DIOSPERIDIN

QO‘LLASH BO‘YICHA YO‘RIQNOMA

DIOSPERIDIN

DIOSPERIDIN

Preparatning savdo nomi: Diosperidin

Ta‘sir etuvchi modda (XPN): diosmin, gesperidin

Dori shakli: plyonka qobiq bilan qoplangan tabletkalar.

Tarkibi:

Plyonka qobiq bilan qoplangan bir tabletka quyidagilarni saqlaydi:

faol moddalar: diosmin – 450 mg, gesperidin – 50 mg;

yordamchi moddalar: natriy kraxmalglikolyat, mikrokristall sellyuloza, jelatin, talk, magniy stearati.

Qobiq quyidagilarni saqlaydi: gliserin, gipromelloza 2910, makrogol 6000, natriy laurilsulfati, temir (III) oksidi, temir (II) oksidi (Ye172), titan dioksidi (Ye171), magniy stearati.

Ta‘rifi: pushti-och jigar rang, oval shaklli, ikki tomonlama qavariq, sindirish chiziqchasi bilan plyonka qobiq bilan qoplangan tabletkalar.

Farmakoterapevtik guruhi: angioprotektorlar va majmuadagi mikrosirkulyasiya korrektorlari.

ATX kodi: S05SA53

Farmakologik xususiyatlari

Farmakodinamikasi

Diosperidin venalarning tonusini oshiruvchi va angioprotektiv xususiyatlarga ega. Venoz darajada – venalarning cho‘ziluvchanligini va venoz dimlanishni kamaytiradi. Mikrosirkulyasiya darajasida – o‘tkazuvchanlik, kapillyarlarning mo‘rtligini kamaytiradi va ularning rezistentligini oshiradi. Kapillyarlarning yuqori mo‘rtligi belgilari bo‘lgan pasientlarda preparat bilan davolagandan keyin kapillyarlarning angiostereometrik usulda aniqlangan rezistentligi oshgan. Venoz tonusni oshiradi: venoz okklyuzion pletizmografiya yordamida venosh bo‘shalish vaqtini kamayishi namoyish etilgan. Oyoqlarning funksional va organik surunkali venoz yetishmovchiligida, shuningdek proktologiyada gemorroyni davolaganda terapevtik samaradorligi isbotlangan.

Diosmin – bioflavonoiddir. Gesperidin bilan majmuada venalarning tonusini oshiruvchi va angioprotektiv ta‘sir ko‘rsatadi. Venalarning tonusini oshiradi va cho‘ziluvchanligini kamaytiradi, bu venoz dimlanishni kamayishiga olib keladi; kapillyarlarning o‘tkazuvchanligini kamaytiradi va ularning rezistentligini oshiradi; mikrosirkulyasiya va limfani oqimini yaxshilaydi. Gesperidin bilan birga oyoqlarning surunkali venoz yetishmovchiligini, surunkali gemorroy va o‘tkir gemorroidal xurujlarni davolash uchun qo‘llanadi.

Farmakokinetikasi

Me‘da-ichak yo‘llarida tez so‘riladi. Preparat asosan axlat bilan chiqariladi. Preparatning qabul qilingan miqdorining taxminan 14% siydik bilan chiqariladi.

Yarim chiqarilish davri 11 soatni tashkil qiladi. Preparat yuqori darajadagi metabolizmga ega, bu siydikda fenol kislotalarining mavjudligi bilan namoyish etilgan.

Qo‘llanilishi

• oyoqlarning organik va funksional tabiatli surunkali veno limfatik yetishmovchiligi (shishlar, og‘riq, oyoqlarda og‘irlik);
• o‘tkir va surunkali gemorroyda qo‘llanadi.

Qo‘llash usuli va dozalari

Peroral qo‘llash uchun buyuriladi.

Surunkali venolimfatik yetishmovchilikni davolash (shishlar, og‘riq, oyoqlarda og‘irlik, tungi tirishishlar, trofik yaralar, limfadema va boshqalar): sutkada 2 tabletka (ikki marta qabul qilish) ovqatlanish vaqtida buyuriladi. Bir xafta qo‘llagandan keyin sutkada 2 tabletkadan ovqat bilan birga qabul qilish mumkin.

Surunkali gemorroy: sutkada 2 tabletka (ikki marta qabul qilish) ovqatlanish vaqtida buyuriladi. Bir xafta qo‘llagandan keyin sutkada 2 tabletkadan ovqat bilan birga qabul qilish mumkin.

O‘tkir gemorroy: birinchi 4 kun davomida sutkada 6 tabletka va keyingi 3 kun davomida sutkada 4 tabletkadan buyuriladi. Ovqatlanish vaqtida qo‘llanadi. Tabletkalarning sutkalik miqdorini 2-3 marta qabul qilishga bo‘linadi.

Davolash kursi va dozasi qo‘llashga ko‘rsatmalar, kasallikning kechishiga bog‘liq va shifokor tomonidan belgilanadi. Davolashning o‘rtacha davomiyligi 2-3 oyni tashkil qiladi.

Nojo‘ya ta‘sirlari

Me‘da-ichak yo‘llari tomonidan (diareya, ko‘ngil aynishi, qusish) va neyrovegetativ buzilishlar (bosh aylanishi, bosh og‘rig‘i, umumiy lohaslik); kam hollarda  – toshma, qichishish, eshakemi. Preparatni bekor qilishni talab etuvchi jiddiy nojo‘ya samaralar kuzatilmagan.

Qo‘llash mumkin bo‘lmagan holatlar

• preparatga ma‘lum yuqori sezuvchanlik;
• bolalarda qo‘llash mumkin emas.

Homiladorlik va laktasiya davri

Homiladorlikning birinchi uch oyida preparatni qo‘llashdan saqlanish kerak.

Preparatni ko‘krak suti bilan ajralishi yuzasidan ma‘lumotlarni yo‘qligi tufayli, preparatni emizikli onalarda qo‘llash tavsiya etilmaydi.

Dorilarning o‘zaro ta‘siri

Kuzatilmagan.

Maxsus ko‘rsatmalar

Gemorroy zo‘rayganida ushbu preparatni buyurish boshqa buzilishlarni spesifik davolashning o‘rnini bosmaydi. Davolash davomiyligi “Qo‘llash usuli va dozalari” bo‘limida ko‘rsatilgan muddatlardan oshmasligi kerak. Agar qisqa muddat davolagandan keyin simptomlar bartaraf etilmasa, proktologik tekshiruv o‘tkazish va qo‘llanilayotgan davolashni qayta ko‘rib chiqish kerak.

Venoz qon aylanishining buzilishlari bo‘lganida davolashning maksimal samarasi quyoshda uzoq vaqt bo‘lishdan saqlanish, tana vaznini kamaytirish, piyoda yurish va ayrim hollarda qon mikrosirkulyasiyasini yaxshilovchi maxsus paypoqlarni taqishni o‘zi ichiga oluvchi muvofiqlashtirilgan sog‘lom turmush tarzi bilan ta‘minlanadi.

Transport vositalari yoki potensial xavfli mexanizmlarni boshqarish qobiliyatiga ta‘siri

Preparat transport vositalari yoki potensial xavfli mexanizmlarni boshqarish qobiliyatiga ta‘sir ko‘rsatmaydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborilishi holatlari kuzatilmagan.

Chiqarilish shakli

Plyonka qobiq bilan qoplangan 15 tabletka PVX blisterda. 2 PVX blister tibbiyotda qo‘llash bo‘yicha yo‘riqnomasi bilan karton qutida.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

O‘ramida ko‘rsatilgan.

Dorixonalardan berish tartibi

Reseptsiz.