VALIDOL tabletkalari 60mg N10

Sublingval qo'llanilganda Validol® og'iz bo'shlig'i shilliq qavatidan so'riladi. Terapevtik ta'sir taxminan 5 daqiqadan so'ng boshlanadi. So'rilgandan so'ng jigarda biotransformatsiyaga uchraydi va siydik bilan glyukuronidlar ko'rinishida chiqariladi.

Preparat markaziy nerv tizimiga tinchlantiruvchi ta’sir ko‘rsatadi, shuningdek og‘iz bo‘shlig‘i shilliq qavatining sezgir nerv («sovuq») retseptorlarini reflektor ta’sirlash yo‘li bilan o‘rtacha reflektor tomir kengaytiruvchi (koronarolitik) ta’sir ko‘rsatadi. Retseptorlar stimulyatsiyasi endorfinlar, enkefalinlar, dinorfinlar va boshqa peptidlar, gistamin, kininlar ajralib chiqishi induksiyasi bilan kechadi, ular og‘riq sezuvchanligini kamaytirishda, tomirlar o‘tkazuvchanligini normallashtirishda va yurak-qon tomir va nerv tizimlari faoliyatining boshqa muhim mexanizmlarini tartibga solishda muhim rol o‘ynaydi.

Uzoq muddat qo'llanilganda kamdan-kam hollarda yengil ko'ngil aynishi, qorinda noqulaylik, ko'z yoshlanishi, bosh aylanishi, qisqa muddatli arterial gipotenziya, uyquchanlik kuzatilishi mumkin, ular tezda o'z-o'zidan o'tib ketadi.
Allergik reaksiyalar, shu jumladan Kvinke shishi, eshakemi, toshma, qichishish rivojlanishi mumkin.

Yurak sohasidagi og'riq preparat qabul qilingandan keyin o'tib ketmagan hollarda, o'tkir koronar sindromni istisno qilish uchun albatta shifokorga murojaat qilish kerak. Preparat qand saqlaydi, buni qandli diabeti bo'lgan bemorlar hisobga olishlari kerak.
Mumkin bo'lgan nojo'ya ta'sirlar (bosh aylanishi va uyquchanlik) tufayli preparat qabul qilingandan keyin dastlabki soatlarda transport vositalarini boshqarishda yoki yuqori diqqatni talab qiladigan ishlarda ehtiyotkorlik zarur.

Preparat komponentlariga yuqori sezuvchanlik.
Yaqqol arterial gipotenziya; o'tkir miokard infarkti.

Validol® bir vaqtda qo'llanilganda psixotrop vositalar, opioid analgetiklar, alkogol va narkoz uchun vositalarning sedativ samarasini kuchaytiradi.
Validol® bilan bir vaqtda qo'llanilganda antigipertenziv preparatlar ta'sirining kuchayishi mumkin.
Validol® nitratlar qabul qilish bilan bog'liq bosh og'rig'i yaqqolligini kamaytiradi.

Tabletkalar to'liq so'rilib ketguncha og'izda (til ostida) ushlab turiladi.
Kattalar uchun bir martalik doza 1-2 tabletkani tashkil qiladi; sutkalik - 2-4 tabletka.
Zarurat bo'lganda sutkalik dozani oshirish mumkin. Maksimal sutkalik doza – 600 mg.
Davolash davomiyligi – 7 kungacha.