PULMIKORT suspenziya 2 ml 0,25 mg/ml N20

Absorbtsiya. Inhalyatsiya qilingan budesonid tez so'riladi. Kattalarda Pulmikort suspenziyasi nebulayzer orqali inhalyatsiya qilingandan so'ng budesonidning tizimli biokiraolishligi umumiy buyurilgan dozaning taxminan 15% ini va yetkazib berilgan dozaning taxminan 40-70% ini tashkil qiladi. Qon plazmasidagi maksimal kontsentratsiya inhalyatsiya boshlangandan 30 daqiqa o'tgach erishiladi.

Metabolizmi va taqsimlanishi. Plazma oqsillari bilan bog'lanishi o'rtacha 90% ni tashkil qiladi. Budesonidning taqsimlanish hajmi taxminan 3 l/kg ni tashkil qiladi. So'rilgandan so'ng budesonid jigarda past glyukokortikosteroid faollikka ega metabolitlar hosil qilib intensiv biotransformatsiyaga (90% dan ortiq) uchraydi. Asosiy metabolitlar 6?-gidroksi-budesonid va 16?-gidroksiprednizolonning glyukokortikosteroid faolligi budesonidning glyukokortikosteroid faolligining 1% idan kamrog'ini tashkil qiladi.

Chiqarilishi. Budesonid asosan CYP3A4 fermenti ishtirokida metabolizmga uchraydi. Metabolitlar o'zgarmagan holda siydik bilan yoki kon'yugatsiyalangan shaklda chiqariladi. Budesonid yuqori tizimli klirensga (taxminan 1,2 l/daq) ega. Budesonid farmakokinetikasi preparatning yuboriladigan dozasi kattaligiga mutanosibdir.

Bolalarda va buyrak funktsiyasi buzilgan bemorlarda budesonid farmakokinetikasi o'rganilmagan. Jigar kasalliklari bo'lgan bemorlarda budesonidning organizmda bo'lish vaqti uzayishi mumkin.

Noxush effektlar uchrash tezligi quyidagicha taqdim etilgan: Tez-tez (> 1/100, 1/1000, 1/10000,
Preparat qabul qilayotgan 10% gacha bemorlar quyidagi nojo‘ya effektlarni boshdan kechirishi mumkin:

Tez-tez --Og‘iz-halqum kandidozi, tomoq shilliq qavatining mo‘tadil ta’sirlanishi, yo‘tal,

ovoz bo‘g‘ilishi, og‘iz qurishi.

Kam hollarda --Angionevrotik shish.

Terida ko‘karishlar paydo bo‘lishi.

Bronxospazm. Asabiylik, qo‘zg‘aluvchanlik, depressiya, xulq-atvor buzilishlari. Tezkor va sekin turdagi o‘ta yuqori sezuvchanlik reaksiyalari, shu jumladan toshma, kontakt dermatit, eshakemi, angionevrotik shish, bronxospazm va anafilaktik reaksiya.

Ko‘ngil aynishi.

Juda kam hollarda --Suyak to‘qimasi mineral zichligining kamayishi (tizimli ta’sir).

Katarakta, glaukoma (tizimli ta’sir).

Juda kam hollarda Laborator ko‘rsatkichlar:

Sezgi a’zolari: Suyak to‘qimasi mineral zichligining kamayishi

(tizimli ta’sir).

Katarakta, glaukoma

(tizimli ta’sir).

Og‘iz-halqum kandidozi rivojlanishi xavfini inobatga olgan holda, bemor preparatning har bir ingalyatsiyasidan so‘ng og‘zini suv bilan yaxshilab chayishi kerak.

Kam hollarda glyukokortikosteroidlarning tizimli ta’siri chaqirgan simptomlar, shu jumladan buyrak usti bezlari gipofunksiyasi va bolalarda o‘sishning sekinlashishi yuzaga kelishi mumkin. Ushbu simptomlarning yaqqolligi, ehtimol, preparat dozasi, davolash davomiyligi, glyukokortikosteroidlar bilan yo‘ldosh yoki oldingi davolash, shuningdek individual sezuvchanlikka bog‘liq.

Niqobli nebulayzerdan foydalanilganda yuz terisi ta’sirlanishi holatlari qayd etilgan. Ta’sirlanishning oldini olish uchun niqobdan foydalangandan so‘ng yuzni suv bilan yuvish kerak.

Og‘iz-halqumning zamburug‘li shikastlanishi xavfini minimallashtirish uchun bemorga preparatning har bir ingalyatsiyasidan keyin og‘izni suv bilan yaxshilab chayish zarurligi haqida ko‘rsatma berish kerak.

Budesonidni ketokonazol, itrakonazol yoki boshqa potensial CYP3A4 ingibitorlari bilan birga tayinlashdan saqlanish kerak. Agar budesonid va ketokonazol yoki boshqa potensial CYP3A4 ingibitorlari tayinlangan bo‘lsa, preparatlarni qabul qilish o‘rtasidagi vaqtni maksimal darajada oshirish kerak.

Buyrak usti bezi funksiyasining susayishi xavfi tufayli peroral glyukokortikosteroidlardan Pulmikort qabul qilishga o‘tkazilayotgan bemorlarga alohida e'tibor qaratish zarur. Shuningdek yuqori dozalarda glyukokortikosteroidlarni qabul qilgan yoki uzoq muddat davomida ingalyatsion glyukokortikosteroidlarning maksimal yuqori tavsiya etilgan dozalarini olgan bemorlarga alohida e'tibor qaratish kerak. Bunday bemorlarda stress holatlarida buyrak usti bezi yetishmovchiligi belgilari va simptomlari namoyon bo‘lishi mumkin. Stresslarda yoki jarrohlik aralashuvi hollarida tizimli glyukokortikosteroidlar bilan qo‘shimcha terapiya o‘tkazish tavsiya etiladi.

Tizimli glyukokortikosteroidlardan ingalyatsion glyukokortikosteroidlarga (Pulmikort) o‘tkazilayotgan bemorlarga yoki gipofizar-buyrak usti bezi funksiyasining buzilishi kutilishi mumkin bo‘lgan hollarda alohida e'tibor qaratish zarur. Bunday bemorlarda tizimli glyukokortikosteroidlar dozasini alohida ehtiyotkorlik bilan kamaytirish va gipotalamo-gipofizar-buyrak usti bezi funksiyasini nazorat qilish kerak. Shuningdek bemorlarga jarohat, jarrohlik aralashuvi va h.k. kabi stress holatlari davrida peroral glyukokortikosteroidlarni qo‘shish talab etilishi mumkin.

Peroral glyukokortikosteroidlardan Pulmikortga o‘tishda bemorlar ilgari kuzatilgan mushak og‘riqlari yoki bo‘g‘im og‘riqlari kabi simptomlarni his qilishlari mumkin. Bunday hollarda peroral glyukokortikosteroidlar dozasini vaqtincha oshirish kerak bo‘lishi mumkin. Kamdan-kam hollarda charchoq hissi, bosh og‘rig‘i, ko‘ngil aynishi va qusish kabi tizimli glyukokortikosteroidlar yetishmovchiligiga ishora qiluvchi simptomlar kuzatilishi mumkin.

Peroral glyukokortikosteroidlarni ingalyatsioniga almashtirish ba'zan ilgari tizimli preparatlar bilan bartaraf etilgan yo‘ldosh allergiya, masalan, rinit va ekzemaning namoyon bo‘lishiga olib keladi.

Uzoq vaqt davomida glyukokortikosteroidlar bilan davolanayotgan bolalar va o‘smirlarda (yetkazib berish usulidan qat'i nazar) o‘sish ko‘rsatkichlarini muntazam nazorat qilish tavsiya etiladi. Glyukokortikosteroidlarni tayinlashda preparatni qo‘llash foydasi va o‘sishning sekinlashishi ehtimoliy xavfi nisbatini hisobga olish kerak.

3 yoshdan katta bolalarda budesonidni sutkasiga 400 mkg gacha dozada qo‘llash tizimli samaralar yuzaga kelishiga olib kelmagan. Preparatning tizimli samarasi biokimyoviy belgilari preparat sutkasiga 400 dan 800 mkg gacha dozada qabul qilinganda uchrashi mumkin. Doza sutkasiga 800 mkg dan oshganda preparatning tizimli samaralari tez-tez uchraydi. Bronxial astmani davolash uchun glyukokortikosteroidlarni qo‘llash o‘sishning buzilishini chaqirishi mumkin. Uzoq vaqt davomida (11 yilgacha) budesonid olgan bolalar va o‘smirlarni kuzatish natijalari shuni ko‘rsatdiki, bemorlarning bo‘yi kattalar uchun kutilgan me'yoriy ko‘rsatkichlarga yetadi.

Sutkada 1 yoki 2 marta ingalyatsion budesonid bilan terapiya jismoniy zo‘riqish bronxial astmasi profilaktikasi uchun samaradorlikni ko‘rsatdi.



AVTOMOBIL YOKI BOSHQA MEXANIZMLARNI BOSHQARISH QOBILIYATIGA TA'SIRI

Pulmikort avtomobil yoki boshqa mexanizmlarni boshqarish qobiliyatiga ta'sir qilmaydi.



Pulmikortni nebulayzer yordamida qo‘llash

Pulmikort mundshtuk va maxsus niqob bilan jihozlangan tegishli nebulayzer yordamida ingalyatsiyalar uchun qo‘llaniladi. Nebulayzer zarur havo oqimini (5-8 l/daq) yaratish uchun kompressorga ulanadi, nebulayzerni to‘ldirish hajmi 2-4 ml ni tashkil qilishi kerak.

Bemorga quyidagilarni ma'lum qilish muhim:

- preparatni ishlatish bo‘yicha yo‘riqnomani diqqat bilan o‘qib chiqish;

- Pulmikort suspenziyasini qo‘llash uchun ultratovushli nebulayzerlar to‘g‘ri kelmaydi;

- Pulmikort suspenziyasini 0,9 % li natriy xlorid eritmasi bilan yoki terbutalin, salbutamol, fenoterol, asetilsistein, natriy kromoglikat va ipratropiy bromid eritmalari bilan aralashtiriladi; suyultirilgan suspenziyani 30 daqiqa ichida ishlatish kerak.

- ingalyatsiyadan so‘ng og‘iz-halqum kandidozi rivojlanishini kamaytirish uchun og‘izni suv bilan chayish kerak;

- niqob ishlatilgandan so‘ng terining ta'sirlanishini oldini olish uchun yuz terisini suv bilan yuvish kerak;

- ishlab chiqaruvchi ko‘rsatmalariga muvofiq nebulayzerni muntazam tozalash tavsiya etiladi;

Bola nebulayzer orqali mustaqil nafas ola olmaydigan hollarda maxsus niqob qo‘llaniladi.

• Budesonidga yuqori sezuvchanlik.

• 6 oylikkacha bo‘lgan bolalar yoshi.

Ehtiyotkorlik bilan (bemorlarni sinchkovroq kuzatish talab etiladi): nafas a’zolarining zamburug‘li, virusli, bakterial infeksiyalari, jigar sirrozi bo‘lgan pasientlarda; tayinlashda glyukokortikosteroidlarning tizimli ta’siri namoyon bo‘lishi mumkinligini hisobga olish kerak.



HOMILADORLIK VA LAKTASIYA DAVRIDA QO‘LLANISHI

Homiladorlik: budesonid qabul qilgan homilador ayollarni kuzatish homilada rivojlanish anomaliyalarini aniqlamadi, shunga qaramay ularning rivojlanish xavfini butunlay istisno qilib bo‘lmaydi, shuning uchun homiladorlik vaqtida bronxial astma kechishining yomonlashishi ehtimoli tufayli budesonidning minimal samarali dozasini qo‘llash kerak. Laktatsiya: Budesonid ko‘krak sutiga o‘tadi, ammo Pulmikort terapevtik dozalarda qo‘llanilganda bolaga ta’siri qayd etilmagan. Pulmikortni ko‘krak bilan emizish vaqtida qo‘llash mumkin.

Budesonidning bronxial astmani davolashda qo'llaniladigan boshqa preparatlar bilan o'zaro ta'siri kuzatilmagan.

Ketokonazol (kuniga bir marta 200 mg) birga qabul qilinganda peroral budesonidning (kuniga bir marta 3 mg) plazma konsentratsiyasini o'rtacha 6 baravar oshiradi. Ketokonazol budesonid qabul qilingandan 12 soat o'tgach qabul qilinganda, oxirgisining plazma konsentratsiyasi o'rtacha 3 baravar oshgan. Budesonid ingalyatsiya ko'rinishida qabul qilinganda shunga o'xshash o'zaro ta'sir haqida ma'lumotlar yo'q, ammo bu holda ham qon plazmasida budesonid konsentratsiyasining oshishi kutilishi mumkin. Ketokonazol va budesonidni qabul qilish zarur bo'lganda, preparatlarni qabul qilish o'rtasidagi vaqtni maksimal darajada oshirish kerak. Shuningdek, budesonid dozasini kamaytirish imkoniyatini ko'rib chiqish kerak. Boshqa potensial CYP3A4 ingibitori, masalan, itrakonazol ham budesonidning plazma konsentratsiyasini sezilarli darajada oshiradi. Beta-adrenostimulyatorlarni oldindan ingalyatsiya qilish bronxlarni kengaytiradi, budesonidning nafas yo'llariga kirishini yaxshilaydi va uning terapevtik ta'sirini kuchaytiradi. Fenobarbital, fenitoin, rifampitsin budesonid samaradorligini (mikrosomal oksidlanish fermentlari induksiyasi) pasaytiradi.

Metandrostenolon, estrogenlar budesonid ta'sirini kuchaytiradi.