SEREBROLIZIN inyeksiya uchun eritma 2ml N10

preparatning 1 ml suvli eritmasi quyidagilarni saqlaydi:

faol modda: 215,2 mg tserebrolizin kontsentrati (cho'chqaning bosh miyasidan olingan peptidlarning majmuasi). Tserebrolizinning faol fraktsiyasi peptidlardan iborat bo'lib, ularning molekulyar vazni 10 000 dal'tondan oshmaydi.

yordamchi moddalar: natriy gidroksidi va in'ektsiya uchun suv.

Сhiqarilish shakli

In'ektsiya uchun eritma 1 ml, 2 ml ampulalarda

1 ml, 2 ml dan shisha ampulalarda. 10 ampuladan, mumlangan qog'oz bilan berkitilgan PVX kontur uyali o'ramga joylangan. Bir kontur uyali o'ram qtibbiyotda qo'llanilishiga doir yo'riqnomasi bilan birga karton qutiga joylangan.

In'ektsiya uchun eritma 5 ml, 10 ml va 20 ml ampulalarda

5 ml, 10 ml, 20 ml dan shisha ampulalarda. 5 ampuladan, mumlangan qog'oz bilan berkitilgan PVX kontur uyali o'ramga joylangan. Bir kontur uyali o'ram tibbiyotda qo'llanilishiga doir yo'riqnomasi bilan birga karton qutiga joylangan.

Tserebrolizin gematoentsefalik to'siqdan o'tib, to'g'ridan-to'g'ri nerv hujayralariga kiradigan pastmolekulyar biologik faol neyropeptidlar saqlaydi. Preparat bosh miyaga organospetsifik mul'timodal ta'sirga ega, ya'ni metabolik boshqaruv, neyroprotektsiya, funktsional neyromodulyatsiya va neyrotrofik faollikni ta'minlaydi.

a) metabolik regulyatsiya: tserebrolizin bosh miyaning aerob energetik metabolizmining samaradorligini oshiradi, rivojlanayotgan va qariyotgan bosh miyada hujayra ichki oqsil sintezini yaxshilaydi.

b) neyroprotektsiya: tserebrolizin neyronlarni laktatsidozning shikastlovchi ta'siridan himoya qiladi, erkin radikallarni hosil bo'lishini oldini oladi, gipoksiya va ishemik sharoitlarda neyronlarning yashab qolish darajasini oshiradi va nobud bo'lishini oldini oladi, qo'zg'atuvchi aminokislotalarning (glutamat) shikastlovchi neyrotoksik ta'sirini kamaytiradi.

v) neyrotrofik faollik: tserebrolizin – neyrotrofik faolligi isbotlangan, neyronal o'sishning (NGF) tabiiy omillari ta'siriga o'xshash ta'sirli yagona nootrop peptidergik preparat bo'lib, samarasi periferik sharoitda yuborilganda namoyon bo'ladi.

g) funktsional neyromodulyatsiya: tserebrolizin kognitiv funktsiyalar buzilganida, ma'lumotlarni eslab qolish jarayoniga ijobiy ta'sir ko'rsatadi.

Faol fraktsiyasi umumiy polifunktsional ta'sirga ega bo'lgan, biologik faol oligopeptidlarning muvozanatlangan va barqaror aralashmasidan iborat bo'lgan tserebrolizinning murakkab tarkibi alohida komponentlarni odatdagi farmakokinetik tahlilini o'tkazishga yo'l qo'ymaydi.

In'ektsiya uchun eritma 

Tez-tez uchraydigan nojo'ya samaralari - 1/100 dan ortiq - 1/10 dan kam; kam uchraydigan nojo'ya samaralari - 1/1000 dan ko'p - 1/100 dan kam; juda kam uchraydigan nojo'ya samaralari - 1/10000 dan ko'p - 1/1000 dan kam; kamdan-kam uchraydigan nojo'ya samaralari
- 1/10000 dan kam.

Haddan tashqari tez yuborilganida kam hollarda quzish hissi, terlash, bosh aylanishi va (yakka hollarda) yurakni tez urishi va aritmiyalar bo'lishi mumkin.

Me'da-ichak yo'llari tomonidan: kam hollarda ishtahani yo'qolishi, dispepsiya, diareya, qabziyatlar, ko'ngil aynishi va qusish kuzatilgan.

MNT va periferik nerv tizimi tomonidan: kam hollarda taxmin qilinayotgan faollashuv samarasi qo'zg'alish (agressiv xulq, ongni chalkashishi, uyqusizlik bilan namoyon bo'ladigan) bilan kechgan. Tserebrolizin bilan davolanish davrida yakka hollarda (<0,01%) katta tutqanoq xurujlari va tirishishlar paydo bo'lganligi haqida xabarlar bor.

Immun tizimi tomonidan: kamdan-kam hollarda bosh og'rig'i; bo'yinda va qo'l-oyoqlarda, orqaning pastki qismida og'riq hislari; hansirash, et uvishishi va kollaptoid holat bilan namoyon bo'luvchi yuqori sezuvchanlik reaktsiyalari yoki allergik reaktsiyalar aniqlangan.

Mahalliy reaktsiyalar: kam hollarda terini qizarishi, in'ektsiya joyida qichishish va achishish aniqlanadi.
Boshqalar: tekshirish natijalari bo'yicha giperventilyatsiya, arterial gipertoniya, arterial gipotoniya, charchoqlik, tremor, depressiya, apatiya, bosh aylanishi va grippga o'xshash simptomlarning (yo'tal, tumov, nafas yo'llarining infektsiyalari) kamdan-kam hollari to'g'risida xabar berilgan.

Ayrim noxush samaralari (qo'zg'alish, arterial gipertoniya, arterial gipotoniya, lanjlik, tremor, depressiya, apatiya, bosh aylanishi, bosh og'rig'i, hansirash, diareya, ko'ngil aynishi) klinik sinovlar vaqtida aniqlangan va Tserebrolizin olgan patsientlarda ham, platsebo guruhidagi patsientlarda ham bir xil darajada ro'y bergan.

Homiladorlik va laktatsiya

Preparat homiladorlikning I uch oyligida va laktatsiya davrida ehtiyotkorlik bilan buyuriladi.

Homiladorlik davrida va emizish vaqtida Tserebrolizin faqat, davolashning ijobiy samarasi va uni o'tkazish bilan bog'liq bo'lgan xavf orasidagi o'zaro nisbat sinchiklab tahlil qilinganidan keyingina qo'llanishi kerak. Eksperimental tadqiqotlarning natijalari, Tserebrolizinni qandaydir teratogen ta'sirga egaligi yoki homilaga zaharli ta'sir ko'rsatishini taxmin qilishga asos bo'lmaydi. Biroq, xuddi shunday klinik tadqiqotlar o'tkazilmagan.

Transport vositalarini boshqarish qobiliyatiga ta'siri

Klinik sinovlar Tserebrolizinni transport vositalarni boshqarish va mexanizmlarni ishlatish qobiliyatiga ta'sir etmasligini ko'rsatdi.

Al'tsgeymer kasalligi, turli genezli dementsiya sindromi, surunkali tserebrovaskulyar yetishmovchilik, ishemik insul't, bosh va orqa miyaning travmatik shikastlanishlari, bolalardagi aqliy rivojlanishning kechikishi, bolalardagi diqqatning kamayib ketishi bilan bog'liq bo'lgan parishonxotirlik; antidepressantlarga rezistent bo'lgan endogen depressiyani majmuaviy davolashda qo'llanadi.

- preparatni shaxsiy o'zlashtiraolmaslik

- o'tkir buyrak yetishmovchiligi

- epileptik statusda qo'llash mumkin emas.

Tserebrolizinning farmakologik profilini hisobga olib, antidepressantlar yoki MAO ingibitorlari bilan birga buyurilganida paydo bo'lishi mumkin bo'lgan additiv samaralarga maxsus e'tibor qaratish kerak. Bunday hollarda antidepressantning dozasini pasaytirish tavsiya etiladi.

Tserebrolizinni va aminokislotalarning muvozanatlangan eritmalarini infuziya uchun bir eritmada aralashtirish mumkin emas, Tserebrolizin tarkibiga lipidlar kirgan eritmalar va rN muhitni o'zgartiradigan eritmalar bilan to'g'ri kelmaydi.

Mexanik qo'shimchalardan holi bo'lgan qahrabo rangli tiniq eritma.

Parenteral qo'llanadi. Dozalari va davolash davomiyligi, kasallikning og'irligi va xarakteri, shuningdek, bemorning yoshiga bog'liq. Miqdori 50 ml ga yetishi mumkin bo'lgan bir martalik dozalarni buyurish mumkin, biroq davolash kursini o'tkazish ma'qulroqdir.

Tavsiya etilgan optimal davolash kursi 10-20 kun davomidagi kundalik in'ektsiyalardan iborat.

Serebrolizinning dozasini oshirib yuborish holatlari qayd etilmagan.

Preparat homiladorlikning I uch oyligida va laktatsiya davrida ehtiyotkorlik bilan buyuriladi.

Homiladorlik davrida va emizish vaqtida Tserebrolizin faqat, davolashning ijobiy samarasi va uni o'tkazish bilan bog'liq bo'lgan xavf orasidagi o'zaro nisbat sinchiklab tahlil qilinganidan keyingina qo'llanishi kerak. Eksperimental tadqiqotlarning natijalari, Tserebrolizinni qandaydir teratogen ta'sirga egaligi yoki homilaga zaharli ta'sir ko'rsatishini taxmin qilishga asos bo'lmaydi. Biroq, xuddi shunday klinik tadqiqotlar o'tkazilmagan.

Jiddiy buyrak etishmovchiligida mumkin emas.