TIOTRIAZOLIN tabletkalari 200mg N90

Дори шакли: таблеткалар

Таркиби:

1 таблетка қуйидагиларни сақлайди:

фаол модда: тиазот кислотасини морфолинат тузи 100% моддага қайта ҳисобланганда – 200 мг, 133 мг тиазот кислотасига эквивалент;

ёрдамчи моддалар: картошка крахмали, повидон, қанд кукуни, микрокристалл целлюлоза, кальций стеарати.

Тиазот кислотасининг фармакологик самараси ишемияга қарши, мембранани барқарорлаштирувчи, антиоксидант ва иммуномодуляция таъсири билан боғлиқ.

Препаратнинг таъсири анаэроб гликолизни компенсатор фаоллашишини кучайтириши ва Кребс циклида АТФ хужайра ички заҳирасини сақланиши билан оксидланиш жараёнларини фаоллаштириши ҳисобига амалга оширилади. Тиазот кислотасини молекуласининг таркибида оксидланиш-қайтарилиш хусусиятлари характерли бўлган олтингугурт тиолининг ва ортиқча водород ионларини боғловчи учламчи азотнинг мавжудлиги, антиоксидант тизимини фаоллашишини таъминлайди. Тиол гуруҳининг кучли қайтарувчи хусусиятлари кислороднинг фаол шакллари ва липид радикаллари билан реакцияни чақиради. Антирадикал ферментлар – супероксиддисмутаза, каталаза ва глутатионпероксидазани қайта фаоллашиши кислороднинг фаол шаклларини кучайишини олдини олади.

Тиазот кислотасининг таъсири миокарднинг ишемияга учраган соҳаларида липидларнинг оксидланиш жараёнларини тормозланишига, миокарднинг катехоламинларга сезувчанлигини камайишига, юракнинг қисқарувчанлик фаолиятини кучайиб борувчи сусайишини олдини олишга, турғунлашишига ва мувофиқ некроз ўчоғини ва миокарднинг ишемиясини камайишига олиб келади. Қоннинг реологик хусусиятларини яхшиланиши фибринолитик тизимини фаоллашиши ҳисобига амалга оширилади. Миокардда метаболизм жараёнларини яхшиланиши, унинг қисқарувчанлик қобилиятини ошиши, юрак ритмини нормаллашишига ёрдам бериши, юрак ишемик касаллигининг турли шакллари бўлган беморларни даволаш учун тиотриазолинни буюриш имконини беради.

Препаратни кардиологияда қўллаш билан параллел ҳолда, унинг юқори гепатопротектор хусусиятларини ҳисобга олиб, Тиазот кислотаси жигар касалликлари ва бошқа ички касалликларни даволашда қўлланади. Препарат гепатоцитларни парчаланишини олдини олади, ёғли инфильтрация даражасини ва жигарнинг марказий лобуляр некрозини тарқалиш даражасини камайтиради, гепатоцитларнинг репаратив регенерацияси жараёнларига ёрдам беради, уларда оқсил, углевод, липид ва пигмент алмашинувини нормаллаштиради. Сафронинг синтези ва чиқарилиш тезлигини оширади, унинг кимёвий таркибини нормаллаштиради.

Ичга қабул қилгандан сўнг препарат тез сўрилади, унинг тўлиқ биокираолишлиги 53% ни ташкил қилади. Қон плазмасидаги концентрациясига 200 мг дозада бир марта қабул қилингандан сўнг 1,6 соатдан кейин эришади. Ярим чиқарилиш даври деярли 8 соатни ташкил қилади.

10 таблетка блистерда. 9 блистердан тиббиётда қўллаш йўриқномаси билан  қутида.

15 таблетка блистерда. 9 блистердан тиббиётда қўллаш йўриқномаси билан  қутида.

Препарат, одатда, яхши ўзлаштирилади.

Юқори шахсий сезувчанлиги бўлган беморларда қуйидагилар камдан-кам ҳолларда юз бериши мумкин:

тери ва тери ости клечаткаси томонидан: қичишиш, тери гиперемияси, тошма, эшакеми, ангионевротик шиш.

Мажмуавий даволаш таркибида қабул қилинганида, айниқса кекса ёшдаги пациентларда алоҳида ҳолатлар келтирилган:

иммун тизими томонидан бузилишлар: анафилактик шок;

неврологик бузилишлар: бош айланиши, қулоқларда шовқин;

меъда–ичак бузилишлари: диспепсик кўринишлари - оғиз қуриши, кўнгил айниши, қорин дам бўлиши;

нафас тизими, кўкрак қафаси ва кўкс оралиғи аъзолари томонидан бузилишлар: ҳансираш, бўғилиш;

умумий бузилишлар: иситма, умумий ҳолсизлик.

Пострегистрацион кузатувлар даврида шунингдек Тиотриазолинни қабул қилиш билан боғлиқлиги исботланган реакциялар кузатилган:

юрак-қон томир тизими томонидан: артериал гипертензия, тахикардия.

Ҳомиладорлик ва эмизиш даврида қўлланиши.

Препаратни ҳомиладорлик ёки эмизиш даврида қўллаш самарадорлиги ва хавфсизлиги ўрганилмаган.

Болалар.

Препаратни болаларда қўллаш тажрибаси етарли эмас.

Автомобилни ва мураккаб механизмларни бошқариш қобилиятига таъсири

Айни пайтда хабарлар йўқ, бироқ бош айланиши ривожланиши мумкинлигини ҳисобга олиш керак.

Ичга қабул қилгандан сўнг препарат тез сўрилади, унинг тўлиқ биокираолишлиги 53% ни ташкил қилади. Қон плазмасидаги концентрациясига 200 мг дозада бир марта қабул қилингандан сўнг 1,6 соатдан кейин эришади. Ярим чиқарилиш даври деярли 8 соатни ташкил қилади.

Тиазот кислотаси ва препаратнинг бошқа компонентларига юқори сезувчанлик.

Буйрак етишмовчилигида қўллаш мумкин эмас.

Тиотриазолинни кардиопротектор восита сифатида юрак ишемик касалликларини даволашда базис воситалари билан мажмуада қўллаш мумкин.

Гепатопротектор восита сифатида препаратни гепатитларни анъанавий даволаш усули билан бирга қўллаш мумкин.

Зўриқиш стенокардиясида Тиотриазолин суткада 3 марта 200 мг дан ичга буюрилади. Даволаш курси 8 ҳафтани ташкил қилади.

Зўриқиш ва тинч ҳолатдаги стенокардиясида, миокард инфарктида, инфарктдан кейинги кардиосклерозда Тиотриазолинни 20-30 кун давомида суткада 3 марта 200 мг дан ичга буюрилади.

Юрак ритмини бузилишларида Тиотриазолинни суткада 3 марта 200 мг дан ичга ёки тил остига буюрилади.

Жигар касалликларида Тиотриазолинни одатда суткада 4 марта 200 мг дан ичга 20-30 кун давомида буюрилади.

Даволаш курсининг давомийлигини касалликнинг оғирлиги ва кечишига қараб, шифокор шахсий равишда белгилайди.

Доза ошириб юборилганида сийдикда натрий ва калийнинг концентрацияси ошади. Бундай ҳолларда препаратни бекор қилиш керак.

Даволаш симптоматик.