigar yetishmovchiligi boʼlgan patsientlar, shuningdek keksa patsientlar va diuretiklarni qabul qilayotgan patsientlar preparatni qoʼllashdan oldin shifokor bilan maslahatlashishlari kerak, chunki buyrakning funktsional holatini yomonlashishi xavfi mavjud. Preparatni qisqa vaqt qoʼllaganda xavf ahamiyatsiz boʼlib hisoblanadi.
Ehtiyotkorlik bilan
Ushbu boʼlimda koʼrsatilgan kasalliklar va/yoki holatlar boʼlganida, preparatni qoʼllashdan oldin shifokorga murojaat etish kerak.
Boshqa NYaQP, shu jumladan siklooksigenaza-2 ning selektiv ingibitorlarini bir vaqtda qabul qilish; anamnezida meʼda-ichak yoʼllari kasalliklari (yarali kolit, Kron kasalligi), gastrit, enterit, kolit, Helicobacter pylori infektsiyasini mavjudligi; bronxial astma yoki zoʼrayish bosqichidagi yoki anamnezidagi allergik kasalliklar – bronxospazm rivojlanishi mumkin; tizimli qizil yugurik va biriktiruvchi toʼqimaning boshqa autoimmun kasalliklari (aseptik meningit rivojlanishining yuqori xavfi) – flurbiprofenni qisqa vaqt qoʼllaganda xavf ahamiyatsiz; arterial gipertenziya va/yoki yurak yetishmovchiligi, shishlar; buyrak yetishmovchiligi, shu jumladan suvsizlanishda (kreatinin klirensi minutiga 60 ml dan past, nefrotik sindrom, jigar yetishmovchiligi, jigar sirrozi, giperbilirubinemiya (flurbiprofenni qisqa vaqt qoʼllaganda xavf ahamiyatsiz); yara yoki qon ketishi yuzaga kelishi xavfini oshiruvchi dori vositalarini, xususan peroral glyukokortikosteroidlar (shu jumladan prednizolon), antikoagulyantlar (shu jumladan varfarin), antiagregantlar (shu jumladan atsetilsalitsil kislotasi, klopidogrel), serotoninni qayta qamrab olinishining selektiv ingibitorlari (shu jumladan sitalopram, fluoksetin, paroksetin, sertralin)ni bir vaqtda qabul qilish; alkogolizm; homiladorlikning I-II uch oyligi; keksalar.
Transport vositalari, mexanizmlarni boshqarish qobiliyatiga taʼsiri
Flurbiprofenni qabul qilganda bosh aylanishi, uyquchanlik, tormozlanish yoki koʼrishni buzilishi kuzatiladigan patsientlar transport vositalarini yoki mexanizmlarni boshqarishdan saqlanishlari kerak.
– Аnamnezida atsetilsalitsil kislotasi yoki boshqa NYaQP ni qoʼllaganda javoban oʼta yuqori sezuvchanlik reaktsiyalarini (bronxial astma, bronxospazm, rinit, Kvinke shishi, eshakemi, burun yoki burun oldi boʼshliqlarini qaytalanuvchi polipozi) mavjudligi.
– Meʼda-ichak yoʼllari aʼzolarining eroziv-yarali kasalliklari (shu jumladan meʼda va oʼn ikki barmoq ichak yara kasalligi), faol bosqichdagi yoki anamnezidagi yaradan qon ketishi (yara kasalligi yoki yaradan qon ketishining ikkita yoki undan koʼproq tasdiqlangan holatlari).
– Meʼda-ichak yoʼllaridan qon ketishi yoki perforatsiyasi, yarali kolit, anamnezida NYaQP ni qoʼllash chaqirgan gemorragik va gemopoetik buzilishlar.
– Homiladorlik (III uch oylik).
– Emizish davri.
– 12 yoshgacha boʼlgan bolalar.
– Ogʼir darajadagi jigar yetishmovchiligi yoki faol bosqichdagi jigar kasalligi.
– Ogʼir darajadagi buyrak yetishmovchiligi (kreatinin klirensi < 30 ml/minut).
– Dekompensatsiyalangan yurak yetishmovchiligi.
– Аorto-koronar shuntlashdan keyingi davr.
– Tasdiqlangan giperkaliemiya.
– Glyukozo-6-fosfat degidrogenaza tanqisligi.
– Gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlarda qoʼllash mumkin emas.
• Аtsetilsalitsil kislotasi: shifokor tomonidan buyurilgan atsetilsalitsil kislotasining past dozalaridan (sutkada 75 mg gacha) tashqari, chunki birga qoʼllash nojoʼya samaralar yuzaga kelishi xavfini oshirishi mumkin.
• Boshqa NYaQP, shu jumladan siklooksigenaza-2 ning selektiv ingibitorlari: nojoʼya samaralar yuzaga kelishi xavfini oshishi mumkinligi tufayli, NYaQP guruhiga mansub ikki va undan koʼp preparatlarni bir vaqtda qoʼllashdan saqlanish kerak.
Quyidagi dori vositalari bilan bir vaqtda ehtiyotkorlik bilan qoʼllanilsin:
• Аntikoagulyantlar: NYaQP antikoagulyantlarv, shu jumladan varfarinning samarasini kuchaytirishi mumkin.
• Аntiagregantlar: meʼda-ichak yoʼllaridan qon ketishi xavfi oshadi.
• Gipotenziv vositalar (ААF ingibitorlari va angiotenzin II antagonistlari) va diuretiklar: NYaQP siklooksigenazani ingibitsiya qilishi oqibatida ushbu guruhga mansub preparatlarning samaradorligini pasaytirishi va nefrotoksikligini oshirishi mumkin, ayniqsa buyrak funktsiyasini buzilishi boʼlgan patsientlarda (bunday patsientlarda suyuqlik oʼrnini adekvat toʼldirishni taʼminlash zarur).
• Etanol: nojoʼya reaktsiyalar, ayniqsa meʼda-ichakdan qon ketishi rivojlanishi xavfini oshirishi mumkin.
• Yurak glikozidlari: NYaQP va yurak glikozidlarini bir vaqtda qoʼllash yurak yetishmovchiligini chuqurlashishiga, kalavalar filьtratsiyasi tezligini pasayishiga va qon plazmasida yurak glikozidlari kontsentratsiyasini oshishiga olib kelishi mumkin.
• Tsiklosporin: nefrotoksiklik rivojlanishi xavfi oshadi.
• Glyukokortikosteroidlar: meʼda-ichak yoʼllarida yara hosil boʼlishi va meʼda-ichakdan qon ketishi xavfi oshadi.
• Litiy preparatlari: NYaQP ni qoʼllash fonida qon plazmasida litiy kontsentratsiyasini oshishi ehtimoli haqida maʼlumotlar mavjud.
• Metotreksat: NYaQP ni qoʼllash fonida qon plazmasida metotreksat kontsentratsiyasini oshishi ehtimoli haqida maʼlumotlar mavjud. NYaQP ni metotreksatni qabul qilishdan 24 soat oldin yoki keyin qabul qilish kerak.
• Mifepriston: mifepristonni qoʼllash yakunlangandan keyin kamida 8-12 kundan keyin NYaQP ni qabul qilishni boshlash kerak, chunki NYaQP mifepristonning samaradorligini pasaytirishi mumkin.
• Xinolon qatori antibiotiklari: NYaQP va xinolon qatori antibiotiklari bilan birga davolanayotgan patsientlarda tirishish yuzaga kelishi xavfi oshishi mumkin.
• Serotoninni qayta qamrab olinishining selektiv ingibitorlari (SQQOSI): meʼda-ichak yoʼllaridan yara paydo boʼlishi va meʼda-ichakdan qon ketishi xavfi oshadi.
• Takrolimus: NYaQP bilan birga qoʼllanilganda nefrotoksiklik xavfi oshishi mumkin.
• Zidovudin: NYaQP bilan birga qoʼllanilganda gematotoksiklik xavfi oshishi mumkin.
• Peroral gipoglikemik preparatlar: qonda glyukoza kontsentratsiyasi oʼzgarishi mumkin (qonda glyukoza kontsentratsiyasini nazorat qilish tez-tezligini oshirish tavsiya etiladi).
• Fenitoin: qonda fenitoin kontsentratsiyasi oshishi mumkin (qon zardobida fenitoin kontsentratsiyasini nazorat qilish va zarurati boʼlganida dozaga tuzatish kiritish tavsiya etiladi).
• Kaliy tejovchi diuretiklar: kaliy tejovchi diuretiklar va flurbiprofenni birga qoʼllash giperkaliemiyaga olib kelishi mumkin.
• Probenetsid va sulfinpirazon: probenetsid yoki sulьfinpirazon saqlovchi dori preparatlari flurbiprofen chiqarilishini sekinlashtirishi mumkin.
• Tolbutamid va antatsidlar: hozirgi vaqtgacha tadqiqotlar flurbiprofen va tolbutamid yoki antatsidlar orasida oʼzaro taʼsirlarni aniqlamagan.
Sovutgichda saqlanmasin, muzlatilmasin.
Bolalar ololmaydigan joyda saqlansin.
Yaroqlilik muddati
2 yil.
Birinchi marta qoʼllagandan keyin 6 oy davomida qoʼllanilsin.
Yaroqlilik muddati oʼtgach qoʼllanilmasin.
Mahalliy qoʼllash uchun buyuriladi. Faqat qisqa muddatli qoʼllash uchun moʼljallangan.
Kattalar va 12 yoshdan oshgan bolalar: preparatning 1 dozasi (dozatorga 3 marta bosish) har 3-6 soatda ogʼiz-halqumning orqa devoriga purkaladi, 24 soat davomida 5 dozagacha.
Davolash kursi davomiyligi: 3 kungacha.
Purkalganda nafas olinmasin.
Preparatni birinchi marta qoʼllashdan oldin dozatorni qarama-qarshi tomonga yoʼnaltirib bir tekis purkash hosil boʼlguncha dozatorga kamida toʼrt marta bosish kerak.
Har bir keyingi qoʼllashdan oldin dozatorni qarama-qarshi tomonga yoʼnaltirib bir tekis purkash hosil boʼlguncha dozatorga kamida bir marta bosish kerak.
Davolash: simptomatik, albatta nafas yoʼllarini oʼtkazuvchanligi taʼminlash, patsientning holati normallashguncha EKG va hayot faoliyatning asosiy koʼrsatkichlari monitoringi bilan.
Flurbiprofenning potentsial toksik dozalari qabul qilgandan keyin 1 soat davomida faollashtirilgan koʼmirni peroral qabul qilish yoki meʼdani yuvish tavsiya etiladi. Tez-tez yoki davomli tirishishlarni vena ichiga diazepam yoki lorazepamni yuborish bilan bartaraf etish kerak. Bronxial astma zoʼrayganda bronxodilatatorlarni qoʼllash tavsiya etilgan. Flurbiprofenga spetsifik antidot mavjud emas.
Homiladorlikning I-II uch oyligida flurbiprofenni qoʼllashdan saqlanish kerak, preparatni qoʼllash zarurati boʼlganida shifokor bilan maslahatlashish kerak.
Flurbiprofen bolaning sogʼligʼi uchun biron-bir salbiy oqibatlarsiz koʼkrak sutiga kirishi mumkinligi haqida maʼlumotlar mavjud, ammo kuzatilishi mumkin boʼlgan nojoʼya samaralar tufayli, emizish davrida preparatni qoʼllash tavsiya etilmaydi.
Homiladorlik
Prostaglandinlar sintezini ingibitsiya qilinishi homiladorlikni kechishi va/yoki embrion/homilani rivojlanishiga noxush taʼsir koʼrsatishi mumkin. Epidemiologik tadqiqot natijalari homiladorlikning erta muddatlarida prostaglandinlar sintezi ingibitorlarini qoʼllaganda oʼz-oʼzidan bola tashlash, yurak nuqsonlari va gastroshizisning yuqori xavfini tasdiqlaydi. Yurak-qon tomir tizimi patologiyasini yuzaga kelishining mutloq xavfi 1% dan kamroqdan taxminan 1,5% gacha oshgan. Doza va davolash davomiyligi oshgan sari xavfi oshadi deb taxmin qilinadi. Homiladorlikning birinchi va ikkinchi uch oyligida flurbiprofenni buyurish tavsiya etilmaydi.
Homiladorlikning uchinchi uch oyligida har qanday prostaglandinlar sintezi ingibitorlarini qoʼllash homila uchun quyidagi salbiy oqibatlarga olib kelishi mumkin: kardiopulьmonal toksiklik (arterial teshikni muddatidan oldin berkilishi va oʼpka gipertenziyasini rivojlanishi); buyrak yetishmovchiligi va oligogidramniongacha avj oluvchi buyrak disfunktsiyasi. Homiladorlikning oxirida prostaglandin sintezi ingibitorini qabul qilish ona va yangi tugʼilgan chaqaloqda hatto juda past dozalarda qon ketishi vaqtini uzayishi, antiagregatsion samaraga; bachadon mushaklarini qisqarishini ingibitsiya qilinishiga olib kelishi mumkin, bu tugʼruq faoliyatini boshlanishini kechikishiga va tugʼruq davomiyligini oshishiga olib kelishi mumkin. Shuning uchun homiladorlikning uchinchi uch oyligida flurbiprofenni qoʼllash mumkin emas.
Emizish davri
Аyrim tadqiqotlarda flurbiprofen jula past kontsentratsiyalarda koʼkrak sutida aniqlangan, emizikli bola uchun salbiy oqibatlar ehtimoli kam. Аmmo bola uchun NYaQP ning kuzatilishi mumkin boʼlgan noxush samaralari tufayli, emizganda emizikli onalarda flurbiprofenni spreyini qoʼllash tavsiya etilmaydi.
Fertillik
Homiladorlikni rejalashtirgan ayollar uchun maʼlumot: preparat siklooksigenaza va prostaglandin sintezini susaytiradi va ayollarning reproduktiv funktsiyasini izdan chiqarib (davolash bekor qilingandan keyin qaytuvchan) ovulyatsiyaga taʼsir koʼrsatishi mumkin.
QO‘LLASH BO‘YICHA YO‘RIQNOMA
STREPSILS®
STREPSILS®
Preparatning savdo nomi: Strepsils®
Ta‘sir etuvchi moddalar (XPN): amilmetakrezol+dixlorbenzil spirti
Dori shakli: shimish uchun tabletkalar [limonli], shimish uchun tabletkalar [qulupnayli]
Tarkibi:
Bir tabletka quyidagilarni saыlaydi:
faol moddalar: 2,4-dixlorbenzil spirti – 1,2 mg, amilmetakrezol – 0,6 mg;
yordamchi moddalar:
shimish uchun tabletkalar [limonli]: 26 mg uzum kislotasi, 4,16 mg limon aromatizatori 74940-74, 0,01 mg sariq xinolin bo‘yovchisi (Ye104), 2 mg natriy saxarinati, 1834,296 mg izomaltoza, 2,35 g tabletka hosil bo‘lgunigacha 458,57 mg maltitola siropi -.
shimish uchun tabletkalar [qulupnayli]: 26 mg uzum kislotasi, 9,1 mg qulupnay aromatizatori (Flav P 052312V), 0,1 mg pushti antosianin bo‘yovchisi P-WS (Ye163), 2 mg natriy saxarinati, 1830 mg izomaltoza, 2,35 g tabletka hosil bo‘lgunigacha 458 mg maltitola siropi.
Ta‘rifi:
Shimish uchun tabletkalar [limonli]: sariq, dumaloq, ikki tomonida S harf tasviri bo‘lgan, yarim tiniq karamel massali tabletkalar.
Oq karash, bo‘yalishi notekis, karamel massasida havo pufakchalarini bo‘lishiga va chetlarini bir oz notekis bo‘lishiga yo‘l qo‘yiladi.
Shimish uchun tabletkalar [qulupnayli]: pushti rangli, dumaloq, ikki tomonida S harf tasviri bo‘lgan, yarim tiniq karamel massali tabletkalar.
Oq karash, bo‘yalishi notekis, karamel massasida havo pufakchalarini bo‘lishiga va chetlarini bir oz notekis bo‘lishiga yo‘l qo‘yiladi.
Farmakoterapevtik guruhi: antiseptik vosita.
ATX kodi: R02AA20
Farmakologik xususiyatlari
Preparat antiseptik ta‘sir ko‘rsatadi, keng doirali grammusbat va grammanfiy mikroorganizmlarga nisbatan faol, antimikotik ta‘sir ko‘rsatadi.
Qo‘llanilishi
Og‘iz bo‘shlig‘i va tomoqni infeksion-yallig‘lanish kasalliklarini davolash (tomoqda og‘riqni yengillashtiradi va ta‘sirlanishni yengillashtiradi).
Preparatni qandli diabeti bo‘lgan bemorlarda qo‘llash mumkin (tarkibida qand saqlamaydi).
Qo‘llash usuli va dozalari
Mahalliy qo‘llanadi. Kattalar va 6 yoshdan oshgan bolalar bir tabletkadan har 2-3 soatda sekin shimiladi.
24 soat davomida 8 tabletkadan ortiq qabul qilinmasin. Davolash kursi davomiyligi – 3 kunni tashkil qiladi.
Nojo‘ya ta‘sirlari
Allergik reaksiyalar kuzatilishi mumkin.
Qo‘llash mumkin bo‘lmagan holatlar
Preparatning komponentlariga yuqori sezuvchanlik; saxaroza/izomaltaza tanqisligi, fruktozani o‘zlashtiraolmaslik, glyukoza-galaktozani malabsorbsiyasi.
Bolalar (6 yoshgacha).
Dorilarning o‘zaro ta‘siri
Boshqa preparatlar bilan klinik ahamiyatli o‘zaro ta‘sirlar aniqlanmagan.
Maxsus ko‘rsatmalar
Preparat tarkibiga kiruvchi har qanday komponentlarga shaxsiy yuqori sezuvchanlikda preparatni qo‘llash mumkin emas.
Preparat tarkibiga izomaltoza va maltitl siropi kiradi, ular yengil surgi ta‘sirini ko‘rsatishi mumkin. Fruktozani nasli o‘zlashtiraolmaydigan pasientlarga preparatni qo‘llash tavsiya etilmaydi.
Simptomlar saqlansa yoki tana haroratini oshishi yoki bosh og‘rig‘i paydo bo‘lsa shifokorga murojaat qilish lozim.
Homiladorlik va emizish davrida qo‘llanilishi
Homilador va emizikli ayollar preparatni qo‘llashdan avval shifokor bilan maslahatlashishlari lozim.
Transport vositalarini, mexanizmlarni boshqarish qobiliyatiga ta‘siri
Preparat avtotransport va mexanizmlarni boshqarish, shuningdek diqqatni yuqori jamlash va psixomotor reaksiyalarning tezligini talab qiluvchi potensial xavfli faoliyat turlari bilan shug‘ullanish qobiliyatiga ta‘sir ko‘rsatmaydi.
Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tganidan so‘ng ishlatilmasin.
Dozani oshirib yuborilishi
Dozani oshirib yuborilishining ehtimoli kam, bo‘lishi mumkin bo‘lgan dozani oshirib yuborilishi me‘da-ichak yo‘llari tomonidan diskomfort chaqirishi mumkin. Davolash simptomatik.
Chiqarilish shakli
Shimish uchun tabletkalar [limonli], shimish uchun tabletkalar [qulupnayli].
4, 6, 8 yoki 12 tabletkadan blisterda (PVX/PVDX/Alyuminiy). 1 yoki 2 blisterdan qo‘llash bo‘yicha yo‘riqnomasi bilan birga karton qutiga joylanadi.
Saqlash sharoiti
Quruq joyda, +25oS dan yuqori bo‘lmagan haroratda saqlansin.
Yaroqlilik muddati
Shimish uchun tabletkalar [limonli]: 3 yil.
Shimish uchun tabletkalar [qulupnayli]: 2 yil.
Dorixonalardan berish tartibi
Reseptsiz.
Mahsulot bo'yicha savolingiz bormi?
Savol qoldirishMulohazalar
- Ishlab chiqarilish joyi: Turkiya
- Faol modda: Флурбипрофен ko'proq ko'rsatish
- Ishlab chiqaruvchi: Drogsan Ilaclari San. Ve Tic. A.S.
- Vakil: Asfarma Savdo MChJ
- Ishlab chiqarilish joyi: O'zbekiston
- Faol modda: Флурбипрофен ko'proq ko'rsatish
- Ishlab chiqaruvchi: Nobel Pharmsanoat, ИП ООО
- Ishlab chiqarilish joyi: O'zbekiston
- Faol modda: Флурбипрофен ko'proq ko'rsatish
- Ishlab chiqaruvchi: Nobel Pharmsanoat, ИП ООО
- Ishlab chiqarilish joyi: Buyuk Britaniya
- Faol modda: Флурбипрофен ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, dixlorobenziloviy spirt ko'proq ko'rsatish
- Ishlab chiqaruvchi: Reckitt Benckiser Healthcare
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, dixlorobenziloviy spirt, Lidokain ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Флурбипрофен ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, dixlorobenziloviy spirt, Levomentol ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, dixlorobenziloviy spirt ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Faol modda: Amilmetakrezol, dixlorobenziloviy spirt ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, 2,4 dixlorbenziloviy spirt ko'proq ko'rsatish
- Ishlab chiqaruvchi: Reckitt Benckiser Healthcare International Ltd
- Vakil: Reckitt Benckiser Healthcare
- Ishlab chiqarilish joyi: Buyuk Britaniya
- Faol modda: Amilmetakrezol, dixlorobenziloviy spirt, Levomentol ko'proq ko'rsatish
- Ishlab chiqaruvchi: Рекитт Бенкизер Хелскэр Интернешнл Лтд.
- Vakil: Reckitt Benckiser Healthcare
Alifbo bo'yicha dori vositalar ro'yxati
- A
- B
- D
- E
- F
- G
- H
- I
- J
- K
- L
- M
- N
- O
- P
- Q
- R
- S
- T
- U
- V
- X
- Y
- Z
- Ch
- Sh
- 0-9