Pulmikort

• — yallig'lanish jarayonini nazorat qilish uchun glyukokortikosteroidlar bilan tutib turuvchi terapiyani talab qiluvchi bronxial astma. — o'pkaning surunkali obstruktiv kasalligi (O'SOK).

• — 6 oylikkacha bo‘lgan bolalar; — budesonidga yuqori sezuvchanlik. O‘pka tuberkulyozining faol shakli, nafas a’zolarining zamburug‘li, virusli, bakterial infeksiyalari, jigar sirrozi bo‘lgan bemorlarga preparatni ehtiyotkorlik bilan (bemorlarni sinchkovlik bilan kuzatish talab etiladi) tayinlash kerak. Tayinlashda GKS tizimli ta’siri namoyon bo‘lishi mumkinligini hisobga olish kerak.

• budesonid (mikronizatsiyalangan shaklda) 500 mkg Yordamchi moddalar: natriy xlorid, natriy sitrat, dinatriy edetat (etilendiamintetrasirka kislotasi natriy tuzi (ikki o‘rinbosarli)), polisorbat 80, limon kislotasi (suvsiz), tozalangan suv. 1 ml suspenziyada saqlanadi: Faol ‘ ingredient: budesonid (mikronizatsiyalangan budesonid) 0,25 mg Yordamchi ingredientlar: natriy xlorid 8,5 mg, natriy sitrat 0,5 mg, edetat dinatriy (etilendiamintetrasirka kislotasi natriy tuzi (ikki o‘rinbosarli) 0,1mg, -polisorbat- 80 0,2 mg, limon kislotasi (suvsiz) 0,28 mg, tozalangan suv 1 ml gacha

• Shuningdek, asabiylik, qo'zg'aluvchanlik, depressiya, xulq-atvor buzilishlari kabi psixonevrologik simptomlar kuzatilishi mumkin. Og'iz-halqum kandidozi rivojlanish xavfini hisobga olib, bemor preparatning har bir ingalyatsiyasidan keyin og'zini suv bilan yaxshilab chayishi kerak. Kamdan-kam hollarda glyukokortikosteroidlarning tizimli ta'siri, shu jumladan buyrak usti bezlari gipofunktsiyasi chaqirgan simptomlar yuzaga kelishi mumkin. Kamdan-kam hollarda terida ko'karishlar paydo bo'lishi kuzatilgan

• 0,25mg/ml 0,5mg/ml 100mkg/doza 200 mkg/doza

• Ingalyatsiya uchun dozalangan kukun oqdan deyarli oq ranggacha bo'lgan dumaloq granulalar ko'rinishida, eng kichik mexanik ta'sirda oson parchalanadi; arzimas qismi kukun ko'rinishida bo'lishi mumkin Ingalyatsiya uchun dozalangan kukun oqdan deyarli oq ranggacha bo'lgan dumaloq granulalar ko'rinishida, eng kichik mexanik ta'sirda oson parchalanadi; arzimas qismi kukun ko'rinishida bo'lishi mumkin. Ingalyatsiya uchun dozalangan suspenziya oq yoki deyarli oq rangli, oson qayta suspenziyalanadigan.

Og‘iz-halqumning zamburug‘li shikastlanishi xavfini minimallashtirish uchun bemorga preparatning har bir ingalyatsiyasidan keyin og‘izni suv bilan yaxshilab chayish zarurligi haqida ko‘rsatma berish kerak.

Budesonidni ketokonazol, itrakonazol yoki boshqa potensial CYP3A4 ingibitorlari bilan birga tayinlashdan saqlanish kerak. Agar budesonid va ketokonazol yoki boshqa potensial CYP3A4 ingibitorlari tayinlangan bo‘lsa, preparatlarni qabul qilish o‘rtasidagi vaqtni maksimal darajada oshirish kerak.

Buyrak usti bezi funksiyasining susayishi xavfi tufayli peroral glyukokortikosteroidlardan Pulmikort qabul qilishga o‘tkazilayotgan bemorlarga alohida e'tibor qaratish zarur. Shuningdek yuqori dozalarda glyukokortikosteroidlarni qabul qilgan yoki uzoq muddat davomida ingalyatsion glyukokortikosteroidlarning maksimal yuqori tavsiya etilgan dozalarini olgan bemorlarga alohida e'tibor qaratish kerak. Bunday bemorlarda stress holatlarida buyrak usti bezi yetishmovchiligi belgilari va simptomlari namoyon bo‘lishi mumkin. Stresslarda yoki jarrohlik aralashuvi hollarida tizimli glyukokortikosteroidlar bilan qo‘shimcha terapiya o‘tkazish tavsiya etiladi.

Tizimli glyukokortikosteroidlardan ingalyatsion glyukokortikosteroidlarga (Pulmikort) o‘tkazilayotgan bemorlarga yoki gipofizar-buyrak usti bezi funksiyasining buzilishi kutilishi mumkin bo‘lgan hollarda alohida e'tibor qaratish zarur. Bunday bemorlarda tizimli glyukokortikosteroidlar dozasini alohida ehtiyotkorlik bilan kamaytirish va gipotalamo-gipofizar-buyrak usti bezi funksiyasini nazorat qilish kerak. Shuningdek bemorlarga jarohat, jarrohlik aralashuvi va h.k. kabi stress holatlari davrida peroral glyukokortikosteroidlarni qo‘shish talab etilishi mumkin.

Peroral glyukokortikosteroidlardan Pulmikortga o‘tishda bemorlar ilgari kuzatilgan mushak og‘riqlari yoki bo‘g‘im og‘riqlari kabi simptomlarni his qilishlari mumkin. Bunday hollarda peroral glyukokortikosteroidlar dozasini vaqtincha oshirish kerak bo‘lishi mumkin. Kamdan-kam hollarda charchoq hissi, bosh og‘rig‘i, ko‘ngil aynishi va qusish kabi tizimli glyukokortikosteroidlar yetishmovchiligiga ishora qiluvchi simptomlar kuzatilishi mumkin.

Peroral glyukokortikosteroidlarni ingalyatsioniga almashtirish ba'zan ilgari tizimli preparatlar bilan bartaraf etilgan yo‘ldosh allergiya, masalan, rinit va ekzemaning namoyon bo‘lishiga olib keladi.

Uzoq vaqt davomida glyukokortikosteroidlar bilan davolanayotgan bolalar va o‘smirlarda (yetkazib berish usulidan qat'i nazar) o‘sish ko‘rsatkichlarini muntazam nazorat qilish tavsiya etiladi. Glyukokortikosteroidlarni tayinlashda preparatni qo‘llash foydasi va o‘sishning sekinlashishi ehtimoliy xavfi nisbatini hisobga olish kerak.

3 yoshdan katta bolalarda budesonidni sutkasiga 400 mkg gacha dozada qo‘llash tizimli samaralar yuzaga kelishiga olib kelmagan. Preparatning tizimli samarasi biokimyoviy belgilari preparat sutkasiga 400 dan 800 mkg gacha dozada qabul qilinganda uchrashi mumkin. Doza sutkasiga 800 mkg dan oshganda preparatning tizimli samaralari tez-tez uchraydi. Bronxial astmani davolash uchun glyukokortikosteroidlarni qo‘llash o‘sishning buzilishini chaqirishi mumkin. Uzoq vaqt davomida (11 yilgacha) budesonid olgan bolalar va o‘smirlarni kuzatish natijalari shuni ko‘rsatdiki, bemorlarning bo‘yi kattalar uchun kutilgan me'yoriy ko‘rsatkichlarga yetadi.

Sutkada 1 yoki 2 marta ingalyatsion budesonid bilan terapiya jismoniy zo‘riqish bronxial astmasi profilaktikasi uchun samaradorlikni ko‘rsatdi.



AVTOMOBIL YOKI BOSHQA MEXANIZMLARNI BOSHQARISH QOBILIYATIGA TA'SIRI

Pulmikort avtomobil yoki boshqa mexanizmlarni boshqarish qobiliyatiga ta'sir qilmaydi.



Pulmikortni nebulayzer yordamida qo‘llash

Pulmikort mundshtuk va maxsus niqob bilan jihozlangan tegishli nebulayzer yordamida ingalyatsiyalar uchun qo‘llaniladi. Nebulayzer zarur havo oqimini (5-8 l/daq) yaratish uchun kompressorga ulanadi, nebulayzerni to‘ldirish hajmi 2-4 ml ni tashkil qilishi kerak.

Bemorga quyidagilarni ma'lum qilish muhim:

- preparatni ishlatish bo‘yicha yo‘riqnomani diqqat bilan o‘qib chiqish;

- Pulmikort suspenziyasini qo‘llash uchun ultratovushli nebulayzerlar to‘g‘ri kelmaydi;

- Pulmikort suspenziyasini 0,9 % li natriy xlorid eritmasi bilan yoki terbutalin, salbutamol, fenoterol, asetilsistein, natriy kromoglikat va ipratropiy bromid eritmalari bilan aralashtiriladi; suyultirilgan suspenziyani 30 daqiqa ichida ishlatish kerak.

- ingalyatsiyadan so‘ng og‘iz-halqum kandidozi rivojlanishini kamaytirish uchun og‘izni suv bilan chayish kerak;

- niqob ishlatilgandan so‘ng terining ta'sirlanishini oldini olish uchun yuz terisini suv bilan yuvish kerak;

- ishlab chiqaruvchi ko‘rsatmalariga muvofiq nebulayzerni muntazam tozalash tavsiya etiladi;

Bola nebulayzer orqali mustaqil nafas ola olmaydigan hollarda maxsus niqob qo‘llaniladi.