D-KAFF

QO‘LLASH BO‘YICHA YO‘RIQNOMA

D-KAFF

D–KAFF

Preparatning savdo nomi: D-KAFF

Ta‘sir etuvchi moddalar (XPN): dekstrometorfan gidrobromidi. xlorfeniramin maleati

Dori shakli: ichga qabul qilish uchun sirop

Tarkibi:

Har 5 ml sirop quyidagilarni saqlaydi:

faol moddalar:

dekstrometorfan gidrobromidi …………..10 mg;

xlorfeniramin maleati…………………………4 mg;

yordamchi moddalar:

bo‘yovchi: Karmoizin va Sanset Yellou

Ta‘rifi: shirin ta‘mli va yoqimli hidli, to‘q sariqdan qizg‘ish-to‘q sariq ranggacha sirop.

Farmakoterapevtik guruhi: balg‘am ko‘chiruvchi vosita

ATX kodi: R05DB

Farmakologik xususiyatlari

Preparat uning tarkibiga kiruvchi faol moddalar bilan bog‘liq og‘riq qoldiruvchi, isitmani tushiruvchi, antigistamin, yo‘talga qarshi va shishga qarshi xususiyatlarga ega.

Dekstrometorfan gidrobromidi– yo‘talga qarshi vosita. Markaziy ta‘sir ko‘rsatib yo‘tal bo‘sag‘asini oshiradi. U og‘riq qoldiruvchi va boshqa qo‘shimcha xususiyatlarga ega emas.

Xlorfeniramin maleati– qo‘llanganidan keyin me‘da-ichak yo‘llarida sekin va to‘liq so‘riladi. S_max ga erishish vaqti 2,5 soatdan 6 soatgacha.

Biokiraolish indeksi taxminan 25% dan 50% gacha. Preparatning katta qismi (70%) plazma oqsillari bilan bog‘lanadi. Xlorfeniramin maleati asosan yumshoq to‘qimalarda, shu jumladan markaziy nerv tizimida taqsimlanadi. Uning yarim chiqarilish davri – T_1/2 2 soatdan 43 soatgacha o‘zgarib turadi va ta‘sir davomiyligi 4 soatdan 6 soatgachani tashkil etadi. Moddaning katta qismi metabolizmga uchraydi. O‘zgarmagan qismi va metabolitlari siydik bilan, kam miqdorda axlat bilan chiqariladi.

Qo‘llanilishi

Allergiyaga qarshi sirop, balg‘amli yo‘tal va allergiya yoki yallig‘lanish bilan bog‘liq tomoq, burunni ta‘sirlanishi va ko‘z yoshini oqishi kabi yuqori nafas yo‘llarining kasallik simptomlarini simptomatik davolash uchun mo‘ljallangan.

Qo‘llash usuli va dozalari

Ichga buyuriladi.

Bolalar uchun tavsiya etiladigan dozasi (2-6 yosh): 1,25 ml (1/4 choy qoshiq) kuniga 4 marta.

Bolalar (6 yoshdan oshgan): 2,5 ml (1/2 choy qoshiq) kuniga 4 marta.

Kattalar: 5 ml (1 choy qoshiq) kuniga 4 marta buyuriladi.

Nojo‘ya ta‘sirlari

Preparat jiddiy nojo‘ya samaralar chaqirmaydi. Ba‘zida: uyquni buzilishi, gallyusinasiyalar, burun shilliq qavatini zichlashishi (ko‘pincha dozani oshirib yuborilganida), ko‘rishni xiralashishi, xavotirlik, siyishni qiyinlashishi yoki og‘riqliligi, keyinchalik prostata giperplaziyasi, bosh aylanishi, og‘iz, burun va tomoqni qurishi, bosh og‘rig‘i, ishtahani pasayishi, yurak urishi, quloqda shovqin, me‘dada diskomfort yoki og‘riq, teri allergik reaksiyalari bo‘lishi mumkin. Yuqori dozada uzoq muddat qo‘llanganda juda kam hollarda: trombositopeniya, leykopeniya, pansitopeniya, trombositopenik purpura va agranulositoz yuz berishi mumkin.

Qo‘llash mumkin bo‘lmagan holatlar

Preparatning har qanday komponentiga o‘ta yuqori sezuvchanligi, shuningdek buyrak va jigar kasalliklari bo‘lgan pasientlarda siropni qo‘llash mumkin emas. Shuningdek antigistamin preparatlarini bronxial astmani davolashda qo‘llash mumkin emas.

Dorilarning o‘zaro ta‘siri

Dekstrometorfan gidrobromidi birinchi navbatda sitoxrom R450 CYP2D6 izofermenti yordamida metabolizmga uchraydi; ushbu ferment ingibitorlari, shu jumladan, amiodoron, fluoksetin, galoperidol, paroksetin, propafenon, xinidin va tioridazin bilan o‘zaro ta‘sirini e‘tiborga olish kerak.

Xlorfeniramin maleati. Sedativ antigistamin preparatlar, alkogol, barbituratlar, uxlatuvchi vositalar, opioid analgetiklar, sedativ va anksiolitik antipsixotik preparatlar kabi markaziy nerv tizimi depressantlarining sedativ ta‘sirini kuchaytirishi mumkin. Sedativ antigistamin preparatlar, atropin va ba‘zi antidepressantlar kabi boshqa antimuskarin preparatlari bilan additiv antimuskarin ta‘sirga ega.

Maxsus ko‘rsatmalar

Homiladorlik va laktasiya davri

Preparatni homiladorlik va laktasiya davrida faqat o‘ta zarur hollarda qo‘llash kerak.

Preparatni yangi tug‘ilgan chaqaloqlar, chala tug‘ilgan bolalar va emizikli onalarda qo‘llash mumkin emas.

Qo‘llashdan oldin siropni yaxshilab chayqatish kerak.

Preparat bolalar ololmaydigan joyda saqlansin va uni yaroqlilik muddati o‘tganidan keyin ishlatilmasin.

Dozani oshirib yuborilishi

Simptomlari: qisqa vaqt davrida 150 mg/kg doza qabul qilinganida teri qoplamalarini oqarishi, ko‘ngil aynishi, qusish, ko‘p terlash, ishtahani yo‘qolishi, keyinroq jigar sohasida og‘riq, o‘rtacha darajadagi lohaslik, taxikardiya va/yoki o‘rtacha darajali gipertenziya bo‘lishi mumkin.

Davolash: me‘dani yuvish (qusishni chaqirish kerak), asetilsistein, simptomatik vositalarni yuborish.

Chiqarilish shakli

100 ml ichga qabul qilish uchun eritma pastik flakonda

Saqlash sharoiti

Quruq, salqin va yorug‘lik va namlikdan himoyalangan joyda, 25^oS dan yuqori bo‘lmagan haroratda saqlansin.

Yaroqlilik muddati

2 yil

Dorixonalardan berish tartibi

Resept bo‘yicha.