LAMITOR ko'rsatmalar
| Farmakoterapevtik guruh: | - Противосудорожное средство |
| Ishlab chiqaruvchi: | - Artemis Life care Limited, Китай произведено: Nucleus Formulation Pvt. Ltd |
| Ishlab chiqarilish joyi: | - Hindiston |
| Kategoriya: | - Antiepileptik vositalari |
QO‘LLASH BO‘YICHA YO‘RIQNOMA
LAMITOR-ARTEMIS
LAMITOR-ARTEMIS
Preparatning savdo nomi: Lamitor-Artemis
Ta‘sir etuvchi modda (XPN): lamotridjin
Dori shakli: plyonka qobiq bilan qoplangan tabletkalar
Tarkibi:
Bir tabletka quyidagilarni saqlaydi:
faol modda: lamotridjin – 100 mg
yordamchi moddalar: mannitol, P.V.P.K, mikrokristall sellyuloza, izopropil spirti, magniy stearati, talk, natriy kraxmal glikolyati, natriy kroskarmelloza, kiron T-314, kolloid kremniy oksidi, gidroksipropilmetilsellyuloza, laktoza monogidrati, titan dioksidi, etilsellyuloza, polietilenglikol 6000, dixlormetan.
Ta‘rifi: dumaloq shaklli, ikki yoqlama qavariq, ikki tomoni silliq, oqdan deyarli oq rangli plyonka qobiq bilan qoplangan tabletkalar.
Farmakoterapevtik guruhi: tirishishga qarshi vosita.
ATX kodi: N03AX09.
Farmakologik ta‘siri
Tirishishga qarshi vositadir. Ta‘sir mexanizmi presinaptik membrananing potensialga bog‘liq natriy kanallariga ta‘siri bilan bog‘liq. Bu mediatorlarni, birinchi navbatda aminokislotalarni qo‘zg‘atuvchi, bosh miyada epileptik to‘lqinlarni shakllanishida muhim rol o‘ynovchi glutamatni sinaptik yoriqqa ajralib chiqishini kamayishiga olib keladi.
Farmakokinetikasi
Lamotridjin ichga qabul qilingandan keyin me‘da-ichak yo‘llaridan tez va to‘liq so‘riladi. Plazmadagi Smax ga taxminan 2,5 soatdan keyin erishiladi. Plazma oqsillari bilan bog‘lanishi 55% ni tashkil qiladi. Asosiy metaboliti N-glyukuronid hosil bo‘lishi bilan jadal metabolizmga uchraydi.
Kattalarda T1/2 o‘rtacha 29 soatni tashkil qiladi. Asosan metaboliti ko‘rinishida buyrak orqali chiqariladi; faol moddaning taxminan 8% o‘zgarmagan ko‘rinishda chiqariladi.
T1/2 kattalarga nisbatan bolalarda pastroq.
Qo‘llanilishi
Parsial va tarqalgan toniko-klonik tirishish xurujlarida (ko‘pincha tirishishga qarshi boshqa vositalar bilan davolashga rezistent holatlarda) qo‘llanadi.
Qo‘llash usuli va dozalari
Kattalar va 12 yoshdan oshgan bolalar uchun ichga qabul qilganda boshlang‘ich bir martalik doza 25-50 mg, samarani bir maromda ushlab turuvchi doza sutkada 100-200 mg ni tashkil qiladi. Kam hollarda sutkada 500-700 mg dozalar talab etilishi mumkin.
2 yoshdan 12 yoshgacha bo‘lgan bolalar uchun boshlang‘ich doza sutkada 0,2-2 mg/kg, samarani bir maromda ushlab turuvchi doza sutkada 1-15 mg/kg ni tashkil qiladi.
2 yoshdan 12 yoshgacha bo‘lgan bolalar uchun minimal sutkalik doza qo‘llanilayotgan davolash sxemasiga qarab 200-400 mg ni tashkil qiladi.
Qabul qilish tez-tezligi, qabul qilish orasidagi interval doza oshirilganda qo‘llanilayotgan davolash sxemasi, o‘tkazilayotgan davolashga pasientning reaksiyasiga bog‘liq.
Nojo‘ya ta‘sirlari
Teri tomonidan: teri toshmalari, Stivens-Djonson sindromi, toksik epidermal nekroliz.
Qon yaratish tizimi tomonidan: neytropeniya, leykopeniya, anemiya, trombositopeniya, pansitopeniya, aplastik anemiya, agranulositoz, limfadenopatiya.
Immun tizimi tomonidan: o‘ta yuqori sezuvchanlik sindromi, shu jumladan isitma, limfadenopatiya, yuzni shishi, qon tomonidan va jigar funksiyasini buzilishi, DVS-sindrom, ko‘p a‘zolar tomonidan buzilishlar.
Ruhiyat tomonidan: ta‘sirchanlik, tajavuzkorlik, tiklar, gallyusinasiyalar, ongni chalkashishi.
Markaziy nerv tizimi tomonidan: bosh og‘rig‘i, uyquchanlik, uyqusizlik, bosh aylanishi, tremor, ataksiya, nistagm.
Sezgi a‘zolari tomonidan: diplopiya, ko‘rishni noaniqligi, kon‘yunktivit.
Me‘da-ichak yo‘llari tomonidan: ko‘ngil aynishi, qusish, diareya.
Jigar va o‘t chiqarish yo‘llari tomonidan: “jigar” fermentlari faolligini oshishi, jigar funksiyasini buzilishi, jigar yetishmovchiligi.
Mushak va biriktiruvchi to‘qima tomonidan: yuguriksimon sindrom.
Nerv tizimi tomonidan: bosh og‘rig‘i, ajitasiya, uyquchanlik, bosh aylanishi.
Umumiy reaksiyalar: og‘riq, belda og‘riq.
Qo‘llash mumkin bo‘lmagan holatlar
- lamotridjin yoki preparatning har qanday komponentiga yuqori sezuvchanlik;
- 2 yoshgacha bo‘lgan bolalarda qo‘llash mumkin emas.
Ehtiyotkorlik bilan: homiladorlik va laktasiya davri.
Dorilarning o‘zaro ta‘siri
Tirishishga qarshi vositalar – jigarda metabolizm induktorlari (shu jumladan fenitoin, karbamazepin, fenobarbital, primidon) bilan bir vaqtda qo‘llanilganda lamotridjinning metabolizmi tezlashadi. Lamotridjin va karbamazepin yoki fenitoinni bir vaqtda qo‘llaganda lamotrodjinning T1/2 kamayishi kuzatiladi. Lamotridjin bilan davolash boshlanganidan keyin karbamazepin qabul qilayotgan pasientlarda bosh aylanishi, ataksiya, diplopiya, ko‘rishni noaniqligi va ko‘ngil aynishi haqida xabarlar mavjud.
Valtroat natriy ta‘siri ostida jigarning mikrosomal fermentlarini ingibisiyasi oqibatida, bir vaqtda qo‘llanilganda lamotridjinning metabolizmi sekinlashadi, lamotrodjinning T1/2 oshadi.
Maxsus ko‘rsatmalar
Buyrak yetishmovchiligi bo‘lgan pasientlarda ehtiyotkorlik bilan qo‘llanadi.
Keksa yoshdagi pasientlarda lamotridjinni qo‘llash mumkin emas.
Yaqqol teri allergik reaksiyalari paydo bo‘lganda lamotridjinni qo‘llashni to‘xtatish kerak.
Lamotridjinni to‘satdan bekor qilganda tutqanoq ko‘rinishlari kuchayishi mumkin, shuning uchun dozani 2 xafta davomida kamaytirib, davolashni asta-sekin bekor qilish kerak.
Karbamazepin bilan bir vaqtda qo‘llanilganda bosh aylanishi, diplopiya, ataksiya, ko‘rishni buzilishi, ko‘ngil aynishi kuzatilishi mumkin. Bu ko‘rinishlar odatda karbamazepinning dozasi kamaytirilganda o‘tib ketadi.
2 yoshgacha bo‘lgan bolalarda lamotridjinni qo‘llash mumkin emas.
Homiladorlik va laktasiya davri
Lamotridjinni homiladorlik va laktasiya davrida qo‘llashning xavfsizligi yuzasidan klinik ma‘lumotlar yetarli emas.
Homiladorlikda qo‘llash zaruratini hal qilganda ona uchun davolashdan foyda va homila uchun potensial xavfini solishtirish kerak.
Dastlabki ma‘lumotlar lamotridjin plazmadagi konsentrasiyasining 40-45% ni tashkil qiluvchi konsentrasiyalarda ko‘krak sutiga kirishini namoyish qilgan. Onalari lamotridjin qabul qilgan ko‘pgina emizikli bolalarda nojo‘ya ta‘sirlar kuzatilmagan.
Avtotransportni haydash va mexanizmlarni boshqarish qobiliyatiga ta‘siri
Davolash davrida psixomotor reaksiyalarning tezligini pasayishi kuzatiladi. Buni diqqatni yuqori jamlash va psixomotor reaksiyalarning tezligini talab etuvchi faoliyat turlari bilan shug‘ullanuvchi shaxslarda e‘tiborga olish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Simptomlari: nistagm, ataksiya, ongini chalkashishi,va koma.
Davolash: gospitalizasiya va klinik manzara yoki milliy toksikologik markaz tavsiyalariga muvofiq tutib turuvchi davolashni o‘tkazish tavsiya etilagn.
Chiqarilish shakli
10 tabletkadan alyumin folgali yoki alyumin folga va PVX plyonkali blisterda. 3, 10 blisterdan qo‘llash bo‘yicha yo‘riqnomasi bilan karton qutiga joylanadi.
Saqlash sharoiti
Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.
Yaroqlilik muddati
3 yil.
Dorixonalardan berish tartibi
Resept bo‘yicha.
