VALIDOL tabletkalari 60mg N6

Sublingval qo'llanilganda Validol® og'iz bo'shlig'i shilliq qavatidan so'riladi. Terapevtik ta'sir taxminan 5 daqiqadan so'ng boshlanadi. So'rilgandan so'ng jigarda biotransformatsiyaga uchraydi va siydik bilan glyukuronidlar ko'rinishida ajralib chiqadi.

Preparat markaziy asab tizimiga tinchlantiruvchi ta'sir ko'rsatadi, shuningdek og'iz bo'shlig'i shilliq qavatining sezgir nerv ("sovuq") retseptorlarini reflektor ravishda ta'sirlash orqali o'rtacha reflektor tomir kengaytiruvchi (koronarolitik) ta'sir ko'rsatadi. Retseptorlarni stimulyatsiya qilish og'riq sezuvchanligini kamaytirish, tomirlar o'tkazuvchanligini normallashtirish va yurak-qon tomir va asab tizimlari faoliyatining boshqa muhim mexanizmlarini tartibga solishda muhim rol o'ynaydigan endorfinlar, enkefalinlar, dinorfinlar va boshqa peptidlar, gistamin, kininlar ajralishini induktsiya qilish bilan birga kechadi.

Uzoq muddat qo'llanilganda kamdan-kam hollarda yengil ko'ngil aynishi, qorinda noqulaylik, ko'z yoshi oqishi, bosh aylanishi, qisqa muddatli arterial gipotenziya, uyquchanlik kuzatilishi mumkin, ular tezda mustaqil ravishda o'tib ketadi.
Allergik reaksiyalar, shu jumladan Kvinke shishi, eshakemi, toshma, qichishish rivojlanishi mumkin.

Preparat qabul qilingandan keyin yurak sohasidagi og'riq o'tib ketmagan hollarda, o'tkir koronar sindromni istisno qilish uchun albatta shifokorga murojaat qilish kerak. Preparat shakar saqlaydi, buni qandli diabeti bo'lgan bemorlar hisobga olishlari kerak.
Preparat qabul qilingandan so'ng dastlabki soatlarda ehtimoliy nojo'ya ta'sirlar (bosh aylanishi va uyquchanlik) tufayli transport vositalarini boshqarishda yoki yuqori diqqatni talab qiluvchi ishlarda ehtiyotkorlik zarur.

Preparat komponentlariga yuqori sezuvchanlik.
Yaqqol arterial gipotenziya; o'tkir miokard infarkti.

Validol® psixotrop vositalar, opioid analgetiklar, alkogol va narkoz uchun vositalarning sedativ samarasini ular bir vaqtda qo'llanilganda kuchaytiradi.
Antigipertenziv preparatlar Validol® bilan bir vaqtda qo'llanilganda ularning ta'siri potentsiyalanishi mumkin.
Validol® nitratlar qabul qilish bilan bog'liq bosh og'rig'i yaqqolligini kamaytiradi.

Tabletkalarni og'izda (til ostida) to'liq so'rilib ketguncha saqlash kerak.
Kattalar uchun bir martalik doza 1-2 tabletkani tashkil qiladi; sutkalik – 2-4 tabletka.
Zarurat bo'lganda sutkalik dozani oshirish mumkin. Maksimal sutkalik doza – 600 mg.
Davolash davomiyligi – 7 kungacha.