STREPTOSID 2,0 poroshok
STREPTOSID 2,0 poroshok haqida qo'llanma
Farmakokinetikasi
Sulfanilamidlar mahalliy qo'llanilganda faol komponentlarning yuqori lokal kontsentratsiyalari hosil bo'ladi. Terining shikastlangan (yara, kuyish) yuzasi orqali sulfanilamidlarning tizimli so'rilishi 10% ga yetishi mumkin.
Organizmga kiritilganda streptotsid tez so'riladi. Qonda preparatning eng yuqori kontsentratsiyasi qabul qilingandan 1 - 2 soat o'tgach hosil bo'ladi. 4 soatdan keyin u orqa miya suyuqligida aniqlanadi. Asosan (90 - 95%) buyraklar orqali ajralib chiqadi.
Nojo'ya samaralari
Allergik reaksiyalar. Katta dozalarda uzoq muddat qo'llanganda - tizimli ta'sir: bosh og'rig'i, dispepsiya, leykopeniya, agranulotsitoz, ko'ngil aynishi, qusish, kristalluriya.
Maxsus ko‘rsatmalari
Buyrak funksiyasi buzilgan bemorlarda ehtiyotkorlik bilan qo‘llaniladi. Davolash davrida iste'mol qilinadigan suyuqlik hajmini oshirish zarur.
Yuqori sezuvchanlik reaksiyalari paydo bo‘lganda davolashni to‘xtatish kerak.
Uzoq muddat davolashda qon manzarasi, buyrak va jigar funksiyasini tizimli nazorat qilish tavsiya etiladi.
Qo'llanilishi mumkin bo'lmagan holatlar
O‘ta yuqori sezuvchanlik, anemiya, buyrak/jigar yetishmovchiligi, tug‘ma glyukoza-6-fosfatdegidrogenaza yetishmovchiligi, azotemiya, porfiriya, homiladorlik, laktatsiya davri.
Dori vositalarining o'zaro ta'siri
Mielotoksik dori vositalari preparatning gematotoksikligi namoyon bo'lishini kuchaytiradi.
Paraaminobenzoy kislotasi qoldig'ini saqlovchi novokain va shunga o'xshash kimyoviy tuzilishga ega ba'zi boshqa dori vositalari antisulfanilamid samara ko'rsatishi mumkin, buni Streptotsidni buyurishda hisobga olish kerak.
Dozirovkasi
Ichga qabul qilinganda kattalar uchun maksimal dozalar: bir martalik 2 g, sutkalik - 7 g.
Sirtga qo'llanilganda teri va shilliq qavatlarning shikastlangan joylariga surtiladi.Dozani oshirib yuborishko'ngil aynishi, qusish, ichak sanchig'i, bosh aylanishi, bosh og'rig'i, uyquchanlik, depressiya, hushdan ketish holatlari, ongning chalkashishi, ko'rishning buzilishi, isitma, gematuriya, kristalluriya; uzoq muddatli dozani oshirib yuborishda - trombotsitopeniya, leykopeniya, megaloblast anemiya, sariqlik.
STREPTOSID 2,0 poroshok o'xshash dorilari
Streptotsid boshqa chiqarish shakllari
STREPTOSID 2,0 poroshok analoglari
