Deksmedetomidin

Ta'sir etuvchi moddaga yoki boshqa komponentlarga o'ta yuqori sezuvchanlik.
Yurak ritmini sun'iy boshqaruvchisi bo'lmagan II-III darajali atrioventrikulyar blokada.
Nazorat qilib bo'lmaydigan arterial gipotenziya
Bosh miyada qon aylanishining o'tkir buzilishida qo'llash mumkin emas.

Deksmedetomidin farmakologik xususiyatlarning keng doirasiga ega bo'lgan α2-adrenoretseptorlar selektiv agonisti hisoblanadi. U simpatik nerv oxirlaridan noradrenalinni ajralib chiqishini kamaytirishi tufayli, simpatolitik samraga ega. Sedativ samarasi bosh miyaning ustunidagi moviy dog'da (asosan noradrenergik neyronlar bo'lgan yadro) qo'zg'alishni pasaytirishi bilan bog'liq.
Deksmedetomidin analьgeziyalovchi va anestetik/analьgetik samarani saqlovchi samaralarga ega. Yurak-qon tomir tizimiga bo'lgan ta'sir samaralari dozaga bog'liq xarakterga ega: infuziya tezligi past bo'lganda asosan markaziy samara o'rin tutadi, bu yurak qisqarishlari soni va arterial bosimni pasayishiga olib keladi. Yuqori dozalar qo'llanganda ko'proq umumiy qon tomirlar qarshiligini va shu bilan birga arterial bosimni oshishiga olib keluvchi periferik vazokonstriktsiya (periferik qon tomirlarini torayishi) yuz beradi, ayni paytda bradikardik ta'siri saqlanib qoladi. Deksmedetomidin, sog'lom shaxslarda monoterapiya sifatida qo'llanganda nafasni susaytirish xususiyatiga deyarli ega emas.
α2-adrenoretseptorlar bilan bog'liq bo'lgan fiziologik reaktsiyalar muhitga qarab o'zgarib turadi. Anesteziologiya nuqtai nazaridan, nefronlar giperpolyarizatsiyasi α2-adrenoretseptorlar agonistlarining markaziy va periferik ta'sir mexanizmining asosiy tayanch elamenti hisoblanadi. Odatda presinaptik α2-adrenoretseptorlarni faollashuvi norepinefrinni ajralib chiqishini susaytiradi va og'riq signallarini o'tkazilishini to'xtatadi.
Markaziy nerv tizimi (MNT) ning postsinaptik α2-adrenoretseptorlarini faollashuvi simpatik faollikni bostiradi, buning natijasida arterial bosim va yurak qisqarishlari soni pasayadi. Ushbu samaralarning majmuasi og'riq qoldiruvchi sedativ va anksiolitik ta'sirlarni chaqirishi mumkin. Deksmedetomidin mana shu barcha samaralarni o'zida jamlagan bo'lib, turli ta'sir etuvchi moddalar qo'llanganida yuz beruvchi noxush rektsiyalardan saqlanish imkonini beradi. Farmakologik tadqiqotlar (turli α2-adrenoretseptorlarga yaqinlikni o'rganish), shuningdek biologik sinovlar jarayonida α2-adrenoretseptorlarning kamida 3 ta izoretseptorlari aniqlangan.
α2-adrenoretseptorning ta'siri guanozintrifosfat bilan bog'langan oqsil (G-oqsillar) orqali namoyon bo'ladi. Faollashgan G-oqsillar ikkinchi neyromediator tizimning retseptorlarini signalizatsiya qilish yoki ion kanallarning faolligini modulyatsiya qilish yordamida hujayra faolligini modulyatsiya qiladi. Ikkinchi neyromediator tizimni faollashuvi adenilattsiklazani ingibitsiyasiga olib keladi, bu o'z navbatida 3,5-tsiklik adenozinmonofosfat (tsAMF) ni ishlab chiqarilishini susayishiga olib keladi. Spetsifik sAMF-ga qaram kinazalar oqsil-nishonlarning faolligini modifikatsiya qilib, ularning fosforlanishini nazorat qiladi.
Ion faolligini muvofiqlashtirilishi hujayra membranasining giperpolyarizatsiyasiga olib keladi. Kaliy ionlarini faollashgan kanallar orqali efflyuksi qo'zg'aluvchan membrananing giperpolyarizatsiyasiga olib keladi, bu spaykaga olib keluvchi razryadlar sonini kamayishi uchun samarali vosita hisoblanadi. α2-adrenoretseptorlarni rag'batlantirilishi shuningdek nerv oxirlariga kalьtsiyni oqib kelishini qisqartiradi, bu esa, neyromediatorlarni otilib chiqishini ingibitsiya qilinishiga sabab bo'lishi mumkin. Anesteziologiya nuqtai nazaridan neyronlarning giperpolyarizatsiyasi α2-adrenoretseptorlar agonistlarining ta'sir mexanizmining asosiy elementi hisoblanadi.
Odatda presinaptik α2-adrenoretseptorlarni faollashuvi norepinefrinni ajralib chiqishini susaytiradi va og'riq signallarini o'tkazilishini to'xtatadi. Markaziy nerv tizimi (MNT) ning postsinaptik α2-adrenoretseptorlarini faollashuvi simpatik faollikni susaytiradi, buning natijasida arterial bosim va yurak qisqarishlari soni pasayadi. Ushbu samaralarning majmuasi og'riq qoldiruvchi, sedativ va anksiolitik ta'sirlarni chaqirishi mumkin. Deksmedetomidin o'zida ushbu samaralarni jamlagan bo'lib, turli ta'sir etuvchi moddalarni qo'llaganda yuz beruvchi noxush reaktsiyalardan saqlanish imkonini beradi. Deksmedetomidin α2-adrenoretseptorlarga nisbatan dozaga bog'liq selektivlikka ega bo'lgan α2-adrenoretseptorlarning agonistidir.
1-Ko'rsatma: jadal davolash bo'limida davolanayotgan katta patsiyentlarda sedatsiya
Operatsiyadan keyingi jadal davolash bo'limida davolanayotgan, avval intubatsiya qilingan va midazolam yoki propofol yordamida sedatsiya chaqirilgan patsiyentlarda o'tkazilgan platsebo-nazoratli klinik tadqiqotlarda, deksmedetomidin 24 soat davomida qo'shimcha sedatsiyaga (midazolam yoki propofol bilan) va opioidlarga bo'lgan ehtiyojni ancha ahamiyatli darajada pasaytirgan. Deksmedetomidin qabul qilgan ko'pchilik patsiyentlar qo'shimcha sedatsiyaga muxtoj bo'lishmagan. Patsiyentlar, deksmedetomidin infuziyasi to'xtatilmasdan, muvoffaqiyatli ekstubatsiya qilinishlari mumkin bo'lgan.
Deksmedetomidin, 14 kun davomida uzoq muddatli yengil yoki o'rtacha darajadagi sedatsiyaga (RASS 0 dan -3 gacha) muhtoj bo'lgan, jadal davolash bo'limida davolanayotgan asosan terapevtik patsiyentlarda sedatsiyaning maqsadli diapazonida bo'lish vaqti bo'yicha midazolam (xavflar nisbati 1,07; 95 % II 0,971 – 1,176) va propofol (xavflar nisbati 1,00; 95 % II 0,922 – 1,075) bilan o'xshash bo'lgan.
Deksmedetomidin midazolamga nisbatan, o'pkaning sun'iy ventilyatsiyasi davomiyligini va propofol va midazolamga nisbatan, traxeyani ekstubatsiyasigacha bo'lgan vaqtni qisqartirgan. Deksmedetomidin qabul qilgan patsiyentlar, propofol yoki midazolam qabul qilgan patsiyentlarga nisbatan, yengilroq uyg'onishgan, personal bilan yaxshiroq hamkorlik qilishgan va og'riq jadalligi bo'yicha yaxshiroq xabar berishgan. Deksmedetomidin qabul qilgan patsiyentlarda, midazolam qabul qilgan patsiyentlarga nisbatan, arterial gipotenziya va bradikardiya ko'poq yuzaga kelgan, lekin taxikardiya kamroq rivojlangan, propofol qabul qilgan patsiyentlarga nisbatan esa, taxikardiya ko'proq rivojlangan, lekin arterial gipotenziyani rivojlanish tezligi bir xil bo'lgan.
CAM-ICU shaklasi yordamida baholanuvchi deliriyni rivojlanish tezligi, tadqiqotlarda midazolamga nisbatan pasroq bo'lgan, deliriy bilan bog'liq noxush ko'rinishlar esa, propofolga nisbatan, deksmedetomidin qabul qilgan guruhda kamroq rivojlangan.
Sedatsiya darajasi yetarli bo'lmaganligi tufayli sedatsiya to'xtatilgan patsiyentlar propofol yoki midazolamga o'tkazilgan. Sedatsiya darajasini yetarli bo'lmasligi xavfi, bevosita boshqa dori vositasiga o'tishdan oldin standart usullar bilan sedatsiya holatiga kiritish qiyin bo'lgan patsiyentlarda yuqoriroq bo'lgan.
Bolalarda preparatning samaradorligini tasdiqlovchi dalillar jadal terapiya bo'limida 1 oylikdan ≤ 17 yoshgacha bo'lgan operatsiyadan keyingi katta populyatsiyada dozani nazorat qilish bilan o'tkazilgan klinik tadqiqotda olingan. Deksmedetomidin qabul qilgan taxminan 50% patsiyentlar 24 soatdan oshmagan (mediana 20,3 soat) davolash davri davomida midazolam yordamida qo'shimcha sedatsiyani talab etishmagan. Preparatni 24 soatdan ortiq qo'llanilishi yuzasidan ma'lumotlar mavjud emas.
Yangi tug'ilgan (homiladorlikning 28-44-chi haftasida tug'ilgan) chaqaloqlarda qo'llanilishi yuqasidan ma'lumotlar cheklangan va faqat past dozalar (≤0,2 mkg/kg/soat) uchun mavjud (5.2 va 4.4 bo'limlarga qarang). Yangi tug'ilgan chaqaloqlar, gipotermiya bo'lgan hollarda va yurakdan otilib chiqayotgan qon hajmi yurak qisqarishlari soniga bog'liq bo'lgan holatlarda, deksmedetomidinning bradikardik samarasiga ayniqsa sezgir bo'lishlari mumkin.
Jadal terapiya bo'limidagi patsiyentlar ishtirokida faol nazorat preparatini qo'llagan holda o'tkazilgan ikki yoqlama yashirin klinik tadqiqotlarda buyrak usti bezi po'stlog'ini susayishini yuz berishlari tezligi (chastotasi), midazolam qabul qilgan (n=338), yoxud propofol qabul qilgan (n=275) patsiyentlardagi 0% ga nisbatan, deksmedetomidin qabul qilgan patsiyentlarda (n=778) 0,5 % ni tashkil etgan. Bu noxush ko'rinish 1 holatda yengil darajaga va uchta holatda o'rtacha og'irlik darajasida bo'lgan holat sifatida qayd etilgan.
2-Ko'rsatma: ambulator aralashuvlarda sedatsiya/es-hushi saqlangan holatda sedatsiya
Jarrohlik yoki boshqa tibbiy aralashuvlardan oldin va/yoki ularni o'tkazish vaqtida intubatsiya qilinmagan patsiyentlarda sedatsiya uchun qo'llangan deksmedetomidinning xavfsizligi va samaradorligi ikkita randomizatsiyalangan ikki yoqlama yashirin platsebo-nazoratli ko'p markazli klinik tadqiqotlarda baholangan.
1-Tadqiqotda turli jarrohlik yoki boshqa tibbiy aralashuvlarda nazorat qilingan anesteziya ostida bo'lgan patsiyentlarda deksmedetomidinning sedativ xususiyatlari o'rganilgan va sedatsiyaning istalgan darajasiga erishish uchun midozolam bilan qo'shimcha sedatsiya talab etilmagan patsiyentlar ulushi aniqlangan; bunda faollik va sedatsiyani baholash shkalasi (OAAS) qo'llanilgan.
Randomizatsiyadan keyin patsiyentlarga deksmedetomidinni 1 mkg/kg dozada (n=129), deksmedetomidinni 0,5 mkg/kg dozada (n=63) yuklama infuziyasi yoki platsebo (fiziologik eritma) infuziyasi 10 minut davomida o'tkazildi, shundan so'ng boshlang'ich doza – soatiga 0,6 mkg/kg doza bilan samarani bir maromda tutib turuvchi infuziya o'tkazildi. Tekshirilayotgan preparatning samarani bir maromda tutib turuvchi infuziyasining dozasini sedatsiyaning istalgan darajasiga (OAAS - faollik va sedatsiyani baholash shakalasi bo'yicha ≤ 4) erishish uchun soatiga 0,2 mkg/kg dan 1 mkg/kg gacha titrlashimiz mumkin bo'lgan. Zarurat bo'lganida, OAAS - faollik va sedatsiyani baholash shakalasi bo'yicha sedatsiyaning zarur darajasiga erishish va uni tutib turish uchun patsiyentlarga midozolam yuborilishi mumkin. Istalgan sedatsiya darajasiga erishilgach, mahalliy anesteziya bajarilgan. Deksmedetomidin guruhi va platsebo guruhining demografik xarakteristikalari bir xil bo'lgan.
Samaradorlikni baholash natijalari bo'yicha intubatsiya qilinmagan patsiyentlarni sedatsiyasi uchun platseboga nisbatan, deksmedetomidin ancha samaraliroq ekanligi namoyish etilgan. Deksmedetomidinni 1 mkg/kg dozada qabul qilgan 54% patsiyent va deksmedetomidin 0,5 mkg/kg dozada qabul qilgan 40% patsiyentlar, platsebo qabul qilgan 3% patsiyentlarga nisbatan, midozolam bilan qo'shimcha sedatsiyaga muhtoj bo'lishmagan.
2-Tadqiqotda deksmedetomidinni, jarrohlik yoki diagnostik manipulyatsiyalar oldidan katta patsiyentlarni hushi o'zidaligida kamera yordamida kuzatish yo'li bilan intubatsiya uchun qo'llanilishi o'rganilgan. Deksmedetomidinning sedativ xususiyatlari, Ramsay sedatsiya shkalasi bo'yicha sedatsiya chuqurligi darajasi ≥ 2 ga erishish uchun midozolam bilan qo'shimcha sedatsiya talab etilmagan patsiyentlar ulushini qiyoslash yordamida tekshirilgan. Patsiyentlar randomizatsiya qilingan va deksmedetomedinni 1 mkg/kg dozada (n=55) yuklama infuziyasini yoki platseboni (fiziologik eritma (n=50)) 50 minut davomida qabul qilishgan, shundan so'ng 0,7 mkg/kg/soat fiksatsiyalangan doza bilan samarani bir maromda tutib turuvchi infuziyasi yuborildi. Zarurat bo'lganida patsiyentlar Ramsay sedatsiya shkalasi bo'yicha ≥ 2 sedatsiya darajasiga erishish va/yoki shu maromda tutib turish uchun midozolam qabul qilishgan.
Deksmedetomidin guruhi va platsebo guruhining demografik xarakteristikalari bir xil bo'lgan.
Samaradorlikni baholash natijalari bo'yicha intubatsiya qilinmagan patsiyentlarni sedatsiyasi uchun platseboga nisbatan, deksmedetomidin ancha samaraliroq ekanligi namoyish etilgan. Deksmedetomidinni qabul qilgan 53% patsiyentlar, platsebo qabul qilgan 14% patsiyentlarga nisbatan, midozolam bilan qo'shimcha sedatsiyaga muhtoj bo'lishmagan.

Deksmedetomidinning farmakokinetikasi sog'lom ko'ngillilarda qisqa muddatli vena ichiga yuborilganda va jadal davolash bo'limidagi patsiyentlarda preparatni uzoq vaqt davomida infuzion tarzda yuborilganda o'rganilgan.

Taqsimlanishi

Deksmedetomidin ikki kamerali taqsimlanish modeli orqali taqsimlanadi. Sog'lom ko'ngillilarda u tez taqsimlanish fazasiga uchraydi, yarim taqsimlanish davri (T1/2α) taxminan 6 minutga teng. Yakuniy yarim chiqarilish davri taxminan 1,9–2,5 soatga (minimal qiymati — 1,35 soat, maksimal qiymati — 3,68 soat) teng va statsionar taqsimlanish hajmining o'rtacha qiymati (Vss) taxminan 1,16–2,16 l/kg (90–151 l) ga teng. Qon plazmasidan klirensining o'rtacha qiymati (Cl) — 0,46–0,73 l/soat/kg (35,7–51,1 l/soat) n tashkil etadi. Ko'rsatilgan qiymatlar Vss va Cl bilan bog'liq o'rtacha tana vazni 69 kg ga teng bo'lgan. Deksmedetomidinning farmakokinetikasi jadal terapiya bo'limidagi patsiyentlarda qon plazmasida preparatning > 24 soatlik infuziyasidan so'ng bir xil bo'lgan. Hisoblab chiqilgan farmakokinetik parametrlar: T1/2 taxminan 1,5 soatga teng, Vss — taxminan 93 l ga va Cl — taxminan 43 l/soat ga teng. 0,2 dan 1,4 mkg/kg/soat gacha dozalar diapazonida deksmedetomidinning farmakokinetikasi to'g'ri praportsional, u 14 kungacha davom etgan davolanishda to'planmaydi. Deksmedetomidinning qon plazmasi oqsillari bilan bog'lanishi — 94 % ni tashkil etadi. Qon plazmasi oqsillari bilan bog'lanish darajasi 0,85 dan 85 ng/ml gacha kontsentratsiyalar diapazonida o'zgarmas bo'lgan. Deksmedetomidin, ham odamning zardob alьbumini, ham α1-nordon glikoprotein bilan bog'lanadi, zardob alьbumini deksmedetomidin qon plazmasida bog'lanadigan asosiy oqsil hisoblanadi.

Metabolizmi va chiqarilishi

Deksmedetomidin jigarda to'liq metabolizmga uchraydi. Boshlang'ich metabolizmi uchta metabolik yo'l: to'g'ridan-to'g'ri N-glyukuronizatsiya, to'g'ridan-to'g'ri N-metil guruhini birikishi va sitoxrom R450 yordamida oksidlanish yo'l bo'yicha kechadi. Deksmedetomidinning qon oqimidagi asosiy metabolitlari ikkita izomer N-glyukuronid hisoblanadi. Metabolit H-l (N-metil-Z-gidroksimetildeksmedetomidina O-glyukuronid) ham deksmedetomidin biotransformatsiyasining asosiy qonda aylanib yuruvchi mahsuloti hisoblanadi. Sitoxrom R450 qonda aylanib yuruvchi ikkita ikkinchi darajali metabolitlarni: deksmedetomidinning 3-metil guruhida gidroksillanish yo'li bilan hosil bo'ladigan 3-gidroksimetildeksmedetomidin va imidazol xalqani oksidlanishi hisobiga hosil bo'luvchi N-3 metabolitni hosil bo'lishini katalizlaydi. Mavjud ma'lumotlarga muvofiq, oksidlangan metabolitlarni hosil bo'lishi sitoxrom R450 ning qator izofermentlari (CYP2A6, CYP1A2, CYP2E1, CYP2D6 va CYP2C19) ishtirokida yuz beradi. Bu metabolitlar ahamiyatli farmakologik faollikka ega emas.

Radioaktiv izotop bilan nishonlangan deksmedetomidinni vena ichiga yuborilgandan keyin 9 kundan so'ng radiaktiv moddaning taxminan 95% siydikda va 4% axlatda aniqlangan. Siydikdagi asosiy metabolitlari – yuborilgan dozaning 34% ni tashkil etuvchi ikkita izomer N-glyukuronidi va yuborilgan dozaning 14,51 % ni tashkil etuvchi N-metil-Z-gidroksimetildeksmedetomidina O-glyukuronid hisoblanadi. Metabolitlar deksmedetomidin-karbon kislotasi, 3-gidroksimetildeksmedetomidin va uning O-glyukuronidi yuborilgan dozaning 1,11–7,66 % ni tashkil etadi. O'zgarmagan deksmedetomidinning 1% dan kamrog'i siydikda aniqlanadi. Siydikdagi metabolitlarning taxminan 28% aniqlanmagan ikkinchi darajali metabolitlar hisoblanadi.

Maxsus patsiyentlar guruhi

Preparatning farmakokinetikasida yoshga va jinsga bog'liq sezilarli farqlar yo'q. 

Sog'lom ko'ngillilarga nisbatan, jigar yetishmovchiligi bo'lgan shaxslarda deksmedetomidinni plazma oqsillari bilan bog'lanish darajasi pasayadi. Deksmedetomidinning bog'lanmagan fraktsiyasining o'rtacha ulushi sog'lom ko'ngillilarda 8,5 % dan, og'ir jigar yetishmovchiligi bo'lgan shaxslarda 17,9 % gacha o'zgarib turgan. Turli og'irlik darajasidagi jigar yetishmovchiligi (Chayld-Pьyu shkalasi bo'yicha A, V va S sinflari) bo'lgan patsiyentlarda deksmedetomidinning buyrak klirensi pasaygan va qon plazmasidan yarim chiqarilish davri - T1/2 uzaygan. Sog'lom ko'ngillilarda kuzatilgan ko'rsatkichlarga nisbatan, yengil, o'rtacha va og'ir darajadagi jigar yetishmovchiligi bo'lgan shaxslarda qon plazmasidan bog'lanmagan deksmedetomidinning klirensini o'rtacha qiymatlari muvofiq ravishda 59, 51 va 32 % ni tashkil etgan. Yengil, o'rtacha va og'ir darajadagi jigar yetishmovchiligi bo'lgan shaxslarda o'rtacha T1/2 muvofiq ravishda 3,9; 5,4 va 7,4 soatga uzaygan. Deksmedetomidinning dozasini tanlash sedativ samaraning darajasiga qarab amalga oshirilishiga qaramay, jigar yetishmovchiligi bo'lgan patsiyentlarda, buzilish darajasiga yoki klinik javobga qarab, preparatning boshlang'ich yoki samarani bir maromda tutib turuvchi dozasini pasaytirish imkoniyatini ko'rib chiqish kerak.

Sog'lom ko'ngillilarga nisbatan, og'ir darajadagi buyrak yetishmovchiligi (kreatinin klirensi <30 ml/minut) bo'lgan patsiyentlarda deksmedetomidinning farmakokinetikasi o'zgarmaydi.

Yangi tug'ilgan chaqaloqlarda (homiladorlikning 28-44-chi haftasida tug'ilgan chaqaloqlarda) va 17 yoshgacha bo'lgan bolalar va o'smirlarda olingan ma'lumotlar cheklangan. Deksmedetomidinning yarim chiqarilish davri 1 oylikdan 17 yoshgacha bo'lgan bolalar va o'smirlarda katta patsiyentlarda kuzatilganiga muvofiq kelgan, lekin yangi tug'ilgan chaqaloqlarda (1 oylikkacha) ancha uzoq davr kuzatiladi. 1 oylikdan 6 yoshgacha bo'lgan yosh guruhida tana vazni bo'yicha muvofiqlashtirilgan qon plazmasidan klirensi yuqoriroq bo'lgan, lekin kattaroq yoshdagi bolalar va o'smirlarda pasaygan. Yangi tug'ilgan (1 oylikkacha bo'lgan) chaqaloqlarda tana vazni bo'yicha muvofiqlashtirilgan qon plazmasidan klirensi xali yetuklik darajasiga yetmaganligi tufayli, kattaroq yoshdagi guruhlardagiga nisbatan pastroq (0,9 l/soat/kg) bo'lgan. Mavjud ma'lumotlar quyidagi jadvalda keltirilgan:

Xavfsizlik bo'yicha klinika oldi ma'lumotlari

Bir marta va ko'p marta yuborilgandagi farmakologik xavfsizlikni, toksiklikni, shuningdek genotoksiklikni o'rganish yuzasidan umum qabul qilingan tadqiqotlarga asoslangan klinika oldi tadqiqotlaridan kelib chiqib, ushbu dori vositasi odam uchun xavf tug'dirmaydi degan xulosaga kelish mumkin.

Reproduktiv toksiklikni o'rganish yuzasidan kalamushlarda o'tkazilgan tadqiqotlarda deksmedetomidin erkak va urg'ochilardagi fertillikka ta'sir ko'rsatmagan, shuningdek quyonlar va kalamushlarda teratogen samaralar ham aniqlanmagan. Quyonlarda o'tkazilgan tadqiqotlarda preparatning sutkada 96 mkg/kg li maksimal dozasini vena ichiga yuborilishi natijasidagi ekspozitsiya, odamda terapevtik doza yuborilgandagi ekspozitsiya bilan bir xil bo'lgan. Kalamushlarda o'tkazilgan tadqiqotlarda sutkada 200 mkg/kg li maksimal dozani teri ostiga yuborilishi homila o'limini oshishini va homila vaznini kamayishini chaqirgan. Aftidan, bu urg'ochi hayvondagi toksiklik bilan bog'liq bo'lgan. Homilaning tana vaznini kamayishi kalamushlarda, sutkada 18 mkg/kg dozada qo'llab fertillik o'rganilganda aniqlangan, sutkada 54 mkg/kg dozani qo'llanilishi ossifikatsiyani kechikishi bilan kechgan. Kalamushlarda erishilgan ekspozitsiya darajasi, odamda terapevtik doza yuborilganidagiga qaraganda pastroq bo'lgan.

Qo'llash usuli va dozalar
1-Ko'rsatma. Jadal terapiya bo'limidagi katta patsiyentlarda sedatsiya, ular uchun zarur sedatsiya chuqurligi darajasi tovushli stimulyatsiyaga javoban uyg'onish darajasidan oshmaydi (Richmond qo'zg'alish-sedatsiya shkalasi (RASS) bo'yicha 0 dan -3 ballgacha bo'lgan diapazonga to'g'ri keladi).
Faqat statsionar sharoitida qo'llash uchun mo'ljallangan. Deksmedetomidin EVER Farma preparati faqat jadal terapiya bo'limidagi patsiyentlar bilan ishlash va operatsiya xonasida patsiyentlarda anesteziya o'tkazish uchun maxsus o'qitilgan shifokorlar/tibbiy personal tomonidan qo'llanilishi lozim.
Intubatsiya qilingan va sedatsiya o'tkazilgan patsiyentlar, keyinchalik patsiyentning individual javobiga qarab, sedatsiyaning istalgan chuqurlik darajasiga erishish uchun soatiga 0,2 dan 1,4 mkg/kg gacha bo'lgan dozalar atrofida dozaga tuzatish kiritilishi bilan, boshlang'ich infuziya tezligi soatiga 0,7 mkg/kg bo'lgan deksmedetomidinga o'tkazilishlari mumkin. Holsizlangan patsiyentlarda oldindan ancha past infuziya tezligini qo'llash imkonini ko'rib chiqish kerak. Deksmedetomidin kuchli ta'sir etuvchi dori vositasidir, infuziya tezligi bir soat deb tayinlanadi. Dozaga tuzatish kiritilganidan keyin sedatsiyaning yangi barqaror darajasiga (muvozanatli holat) erishish uchun bir soatgacha vaqt talab etilishi mumkin.
Maksimal doza
Preparatning soatiga 1,4 mkg/kg maksimal dozasini oshirmaslik kerak. Deksmedetomidin EVER Farma preparatining maksimal dozasida yetarli sedatsiya darajasiga erishmagan patsiyentlar muqobil sedativ preparatga o'tkazilishlari lozim.
Preparatning yuklama dozasini yuborish tavsiya etilmaydi, chunki bunda dori preparatiga nisbatan noxush reaktsiyalarni rivojlanish tezligi oshadi. Zarurat bo'lganida Deksmedetomidin EVER Farma preparatining klinik samarasi aniqlanguniga qadar propofol yoki midazolam qo'llanilishi mumkin.
Qo'llash davomiyligi
Deksmedetomidin EVER Farma preparatini 14 kundan ortiq vaqt davomida qo'llash tajribasi yo'q. Deksmedetomidin EVER Valinjekt preparatini ushbu davrdan ortiq vaqt davomida qo'llanganda patsiyentning holatini muntazam baholab turish lozim.
2-Ko'rsatma. Intubatsiya qilinmagan patsiyentlarda diagnostik yoki jarrohlik manipulyatsiyalardan oldin va/yoki ular vaqtida sedatsiya, masalan ambulator aralashuvlarda/es-xushi saqlangan holda sedatsiya.
Deksmedetomidin EVER Farma preparati faqat operatsiya xonasidagi patsiyentlarda yoki diagnostik manipulyatsiyalar vaqtida patsiyentlarda anesteziya o'tkazish uchun maxsus o'qitilgan shifokorlar/tibbiy personal tomonidan qo'llanilishi lozim. Agar deksmedetomidin es-hushi saqlangan holda sedatsiya uchun qo'llanayotgan bo'lsa, patsiyentlarni jarrohlik aralashuvini o'tkazishda ishtirok etmayotgan odam kuzatishi lozim. Patsiyentlarni, arterial gipotenziya, arterial gipertenziya, bradikardiya, nafasni susayishi, apnoe, hansirash va/yoki gipoksiyani rivojlanishi yuzasidan uzluksiz kuzatuvini o'tkazish kerak.
Kislorodni qo'shimcha berilish yo'liga ega bo'lish va zarurati bo'lganida uni amalga oshirish lozim. Qonni kislorod bilan to'yinish darajasini uzluksiz monitoringini o'tkazish lozim.
Deksmedetomidin EVER Farma preparati yuklama infuziyasi ko'rinishida va undan keyin keluvchi samarani bir maromda tutb turuvchi infuziya ko'rinishida qo'llaniladi. Manipulyatsiya turiga qarab, istalgan klinik samaraga erishish uchun tegishli dori terapiyasini o'tkazish zarur bo'lishi mumkin. Og'riqli aralashuvlarda yoki agar chuqur sedatsiya talab etilsa, qo'shimcha analьgetiklar yoki sedativ vositalarni (masalan, midazolam, propofol va opioidlarni) qo'llash tavsiya etiladi.
Sedatsiyani induktsiya qilish
Katta patsiyentlarda: 1,0 mkg/kg doza bilan 10 minut davomida yuklama infuziya o'tkaziladi. Kamroq invaziv aralashuvlarda, masalan, oftalьmologik jarrohlikda, 0,5 mkg/kg doza bilan 10 minut davomida yuklama infuziya o'tkazish yetarlidir.
Katta patsiyentlarni xushi o'zidaligida kamera yordamida kuzatish yo'li bilan intubatsiya qilinganda: 1,0 mkg/kg doza bilan 10 minut davomida yuklama infuziya o'tkaziladi.
65 yoshdan oshgan patsiyentlarda: dozani pasaytirish imkoniyatini ko'rib chiqish kerak.
Jigar funktsiyasini buzilishi bo'lgan patsiyentlarda: dozani pasaytirish imkoniyatini ko'rib chiqish kerak.
Sedatsiyani bir maromda tutib turish:
Katta patsiyentlarda: odatda, soatiga 0,6 mkg/kg doza bilan samarani bir maromda tutib turuvchi infuziya o'tkaziladi, so'ngra esa, dozani titrlash yordamida 0,2 dan 1,0 mkg/kg/soat gacha bo'lgan doza chegarasida dozani asta-sekin tanlash amalgan oshiriladi. Samarani bir maromda tutib turuvchi infuziya tezligini istalgan sedatsiya darajasidan kelib chiqib, to'g'rilash kerak.
Katta patsiyentlarni xushi o'zidaligida kamera yordamida kuzatish yo'li bilan intubatsiya qilinganda: endotraxeal trubkani qo'yishdan oldin soatiga 0,7 mkg/kg doza bilan samarani bir maromda tutib turuvchi infuziya tavsiya etiladi.
65 yoshdan oshgan patsiyentlarda: dozani pasaytirish imkoniyatini ko'rib chiqish kerak.
Jigar funktsiyasini buzilishi bo'lgan patsiyentlarda: dozani pasaytirish imkoniyatini ko'rib chiqish kerak.
Maxsus patsiyentlar guruhi
Keksa yoshdagi patsiyentlar
Dozaga tuzatish kiritish imkoniyatini ko'rib chiqish kerak.
Buyrak funktsiyasini buzilishi bo'lgan patsiyentlar
Buyrak funktsiyasini buzilishi bo'lgan patsiyentlarda dozaga tuzatish kiritish talab etilmaydi.
Jigar funktsiyasini buzilishi bo'lgan patsiyentlar
Deksmedetomidin jigarda metabolizmga uchraydi, demak, jigar funktsiyasini buzilishi bo'lgan patsiyentlarda ushbu preparatni ehtiyotkorlik bilan qo'llash kerak. Samarani bir maromda tutib turuvchi dozani pasaytirish imkoniyatini ko'rib chiqish kerak.
Bolalar va o'smirlar:
0 dan 18 yoshgacha bo'lgan bolalar va o'smirlarda deksmedetomidinning xavfsizligi va samaradorligi isbotlanmagan.
Qo'llash usuli
Deksmedetomidin EVER Farma preparati faqat suyultirilgandan keyin nazorat qilinadigan infuzion nasos yordamida vena ichiga infuziyalar ko'rinishida qo'llaniladi. Deksmedetomidin EVER Farma preparatini bolyus yordamida yuborish mumkin emas.

Simptomlari
Klinik tadqiqotlar va postregistratsion qo'llash doirasida deksmedetomidinning dozasini oshirib yuborilishining bir necha hollari to'g'risida xabar berilgan. Mavjud ma'lumotlarga muvofiq, bunday hollarda yuborish tezligi 20 oylik bolada 36 minuti davomida soatiga 60 mkg/kg ga va katta yoshdagi patsiyentda 15 minut davomida soatiga 30 mkg/kg ga yetgan. Bunday hollarda dozani oshirib yuborilishi oqibatida eng ko'p uchraydigan noxush reaktsiyalar bradikardiya, arterial bosimni pasayishi, xaddan tashqari sedatsiya, uyquchanlik va yurakni to'xtab qolishi bo'lgan.
Davolash
Klinik simptomlar bilan namoyon bo'luvchi dozani oshirib yuborilishi hollarida deksmedetomidin infuziyasini kamaytirish yoki to'xtatish kerak. Kutilayotgan samaralar asosan yurak-qon tomir tizimidan bo'lib, ularni klinik ko'rsatmalarga muvofiq bartaraf etish kerak. Yuqori kontsentratsiyalarda arterial bosimni oshishi, uni pasayishidan ko'proq kuzatilishi mumkin. Klinik tadqiqotlarda sinus tugunini to'xtab qolishi mustaqil ravishda yoki atropin va glikopirroniy bromidini yuborilishiga javoban tuzalgan. Dozani og'ir oshirib yuborilishining yurakni to'xtab qolishi bilan kechuvchi ayrim hollarida reanimatsion chora-tadbirlarni o'tkazish talab etilgan.

Nomutanosiblik
Dori vositasini boshqa dori vositalari bilan bir vaqtda qo'llash mumkin emas.
Mutanosiblikni o'rganish yuzasidan o'tkazilgan tadqiqotlarning natijalariga ko'ra, deksmedetomidinning tabiiy rezinaning ayrim turlariga nisbatan adsorbtsiya potentsiali mavjudligi namoyish etilgan. Deksmedetomidinning dozasini tanlash sedativ samaraning darajasi bo'yicha amalga oshirilishiga qaramay, faqat sintetik rezinadan yoki qoplamali tabiiy rezinadan olingan zichlagichlarning komponentlarini ishlatish tavsiya etiladi.

Kuzatuv
Qo'llanilishiga bo'lgan ko'rsatmalarga muvofiq Deksmedetomidin EVER Farma preparati jadal terapiya bo'limida, operatsiya xonasida yoki diagnostik aralashuvlarda qo'llash uchun mo'ljallangan. Uni boshqa sharoitlarda qo'llash tavsiya etilmaydi. Deksmedetomidin EVER Farma preparatining infuziyasi vaqtida barcha patsiyentlarda yurak faoliyatining uzluksiz monitoringi amalga oshirilishi lozim.
Deksmedetomidin yuborilganidan so'ng tiklanish davri taxminan bir soatni tashkil etadi. Deksmedetomidin ambulator patsiyentlarda qo'llanganda, patsiyentning individual holatiga qarab, kamida shu davr davomida sinchkov kuzatuvni ta'minlash kerak. Patsiyentning xavfsizligini ta'minlash uchun tibbiy kuzatuvni kamida yana bir soat amalga oshirish kerak.
Umumiy ehtiyotkorlik choralari
Deksmedetomidin EVER Farma preparatini bolyus tarzda yuborish mumkin emas. Jadal terapiya bo'limida davolashda ham preparatning yuklama dozasini yubormaslik kerak. Ajitatsiyani, ayniqsa jadal terapiya bo'limida davolashda preparat qo'llangan birinchi soatlar davomida, zudlik bilan nazorat qilishning muqobil usullarini qo'llash lozim.
Deksmedetomidin qabul qilayotgan ayrim patsiyentlar oson uyg'onishgan va stimulyatsiyadan keyin tezda kontaktga kirishishgan. Boshqa klinik simptomlar bo'lmaganida ushbu alomat preparatning samarasizligi sifatida qaralmasligi lozim.
Deksmedetomidin intubatsiya induktsiyasi vositasi sifatida yoki miorelaksantlar qo'llanganda sedatsiyani ta'sinlash uchun qo'llanmasligi lozim.
Ayrim boshqa sedativ vositalardan farqli ravishda, deksmedetomidin tirishishga qarshi ta'sirga ega emas, va demak tirishish faolligini bostirmaydi.
Deksmedetomidinni sedativ ta'sir samarasiga ega bo'lgan yoki yurak-qon tomir tizimiga ta'sir etuvchi dori vositalari bilan bir vaqtda qo'llaganda, additiv samarasi yuz berishi mumkinligi tufayli, ehtiyotkorlikka rioya qilish kerak.
Deksmedetomidin EVER Farma preparatini patsiyent tomonidan nazorat qilinadigan sedatsiya uchun qo'llash tavsiya etilmaydi. Hozirgi vaqtda ma'lumotlar yetarli emas.
Ambulator sharoitlarda qo'llanganda, aralashuv turiga, yondosh dori bilan davolash, patsiyentning yoshi va holatiga qarab, patsiyent quyidagilarni bilib olishi lozim:
Aralashuv o'tkazilgan muassasadan faqat boshqa birovning yordamida tark etish mumkin.
Patsiyent malakani talab etuvchi yoki xavf tug'diruvchi, masalan, transport vositalarini boshqarish kabi faoliyat turlari yana qachon shug'ullana olishi mumkinligini xabar berish kerak.
Sedativ vositalarni (masalan, benzodiazepinlar, opioidlar, alkogolni) qo'llanilishi.
Keksa yoshdagi patsiyentlar
Deksmedetomidinni keksa yoshdagi patsiyentlarda qo'llanganda ehtiyotkorlikka rioya qilish kerak. 65 yoshdan oshgan patsiyentlar deksmedetomidin qo'llanganida arterial gipotenziyani rivojlanishiga ko'proq moyildirlar. Dozani pasaytirish imkonini ko'rib chiqish kerak.
Yurak-qon tomir tizimiga ta'siri va ehtiyotkorlik choralari
Deksmedetomidin EVER Farma preparati yurak qisqarishlari sonini va arterial bosimni pasaytiradi (markazimy simpatolitik ta'sir), lekin yuqoriroq kontsentratsiyalarda arterial bosimni oshishiga olib keluvchi periferik vazokonstriktsiyani chaqiradi (5.1 bo'limga qarang).
Odatda, Deksmedetomidin EVER Farma preparati chuqur sedatsiyaga olib kelmaydi, shuning uchun patsiyentlarni osongina uyg'otish mumkin.
Demak, Deksmedetomidin EVER Farma preparati bunday ta'sirni o'zlashtira olmaydigan patsiyentlarda, masalan, chuqur uzluksiz sedatsiya talab etilgan patsiyentlarda yoki yurak-qon tomir tizimining og'ir beqarorligi bo'lgan patsiyentlarda qo'llash uchun to'g'ri kelmaydi.
Anamnezida bradikardiyasi bo'lgan patsiyentlarda deksmedetomidinni ehtiyotkorlik bilan qo'llash kerak. Yurak qisqarishlari soni < 60 bo'lgan patsiyentlarda preparatning ta'siri to'g'risidagi ma'lumotlar juda cheklangan, shuning uchun bunday patsiyentlar alohida kuzatuvga muhtojdirlar. Bradikardiya, odatda davolashni talab etmaydi, lekin zarurat tug'ilganida m-xolinoblokatorlarni yuborish bilan va preparatning dozasi pasaytirilganda yaxshi bartaraf bo'ladi. Yaxshi jismoniy formada bo'lgan va yurak qisqarishlari soni kam bo'lgan patsiyentlar, α2-adrenoretseptorlar agonistlarining manfiy xronotrop samarasiga ayniqsa sezuvchan bo'lishlari mumkin; sinus tugunini to'xtab qolish holatlari ta'riflangan.
Yondosh arterial gipotenziyasi (ayniqsa vazokonstriktorlarga refrakter) bo'lgan patsiyentlarda, shu jumladan surunkali gipovolemiyasi bo'lgan yoki funktsional zahirasi pasaygan, masalan, yurak qorinchalari og'ir disfunktsiyasi bo'lgan patsiyentlar va keksa yoshdagi patsiyentlarda deksmedetomidinning gipotenziv samarasi yana ham yaqqol namoyon bo'lishi mumkin, shuning uchun bunday patsiyentlarni o'ziga xos parvarish qilish talab etiladi. Arterial bosimni pasayishi, odatda, maxsus choralarni talab etmaydi, lekin zarurat tug'ilganida Deksmedetomidin EVER Farma preparati qo'llanganida dozani pasaytirishga, aylanayotgan qon hajmini to'ldirish uchun qo'llanadigan vositalarni va/yoki vazokonstriktorlarni yuborishga tayyor turish lozim.
Vegetativ nerv tizimini shikastlanishi (masalan, umurtqa pog'onasini jarohati tufayli) bo'lgan patsiyentlarda Deksmedetomidin EVER Farma preparati yuborilganidan so'ng bo'ladigan gemodinamik samaralar yana ham yaqqol namoyon bo'lishi va maxsus nazoratni talab etishi mumkin,
Tranzitor arterial gipertenziya, birinchi navbatda yuklama dozani deksmedetomidinning periferik vazokonstriktor ta'siri bilan bir vaqtda yuborish vaqtida kuzatilgan, shuning uchun yuklama dozani yuborish tavsiya etilmaydi. Oshgan arterial bosimni davolash, odatda talab etilmaydi, biroq preparatni yuborish tezligini pasaytirish tavsiya etilishi mumkin.
Kontsentratsiya oshganidagi lokal vazokonstriktsiya yurak ishemik kasalligi yoki og'ir serebrovaskulyar kasalliklari bo'lgan patsiyentlarda katta ahamiyat kasb etishi mumkin; bunday patsiyentlar sinchkov kuzatuv ostida bo'lishlari lozim. Miokard yoki bosh miya ishemiyasi belgilari bo'lgan patsiyentlarda preparatning dozasini pasaytirish yoki uni yuborishni bekor qilish imkonini ko'rib chiqish kerak.
Jigar funktsiyasini buzilishi bo'lgan patsiyentlar
Og'ir jigar yetishmovchiligi bo'lgan patsiyentlarda ehtiyotkorlikka rioya qilish kerak, chunki preparatning yuqori dozasi yuborilganda deksmedetomidinning pasaygan klirensi noxush reaktsiyalarni rivojlanish xavfini oshishiga, xaddan tashqari sedatsiyaga va samarani uzayishiga olib kelishi mumkin.
Nevrologik kasalliklari bo'lgan patsiyentlar
Deksmedetomidinni bosh miya jarohati va neyroxirurgik operatsiyalardan keyingi operatsiyadan keyingi davr kabi og'ir nevrologik holatlarda qo'llash tajribasi cheklangan. Bunday holatlarda, ayniqsa chuqur sedatsiya zarurati tug'ilganida u ehtiyotkorlik bilan qo'llanlishi lozim. Deksmedetomidin serebral qon oqimini va bosh miya ichki bosimini pasaytirishi mumkin. Buni tearpiyani tanlashda hisobga olish lozim.
Boshqa kasalliklari bo'lgan patsiyentlar
α2-adrenoretseptorlarning agonistlarini, ularni uzoq vaqt qo'llagandan keyin keskin bekor qilinganda kam hollarda bekor qilish sindromi yuz bergan. Deksmedetomidin bekor qilinganidan keyin o'sha zahoti ajitatsiya rivojlanganida va arterial bosim oshganida, ushbu holatni yuz berishi mumkinligini hisobga olish lozim.
Xavfli gipertermiyaga moyil shaxslarda deksmedetomidinni qo'llash xavfsizligi aniqlanmagan. Demak, preparatni mazkur guruh patsiyentlarida qo'llash tavsiya etilmaydi. Noma'lum genezga ega turg'un isitma rivojlanganda Deksmedetomidin EVER Farma preparatini qo'llashni to'xtatish kerak.
Ma'lum ta'sirga ega bo'lgan yordamchi moddalar:
Ushbu preparat 1 mmolь (taxminan 3,5 mg) dan kam natriy saqlaydi, ya'ni u deyarli natriy saqlamaydi.
Homiladorlik vaqtida va emizish davrida qo'llanilishi, fertillikka ta'siri
Homiladorlik
Deksmedetomidinni homilador ayollarda cheklangan qo'llash tajribasi mavjud.
Hayvonlarda o'tkazilgan tadqiqotlarda reproduktiv toksiklik aniqlangan.
Deksmedetomidinni homiladorlik vaqtida hamda bola tug'ishga qodir va kontratseptsiya qo'llamaydigan ayollarda qo'llash tavsiya etilmaydi.
Emizish davri
Mavjud bo'lgan ma'lumotlarga muvofiq, deksmedetomidin yoki uning metabolitlari kalamushlarning ko'krak sutiga o'tadi. Emizilayotgan bolalar uchun ham xavf inkor etilmaydi. Yoxud emizishni to'xtatish, yoxud preparatni qo'llashni to'xtatish lozim. Bunda ham bola uchun emizishning foydasini, ham ona uchun davolashdan kutilgan foydani e'tiborga olish lozim.
Fertillik
Fertillikni o'rganish yuzasidan kalamushlarda o'tkazilgan tadqiqotlarda deksmedetomidin erkak va urg'ochilarda fertillikka ta'sir ko'rsatmagan.
Transport vositalarini boshqarish va mexanizmlar bilan ishlash qobiliyatiga ta'siri
Deksmedetomidin EVER Farma preparati transport vositalarini boshqarish va mexanizmlar bilan ishlash qobiliyatiga ancha sezilarli ta'sir ko'rsatadi.

Dorilarning o'zaro ta'sirini o'rganish yuzasidan tadqiqotlar faqat kattalarda o'tkazilgan.
Deksmedetomidinni anestetiklar, sedativ, uxlatuvchi vositalar va opioidlar bilan bir vaqtda qo'llanilishi, ehtimol, ularning sedatsiya, anesteziya, analьgeziya va kardiorespirator samaralari kabi samaralarini kuchayishiga olib keladi. Maqsadli tadqiqotlarning natijalari, izofluran, propofol, alfentanil va midazolam bilan birga qo'llanganda samaralarni kuchayishini tasdiqladi.
Deksmedetomidin va izofluran, propofol, alfentanil va midazolam o'rtasida farmakokinetik o'zaro ta'sirlar aniqlanmagan. Farmakodinamik o'zaro ta'sirlar yuz berishi mumkinligi tufayli, ularni deksmedetomidin bilan bir vaqtda qo'llanganda, deksmedetomidinning yoki bir vaqtda qo'llanilayotgan anestetiklar, sedativ, uxlatuvchi vositalar va opioidlarning dozasini pasaytirish talab etilishi mumkin.
CYP fermentlari, shu jumladan CYP2B6 deksmedetomidin yordamida ingibitsiya qilinishi, odam jigarining mikrosomal hujayralari inkubatsiya qilinganda tekshirilgan. In vitro sharoitida o'tkazilgan tadqiqotlarga muvofiq, in vivo sharoitlarda deksmedetomidin va asosan CYP2B6 tomonidan metabolizmga uchraydigan substratlar o'rtasida o'zaro ta'sirning potentsial imkoni mavjud.
In vitro sharoitidagi tadqiqotlarning natijalariga muvofiq, deksmedetomidin CYP1A2, CYP2B6, CYP2C8, CYP2C9 va CYP3A4 ni induktsiya qilishi mumkin. Bunday induktsiya in vivo sharoitidagi tadqiqotlarda ham istisno etilmaydi. Klinik ahamiyati noma'lum.
Arterial bosimni pasayishi va bradikardiyani keltirib chiqaruvchi dori vositalarni, masalan, β-adrenoblokatorlarni qabul qilayotgan patsiyentlarda ko'rsatilgan samaralarni kuchayishi mumkinligini hisobga olish lozim, biroq esmolol bilan o'zaro ta'sirni o'rganish yuzasidan tadqiqotlarda additiv samaralar o'rtacha bo'lgan.

1 ml eritma quyidagilarni saqlaydi:
faol modda: deksmedetomidin gidroxloridi - 100 mkg;
yordamchi moddalar: Natriy xloridi - natriy 1 mmolь (3,5 mg) dan kam; in'ektsiya uchun suv.

2 ml sig'imli I tipdagi rangsiz shisha ampulalar.
2 ml, 5 ml va 10 ml sig'imli (to'ldirish hajmi 2, 4 yoki 10 ml bo'lgan), ftorpolimer qoplamali brombutil rezina tiqin bilan berkitilgan I tipdagi in'ektsiya uchun rangsiz shisha flakonlar
O'ram o'lchamlari
2 ml dan 5 ampula
2 ml dan 25 ampula
2 ml dan in'ektsiya uchun 5 flakon
4 ml dan in'ektsiya uchun 4 flakon
4 ml dan in'ektsiya uchun 5 flakon
10 ml dan in'ektsiya uchun 4 flakon
10 ml dan in'ektsiya uchun 5 flakon
Sotuvda barcha o'lchamdagi o'ramlar bo'lmasligi mumkin.
Flakon tibbiyotda ishlatilishiga doir yo'riqnoma bilan birga karton qutiga joylashtirilgan.

Xavfsizlik profilining xulosasi

1-Ko'rsatma: jadal terapiya bo'limida davolanayotgan katta patsiyentlarda sedatsiya

Jadal terapiya bo'limida davolanayotgan patsiyentlarda deksmedetomidin qo'llanganda eng ko'p xabar berilgan noxush reaktsiyalar, taxminan muvofiq ravishda 25, 15 va 13 % patsiyentlarda yuz beruvchi arterial bosimni pasayishi yoki oshishi va bradikardiya hisoblanadi.

Arterial bosimni pasayishi va bradikardiya ham jadal terapiya bo'limidagi randomizatsiyalangan muvofiq ravishda 1,7 va 0,9 % patsiyentlarda yuz beruvchi deksmedetomidinni qo'llanilishi bilan bog'liq bo'lgan eng ko'p uchraydigan jiddiy noxush reaktsiyalar hisoblangan.

2-Ko'rsatma: ambulator aralashuvlarda sedatsiya/es-xushi saqlangan holda sedatsiya

Ambulator aralashuvlarda deksmedetomidin qo'llanganida eng ko'p xabar berilgan noxush reaktsiyalar quyidagilar bo'lgan:

• Arterial bosimni pasayishi (54 % deksmedetomidin qabul qilgan guruhdagi patsiyentlarda va 30 % platsebo guruhida)

• Nafasni susayishi (37 % deksmedetomidin qabul qilgan guruhdagi patsiyentlarda va 32 % platsebo guruhida)

• Bradikardiya (14 % deksmedetomidin qabul qilgan guruhdagi patsiyentlarda va 4 % v platsebo guruhida)

• Noxush reaktsiyalarning jadval ko'rinishidagi ro'yxati

1-Jadvalda sanab o'tilgan noxush reaktsiyalar to'g'risidagi ma'lumotlar, jadal terapiya bo'limidagi randomizatsiya qilingan 3137  nafar patsiyent (1879 nafari deksmedetomidin qabul qilgan, 864 — qiyosiy terapiya va 394 — nafari platsebo qabul qilgan) ishtirok etgan klinik tadqiqotlarning umumlashtirilgan ma'lumotlaridan, shuningdek randomizatsiya qilingan 431  nafar patsiyent (381 nafari deksmedetomidin qabul qilgan, 113 — platsebo) ishtirokidagi uncha katta bo'lmagan aralashuvlarda yengil va o'rtacha sedatsiyani o'rganish yuzasidan klinik tadqiqotlarning umumlashtirilgan ma'lumotlaridan olingan.

Noxush reaktsiyalar quyidagi gradatsiyani ishlatish bilan uchrash tezligi bo'yicha quyilagicha guruhlangan: juda tez-tez (≥ 1/10), tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kam hollarda (≥ 1/10000 dan < 1/1000 gacha), juda kam hollarda (< 1/10000).

1. Jadval: Noxush reaktsiyalarp (1-ko'rsatma va 2-ko'rsatma)

Ayrim noxush reaktsiyalarning ta'rifi

Klinik ahamiyatli bo'lgan arterial bosimni pasayishi va bradikardiya bartaraf etilishi lozim.

Jadal terapiya bo'limida bo'lmagan, deksmedetomidin qabul qilgan nisbatan sog'lom shaxslarda bradikardiya ba'zida sinus tugunini to'xtab qolishiga olib kelgan. Simptomlar oyoqlar ko'tarilganda va atropin va glikopirroniy bromidi kabi 

m-xolinoblokatorlar yuborilganda bartaraf bo'lgan. Ayrim hollarda oldin bradikardiyasi bo'lgan patsiyentlarda u asistoliya epizodlarigacha avj olgan.

Arterial bosimni oshishi yuklama dozani yuborilishi bilan bog'liq bo'lgan. Ushbu reaktsiyani, yuklama dozani yuborishdan saqlanib yoki infuziya tezligini yoki yuklama dozani paaytirib, oldini olish mumkin.

Bolalar va o'smirlar

1 oylikdan katta bolalarni, asosan operatsiyadan keyin 24 soatgacha vaqt davomida jadal terapiya bo'limidagi bolalarni davolashni baholash o'tkazilgan; kattalardagi profilь bilan bir xil xavfsizlik profili namoyish etilgan. Yangi tug'ilgan (homiladorlikning 28-44 haftasida tug'ilgan) chaqaloqlarda qo'llanilishi bo'yicha ma'lumotlar cheklangan va faqat ≤0,2 mkg/kg/soat samarani bir maromda tutib turuvchi doza uchun mavjud xolos. Adabiyotlarda yangi tug'ilgan chaqaloqlarda gipotermik bradikardiyaning yagona bir holati ta'riflangan.

Noxush reaktsiyalar to'g'risida xabar berish

Dori vositasi ro'yxatdan o'tkazilganidan keyin noxush reaktsiyalar to'g'risidagi xabarlar katta ahamiyatga ega. U dori vositasining “foyda-xavf” nisbatini uzluksiz baholab turish imkonini beradi.

Tibbiy xodimlar noxush reaktsiyalarga bo'lgan barcha shubhalar to'g'risida sog'liqni saqlash sferasidagi nazorat bo'yicha Federal xizmat orqali xabar berishlari lozim

Трайсенгассе 5

1200 ВЕНА

АВСТРИЯ

Факс: + 43 (0) 50 555 36207

Веб-сайт: http://www.basg.gv.at/

1. Jadal terapiya bo'limidagi katta patsiyentlarda sedatsiya, ular uchun zarur sedatsiya chuqurligi darajasi tovushli stimulyatsiyaga javoban uyg'onish darajasidan oshmaydi (Richmond qo'zg'alish-sedatsiya shkalasi (RASS) bo'yicha 0 dan -3 ballgacha bo'lgan diapazonga to'g'ri keladi).
2. Intubatsiya qilinmagan patsiyentlarda diagnostik yoki jarrohlik manipulyatsiyalardan oldin va/yoki ular vaqtida sedatsiya, masalan ambulator aralashuvlarda/es-xushi saqlangan holda sedatsiya.

Preparatning har bir ampulasi va in'ektsiya uchun har bir flakon faqat bitta patsiyent uchun mo'ljallangan.

Eritmani tayyorlash

Talab etilgan kontsentratsiyaga (4 mkg/ml yoki 8 mkg/mg) erishish maqsadida Deksmedetomidin EVER Farma preparatini qo'llashdan oldin glyukoza 50 mg/ml (5%) eritmasida, Ringer eritmasida, mannitol eritmasida yoki natriy xloridi 9 mg/ml (0,9%) eritmasida yoxud 4 mkg/ml, yoxud 8 mkg/ml kontsentratsiyagacha erishish uchun suyultirish mumkin. Quyida jadvalda infuziya uchun eritma tayyorlash uchun zarur bo'lgan kontsentrat va infuzion muhit (eritma) hajmi keltirilgan.

Agar talab etilgan kontsentratsiya 4 mkg/ml ni tashkil etsa:

Agar talab etilgan kontsentratsiya 8 mkg/ml ni tashkil etsa:

Tayyorlangan eritmani, uning komponentlari to'liq aralashishi uchun ehtiyotkorlik bilan chayqatish lozim.

Qo'llashdan oldin Deksmedetomidin EVER Farma preparatini yot zarrachalar borligi va rangini o'zgarishini aniqlash yuzasidan vizual tarzda tekshirish kerak.

Deksmedetomidin EVER Farma preparati quyidagi infuziya uchun eritmalar va preparatlar bilan mutanosib ekanligi namoyish etilgan:

Ringer laktat eritmasi, 50 mg/ml (5 %) glyukoza eritmasi, 9 mg/ml (0,9 %) natriy xloridi eritmasi, 200 mg/ml (20 %) mannitol eritmasi, tiopental natriy, etomidat, vekuroniy bromidi, pankuroniy bromidi, suktsinilxolin, atrakuriy besilati, mivakuriy xloridi, rokuroniy bromidi, glikopirolat bromidi, fenilefrin gidroxloridi, atropina sulьfati, dofamin, noradrenalin, dobutamin, midazolam, morfin sulьfati, fentanil sitrati va plazma o'rnini bosuvchi vositalar.

Ishlatilmagan preparat mahalliy qonunchilik talablariga muvofiq utilizatsiya qilinishi kerak.