VALIDOL S IZOMALTOM 0,06 tabletkalari N10

Sublingval qo'llanilganda og'iz bo'shlig'i shilliq qavatidan so'riladi. So'rilgandan so'ng jigarda biotransformatsiyaga uchraydi va buyraklar orqali glyukuronidlar ko'rinishida chiqariladi.

Ko'ngil aynishi, ko'z yoshi oqishi, bosh aylanishi bo'lishi mumkin. Preparat bekor qilinganda bu nojo'ya ta'sirlar odatda mustaqil ravishda o'tib ketadi. Allergik reaksiyalar (teri toshmasi, qichishish, angionevrotik shish) rivojlanishi mumkin. Ushbu yo'riqnomada tavsiflanmagan nojo'ya ta'sirlar paydo bo'lganda, preparatni qabul qilishni to'xtatish va bu haqda davolovchi shifokorga xabar berish kerak.

Preparatni qandli diabeti bo'lgan odamlar qabul qilishlari mumkin (shakar saqlamaydi).

Nasliy fruktozani ko'tara olmaslik bo'lgan bemorlarga preparatni qabul qilish tavsiya etilmaydi. Bir vaqtda alkogol qabul qilish tavsiya etilmaydi.

Transport vositalarini, mexanizmlarni boshqarish qobiliyatiga ta'siri

Preparatni qabul qilishda transport vositalarini boshqarishda va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyotkorlikka rioya qilish kerak.

Preparat komponentlariga yuqori sezuvchanlik, saxaraza/izomaltaza yetishmovchiligi, fruktozaga toqat qilolmaslik, glyukoza-galaktoza malabsorbsiyasi, 18 yoshgacha bo'lganlar (bolalarda preparatni qo'llashning samaradorligi va xavfsizligi bo'yicha ma'lumotlar yo'q).

Homiladorlik va emizish davrida qo'llanilishi

Preparatni homiladorlik va emizish davrida qo'llash, agar ona uchun kutilayotgan foyda homila yoki bola uchun potensial xavfdan yuqori bo'lsa, mumkin. Shifokor bilan maslahatlashish zarur.

Markaziy asab tizimini susaytiruvchi dori vositalari bilan bir vaqtda qo'llanilganda oxirgilarining ta'sirini kuchaytiradi.

Preparatni nitratlar bilan bir vaqtda qo'llash ular qabul qilinganda yuzaga keladigan bosh og'rig'ini kamaytiradi.