SEFOTAKSIM 1,0 poroshok N1

In'ektsiya joyidan tez so'riladi. Plazma oqsillari bilan bog'lanishi 40% ni tashkil qiladi. Organizmning to'qimalari va suyuqliklarida keng taqsimlanadi. Orqa miya suyuqligida, ayniqsa meningitda terapevtik kontsentratsiyalarga yetadi. Yo'ldosh to'sig'i orqali o'tadi, past kontsentratsiyalarda ko'krak suti bilan ajralib chiqadi. Jigarda qisman metabolizmga uchraydi. Dozaning 40-60% i 24 soat ichida siydik bilan o'zgarmagan holda, 20% i - metabolitlar ko'rinishida chiqariladi.

Ovqat hazm qilish tizimi tomonidan: ko'ngil aynishi, qusish, diareya, jigar transaminazalari faolligining o'tkinchi oshishi, xolestatik sariqlik, gepatit, soxtamembranoz kolit.



Allergik reaksiyalar: teri toshmasi, qichishish, eozinofiliya; kamdan-kam hollarda - Kvinke shishi.



Qon yaratish tizimi tomonidan: yuqori dozalarda uzoq muddat qo'llanilganda periferik qon ko'rinishining o'zgarishi (leykopeniya, neytropeniya, trombotsitopeniya, gemolitik anemiya) bo'lishi mumkin.



Qon ivish tizimi tomonidan: gipoprotrombinemiya.



Siydik chiqarish tizimi tomonidan: interstitsial nefrit.



Kimyoterapevtik ta'sir bilan bog'liq effektlar: kandidoz.

Mahalliy reaksiyalar: flebit (v/i yuborilganda), in'ektsiya qilingan joyda og'riq (m/i yuborilganda).

Sefotaksim buyrak funksiyasi buzilishlarida, anamnezida kolit ko‘rsatilganda, shuningdek yangi tug‘ilgan chaqaloqlarda ehtiyotkorlik bilan qo‘llaniladi.

Penitsillinlarga yuqori sezuvchanligi bo‘lgan bemorlarda sefalosporin antibiotiklariga allergik reaksiyalar bo‘lishi mumkin.

Davolash davrida musbat to‘g‘ridan-to‘g‘ri Kumbs reaksiyasi va siydikda glyukozaga soxta musbat reaksiya bo‘lishi mumkin.

"Halkali" diuretiklar bilan bir vaqtda ehtiyotkorlik bilan qo‘llash kerak.

Sefotaksimga va boshqa sefalosporinlarga yuqori sezuvchanlik.

Homiladorlik va emizish davrida qo‘llash

Homiladorlikning I uchoyligida sefotaksimni qo‘llash tavsiya etilmaydi.

Homiladorlikning II va III uchoyliklarida va laktatsiya davrida qo‘llash faqat ona uchun kutilayotgan foyda homila yoki emizikli bola uchun potensial xavfdan ustun bo‘lgan hollardagina mumkin.

Shuni nazarda tutish kerakki, sefotaksim 1 g dozada v/i yuborilgandan so‘ng 2-3 soat o‘tgach ko‘krak sutidagi faol moddaning maksimal konsentratsiyasi o‘rtacha 0,32±0,09 mkg/ml ni tashkil qiladi. Bunday konsentratsiyada bolaning orofaringeal florasiga salbiy ta'sir ko‘rsatishi mumkin.

Hayvonlarda o‘tkazilgan eksperimental tadqiqotlarda sefotaksimning teratogen va embriotoksik ta'sirlari aniqlanmagan.

Buyrak funksiyasi buzilishlarida sefotaksim ehtiyotkorlik bilan qo‘llaniladi.

Bolalarda qo‘llash

Yangi tug‘ilgan chaqaloqlarda sefotaksim ehtiyotkorlik bilan qo‘llaniladi.

Sefotaksim ichak florasini bostirib, K vitamini sinteziga to'sqinlik qiladi. Shuning uchun trombotsitlar agregatsiyasini pasaytiruvchi preparatlar (NYQV, salitsilatlar, sulfinpirazon) bilan bir vaqtda qo'llanilganda qon ketish rivojlanish xavfi ortadi. Xuddi shu sababga ko'ra antikoagulyantlar bilan bir vaqtda qo'llanilganda antikoagulyant ta'sirning kuchayishi qayd etiladi.

Aminoglikozidlar, polimiksin B va "halkali" diuretiklar bilan bir vaqtda qo'llanilganda buyrak shikastlanishi xavfi ortadi.

Kanalchalar sekretsiyasini kamaytiruvchi preparatlar bilan bir vaqtda qo'llanilganda qon plazmasida sefotaksim kontsentratsiyasi oshadi.

Probenetsid oxirgisining kanalchalar sekretsiyasini pasaytirish hisobiga sefotaksim chiqarilishini sekinlashtiradi