KETORAYT

Dori shakli

In'ektsiya uchun eritma.

Farmakokinetikasi

Deksketoprofen trometamol mushak ichiga yuborilgandan keyin plazma oqsillari bilan bog'lanishi Cmax ga o'rtacha 20 minut (10-45 minut) dan keyin erishiladi. 25-50 mg dozada bir marta yuborilgandan so'ng “kontsentratsiya-vaqt” maydonini (AUC) ham mushak ichiga, ham vena ichiga yuboriladigan dozaga proportsionaldir. Taalluqli farmakokinetik ko'rsatkichlar bir marta va takroran mushak ichiga yoki vena ichiga yuborilgandan keyingi ko'rsatkichlarga o'xshash bo'lib, bu dori vositasining to'planishini yo'qligini namoyon qiladi.

Taqsimlanishi

Deksketoprofen trometamol uchun plazma oqsillari bilan yuqori bog'lanish darajasi xosdir (99%). O'rtacha taqsimlanishini ko'rsatkichlari (vd) 0.25 l/kg dan kamroq bo'lib, yarim taqsimlanish vaqti – taxminan 0.35 soatni tashkil qiladi.

Сhiqarilishi

Deksketoprofenning asosiy eliminatsiya yo'li uning glyukuron kislotasi bilan kon'yugatsiya bo'lib kelgusida buyraklar orqali chiqarilish holda hisoblanadi. Deksketoprofen trometamolning T1/2 taxminan 1-2.7 soatni tashkil qiladi.

Alohida klinik holatlardagi farmakokinetikasi

Keksa yoshdagi shaxslarda T1/2 davomiyligi (ham bir marta, ham takroran mushak ichiga yoki vena ichiga yuborilgandan keyin) o'rtacha 48% gacha uzayishi va preparatning umumiy klirensi pasayishi kuzatiladi.

Maxsus shartlar

Anamnezda ovqatni hazm qilish tizimi tomonidan buzilishlar yoki me'da-ichak kasalliklari bo'lgan patsientlar doimiy nazorat qilinishi kerak. Me'da-ichakda qon ketish yoki yarali shikastlanish paydo bo'lgan taqdirda, Ketorayt preparati bilan davolash bekor qilinishi kerak.

Barcha NYaQP trombotsitlar agregatsiyasini susaytirishi va prostaglandinlar sintezi sekinlashishi oqibatida qon ketish vaqtini oshirishi mumkinligi tufayli nazorat qilinadigan klinik tadqiqotlarda operatsiyadan keyingi davrda profilaktika dozalarida deksketoprofen trometamol va past molekulyar geparin dori vositalarining bir vaqtda buyurilishi o'rganilgan. Koagulyatsiya ko'rsatkichlariga hech qanday ta'sir kuzatilmagan. Shunga qaramay, Ketorayt preparati qon ivish xususiyatiga ta'sir ko'rsatuvchi boshqa preparatlari bilan bir vaqtda buyurilganda sinchkov tibbiy nazorat talab etiladi.

NYaQP kabi Ketorayt qon plazmasida kreatinin va azot darajalari oshishiga olib kelishi mumkin. Boshqa prostaglandinlar sintezi ingibitorlari kabi Ketorayt siydik chiqarish tizimiga nojo'ya ta'sir ko'rsatishi, bu esa glomerulonefrit, interstitsial nefrit, papillyar nekroz, nefrotik sindrom va o'tkir buyrak yetishmovchiligi rivojlanishiga olib kelishi mumkin.

NYaQP kabi Ketorayt preparati bilan davolashda jigar ayrim ko'rsatkichlarining biroz o'tkinchi oshishi, shuningdek qon zardobida AST va ALT darajalari sezilarli oshishi mumkin. Bunda keksa yoshdagi patsientlarda jigar va buyraklar funktsiyalarini nazorat qilish kerak. Taalluqli ko'rsatkichlar sezilarli oshgan taqdirda, Deksketoprofen qo'llashini bekor qilish kerak.

NYaQP kabi deksketoprofen trometamol infektsion kasalliklar simptomlarini niqoblashi mumkin. Ketorayt preparati bilan davolashda bakterial infektsiyalar simptomlari paydo bo'lgan yoki sog'lig'i yomonlashgan taqdirda, patsient bu to'g'risida shifokorga ma'lum qilishi kerak.

Ketorayt preparatning har bir ampulasida 200 mg etanol mavjud.

Homiladorlik va laktatsiya davrida qo'llanishi 

Ketorayt preparatning homiladorlik va laktatsiya davrida qo'llash mumkin emas.

Jigar funktsiyalarini buzilishlarida qo'llanishi

Preparat og'ir (Сhayld-P'yu shkalasi bo'yicha 10-15 ball) jigar funktsiyalari buzilishlarida qo'llash mumkin emas.

Jigar funktsiyalari yengil darajali buzilishlari bo'lgan patsientlarda Ketorayt preparati bilan davolashni pastroq dozalardan boshlanishi kerak; sutkalik doza 50 mg.ni tashkil etadi.

Buyrak funktsiyalari buzilishlarida qo'llanishi 

Preparat buyrak funktsiyalari og'ir buzilishlarida qo'llash mumkin emas (KK < 50 ml/min).

Buyrak funktsiyalari yengil darajali buzilishlari bo'lgan patsientlarda Ketorayt preparati bilan davolash pastroq dozalardan boshlanishi kerak; sutkalik doza 50 mg.ni tashkil etadi.

Keksa yoshdagi patsientlarda qo'llanishi

Preparat keksa yoshdagi (65 yoshdan katta yoshdagi) patsientlarda ehtiyotkorlik bilan qo'llanishi kerak.

Avtotransportni boshqarish va boshqa mexanizmlar bilan ishlash qobiliyatiga ta'siri

Ketorayt preparat bilan davolashda bosh aylanishi va uyquchanlik paydo bo'lishi tufayli diqqatni jamlash qobiliyati va psixomotor reaktsiyalar tezligi pasayishi mumkin.

Homiladorlik va laktatsiya davrida qullanishi

Кеторайт препаратнинг ҳомиладорлик ва лактация даврида қўллаш мумкин эмас.

Dozirovkasi

Ketorayt vena ichiga va mushak ichiga yuborish uchun mo'ljallangan.

Kattalar uchun tavsiya etiladigan doza: har 8-12 soatda 50 mg. Zarur hollarda, preparatni 6 soatlik interval bilan takroran yuborilishi mumkin. Sutkalik doza 150 mg ni tashkil qiladi.

Ketorayt o'tkir og'riq sindromi davrida qisqa muddatli (eng ko'pi bilan 2 kun) qo'llash uchun mo'ljallangan. Keyinchalik patsient ichga qabul qilish uchun anal'getiklarga o'tkazilishi mumkin.   

Pediatrik profil'li patsientlar. 

Ketoraytning xavfsiziligi va samaradorligi bolalarda va o'smirlarda aniqlanmagan; bu yoshdagi patsientlarda preparatni qo'llash mumkin emas.

Keksa yoshdagi patsientlarda va jigar va/yoki buyrak funktsiyalari buzilishiga ega patsientlarda Ketorayt preparat bilan davolash pastroq dozalardan boshlanishi kerak; sutkalik doza 50 mg ni tashkil qiladi.

Mushak ichiga o'tqazish texnikasi

Bitta ampula ichidagi (2 ml) asta - sekin mushak ichiga chuqur yuboriladi.

Vena ichiga o'tqazish texnikasi

Bitta ampula ichidagi (2 ml) eng kamida 15 sek davomiyligida asta - sekin vena ichiga in'ektsiya orqali yuboriladi.

Vena ichiga infuziya o'tqazish texnikasi

Bitta ampula ichidagi (2 ml) 30-100 ml 0,9% li natriy xlorid eritmasida, 5% li glyukoza eritmasi yoki Ringer (laktat) eritmasida eritiradi. Eritmani aseptik sharoitlarda tayyorlash va har doim kunduzgi yorug'lik ta'siridan himoya qilish kerak. Eritilgan eritma (tiniq bo'lishi kerak) 10-30 min davomiyligida asta-sekin vena ichiga infuziya orqali yuboriladi.

Nojo'ya samaralari

Nojo'ya samaralar rivojlanish tez-tezligi: tez-tez (1-10%), tez-tez emas (0.1-1%), kam hollarda (0.01-0.1%), juda kam hollarda (0.01% dan kam, shu jumladan alohida xabarlar).

Qon yaratish tizimi tomonidan: kam hollarda – anemiya; juda kam hollarda – neytropeniya, trombotsitopeniya.

Markaziy nerv tizimi tomonidan: tez-tez emas – bosh og'rig'i, bosh aylanishi, uyqusizlik, uyquchanlik; kam hollarda – paresteziya.

Sezgi a'zolari tomonidan: tez-tez emas – ko'rishni noaniqligi; kam hollarda – quloq shang'illashi.

Yurak-qon tomir tizimi tomonidan: tez-tez emas – arterial gipotenziya, issiqlik his qilish, teri qoplamalari giperemiyasi; kam hollarda – ekstrasistoliya, taxikardiya, arterial gipertenziya, periferik shish, yuzaki tromboflebit.

Nafas tizimi tomonidan: kam hollarda – bradipnoe; juda kam hollarda – bronxospazm, dispnoe.

Ovqat hazm qilish tizimi tomonidan: tez-tez – ko'ngil aynishi, qusish; tez-tez emas – abdominal og'riq, dispepsiya, diareya, qabziyat, gematemezis, og'iz qurishi; kam hollarda – me'da-ichak yo'li a'zolarining eroziv-yarali shikastlanishlari, shu jumladan qon ketishlar va perforatsiyalar, anoreksiya, jigar fermentlarini faolligi oshishi, sariqlik; juda kam hollarda – me'da osti bezini shikastlanishi, jigar shikastlanishi.

Siydik chiqarish tizimi tomonidan: kam hollarda – poliuriya, buyrak sanchig'i; juda kam hollarda – nefrit yoki nefrotik sindrom.

Reproduktiv tizimi tomonidan: kam hollarda – ayollarda – hayz tsikli buzilishi, erkaklarda – prostata bezining funktsiyasini buzilishi.

Suyak-mushak tizimi tomonidan: kam hollarda – mushak spazmi, bo'g'imlarda harakatlarni qiyinlashishi.

Dermatologik reaktsiyalar: ba'zida – dermatit, toshma, ko'p terlash; kam hollarda – husnbuzar toshmasi; juda kam hollarda – fotosensibilizatsiya.

Allergik reaktsiyalar: kam hollarda – eshakemi; juda kam hollarda – og'ir teri reaktsiyalari (Stivens-Djonson sindromi, Layell sindromi), angionevrotik shish, allergik dermatit.

Moddalar almashinuvi tizimi tomonidan: kam hollarda – giperglikemiya, gipoglikemiya, gipertriglitseridemiya.

Laborator ko'rsatkichlari tomonidan: kam hollarda – ketonuriya, proteinuriya.

Mahalliy va umumiy reaktsiyalari: tez-tez – in'ektsiya joyida og'riq; tez-tez emas – yallig'lanish reaktsiyasi, gematoma, in'ektsiya joyida gemorragiya, issiqlik his qilish, et uvishish, charchoqlik; kam hollarda – belda og'riq, hushidan ketish, isitma; juda kam hollarda – anafilaktik shok, yuz shishi.

Boshqalar: ko'proq tizimli yugurik yoki biriktiruvchi to'qimaning aralash kasalliklari bo'lgan patsientlarda paydo bo'ladigan aseptik meningit, gematologik kasalliklar (purpura, aplastik va gemolitik anemiya, kam hollarda – agranulotsitoz va ko'mik gipoplaziyasi).

Dori vositalarining o'zaro ta'siri

Quyida keltirilgan dori vositalari bilan o'zaro ta'sirlar barcha NYaQP, shu jumladan Deksketoprofenga xosdir.

Tavsiya etilmaydigan majmualar

Bir necha NYaQP, shu jumladan salitsilatlarning yuqori (sutkasiga 3 g.dan ko'proq) dozalarda bir vaqtda buyurilishi ta'sir sinergizmi oqibatida me'da-ichakda qon ketishlar va yaralar paydo bo'lish xavfini oshiradi.

Peroral antikoagulyantlar, profilaktik dozalardan yuqori dozalarda geparin va tiklopidin bilan bir vaqtda buyurilganda trombotsitlar agregatsiyasi susaytirilishi va me'da-ichak yo'li shilliq pardasi shikastlanishi tufayli qon ketishlar rivojlanish xavfi kuchayadi.

NYaQP qon plazmasida litiy kontsentratsiyasini toksikliga qadar oshiradi, shu tufayli mazkur ko'rsatkich NYaQP buyurilishida, dozalar o'zgartirilishida va qabul qilish bekor qilingandan so'ng nazorat qilinishi kerak.  

Metotreksat bilan yuqori (haftasiga 15 mg va undan ko'proq) dozalarda qo'llanganda, NYaQP bilan davolashda uning buyrak klirensi pasayishi tufayli metotreksatning gematologik toksikligi kuchayishi yuz beradi.

Gidantoin va sul'fanilamid preparatlari bilan bir vaqtda qo'llanganda ushbu dori vositalarining toksik ta'siri kuchayish xavfi mavjud.

Ehtiyotkorlikni talab etadigan majmualar

Diuretiklar, APF ingibitorlari bilan bir vaqtda qo'llanish zarur hollarda, NYaQP bilan davolash suvsizlanishi (prostaglandinlar sintezi bosilishi bilan bog'liq glomerulyar fil'tratsiya pasayishi) bshlgan patsientlarda o'tkir buyrak yetishmovchiligi rivojlanishi bilan bog'liq ekanligini e'tiborga olish kerak. NYaQP ayrim dori vositalarining gipotenziv samarasini kamaytirishi mumkin. Diuretiklar bilan bir vaqtda buyurilganda patsientning suv muvozanati mos ekanligiga ishonch hosil qilish va NYaQP buyurishdan oldin buyrak funktsiyalarini tekshirish kerak.

Metotreksat bilan past (haftasiga 15 mg.dan kamroq) dozalarda bir vaqtda qo'llanganda, NYaQP bilan davolashda uning buyrak klirensi pasayishi tufayli metotreksatning gematologik toksikligi kuchayishi mumkin. Bir vaqtda davolashning birinchi haftalarida qon hujayralari soni har hafta tekshirishi kerak. Hatto yengil darajali buyrak funktsiyalari buzilishlari mavjud holatda, shuningdek keksa yoshdagi shaxslarda sinchkov tibbiy kuzatuv olib borilishi kerak.

Pentoksifillin bilan bir vaqtda qo'llanganda, qon ketishlar rivojlanish xavfi kuchayadi. Qon ketishlar vaqti (qonning ivish vaqti) jadal klinik monitoringi o'tkazilishi va tez-tez nazorat qilishi kerak.

Zidovudin bilan bir vaqtda qo'llanganda, NYaQP buyurilgandan so'ng bir haftadan keyin og'ir anemiya rivojlangan holda retikulotsitlarga ta'sir bilan bog'liq eritrotsitlarga toksik ta'sir kuchayish xavfi mavjud. NYaQP bilan davolash boshlangandan 1-2 haftadan keyin barcha qon hujayralari va retikulotsitlar nazorat qilinishi kerak.

NYaQP ta'siri ostida plazma oqsillari bilan bog'lanish joylaridan siqib chiqarilish oqibatida sul'fonilmochevina hosilalarining gipoglikemik ta'siri kuchayishi mumkin.

Past molekulyarli geparin dori vositalari bilan bir vaqtda qo'llanganda qon ketishlar rivojlanish xavfi kuchayadi.

E'tiborga olinishi kerak bo'lgan majmualar

NYaQP beta-adrenoblokatorlarning gipotenziv ta'sirini kamaytirishi mumkin, bu prostaglandinlar sintezi susaytirilishi bilan bog'liq.

NYaQP tsiklosporin va takrolimus bilan bir vaqtda qo'llanganda nefrotoksikligini kuchaytirishi mumkin, bu buyrak prostaglandinlari ta'siri bilan bog'liq. Majmuaviy davolash o'tkazish vaqtida buyrak funktsiyasini nazorat qilish kerak.

Trombolitiklar bilan bir vaqt buyurilganda qon ketishlar rivojlanish xavfi kuchayadi.

Probenetsid bilan bir vaqtda qo'llanganda plazmada NYaQP kontsentratsiyalari oshishi mumkin, bu esa buyrak sekretsiyasi susaytirilishi va/yoki glyukuron kislotasi bilan kon'yugatsiya sababli yuzaga kelishi mumkin. Bu NYaQP dozasiga tuzatish kiritilishini talab etadi.

NYaQP qon plazmasida yurak glikozidlari kontsentratsiyalari oshirilishini qo'zg'atishi mumkin.

Prostaglandinlar sintezi ingibitorlari ta'siri ostida mifepriston samaradorligi o'zgarishi nazariy xavfi tufayli NYaQP mifepriston qo'llanishi bekor qilingandan so'ng eng kamida 8-12 sutkadan keyin buyurilishi kerak.

Hayvonlarda o'tkazilgan tajriba tadqiqotlarida olingan ma'lumotlar yuqori dozalarda tsiprofloksatsin bilan davolashda NYaQP buyurilganda konvul'siya rivojlanish yuqori xavfidan dalolat beradi.

Farmatsevtik o'zaro ta'sirlar

Ketoraytni bitta shpritsda dopamin, prometazin, pentazotsin, petidin yoki gidroksizin bilan aralashtirish mumkin emas (cho'kindi hosil bo'ladi).

Ketoraytni bitta shpritsda geparin, lidokain, morfin va teofillin eritmasi bilan aralashtirish mumkin.

Ketorayt preparatning infuziya uchun aralashtirilgan eritmasini prometazin yoki pentazotsin bilan aralashtirish mumkin emas.

Ketorayt preparatning infuziya uchun aralashtirilgan eritmasi dopamin, geparin, gidroksizin, lidokain, morfin, petidin va teofillin kabi in'ektsiya uchun eritmalar bilan birga qo'llanishi mumkin.

Ketorayt preparatning infuziya uchun aralashtirilgan eritmalari plastik konteynerlarda saqlanganda yoki etilvinilatsetat, tsellyuloza propionat, past zichlikli polietilen yoki polivinilxloriddan tayyorlangan infuziya tizimlaridan foydalanilganda, ta'sir ko'rsatuvchi moddaning qayd etilgan materiallar tomonidan singishi yuz bermaydi.

Tarkibi va ishlab chiqarilish shakli

Tarkibi:

1 ml eritma quyidagilarni saqlaydi:

faol modda: deksketoprofen trometamoli – 36,9 g, bu 25,0 mg deksketoprofenga to'g'ri keladi.

yordamchi moddalar: etanol 96 %, natriy xloridi; natriy gidroksidi; in'ektsiya uchun suv – 1 ml.gacha.

Farmakodinamikasi

Nosteroid yallig'lanishga qarshi preparat (NYaQP). Og'riq qoldiruvchi, yallig'lanishga qarshi va isitma tushiruvchi ta'sir ko'rsatadi. Ta'sir qilish mexanizmi TsOG-1 va TsOG-2 darajada prostaglandinlar sintezini susaytirish bilan bog'liq.

Og'riq qoldiruvchi ta'sir parenteral yuborilgandan so'ng 30 minut dan keyin boshlanadi. 50 mg dozada yuborilgandan so'ng og'riq qoldiruvchi samara davomiyligi 4-8 soatni tashkil qiladi.

Opioid anal'getiklar bilan majmuaviy davolashda deksketoprofen trometamol opioidlarga bo'lgan ehtiyojni ancha (30-45% gacha) pasaytiradi.

Sotish shartlari

Retsept bo'yicha beriladi.

Maxsus saqlash sharoitlari

Yorug'likdan himoyalangan joyda 25°C dan yuqori bo'lmagan haroratda saqlansin.

Dori vositasi bolalar ololmaydigan joyda saqlansin.

Yaroqlilik muddati

2 yil. O'ramda ko'rsatilgan yaroqlilik muddati tugagandan so'ng ishlatilmasin. 

Faqat tiniq va rangsiz eritmalarni qo'llash kerak. 

Eritma aralashtirilgandan so'ng yorug'likdan himoyalangan joyda 2°C dan 8°C gacha harorat ostida 24 soat davomida saqlansin.

Ta'rifi

O'ziga xos spirt hidli tiniq, rangsiz suyuqlik.

Dozani oshirib yuborilishi

Simptomlari: ko'ngil aynishi, anoreksiya, abdominal og'riq, bosh og'rig'i, bosh aylanishi, dezorientatsiya, uyqusizlik.

Davolash: simptomatik davolash; zarur hollarda, me'dani yuvish, dializ.